ပြည်တွင်းကုန်သွယ်မှုသတင်း

      ပဲခူးတိုင်းဒေသကြီး၊သာယာဝတီခရိုင်၊ လက်ပံတန်းမြို့စည်ပင်သာယာဈေးတွင်ရှိသောဂျင်း  ဈေးနှုန်းများမှာ ဇူလိုင်လဒုတိယပတ်တွင် ဂျင်း ၁၀ကျပ်သားလျှင်၈၀၀/ကျပ်ရှိခဲ့ပြီး ယခုဩဂုတ်လ ဒုတိယပတ်တွင်လည်း ၇၀၀/ကျပ်ရှိနေပါသည်။ ဂျင်းဈေးနှုန်းမှာ အနည်းငယ်ကျဆင်းသွားပါသည်။

      ကြက်သွန်ဖြူဈေးနှုန်းများအနေဖြင့် ဇူလိုင်လဒုတိယပတ်တွင် ကြက်သွန်ဖြူ (ကြူကုတ်) ၁၀ ကျပ်သားလျှင် ၁၅၀၀/ကျပ်၊ ယခု ဩဂုတ်လဒုတိယပတ်တွင် ကြက်သွန်ဖြူ (ကြူကုတ်) ၁၀ ကျပ်သားလျှင် ၁၅၀၀ကျပ် ဈေးနှုန်းဖြင့် ရောင်းချလျက်ရှိပါသည်။

    ကြက်သွန်ဖြူ(ရှမ်းစ) ဈေးနှုန်းအနေဖြင့်  ဇူလိုင်ဒုတိယပတ်တွင် ၁၀ ကျပ်သားလျှင် ၁၀၀၀ ကျပ်ပေါက်ဈေးရှိနေပြီး ယခုဩဂုတ်လဒုတိယတွင်လည်း ဈေးနှုန်းအပြောင်းအလဲမရှိ၊ ဈေးငြိမ် နေပါသည်။ ကြက်သွန်ဖြူ (ဥတစ်လုံး) ဈေးကွက်မှာတစ်ဆယ်ကျပ်သားလျှင် ၂၅၀၀ ကျပ်  ဈေးနှုန်း တို့ဖြင့် ရောင်းချလျက်ရှိရာ ဂျင်း၊ကြက်သွန်ဖြူ၊ဈေးကွက်တို့မှာ ဈေးအေးနေပြီးပုံမှန် ရောင်းဝယ်လျက်ရှိပါသည်။

DOCA(ပဲခူး)

       ပဲခူးတိုင်းဒေသကြီး၊ သာယာဝတီခရိုင်၊ကြို့ပင်ကောက်မြို့နယ် ဘူတာရုံလမ်းရထားဘူတာရုံ အနီးရှိ ဖရဲသီးရောင်းချသူ ဦးဝင်းထွဋ်အား ဖရဲသီးဈေးကွက်အခြေအနေကို သိရှိနိုင်ရန်စားသုံးသူ ရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်း(၂)ဦးတို့မှ (၁၂.၈.၂၀၂၅) ရက်နေ့တွင် ကွင်းဆင်း မေးမြန်း ခဲ့ပါသည်။

          ယခုနှစ်ဖရဲသီးများကို စစ်ကိုင်းတိုင်း၊စစ်ကိုင်းမြို့မှ မှာယူရောင်းချပါကြောင်း ဖရဲသီးအစုံ အလုံး အကြီး/အသေးမျိုးစုံမှာယူရောင်းချပါကြောင်း၊ ယခုမှာယူသောမျိုးမှာ (ယိုးဒယား) သီးမျိုးဖြစ်ပါကြောင်း၊ ဖရဲသီးကိုစစ်ကိုင်းမျိုးမှမှာယူပြီး (၁၀)ဘီးကားတစ်စီးလျှင် အလုံး(၁၈၀၀) ပါရှိရာ အသီးဖိုး(၅၀) သိန်း၊ကားခ(၁၃သိန်းခွဲ)၊ လုပ်သားခ (၅၀၀၀၀)ကျပ်ဖြင့် ၊ ကြို့ပင်ကောက်မြို့ အရောက်ပေးချေရပါကြောင်း သိရှိရပါသည်။

          ဈေးနှုန်းဈေးကွက်အနေဖြင့် တစ်လုံးကို (၄၀၀၀)/(၅၀၀၀) ကျပ်၊အကြီး၊အသေးပေါ်မူတည်၍ ကိုယ်တိုင်ဆိုင်မှာ ရောင်းချသလိုဖောက်သည်အသီးဆိုင်များနှင့် အနီးအနားမြို့အုတ်ဖိုမြို့ကိုလည်း တစ်ဆင့်ဖြန့်ပေးပါကြောင်း၊ဖရဲသီးစိပ် ဗန်းရွက်သမားများကိုလည်း ခွဲပေး၍ရောင်းချပါကြောင်း တစ်စိပ်လျှင်  (၅၀၀) /(၁၀၀၀) ကျပ်ဖြင့် ရောင်းချပါကြောင်း ဖရဲကားတစ်စီးကို မြို့တွင်းအရောင်းနှင့် အုတ်ဖိုမြို့သို့ဖောက်သည်ပေးကြောင်း ဖရဲသီးကားတစ်စီးလျှင် (၁၀)ရက်ဘဲရောင်းချပါကြောင်း သိရှိရပါသည်။

          ယခုအခါ ဖရဲသီးများသည် (၁၂)လရာသီစိုက်ပျိုးသည့်အတွက် အရောင်းပြတ်တယ်လို့မရှိပါ ကြောင်း အသီးများကုန်ပြီး ထပ်မှာရပါကြောင်း အကျိုးအမြတ်အနေဖြင့် သိန်း(၆၀) သိန်းရင်းလျှင် (၁၀)သိန်း/(၁၅)သိန်းခန့်အမြတ်ကျန်ရှိပါကြောင်း ဖရဲသီးရောင်းချသူထံမှ သိရှိရပါသည်။

DOCA(ပဲခူး)

    နတ်တလင်းခရိုင်၊ ဇီးကုန်းမြို့နယ်ရှိ ဆန်စက်များမှ ထွက်ရှိလာသော စပါးခွံများအား    ထင်းအစားထိုး လောင်စာတောင့်ထုတ်လုပ်လျှက်ရှိပြီး လုပ်ငန်းသေးများမှ ယခင်နှစ်များထက် ပိုမိုတွင်ကျယ်စွာ အသုံးပြုလာကြကြောင်း သိရပါသည်။

     ဇီးကုန်းမြို့နယ်တွင် စပါးခွံလောင်စာတောင့် ထုတ်လုပ်သည့် စက်ရုံတစ်ရုံသာရှိပြီး တစ်ရက် ပိဿာ (၂၀)ဆံ့ ကုန်ချောအိတ် (၇၀)ခန့် ထုတ်လုပ်ကြောင်း သိရပါသည်။ စပါးခွံအသုံးပြုမှု အနေဖြင့်   ကုန်ကြမ်း (၅)ပိဿာဝင် စပါးခွံအိတ် (၂၀၀)တွင် ကုန်ချော အိတ် (၅၀) ခန့်ထွက်ရှိပြီး  တစ်ရက်တွင်   စပါးခွံအိတ် (၂၅၀)ခန့် အသုံးပြုပါကြောင်း စက်ရုံတွင် လုပ်သား (၅)ဦး ကိုအသုံးပြုပြီး လျပ်စစ်မီးနှင့်   ကုန်ကြမ်းရရှိမှုအပေါ် လုပ်ငန်းလည်ပတ်နေကြောင်း သိရပါသည်။

     မြို့နယ်အတွင်း ဈေးကွက်သာ ဖြန့်ဖြူးလျှက်ရှိပြီး  ပိဿာ (၂၀) တစ်အိတ်လျှင် ယခင်ဈေး အတိုင်း (၇၅၀၀)ကျပ်ဖြင့် သာဖြန့်ဖြူးရောင်းချလျှက်ရှိသည်။ ထုတ်ကုန်များအား မြို့နယ်တွင်း လုပ်ငန်း သေးများဖြစ်သည့် လ္ဘက်ရည်ဆိုင်၊ အကြော်ဆိုင်များမှ အသုံးပြုမှုပိုမိုများပြားလာသဖြင့် ဆန်စက်များမှ ထွက်ရှိလာသော စပါးခွံအား တန်ဖိုးမြှင့် ထုတ်ကုန်အဖြစ် လိုအပ်မှုများအား  ထင်းအစာထိုး သုံးစွဲလာကြသဖြင့် ပိုမိုသက်သာပြီး လုပ်ငန်းများလည်ပတ်  နိုင်သဖြင့် လုပ်သား များနှင့် လုပ်ငန်းစုံအတွက် အထောက်အကူဖြစ်သဖြင့် ပိုမိုသုံးစွဲလာကြကြောင်း  သိရသည်။

DOCA(ပဲခူး)

             သောကြာနေ့တိုင်း တစ်ပတ်တစ်ခါ စက်သုံးဆီဈေးနှုန်းများ ပြောင်းလဲလျက်ရှိရာ ယခု တစ်ပတ်(၁၅.၈.၂၀၂၅) ရက်နေ့တွင် ဒီဇယ်(ရိုးရိုး) (အဆင့်မြင့်)၊ ဓါတ်ဆီ(ရိုးရိုး) (အဆင့်မြင့်) တို့၏ ဈေးနှုန်းပြောင်းလဲ မှုမှာ 95 Octance ဓါတ်ဆီ(အဆင့်မြင့်) ဈေးနှုန်းတစ်လီတာမှာ ၂၉၅၅ ကျပ်၊ 92 Octance ဓါတ်ဆီ (ရိုးရိုး) ဈေးနှုန်းတစ်လီတာမှာ ၂၉၀၀ ကျပ်၊ ဒီဇယ်(ရိုးရိုး) ဈေးနှုန်း တစ်လီတာမှာ ၂၆၁၅ ကျပ်၊ ဒီဇယ် (အဆင့်မြင့်) ဈေးနှုန်းတစ်လီတာမှာ ၃၂၃၅ ကျပ်ဖြစ်ကြောင်း သိရှိရပါသည်။ ယခင်တစ်ပတ် သောကြာနေ့ ဒီဇယ်၊ ဓါတ်ဆီ (ရိုးရိုး) (အဆင့်မြင့်)   တို့၏ ဈေးနှုန်းမှာ 95 Octance ဓါတ်ဆီ (အဆင့်မြင့်) ဈေးနှုန်းတစ်လီတာမှာ ၂၉၉၅ ကျပ်၊ 92 Octance ရိုးရိုး ဓါတ်ဆီဈေးနှုန်း တစ်လီတာမှာ ၂၉၄၀ ကျပ်၊ ဒီဇယ် (ရိုးရိုး) ဈေးနှုန်းတစ်လီတာ မှာ ၂၇၁၅ ကျပ်၊ ဒီဇယ်(အဆင့်မြင့်) ဈေးနှုန်း တစ်လီတာမှာ ၃၃၅၅ ကျပ်ဖြစ်ကြောင်း သိရှိရပါသည်။ ယခု တစ်ပတ်အတွင်း စက်သုံးဆီဈေးနှုန်းများမှာ ယခင်တစ်ပတ်ထက် ယခုတစ်ပတ်တွင် ဒီဇယ် (အဆင့်မြင့်)မှာ ၁၂၀ ကျပ် ဈေးကျပြီး  ဒီဇယ်(ရိုးရိုး) မှာ ၁၀၀ ကျပ်ဈေးကျပြီး ဓါတ်ဆီ (အဆင့်မြင့်)နှင့် ဓါတ်ဆီ(ရိုးရိုး) မှာ ၄၀ ကျပ် ကျဆင်းလျက်ရှိကြောင်း သိရှိရပါသည်။

DOCA(ရန်ကုန်)

   မအူပင်ခရိုင်၊ အရှေ့ဘက်ကမ်းကျေးရွာတွင် ဟင်းသီးဟင်းရွက် အများဆုံးစိုက်ပျိုးသော ကျေးရွာတစ်ခုဖြစ်သည်။ မြစ်နှင့် နီး၍ ဆောင်ရာသီတွင် နှုန်းမြေပေါ်၌ ဆောင်ရာသီ ဟင်းသီးဟင်းရွက် အများဆုံးစိုက်ပျိုးကြသည်။ စိုက်ပျိုးသီးနှံများမှာ ပန်းဂေါ်ဖီ၊ ဂေါ်ဖီပွင်ံံ၊ ပဲသီး၊ စံပယ်ပန်း၊ သင်္ဘောသီး၊ ငရုတ်၊ သခွား၊ ကြက်ဟင်းခါးသီး၊ ဗုံလုံသီး၊ ပြောင်း၊ ကြံ၊ မုန့်လာဥ၊ ချဉ်ပေါင်၊ ရုံပတီသီး၊ အစာရှိသော သီနှံများစွာကို စိုက်ပျိုးကြသည်။

   စိုက်ပျိုးသီးနှံထဲမှ သင်္ဘောသီး ထွက်ရှိနေ၍ စိုက်ပျိုးရောင်းချနေမှုကို လေ့လာရာ အရှေ့ဘက်ကမ်း ဥယျဉ်ခြံ မြေတွင် အပင် ၁၀၀ကို စိုက်ပျိုးထားကြောင်း၊ စိုက်ပျိုးမှု အနေဖြင့် အပင်ပေါက်ကို စိုက်ပျိုးပြီး တစ်ပင်လျှင် ၂၀၀၀ကျပ်ဖြင့် ဝယ်ယူစိုက်ပျိုးရကြောင်း၊ သင်္ဘောပင်စိုက်ပျိုးရာတွင် အပင်သက်တမ်း ခုနစ်လမှစ၍ အသီး စတင်ခူးဆွတ်လေ့ရှိကြောင်း၊ သင်္ဘောပင်၏ သက်တမ်းကို နှစ်နှစ်သားအထိ ထားလေ့ရှိကြောင်း စိုက်ပျိုးသူမှ ရှင်းပြသည်။  ယခုသင်္ဘောပင်ကို ၂၀၂၄ခုနှစ် ၅လပိုင်းမှ စတင်စိုက်ပျိုးခြင်းဖြစ်ကြောင်း၊ ၂၀၂၄ ဒီဇင်ဘာလတွင် အသီးစတင်ထွက်ရှိပြီး ၄လခန့်အကြာ ရောင်းတန်းဝင်အသီးများကို ခူးယူရောင်းချကြောင်းသိရသည်။

  စိုက်ပျိုးမှု မျိုး၊ သွင်းအားစု၊ လုပ်သားခ၊ ကုန်ကျစရိတ်အနေဖြင့်  သိန်း ၄၀ ခန့်ကုန်ကျကြောင်း သိရသည်။ ၂၀၂၅ ခုနှစ် ဧပြီလတွင် သင်္ဘောသီ ခေါင်သီးကောင်းများထွက်ရှိပြီး တစ်လုံးလျှင် လက်လီဈေး ၇၀၀၀ကျပ်ထိ ဈေးကောင်း ရရှိပြီး ယခုဩဂုတ်တွင် သင်္ဘောသီး အကျများသာကျန်ရှိ၍ တစ်လုံးလျှင် အမြင့်ဆုံးဈေးမှာ ၂၀၀၀-၃၀၀၀ကျပ်ဖြင့် ရောင်းချလျက်ရှိကြောင်း၊ စိုက်ပျိုးသူမှ ရှင်းလင်းပြောကြားသည်။

   သင်္ဘောတစ်ပင်မှ အသီး ၄၀ခန့် ထွက်ရှိပြီး ၂၀၂၅ခုနှစ် ဧပြီလမှ ဩဂုတ်လ ၅လအတွင်း ထွက်ရှိရောင်းချနေကြောင်း၊ ထွက်ရှိမှုအနေဖြင့် အသီး ၃၀၀၀ခန့်ရရှိသည်။ လက်ကားဈေးအနေဖြင့် ဈေးကွက်အတွင်း ၆၀၀၀-၂၅၀၀-၁၅၀၀ကျပ်ဖြင့် အရောင်းအဝယ်ဖြစ်လျက်ရှိကြောင်း၊ အကျိုးအမြတ်အနေဖြင့် စိုက်ပျိုးမှုမှ ငွေကျပ် ၆ ၀၀၀ ၀၀၀ကျပ် ကျန်ရှိကြောင်း၊ သင်္သောပင်သည် စီးပွားဖြစ်စိုက်ပျိုးသင့်သော သီးနှံတစ်မျိုးဖြစ်သည်။ အပင် ၁၀၀စိုက်ပျိုး ခြင်းမှ ဒေသတွင်းနှင့် မြို့နယ် နီးစပ်သော ဒေသများသို့ တင်ပို့ရောင်းချကြောင်း၊ ရန်ကုန်သို့ အနည်းငယ်သာ တင်ပို့ကြောင်း သိရသည်။

DOCA(ဧရာဝတီ)