ပြည်တွင်းကုန်သွယ်မှုသတင်း

          ပဲခူးတိုင်းဒေသကြီး၊ ပြည်ခရိုင်အနေဖြင့် ဆီထွက်သီးနှံများဖြစ်ကြသော နှမ်းနှင့် မြေပဲသီးနှံများအား အဓိကထား၍စိုက်ပျိုးကြပြီး နေကြာကို  ယခင်က နေကြာကို အနည်းငယ်သာစိုက်ပျိုးကြပြီး ယခုနောက်ပိုင်းကာလများတွင် ပြည်တွင်းစားသုံးဆီ ဖူလှုံမှုရှိစေရန်အတွက် စမ်းသပ်စိုက်ပျိုးလာကြပါသည်။ နေကြာကို ဧကပြတ်စိုက်ပျိုးကြသလို ပဲမျိုးစုံ စိုက်ခင်းများထဲတွင်လည်း သီးထပ် သီးညှပ်စိုက်ပျိုးကြကြောင်း သိရပါသည်။  နေကြာထွက် ရှိမှုနည်းသဖြင့် ပြည်မြို့ရှိ ဆီစက်များအနေဖြင့် နေကြာဆီကြိတ်ခွဲထုတ်လုပ်မှုမှာလည်း မရှိသလောက်နည်းပါးကြပါသည်။ ၂၀၂၅ခုနှစ် နှစ်ကုန်ခါနီးဖြစ်၍ တစ်နှစ်လုံးတွင် အရောင်းအဝယ်ဖြစ်ခဲ့သော ဆီထွက်သီးနှံ နှမ်းနှင့် မြေပဲ၏ ဈေးနှုန်းများကို အောက်ပါအတိုင်း ဖော်ပြလိုက် ရပါသည်-

          ၂၀၂၅ခုနှစ်တွင်ဖြစ်ပေါ်ခဲ့သော နှမ်းဈေးနှုန်းများမှာ နှမ်းနီဈေးမှာ နှစ်စဖြစ်သော ဇန်နဝါရီလ မှစ၍ တစ်တင်းလျှင် (၁၂၀၀၀၀)ကျပ်ဖြင့် စက်တင်ဘာလအထိ ဈေးပြောင်းလဲမှုမရှိဘဲ ဈေးငြိမ်နေခဲ့ပါသည်။ အောက်တိုဘာလမှစ၍ ဒီဇင်ဘာလအထိ တစ်တင်းလျှင် (၁၁၀၀၀၀)ကျပ်ဖြင့် ဈေးကျဆင်း လာခဲ့ပါသည်။ နှမ်းနက်ဈေးမှာလည်း ဇန်နဝါရီလနှင့် ဖေဖော်ဝါရီလတွင် တစ်တင်း လျှင် (၁၇၃၀၀၀)ကျပ်ဈေးဖြင့် အရောင်းအဝယ်ဖြစ်ခဲ့ပြီး မတ်လမှ ဇွန်လအထိ တစ်တင်းလျှင် (၁၇၀၀၀၀)ကျပ်ဖြင့် ဈေးအနည်းငယ်ကျဆင်းလာခဲ့ပါသည်။ ဇူလိုင်လမှ စက်တင်ဘာလအထိ တစ်တင်းလျှင်း (၂၂၀၀၀၀)ကျပ်ဖြင့် နှမ်းနက်ဈေးများပြန်လည်မြင့်တက်လာပြီး အောက်တိုဘာလတွင် တစ်တင်းကို (၂၀၀၀၀၀)ကျပ်ဖြင့် ဈေးအနည်းငယ်ပြန်ကျလာပြီး နိုဝင်ဘာလနှင့် ဒီဇင်ဘာလတို့တွင် တစ်တင်းကို (၁၇၀၀၀၀)ကျပ်ဖြင့် ဝယ်လိုအားပေါ်မူတည်၍ ဈေးများကျဆင်းလာခဲ့ပါသည်။ စမုံနက်နှမ်းဈေးများမှာလည်း နှစ်စဖြစ်သော ဇန်နဝါရီလနှင့် ဖေဖော်ဝါရီလတွင် တစ်တင်းကို (၂၁၆၀၀၀)ကျပ်ဖြင့် ဈေးဖွင့်ခဲ့ပြီး မတ်လမှ ဇွန်လအထိ တစ်တင်းလျှင် (၂၀၀၀၀၀)ကျပ်ဖြင့် ဈေးငြိမ်ပြီး ဈေးကျလာခဲ့ပါသည်။ ဇူလိုင်၊ ဩဂုတ်နှင့် စက်တင်ဘာလများတွင် တစ်တင်းလျှင် (၂၅၀၀၀၀)ကျပ်ဖြင့် ဈေးအမြင့်ဆုံးထိမြင့်တက်လာခဲ့ပြီး အောက်တိုဘာလတွင် တစ်တင်းကို (၂၃၀၀၀၀)ကျပ်ဖြင့် ဈေးပြန်ကျလာပြီး၊ နိုဝင်ဘာလတွင် (၂၃၃၀၀၀)ကျပ်ဖြင့် အနည်းငယ် ပြန်မြင့်သရောင်ဖြစ်လာပြီး ဒီဇင်ဘာလတွင် တစ်တင်းကို (၂၂၀၀၀၀)ကျပ်ဖြင့် များပြန်လည်ကျဆင်းလာတာ တွေ့ရပါသည်။

          မြေပဲဈေးနှုန်းများအနေဖြင့်လည်း ပုံမှန်မရှိဘဲ အတက်အကျ အနည်းငယ်ရှိတာ တွေ့ရပါသည်။ မြေပဲဆီကြိတ်ဆန် ဈေးနှုန်းများအနေဖြင့် ဇန်နဝါရီလနှင့် ဖေဖော်ဝါရီလတွင် တစ်ပိဿာကို (၈၀၀၀)ကျပ်ကျော်ဖြင့် အရောင်းအဝယ်ဖြစ်ခဲ့ပြီး မတ်လတွင် တစ်ပိဿာကို (၇၀၀၀)ကျပ်ကျော်ဖြင့် ဈေးအနည်းငယ်ကျဆင်းသွားခဲ့ပါသည်။ ထို့နောက် ဧပြီလမှ စက်တင်ဘာလအထိ တစ်ပိဿာကို (၈၀၀၀)ကျပ်ကျော်ဖြင့် ရောင်းဝယ်လျှက်ရှိခဲ့ပြီး အောက်တိုဘာလတွင် ဈေးပြန်လည်ကျဆင်းလာပြီး တစ်ပိဿာကို (၆၀၀၀)ကျပ်ကျော် ထိရောင်းချခဲ့ပါသည်။ နိုဝင်ဘာလ နှင့်ဒီဇင်ဘာလတို့တွင် တစ်ပိဿာလျှင် (၇၀၀၀)ကျပ်ကျော် ဈေးနှုန်းများပြန်လည်မြင့်တက်လာခဲ့ပါသည်။  ထို့အတူ မြေပဲလုံးဆန်ဈေးမှာလည်း ဇန်နဝါရီလ မှမတ်လအထိ တစ်ပိဿာလျှင် (၈၀၀၀)ကျပ်ကျော်၊ ဧပြီလတွင် (၉၀၀၀)ကျပ် မှ မေလတွင် တစ်ပိဿာကို (၁၀၀၀၀)ကျပ်အထိ ဈေးနှုန်းများ မြင့်တက်လာခဲ့ပါသည်။ ဇွန်လမှ စက်တင်ဘာလတွင် တစ်ပိဿာကို (၉၀၀၀)ကျပ်ကျော် ပြန်ဖြစ်သွားပြီး၊ အောက်တိုဘာလတွင် (၇၀၀၀)ကျပ်ကျော်၊ နိုဝင်ဘာလနှင့် ဒီဇင်ဘာလတို့တွင် တစ်ပိဿာကို (၈၀၀၀)ကျပ်ကျော်ဖြင့် ဈေးအနည်းငယ်ပြန်မြင့်လာပြီး အရောင်းအဝယ်ဖြစ်လျက်ရှိပါသည်။

          ပြည်ခရိုင်၊ ပြည်ဈေးကွက်တွင် ၂၀၂၅ခုနှစ် (၁)နှစ်လုံးတွင် အရောင်းအဝယ်ဖြစ်ခဲ့သော ဆီထွက်သီးနှံ နှမ်းနှင့် မြေပဲဈေးနှုန်းများကို လေ့လာကြည့်ခြင်းအားဖြင့် ဝယ်လိုအားများလျှင် များသလိုအရောင်းအဝယ်ဖြစ်ပြီး ဈေးမြင့်တက်လာခဲ့တာတွေ့ရပါသည်။ စမုံနက်နှမ်းကို မန္တလေး၊ ရန်ကုန်ဝယ်လက်များက အဝယ်ရှိခြင်း၊ နှမ်းနက်ကို ဒေသတွင်းသာ ဝယ်ယူမှုရှိခြင်း၊ နှမ်းနီကို ဆီစက်သမားများကိ ဆီကြိတ်ရန်ဝယ်ယူမှုရှိကြပါသည်။ မြေပဲဆန်ကိုလည်း အောင်လံနှင့် မကွေးဘက်မှ ပြန်လည်ဝယ်ယူတာတွေ့ရပါသည်။ ထို့ကြောင့် ပြည်တွင်း သုတေသနဖွံ့ဖြိုးရေးလုပ်ငန်းများ တိုးတက်စေရန်အတွက် မြေပဲနှင့် နှမ်းကိုမျိုးကောင်းမျိုးသန့်များစိုက်ပျိုးခြင်းဖြင့် အထွက်နှုန်းကောင်း၊ အရေအသွေးကောင်းသော ဆီထွက်သီးနှံများရရှိလာနိုင်မှာဖြစ်ကြောင်း သိရှိရပါသည်။

DOCA(ပဲခူး)

        ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်တွင် ယခင်နှစ် စားသုံးဆီဖူလုံမှု (၅၈.၄၀) ရာခိုင်နှုန်းသာရှိခဲ့ပြီး ယခုနှစ် ၂၀၂၅-၂၀၂၆ ဘဏ္ဍာနှစ်တွင် စားသုံးဆီဖူလုံမှု (၁၀၅.၀၃) ရာခိုင်နှုန်းရရှိရေးအတွက် နွေ၊ မိုး၊ ဆောင်းဆီထွက်သီးနှံများဖြစ်သည့် မြေပဲ၊ နှမ်း၊ နေကြာများတိုးချဲ့စိုက်ပျိုးနိုင်ရေး၊ လယ်ယာကိုင်းကျွန်း စိုက်ပျိုးသူများ၊ သမဝါယမကဏ္ဍစိုက်ခြင်းများအား စည်းရုံးဆောင်ရွက်လျက်ရှိကြောင်း မြို့နယ်စိုက်ပျိုးရေး လုပ်ငန်းညှိနှိုင်းကြီးကြပ်မှုကော်မတီမှ သိရသည်။

        “ကျွန်တော်တို့ သမဝါယမကဏ္ဍအနေဖြင့် ဒီနှစ်ဆောင်းမြေပဲဗီယက်နမ်မျိုး (၂၀) ဧကစိုက်ပျိုးဖို့စီစဉ်ထားပြီး အစေ့ချစက်နဲ့စတင်စိုက်ပျိုးနေပါပြီအခြားအနေနဲ့ မတ်ပဲ (၃၄၂)ဧက၊ ပဲတီစိမ်း (၂၀)ဧက၊ ပိုက်ဆံလျှော် (မျိုးစေ့ထုတ်) (၃၀)ဧကနှင့်နွေစပါး(၁၀၀)ဧက စိုက်ပျိုးဖို့ရှိပါတယ်” ဟုလူငယ့် အားမာန် စိုက်ပျိုးရေးနှင့်လုပ်ငန်းစုံ သမဝါယမအသင်းဥက္ကဌ ဦးဝင်းလှိုင်ကပြောကြောင်း သိရှိရပါသည်။

DOCA(ပဲခူး)

    တနင်္သာရီတိုင်းဒေသကြီး၊ မြိတ်ခရိုင်တွင် သဘာဝပေါက်ပင်များပေါက်ရောက်သော ဒေသ ဖြစ်သလို ဒေသတွင်းစီးပွားဖြစ်ဖြစ်စေ၊ တစ်နိုင်တစ်ပိုင်စားသုံးရန်ဖြစ်စေ စိုက်ပျိုးကြသောပေါက်ပင် များလည်းရှိပေသည်။ စီးပွားဖြစ်စိုက်ပျိုးကြသော အပင်များထဲမှ ကွမ်းရွက်သည် ၂၀၂၆ခုနှစ်၊ ဇန်န ဝါရီလအစတွင် စျေးကောင်းရရှိလျက်ရှိကြောင်းသိရှိရပါသည်။ ကွမ်းရွက်ကို ဒေသတွင်း စားသုံးရန် သာမက ကွမ်းယာနှင့် မြန်မာ့တိုင်းရင်းဆေးလုပ်ငန်းအတွက် မရှိမဖြစ်ဖြစ်ပြီး ဒေသတွင်း ရောင်းချ ကြသလို အခြားတိုင်း/ပြည်နယ်များသို့တင်ပို့လျက်ရှိကြောင်းသိရှိရပါသည်။ ကျေးရွာများနှင့် မြို့များ တွင်ပါစိုက်ပျိုးထားရှိပြီး မြို့ရှိလက်ကားဒိုင်များသို့ပြန်လည်ရောင်းချကြကြောင်း သိရှိရပါသည်။ ကွမ်းယာတွင် အကြမ်း၊ အချောဟူ၍ အမျိုးမျိုးရှိပြီး စျေးနှုန်းမှာလည်းကွဲပြားလျက်ရှိကြောင်း သိရှိရ ပါသည်။

    ကွမ်းရွက်သည် ဆောင်းရာသီနှင့် ပူပြင်းသောနွေရာသီများတွင် အထွက်နှုန်းကျဆင်းပြီး ပိုးမွှားများအန္တရာယ်ကြောင့် စျေးနှုန်းများမြင့်တက်ကြသော်လည်း ယခုဒေသတွင် ဒီဇင်ဘာလ အကုန် ဇန်နဝါရီလအထိ အေးသောရာသီများဖြစ်သောကြောင့် ကွမ်းရွက်ရှားပါးလာသဖြင့် ပို၍ စျေးကောင်းလျက်ရှိကြောင်း သိရှိရပါသည်။ ကွမ်းရွက်သည် ယခင်က အစည်း(၁၀၀)ပေါက် စျေး လျှင် ကျပ်၇၀၀၀၀ခန့်ရှိရာမှ ယခုဇန်နဝါရီလတွင် အစည်း(၁၀၀)ပေါက်လျှင် ကျပ်(၁၈၀၀၀၀) ထိစျေးနှုန်းကောင်းမွန်းလျက်ရှိကြောင်း၊ ဒေသတွင်ကွမ်းရွက်အရွက် (၂၀)ပါတစ်စည်းစည်း၍ မြို့ ပေါ်ရှိဆိုင်များသို့ပြန်လည်ရောင်းချလျက်ရှိကြောင်းသိရှိရပါသည်။ မြိတ်မြို့တွင် ကွမ်းရွက်တစ်စည်း လျှင် ၂၃၀၀ကျပ် ခန့်ရှိနေပြီး ကွမ်းကြမ်းတစ်စည်းလျှင် ကျပ်(၁၅၀၀)ကျပ်ခန့်ရှိကြောင်းသိရှိရပါ သည်။

DOCA(တနင်္သာရီ)

တိုင်းဒေသကြီး/ပြည်နယ် မြို့နယ်များအလိုက် ၁၅-၁-၂၀၂၆ရက်နေ့တွင် ဖြစ်ပေါ်လျက်ရှိသော ဆန်၊ ဆီ၊ မီးဖိုချောင်သုံးပစ္စည်းများ၊ သားငါးနှင့် ဥ‌ဈေးနှုန်းများကို ပူးတွဲပါ ဖိုင်တွင် ကြည့်ရှုနိုင်ပါသည်-

     တနင်္သာရီတိုင်းဒေသကြီး၊ မြိတ်မြို့တွင် ရာသီပေါ်အစားအစာများ၊ ရိုးရာမုန့်မျိုးစုံများ၊ ထား ဝယ်ဒေသထွက်မုန့်မျိုးစုံများ၊ မြိတ်မြို့တွင်းစိုက်ပျိုးထွက်ရှိသည့် သီးနှံဈေးနှုန်းများတို့ကို ဈေးနှုန်း၊ ဈေးကွက်အခြေအနေတို့အား ရေးသားတင်ပြခဲ့ခြင်းဖြစ်ပါသည်။ ထားဝယ်ဒေသထွက် မြန်မာရိုးရာ အစားအစာများသည် မြိတ်မြို့ပေါ်တွင် အိမ်ပြန်လက်ဆောင်များ အဖြစ်အလွန်ပင် ‌ရောင်းအား ကောင်းကြောင်းသိရှိရပါသည်။ ထားဝယ်ဒေသထွက်အစားအစာများသည် ထုတ်ပိုးမှုနှင့် သန့်ရှင်း သန့်ရပ်မှုရှိသောကြောင့်အလွန်ပင်ရောင်းအားကောင်းပြီး ထမင်းစားပြီး အချိုတည့် စရာအဖြစ်လည်း လူကြီး/လူငယ်မရွေးစားသုံးကြကြောင်း သိရှိရပါသည်။

    ယခင်၂၀၂၆ခုနှစ်၊ ဇန်နဝါရီလပထမပတ်တွင် မြိတ်မြို့ပေါ်ရှိ ကုန်မျိုးစုံအရောင်းဆိုင်များ တွင် ရောင်းချနေသော ထားဝယ်မုန့်ကြွပ်(၁၀)ချပ်ပါတစ်ထုပ်လျှင် (၃၀၀၀)ကျပ်၊ (၅)ချပ်ပါ တစ်ထုပ်လျှင် (၁၅၀၀)ကျပ်၊ ကောက်ညင်းမုန့်ကြွပ်တစ်လျှင် (၂၅၀၀)ကျပ်၊ မြေပဲယို၊နှမ်းဖြူ၊ နှမ်းနက်ယိုသုံးမျိုးစပ် တစ်ဘူးလျှင် (၃၈၀၀)ကျပ်၊ထားဝယ်ဒေသခေါ်ဂါဂျိုး (ခေါ်)အုန်းယိုလုံးတစ် ထုပ်လျှင် (၅၅၀၀)ကျပ်၊ ဇီးထညက် တစ်ထုပ်လျှင်(၂၅၀၀)ကျပ်၊ ဇီးတော်ဖီ တစ်ထုပ်လျှင် (၁၀၀၀)ကျပ်၊ ပိန္နဲပျက်တစ်ထုပ် လျှင်(၂၅၀၀)ကျပ်၊ ပါတက်ကား (ခေါက်မုန့်) တစ်ဗူးလျှင် (၁၃၀၀၀)ကျပ်၊ ထန်းလျက်တစ်ပိဿာလျှင် (၉၀၀၀)ကျပ်၊ အစရှိသည့် ထားဝယ်ဒေသထွက်မုန့် မျိုးစုံများလည်းရောင်း ချလျက်ရှိကြောင်း သိရှိရပါသည်။

DOCA(တနင်္သာရီ)