ပြည်တွင်းကုန်သွယ်မှုသတင်း

     တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်အတွင်းရှိ ‌ကျေးရွာများနှင့် မြို့ပေါ်ရပ် ကွက်များတွင် ရေလုပ်ငန်းအပြင် စိုက်ပျိုးရေးလုပ်ငန်းကို လုပ်ကိုင်စားသောက်ကြပါသည်။ ဒေသ တွင်း စိုက်ပျိုးရေးလုပ်ငန်းမှ နွေရာသီတွင် ရောင်းအားကောင်းသော ကြံသည် ယခု မိုးရာသီတွင် ပိုမိုစိုက်ပျိုးကြကြောင်းလည်း တွေ့ရှိရပါသည်။ ကြံများကို တနင်္သာရီမြို့၊ ပုလောနှင့် ကဘင်းရွာ များတွင် အများဆုံးထွက်ရှိကြကြောင်း ကြံများသည် ရာသီမရွေးထွက်ပေါ်သော်လည်း အောက်တို ဘာလများတွင် ပိုမိုထွက်ရှိကြောင်း စျေးကောင်းရလျက်ရှိကြောင်း သိရှိရပါသည်။

    ယခု၂၀၂၆ခုနှစ်၊ ဖေဖော်ဝါရီလတတိယပတ်များတွင် မြိတ်မြို့ပေါ်တွင် ရောင်းချနေသော အထွက်များသောရာသီတွင် ကြံဈေးနှုန်းမှာ (၁၀)ချောင်းတစ်စည်းလျှင်(၁၃၀၀၀)ကျပ်ရှိပြီး ထွက်ရှိ နည်းသောကာလတွင် (၁၀)ချောင်းတစ်စည်းလျှင် (၁၅၀၀၀)ကျပ်ရှိကြောင်း ကြံများရောင်းချသူများ ထံမှ သိရှိရပါသည်။ မြိတ်မြို့၊ အအေးဆိုင်များနှင့်လမ်းဘေးကြံရည်ဆိုင်များတွင် ကြံရည်များကို တစ်ခွက်လျှင် (၁၀၀၀)ကျပ်မှ (၁၅၀၀)ကျပ်ဖြင့် ရောင်းချနေကြောင်း သိရှိရပါသည်။

DOCA(တနင်္သာရီ)

    မြိတ်ဒေသတွင် ဒေသထွက်ကုန်ဖြစ်သော ရာဘာ၊ သီဟိုဠ်၊ ဆီအုန်း၊ ကွမ်းသီးများစိုက်ပျိုး လျက်ရှိပြီး ပြည်တွင်းပြည်ပတင်ပို့လျက်ရှိရာ ဒေသထွက်ကွမ်းသီးစျေးနှုန်းများ ကျဆင်းလာကြောင်း သိရှိရပါသည်။ ကွမ်းသီးကို မြိတ်ခရိုင်ရှိ မြို့နယ်များဖြစ်သော ပုလော၊ တနင်္သာရီ၊ ကျွန်းစု၊ ဘုတ်ပြင်း မြို့နယ်များတွင် အများဆုံးထွက်ရှိပြီး ရန်ကုန်နှင့် မန္တလေးတိုင်းတို့အား တင်ပို့ရောင်းချလျက်ရှိသည်။  ၎င်းတို့မှတစ်ဆင့်ဒေသထွက်ကုန်ကွမ်းသီးများကို ပြည်ပနိုင်ငံများသို့တင်ပို့ရောင်းချကြပြီး ယခုအခါ အထွက်နှုန်းကောင်းမွန်ခြင်း၊ လမ်းပမ်းဆက်သွယ်ရေးအခြေအနေများကြောင့်နှင့် ဝယ်လိုအား လျော့ နည်းလာခြင်းတို့ကြောင့် မြိတ်ဒေသထွက် ကွမ်းသီးများစျေးနှုန်းကျဆင်းလာ‌ကြောင်း သိရှိရပါသည်။ ယခင်နှစ်က ကွမ်းသီးအလုံးတစ်ပိဿာစျေးနှုန်း ၂၀၀၀၀ကျပ်ခန့် ပတ်လည်ဝန်းကျင်ရှိရာမှ ယခု စျေးနှုန်းတစ်ပိဿာ ၁၄၀၀၀ကျပ်ခန့်ထိစျေးကျဆင်းသွားကြောင်း သိရှိရပါသည်။ ယခုလအတွင်း ကွမ်းသီးရောင်းချသူခန့်မှန်းပြောကြားချက်အရ ၁၃၀၀၀ကျပ်ခန့်အထိ စျေးကျဆင်းသွားမည်ဖြစ် ကြောင်းသိရှိရပါသည်။ မြိတ်ဒေသတွင် ကွမ်းသီးအလုံး၊ ခွဲခြမ်း၊ အနု ဟူ၍ ရောင်းချကြရာမှ ၂၀၂၆ခုနှစ်၊ ဖေဖော်ဝါရီလ(၁၈)ရက်နေ့တွင် ကွမ်းသီးအလုံးတစ်ပိဿာစျေးနှုန်းမှာ ၁၄၀၀၀ကျပ်၊ ခွဲခြမ်းတစ်ပိဿာစျေးနှုန်းမှာ ၁၁၀၀၀ ကျပ်ရှိကြောင်း သိရှိရပါသည်။

DOCA(တနင်္သာရီ)

          စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်းလိုအပ်ချက် များကို ဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်း သိုလှောင် ဖြန့်ဖြူးခြင်း လုပ်ငန်း ကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်း သိရပါသည်။

          ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့်ဈေးနှုန်းဖြစ်ပေါ်မှု များအရ ၂၀၂၆ ခုနှစ်၊ ဖေဖော်ဝါရီလ  ၂၀  ရက်နေ့မှ ၂၆  ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင်ငွေကျပ် ၆,၂၅၀ ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေး ထုတ်ပြန် ကြေညာထားကြောင်း သိရှိရပါ​သည်။       

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်း သိရှိရပါသည်။

တိုင်းဒေသကြီး/ပြည်နယ် မြို့နယ်များအလိုက် ၁၉-၂-၂၀၂၆ ရက်နေ့တွင် ဖြစ်ပေါ်လျက်ရှိသော ဆန်၊ ဆီ၊ မီးဖိုချောင်သုံးပစ္စည်းများ၊ သားငါးနှင့် ဥ‌ဈေးနှုန်းများကို ပူးတွဲပါ ဖိုင်တွင် ကြည့်ရှုနိုင်ပါသည်-

      မအူပင်ခရိုင်၊ ညောင်တုန်းမြို့နယ်သည် လယ်ယာမြေစိုက်ပျိုးခြင်း၊ မွေးမြူရေး လုပ်ငန်းပြုလုပ်ခြင်း လုပ်ငန်းတို့ဖြင့် ဖွံ့ဖြိုးတိုးတက်သော မြို့နယ်တစ်ခုဖြစ်သည်။ ညောင်တုန်း မြို့နယ် နေ့စဉ် စပါးဝယ်ယူနေပြီး ၂၀၂၆ခုနှစ် ဖေဖော်ဝါရီလ ပထမပါတ်အတွင်း  မြို့နယ်တွင်းနှင့် တိုင်းဒေသကြီးအတွင်း အခြားမြို့နယ်များမှ စပါးများကို ဝယ်ယူလျက်ရှိကြောင်း သိရသည်။

        စပါးဝယ်ယူမှုအနေဖြင့် ရွှေဝါနဒီကုမ္ပဏီမှ ကရင်မစပါးအခြောက်  (၃၀၂၃)တင်း ငွေကျပ် ၁၄၇၀၀၀၀/-ဖြင့်၊ အဖျောက်မြို့နယ်မှ ဝယ်ယူခြင်း၊ အသွယ်စပါး အစို (၆၅၉၆)တင်း ငွေကျပ် ငွေကျပ် ၁၃၁၇၀၀၀/-ကျပ် ၁၂၆၆၅၀၀/-ကျပ်ဖြင့် ဘောလယ်ကျေးရွာနှင့် လေးမျက်နှာဘက်မှ စပါးအစိုဝယ်ယူခြင်း၊ ဆင်းသုခစပါး (၅၅၈၈)တင်း ငွေကျပ်၊ ၁၄၅၃၀၀၀/-ကျပ် ၁၄၇၀၀၀၀/-ကျပ် ဖြင့် ရွှေတောင်မှော်ကျေးရွာ၊ မအူပင်မြို့နယ်မှ စပါးအခြောက် ဝယ်ယူခဲ့ပြီး ဝယ်ယူသော ကုမ္ပဏီမှာ (၅၀)ပေါင် စပါးတင်း (၁၀၀)ဈေးနှုန်းဖြင့် ဝယ်ယူခဲ့ခြင်းဖြစ်သည်။

          GoodBrother ကုမ္ပဏီမှ ဆင်းသုခစပါး (၂၄၄)တင်း ငွေကျပ်၊ ၁၄၇၀၀၀၀/-ကျပ်၊   GW-11 စပါးအခြောက် (၉၅၂၄)တင်း ငွေကျပ်၊ ၁၃၇၀၀၀၀/-ကျပ်၊ ၁၃၉၀၀၀၀/-ကျပ်ဖြင့် ကျောင်းကုန်း မြို့နှင့် ညောင်တုန်းမြို့တွင်းမှလည်းကောင်း၊ ကရင်မစပါး (၄၃၈၄)တင်း ငွေကျပ်၊ ၁၄၈၀၀၀၀/-ကျပ်၊ဖြင့် မအူပင်မြို့နယ်မှဝယ်ယူခြင်း၊ ထွန်းပု စပါး တင်း (၅၀၀) ငွေကျပ် ၁၅၆၀၀၀၀/-ကျပ်ဖြင့် ညောင်တုန်းမြို့နယ်အတွင်းမှဝယ်ယူခဲ့ပြီး ပေါင်(၅၀) တင် ၁၀၀နှုန်းဖြင့်ဝယ်ယူခဲ့ကြောင်းသိရသည်။  ညောင်တုန်းမြို့နယ် ကုမ္ပဏီများမှ နေ့စဉ် စပါးဝယ်ယူမှု များကို မြို့နယ်ဦးစီးမှုးရုံးသို့ နေ့စဉ် စပါးဝယ် ယူမှုရှိ/ မရှိ အခြေအနေ စာရင်း အား  ပြုစုပေးပို့ ဆောင်ရွက်လျက်ရှိကြောင်း သိရှိရပါသည်။

DOCA(ဧရာဝတီ)