ပြည်တွင်းကုန်သွယ်မှုသတင်း

            နတ်တော်လအခါသမယ မန္တလေးပန်းစျေးကွက်သို့  မန္တလေးတိုင်းဒေသကြီးရှိ အမရပူရ ခရိုင်၊ပြင်ဦးလွင်ခရိုင်၊ ကျောက်ဆည်ခရိုင်နှင့် မိတ္တီလာခရိုင်တို့မှထွက်သည့်ပန်းများ၊ စစ်ကိုင်းတိုင်း ဒေသကြီးနှင့်ရှမ်းပြည်နယ်၊ တောင်ကြီးဒေသတို့ မှထွက်သည့်ရောင်စုံ နှင်းဆီပန်းမျိုးစုံ  ဝင်ရောက်မှု များပြားလျက်ရှိပြီး၊စျေးအနည်းငယ်ကျဆင်းကာ အရောင်းသွက်လျက်ရှိကြောင်း သိရှိရပါသည်။  စျေးကွက်အတွင်း ဆူးပါသော နှင်းဆီနှင့် ဆူးမဲ့နှင်းဆီ ခွဲခြား၍ စျေးအနည်းငယ်ကွာခြားမှုရှိကြောင်း သိရှိရပါသည်။ ရိုးရိုးနှင်းဆီ နှင့် ရေမွှေးနှင်းဆီဟူ၍ နှစ်မျိုးတွေ့ရှိရပြီး၊နှင်းဆီပန်းများမှာ အဖြူရောင်၊ အဝါရောင်၊ပန်းရောင်၊မိတ်ကပ်ရောင်၊ လိမ္မော််ရောင် ၊ကြက်သွေးရောင်နှင့် အနီရင့်ရောင်တို့ကို အများ အပြား တွေ့ရှိရပါသည်။ ကြက်သွေး ရောင်နှင်းဆီပန်းမှာ ဝယ်ယူသူများ ပိုမိုနှစ်သက်ကြောင်း  သိရှိရပါသည်။  ၂၀၂၅ ခုနှစ် နိုဝင်ဘာလနောက်ဆုံးပတ်အတွင်း ဖြစ်ပေါ်သည့် လက်လီစျေးနှုန်း များ မှာ နှင်းဆီပန်းရိုးရိုး(၁၀ပွင့်ပါ) ၁ စီးလျှင်  ပန်းအဖူး(ကြီး) ၂၅၀၀ ကျပ်နှင့် ၃၀၀၀ကျပ်၊ ပန်းအဖူး (သေး) ၁၅၀၀ ကျပ်နှင့် ၂၀၀၀ ကျပ်၊ ရေမွှေးနှင်းဆီ ၃၅၀၀ ကျပ်နှင့် ၄၅၀၀ ကျပ် ဖြင့်ရောင်းချ လျက်ရှိကြောင်းသိရှိရပါသည်။  နတ်တော်လအခါသမယ ဘုရားပွဲနှင့်အလှူပွဲတော်များကျင်းပသည့် အချိန်ဖြစ်၍ ပန်းမျိူးစုံစျေးကွက်တွင် နှင်းဆီပန်းအရောင်မျိုးစုံ   အရောင်းသွက်လျက်ရှိကြောင်း သိရှိ ရပါသည်။

DOCA(မန္တလေး)

     သထုံခရိုင်အတွင်းရှိမြို့နယ်များတွင် နိုဝင်ဘာလ၏ နောက်ဆုံးအပတ်တွင် စပါး၊ ဆန် စျေးနှုန်းမှာ အနည်းငယ်ကျဆင်းလျှက်ရှိကြောင်း သိရှိရပါသည်။ သထုံခရိုင်အတွင်းမှ အခြားတိုင်းဒေသကြီး နှင့် အခြားခရိုင် မြို့နယ်များသို့ ဆန်စီးထွက်မှုနှုန်းမှာ မော်လမြိုင်သို့ (၂၅၀၀) အိတ်ခန့်၊ ကရင်ပြည်နယ်သို့  (၂၂၀၀) အိတ်ခန့်၊ စုစုပေါင်း (၄၇၀၀) အိတ်ခန့်၊ တန်ချိန်အားဖြင့် (၂၂၅) တန် စီးထွက်ခဲ့ပါသည်။ ယခုနိုဝင်ဘာလ၏ နောက်ဆုံးအပတ်တွင် မော်လမြိုင်သို့ (၂၄၀၀) အိတ်ခန့်၊ ကရင်ပြည်နယ်သို့ (၂၃၀၀) အိတ်ခန့်၊ စုစုပေါင်း (၄၇၀၀) အိတ်ခန့်၊ တန်ချိန်အားဖြင့် (၂၂၅)တန်ခန့် စီးထွက်ခဲ့ပြီး ယခင် တတိယအပတ်နှင့် နှိုင်းယှဥ်ပါက ပုံမှန်အတိုင်းစီးထွက်ခဲ့ပါသည်။

    သထုံခရိုင်အတွင်းသို့ နိုဝင်ဘာလ၏ တတိယအပတ်တွင် ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ (၂၄၀၀) အိတ်ခန့်၊  ပဲခူးတိုင်းဒေသကြီးမှ (၂၁၀၀) အိတ်ခန့်၊ စုစုပေါင်း (၄၅၀၀) အိတ်ခန့်၊ တန်ချိန်အားဖြင့် (၂၁၆) တန်ခန့်စီးဝင်ခဲ့ပြီး ယခုနိုဝင်ဘာလ၏ နောက်ဆုံးအပတ်တွင် ရန်ကုန်တိုင်းဒေသကြီးမှ (၂၅၀၀) အိတ်ခန့်၊ ပဲခူးတိုင်းဒေသကြီးမှ (၂၂၀၀) အိတ်ခန့်၊ စုစုပေါင်း (၄၇၀၀) အိတ်ခန့်၊ တန်ချိန်အားဖြင့် (၂၂၅) တန်ခန့် စီးဝင်ခဲ့ပြီး သထုံခရိုင်အတွင်းသို့ ဆန်စီးဝင်မှုနှုန်းမှာ ယခင်တတိယအပတ်နှင့်နှိုင်းယှဥ်ပါက ပို၍ စီးဝင်ခဲ့ရှိပါသည်။

    သထုံခရိုင်အတွင်း၌ ယခုနိုဝင်ဘာလ၏ နောက်ဆုံးအပတ်တွင် စပါး၊ ဆန်စျေးနှုန်းများ မှာ စပါးတင်း (၁၀၀) လျှင် ဒေသပေါက်စျေး ကျားပျံဟိုတယ် (၂၇၀၀၀၀၀ိ/-) ခန့်၊ ပေါ်ဆန်းဝါ    (၂၅၅၀၀၀၀ိ/-)ခန့်၊ ကမာကြည် (၁၇၅၀၀၀၀ိ/-) ခန့်၊ ဧည့်မထ (၁၂၅၀၀၀၀ိ/-) ခန့်နှင့် (၂၄) ပြည် ဝင်ဆန် တစ်အိတ်လျှင် ကျားပျံဟိုတယ် (၁၂၀၀၀၀ိ/-) ခန့်၊ ပေါ်ဆန်းဝါ (၁၁၀၀၀၀ိ/-) ခန့်၊   ကမာကြည် (၇၀၀၀၀ိ/-) ခန့်၊ ဧည့်မထ (၅၅၀၀၀ိ/-) ခန့်ရှိပြီး ယခုအပတ်တွင် စပါး၊ ဆန် စျေးနှုန်းမှာ တည်ငြိမ်လျှက်ရှိကြောင်း သိရှိရပါသည်။

                 DOCA (မွန်)

                  စျေးကွက်အတွင်း မန္တလေးတိုင်းဒေသကြီးရှိ မြင်းခြံမြို့နယ်၊ မြစ်သားမြို့နယ်နှင့် စစ်ကိုင်း တိုင်းဒေသကြီးရှိ မုံရွာမြို့နယ်တို့မှထွက်ရှိသည့် စားဖိုဆောင်သီးနှံ ကြက်သွန်နီများဝင်ရောက်လျက် ရှိပြီး၊ယခုပတ်အတွင်းဝင်ရောက်မှုအနည်းငယ်လျော့နည်းသွားသော်လည်းပေါက်စျေးမှာပြောင်းလဲမှု မရှိဘဲငြိမ်နေကြောင်း သိရှိရပါသည်။ ၂၀၂၅ ခုနှစ် နိုဝင်ဘာလနောက်ဆုံးပတ်အတွင်း ဖြစ်ပေါ်လျက်ရှိ သည့်ကြက်သွန်နီ အမျိုးအစားအလိုက် တစ်ပိဿာပေါက်စျေး များမှာ မြစ်သားကြက်သွန်နီ(လတ်) လက္ကားစျေး ၁၃၀၀ ကျပ်နှင့် ၁၄၀၀ ကျပ်၊ လက်လီစျေး ၁၅၀၀ ကျပ်နှင့်၁၆၀၀ ကျပ်၊မြင်းခြံ ကြက် သွန်နီ(လတ်)လက္ကားစျေးမှာ ၁၂၀၀ ကျပ်နှင့် ၁၃၀၀ ကျပ်၊လက်လီ စျေး ၁၄၀၀ ကျပ်နှင့် ၁၅၀၀ ကျပ်၊ မုံရွာကြက်သွန်နီ(လတ်)လက္ကားစျေး  ၁၃၀၀ကျပ် နှင့် ၁၄၀၀ ကျပ်၊ လက်လီစျေး ၁၅၀၀ ကျပ်နှင့်  လက်လီစျေးမှာ ၁၅၀၀ ကျပ်နှင့် ၁၆၀၀ ကျပ်တို့ဖြင့် ရောင်းချလျက်ရှိကြောင်း သီရိမာလာစျေးရှိ ပွဲရုံ ပိုင်ရှင်တစ်ဦး၏ပြောပြချက်အရ သိရှိရပါသည်။

DOCA(မန္တလေး)

                နံနံပင်သည် မြန်မာနိုင်ငံနေရာအနှံအပြားတွင် ဟင်းခတ်အမွှေးအကြိုင်အဖြစ် အသုံးပြုရန် စိုက်ပျိုးရောင်းချကြပြီး နံနံစေ့သည်လည်းဈေးကွက်ဝင် ဆေးဖက်ဝင်ကြောင်း၊ နံနံစေ့သည် ဗီတာမင်ကေပါဝင်၍ အရိုးပွရောဂါကိုကာကွယ်သလို နှလုံးရောဂါဖြစ်နိုင်ချေကို လျော့နည်းစေပြီး Antioxidants သည်ခန္ဓာကိုယ်ရောင်ရမ်းမှုကို လျော့ချစေပြီး ကင်ဆာဆဲလ်ကြီးထွားမှု ကိုနှေးကွေး စေ၍ အိုမင်းရင့်ရော်ခြင်း လက္ခဏာများကို လျော့နည်းစေကြောင်း၊ ဗီတာမင်အေများစွာ ပါဝင်သောကြောင့် မျက်စိအမြင်အာရုံကို ကြည်လင်စေကြောင်း၊ လိပ်ခေါင်းရောဂါခံစားနေရပါက နံနံစေ့ကို အနံ့မွှေးလာသည်အထိလှော်၍ နံနံစေ့အခြောက်မှုန့် လက်ဖက်ရည်တစ်ဇွန်းခန့်ကို အရက်ဖြူ တစ်ပတ်ဖြင့် သမအောင်မွှေပြီး ထိုရောစပ်ထားသောအရည်ကို တစ်နေ့လျှင်မနက်၊ နေ့လည်၊ ညနေ (၃)ကြိမ် ခွဲ၍ တစ်ပတ်ခန့် ဆက်တိုက်သောက်သုံးပေးခြင်းဖြင့် ရောင်ရမ်းနေသော လိပ်ခေါင်းရောဂါ ကျုံ့ဝင်လာပြီးခြောက်သွေ့ကာ သက်သာပျောက်ကင်းကြောင်း၊ လိပ်ခေါင်းကြောင့် ဝမ်းသွားစဉ်သွေးထွက်ခြင်းများပင် လုံးဝပျောက်ကင်းသွားပြီး ဘေးထွက်ဆိုးကျိုးနည်း၍ ရိုးရှင်းသောသဘာဝ ဆေးနည်းအား အသုံးပြုသင့်သည်။

DOCA(မန္တလေး)

            လူသားများနေ့စဉ်စားသုံးနေသော ဆားသည်ကျန်းမာရေးအတွက်အလွန်အရေးပါကြောင်း၊ ဆား မပါသောဟင်းသည် အရသာပေါ့ပြက်ပြက်ဖြစ်တက်ပြီး  အငန်ဓာတ်ပါဝင်သော ဆားသည် အစား အစာများကို အရသာရှိစေရုံမက ကျန်းမာရေးအတွက် အထောက်အကူပြုကြောင်း၊ ချွေးထွက် လျှင် ခန္ဓာကိုယ်အညစ်အကြေးတို့နှင့်အတူ ဆားဓာတ်ပါသွား၍ ကာယလုပ်သားများနှင့် အားကစား သမားများသည် သာမာန်လူတို့ထက် ဆားဓာတ် ပိုမိုလိုအပ်ကြောင်း၊ သို့သော် တန်ဆေးလွန်ဘေးဆို သကဲ့သို့ဆားစားသုံးမှုများပါက ကျန်းမာရေးကိုထိခိုက်နိုင်ကြောင်း၊  ဆားသည်ခန္ဓာကိုယ်အတွက် အသုံး ဝင်ရုံသာမက အသာငါးများမပုပ်မသိုးစွာ ကြာရှည်ခံအောင် ဆားနယ်၍ ငါးပိ၊ ငါးခြောက်၊ အသားခြောက် စသည်တို့ပြုလုပ်ရာတွင်လည်း အသုံးဝင်ကြောင်း၊လည်ချောင်းနာ၊သွားနာပါကဆားရည်ဖြင့်ပလုတ်ကျင်းပေးလျှင်သက်သာနိုင်ကြောင်း၊ ဆားဖြင့် သွားတိုက်ခြင်း၊ ပါးစပ်ဆေးခြင်း တို့ကို ပြုလုပ်လေ့ရှိကြောင်း၊ ဆားသည်လူသားတို့အတွက်အသုံးဝင် သည်သာမက တိရစ္ဆာန်နှင့် သစ်ပင်တို့သည်လည်း ဆားဓာတ်လိုအပ်ကြောင်း တောတွင်းတိရစ္ဆာန်တို့သည် ဆားပေါက်သော မြေကိုရှာဖွေပြီး လျှာဖြင့်လျက်၍စားသုံးကြကြောင်း၊ ဆားကိုရခိုင်ပြည်နယ်၊ ဧရာဝတီတိုင်းဒသကြီး၊ မွန်ပြည်နယ်နှင့် တနင်္သာရီတိုင်းဒေသကြီးတို့တွင် ဆားလုပ်ငန်းများကို အကြီးအကျယ် လုပ်ကိုင် ကြကြောင်း၊ ဆားထုတ်လုပ်ရာတွင် ပင်လယ်ရေကိုကျိုချက်၍ ချက်ဆားအဖြစ်လည်းကောင်း၊ ရေခန်း အောင်နေလှန်း၍ နေလှန်းဆားအဖြစ်လည်းကောင်း ဆားထုတ်လုပ်ကြကြောင်း သိရှိရသည်။ အိုင်အိုဒင်း ချို့တဲ့ပါက လူသားတို့သည် လည်ပင်းကြီး ရောဂါဖြစ်တတ်ကြောင်း၊ ဆားလုံးဝမရှိသော အရေးပေါ် အခြေအနေတွင် ဝါးစသည့်အပင်မျိုးကို မီးရှို့ပြီးရလာသောပြာကို ဆားအစားအသုံး ပြုနိုင်ကြောင်း၊ နေ့စဉ်စားသုံးနေသော ဆားသည်လူသားတို့အတွက် အလွန်အသုံးဝင်ကြောင်း ဖတ်ရှု့သိရှိရသည်။

DOCA(မန္တလေး)