ပြည်တွင်းကုန်သွယ်မှုသတင်း

        စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ပဲလွန်း(၂၃၀၇)ဧက စိုက်ပျိုးကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် ပဲလွန်းပြာနှင့် ပဲလွန်းဖြူများကို အခြားဒေသများမှ မှာယူရောင်းချခြင်းမရှိဘဲ သယ်ယူခကုန်ကျစရိတ်များ သက်သာ စေရန်  ဒေသတွင်းရှိပွဲရုံများမှ ဝယ်ယူရောင်းချကြပါသည်။

ပဲလွန်းပြာ

        ရွှေဘိုမြို့ ဈေးကွက်အတွင်း စက်တင်ဘာလ၊ စတုတ္ထအပတ်တွင်ရောင်းချသည့် ပဲလွန်းပြာ ဈေးနှုန်းမှာ (၁)ပြည်လျှင်(၅၅၀ဝိ/-)ကျပ်နှင့် တစ်တင်းလျှင်(၈၈၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ် တို့၏အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲလွန်းပြာ (၁)ပြည်လျှင် (၅၅၀ဝိ/-)ကျပ်ပေါက်ဈေးရှိခဲ့သဖြင့်  ယခင်အပတ်နှင့်ယခုအပတ်တို့၏ အရောင်းအဝယ် ဖြစ်သည့်ဈေးနှုန်းတူညီကြောင်း၊ ဈေးကွက်အနေဖြင့်ဒေသတွင်းရှိစားသုံးသူများ၊ တစ်ဆင့်ပြန်လည်ရောင်း ချမည့်သူများ၊ ကောက်ညှင်းပေါင်း ရောင်းချသည့်သူများမှ ဝယ်ယူကြကြောင်း ပဲမျိုးစုံရောင်းချသည့် ဆိုင်များမှ သတင်းရရှိပါသည်။

ပဲလွန်းဖြူ

        ရွှေဘိုမြို့ ဈေးကွက်အတွင်း စက်တင်ဘာလ၊ စတုတ္ထအပတ်တွင်ရောင်းချသည့် ပဲလွန်းဖြူ ဈေးနှုန်းမှာ (၁)ပြည်လျှင်(၆၈၀ဝိ/-)ကျပ်နှင့် တစ်တင်းလျှင်(၁၀၈၈၀ဝိ/-)ကျပ်ဖြစ်ကြောင်း၊ ယခင်အပတ် နှင့်ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲလွန်းဖြူ (၁)ပြည်လျှင် (၆၈၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့်ယခုအပတ်တို့၏ အရောင်းအဝယ် ဖြစ်သည့်ဈေးနှုန်းတူညီပြီး ဈေးငြိမ်နေကြောင်း၊  ဈေးကွက်အနေဖြင့်ဒေသတွင်းရှိ စားသုံးသူများ၊ တစ်ဆင့်ပြန်လည် ရောင်းချမည့်သူများ၊ ကောက်ညှင်းပေါင်း ရောင်းချသူများမှ ဝယ်ယူကြကြောင်း ပဲမျိုးစုံရောင်းချသည့် ဆိုင်များမှ သတင်းရရှိပါသည်။

DOCA  (စစ်ကိုင်း)

စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ပဲနီပြားနှင့် ပဲဖြူပြားများ စိုက်ပျိုးမှုမရှိကြောင်း သိရှိရပါသည်။ ပဲမျိုးစုံအသစ်များ မှာဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် ပဲနီပြားနှင့် ပဲဖြူပြားများကို အခြားဒေသများမှ မှာယူရောင်းချခြင်းမရှိဘဲ သယ်ယူခကုန်ကျစရိတ်များ သက်သာစေရန်  ဒေသတွင်းရှိ ပွဲရုံများမှ  ဝယ်ယူရောင်းချကြပါသည်။

ပဲနီပြား

    ရွှေဘိုမြို့ဈေးကွက်အတွင်း စက်တင်ဘာလ၊ စတုတ္ထအပတ်တွင်ရောင်းချသည့် ပဲနီပြားဈေးနှုန်းမှာ (၁)ပြည်လျှင်(၁၁၀၀ဝိ/-)ကျပ်နှင့် တစ်တင်းလျှင်(၁၇၆၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲနီပြား(၁)ပြည် လျှင်(၁၁၀၀ဝိ/-)ကျပ်ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့်သူများ၊ ပဲပြုတ်ရောင်းချသူများ၊ ပဲနီပြားကိုရေစိမ်၍ အခွံချွတ်ပြီးပြန်လည်ရောင်းချသူများ၊ ကိုယ်တိုင်ကြော်သည့် ပဲကြမ်းကြော်ဖိုများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြ ကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

ပဲဖြူပြား

    ရွှေဘိုမြို့ ဈေးကွက်အတွင်း စက်တင်ဘာလ၊ စတုတ္ထအပတ်တွင်ရောင်းချသည့် ပဲဖြူပြား ဈေးနှုန်းမှာ (၁)ပြည်လျှင်(၈၅၀ဝိ/-)ကျပ်နှင့် တစ်တင်းလျှင်(၁၃၆၀၀ဝိ/-)ကျပ်ဖြစ်ကြောင်း၊ ယခင်အပတ် နှင့်ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲဖြူပြား (၁)ပြည်လျှင် (၈၅၀ဝိ/-)ကျပ်ပေါက်ဈေးရှိခဲ့သဖြင့် ယခင်အပတ်နှင့်ယခုအပတ်တို့၏ အရောင်းအဝယ် ဖြစ်သည့်ဈေးနှုန်းတူညီပြီး ဈေးငြိမ်နေကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည်ရောင်းချမည့်သူများ၊ ပဲဖြူပြားကို ရေစိမ်ပြီးအခွံချွတ်၍ ပြန်လည်ရောင်းချသူများ၊ ကိုယ်တိုင်ကြော်သည့် ပဲကြမ်းကြော်ဖိုများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြ ကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA  (စစ်ကိုင်း)

           မိတ္ထီလာခရိုင်၊မိတ္ထီလာမြို့သည် သီးနှံမျိုးစုံ စိုက်ပျိုးဖြစ်ထွန်းလျှက်ရှိရာ ဖူးစားပြောင်းသီးနှံကို ၃၅၉၇ ဧက စိုက်ပျိုးနိုင်ခဲ့ပြီး ယခုအချိန်တွင် မိတ္ထီလာမြို့နယ်၌ စိုက်ပျိုးဧက အားလုံးရိတ်သိမ်းပြီးဖြစ် ကြောင်းသိရသည်။

          ဖူးစားပြောင်းစိုက်ပျိုးရာတွင် ထိုင်ဝမ်သကြားပြောင်း၊ထောပတ်ပြောင်းနှင့် ရှမ်းပြောင်းမျိုးများ ကိုသာ အများဆုံးစိုက်ပျိုးကြသည်။ တစ်ဧက ကုန်ကျစရိတ်အနေဖြင့် မျိုး၊သွင်းအားစု၊လုပ်သားခ အပါအဝင် စုစုပေါင်း ကျပ် (၁၀)သိန်းကျော်ကုန်ကျကြောင်း၊ (၁)ဧက အထွက်နှုန်းအနေဖြင့် ပြောင်းဖူး (၆၀၀၀)ခန့်ထွက်ရှိပြီး ထိုင်ဝမ်သကြားပြောင်းဖူးသည် လူကြိုက်များသောကြောင့် အရောင်းသွက်ပြီး ဈေးကောင်းရကြောင်း၊ ဈေးနှုန်းအနေဖြင့် ပြောင်းဖူးအရွယ်အစားအပေါ် မူတည်ပြီး ဈေးနှုန်းကွာခြားမှု ရှိ၍ ယခင်နှစ် ပြောင်းဖူးပေါ်ချိန်တွင် ဖောက်သည်ဈေး ၊ လက်ကားဈေးအနေဖြင့် ပြောင်းဖူးတစ်ဖူးလျှင် (၅၀၀)ကျပ်နှင့် ရောင်းချခဲ့ရပြီး ယခုနှစ်ဖောက်သည်ဈေးအနေဖြင့် ထိုင်ဝမ်သကြားပြောင်းဖူး (၁)ဖူးလျှင် (၇၀၀)ကျပ် လက်လီဈေးအနေဖြင့် တစ်ဖူးလျှင် (၈၀၀-၁၀၀၀)ကျပ်ဖြင့် ရောင်းချရကြောင်း သိရသည်။

          ဈေးကွက်အနေဖြင့် မိတ္ထီလာမြို့သို့တိုက်ရိုက်ရောင်းချကြသည့်အပြင် ပွဲစားများမှလည်း စိုက်ခင်းအထိ လာရောက်ဝယ်ယူကြသည်။ မိတ္ထီလာမြို့ရှိ ပိတောက်မြိုင်ဈေး၊ မြို့မဈေး၊ ကွက်သစ်ဈေး၊ ပေါက်ချောင်းဈေး၊မြို့သစ်ဈေး၊ချည်စက်ဈေးများတွင် လက်လီရောင်းချကြသည်။ အကျိုးအမြတ်အနေဖြင့် အထွက်နှုန်းနှင့်ဈေးနှုန်းအပေါ် မူတည်၍ ကျပ်သိန်း(၂၀)ဝန်းကျင်ခန့် မြတ်ကြောင်း ၊ ယခုနှစ် ပြောင်းဖူးဈေးနှုန်းသည် ယခင်နှစ်ထက် ဈေးပိုမိုကောင်းမွန်သောကြောင့် ဖူးစားပြောင်းသီးနှံကို ပိုမိုတိုး ချဲ့ စိုက်ပျိုးသင့်ကြောင်း ရေးသားလိုက်ရပါသည်။

DOCA(မန္တလေး)

      မြန်မာနိုင်ငံတောင်ပိုင်းရှိ မြိတ်ဒေသတွင် ငါးများနှင့် ပင်လယ်စာပေါင်းစုံသာမက အမျိုး မျိုးသော သစ်သီးဝလံများ ထွက်ရှိလျက်ရှိသည်။ ထိုထဲတွင် “ခရုအိုးစုပ်” ဟူသော အရသာ ထူးခြားသော ပင်လယ်စာအခြေခံအစားအစာသည် မြိတ်ဒေသတွင် လူကြိုက်များသည့် အစား အစာတစ်ခု ဖြစ်သည်။

      “ခရုအိုးစုပ်” သည် ပင်လယ်စာအမျိုးအစားတစ်ခုဖြစ်ပြီး Protein ၊Omega-3 fatty acid ၊ Calcium၊ Iron၊ Zinc များပါဝင်သဖြင့် နှလုံးသွေးကြောကျန်းမာရေးအတွက် အကျိုးရှိစေသည်။ ခရုအိုးစုပ်များကို အမျိုးမျိုးချက်ပြုတ် စားသောက်ကြပြီး တစ်ခါတရံတွင် အုန်းနို့ဖြင့်ချက်ပြုတ်၍လည်း စားသုံးကြသည်။ ထိုင်းလူမျိုးအများစုသည် ရိုးရာပွဲများ၊ ပွဲလမ်းသဘင်များတွင် ပိုမိုစားသောက်ကြပြီး ထိုင်းနိုင်ငံသို့ လာရောက်လည်ပတ်သည့် နိုင်ငံခြားသား ခရီးသွားများ၊ ကမ်းခြေတွင်လာရောက်အပန်းဖြေသည့် ပြည်သူများ၊ နိုင်ငံခြား သားများမှလည်း နှစ်ခြိုက်စွာစားသုံးကြပါသည်။ ထို့ကြောင့် လူကြိုက်များသည့် မြန်မာနိုင်ငံမှ ခရုအိုးစုပ်အရှင်များသည် ထိုင်းနိုင်ငံ၏ ဈေးကွက်လိုအပ်ချက်မြင့်မားလာသည့် တင်ပို့ကုန် ရေထွက်အမယ်တစ်ခု ဖြစ်သည်။

     ခရုအိုးစုပ်သည် အစားအသောက်အဖြစ်သာမက မြိတ်ဒေသ၏ အရသာထွက်ကုန် တစ်မျိုးအဖြစ် လူသိများလာခဲ့ပြီး ဒေသခံများအတွက် ဝင်ငွေအရင်းအမြစ်တစ်ခု ဖြစ်စေသည်။ ၂၀၂၅ခုနှစ်၊ စက်တင်ဘာလ စတုတ္ထပတ်တွင် မြိတ်မြို့ရှိ စျေးကွက်အတွင်းရောင်းချနေသော ခရုအိုးစုပ်၏စျေးနှုန်းမှာ နို့ဆီဗူး (၁)ဗူးလျှင် (၈၀၀)ကျပ်နှုန်းဖြင့် ရောင်းဝယ်လျက်ရှိကြောင်း သတင်းရရှိပါသည်။

DOCA(တနင်္သာရီ)

    တနင်္သာရီတိုင်းဒေသကြီး၊ မြိတ်မြို့ပေါ်တွင် အုန်းပင်သည် အလွန်ပင်များပြား စွာပေါက်သော အပင်တစ်မျိုးဖြစ်သည်။ အုန်းပင်သည် မြန်မာနိုင်ငံအနှံ့အပြားနှင့် ပင်လယ် ကမ်းရိုးတန်းဒေသများတွင် အများအပြားပေါက်လေ့ရှိသည်။ မြိတ်မြို့အတွင်းရှိ အုန်းသီးနုရည် များကို ဈေးကြီးများနှင့် လမ်းဘေးဈေးသည်များမှ ရောင်းချနေ‌ကြောင်း သိရှိရပါသည်။ အုန်းသီးနုရည်များကို စားသုံးသူများသောကြောင့် ဈေးကွက်ချဲ့ထွင်သူများလည်း အလွန်ပင် များပြားလာကြောင်း သိရှိရပါသည်။ အုန်းသီးနုရည်များကို အုန်းချိုမွှေးနှင့် အုန်းဂျယ်လီများ လည်း ပြုလုပ်ရောင်းချနေကြောင်းလည်း တွေ့ရှိရပါသည်။ အုန်းသီးနုရည်များသည် ပိုတက်စီ ယမ်ကြွယ်ဝစွာ ပါဝင်သောကြောင့် အားအင်များကိုလည်း ပြန်လည်ဖြည့်တင်းပေးပါသည်။

          ယခု၂၀၂၅ခုနှစ်၊ စက်တင်ဘာလနောက်ဆုံးပတ်တွင် မြိတ်မြို့ပေါ်တွင် ရောင်း ချနေသော အုန်းသီးနုရည်ဈေးနှုန်းမှာ တစ်လုံးလျှင် (၂၅၀၀)ကျပ်ရှိကြောင်း အုန်းစိမ်းရည် ရောင်းချနေသူထံမှ သိရှိရပါသည်။

DOCA(တနင်္သာရီ)