ပြည်တွင်းကုန်သွယ်မှုသတင်း

      မန္တလေးတိုင်းဒေသကြီး၊ ကျောက်ဆည်ခရိုင်တွင် သီးနှံမျိုးစုံစိုက်ပျိုးလျှက်ရှိရာ ကုန်စိမ်းသီးနှံ တစ်မျိုးဖြစ်သော ခရမ်းသီး သီးနှံကိုလည်း ရာသီမရွေး တစ်နှစ်ပတ်လုံးစိုက်ပျိုးကြပါသည်။ခရမ်းသီး မျိုးအနေဖြင့် 555 ခရမ်းသီးမျိုးနှင့် အလုံးသေးမြုပ်ခရမ်းကို  စိုက်ပျိုးကြပါသည်။ အများဆုံးစိုက်ပျိုး သောကျေးရွာများမှာ သံချပ်ကုန်းကျေးရွာ ၊ ရွာပုလဲကျေးရွာ နှင့် အုပ်ဖိုကျေးရွာများဖြစ်ပါသည် ။ ခရမ်းသီး စိုက်ပျိုးရာတွင် မျိုးစေ့ကိုပျိုးထောင်ပြီး (၁)လခွဲသားအရွယ်တွင် စတင်စိုက်ပျိုးရကြောင်း ၂လခွဲ ၃လကျော် အချိန်တွင် စတင်ခူးဆွတ်နိုင်ပြီး (၄)ရက်ခြားတစ်ကြိမ် ခူးဆွတ်ရကြောင်း ၊ စတင်ခူးဆွတ်သည်မှ  တစ်ပတ်နှင့်တစ်ပတ် အထွက်နှုန်းပိုမိုလာကြောင်း  ၊ (၁)ဧက အထွက်နှုန်း အနေဖြင့် တစ်ပတ်လျှင် အလုံးသေးမြုပ်ခရမ်းမှာ ပိဿာ(၂၅၀-၃၀၀)ခန့် ထွက်ရှိကြောင်း ၊ သက်တမ်းအနေဖြင့် (၄-၅)လခန့် အထိခူးဆွတ်နိုင်ကြောင်း ၊ (၁)ဧက ကုန်ကျစရိတ်အနေဖြင့် မျိုး၊သွင်းအားစု၊လုပ်သားခ အပါအဝင် စုစုပေါင်း(၁၀၀၀၀၀၀/-)ကျပ်ကုန်ကျကြောင်း ၊ အထွက်နှုန်း အနေဖြင့် ပိဿာ(၄၀၀၀-၄၅၀၀)အထိ ထွက်ရှိကြောင်း ၊ ယခုလက်ရှိ မြုပ်ခရမ်းစျေးနှုန်းအနေဖြင့် ဖောက်သည်စျေးမှာ(၁)ပိဿာလျှင်(၇၀၀/-)ကျပ်၊ လက်လီစျေးအနေဖြင့်(၁၀၀၀/-)ကျပ် စျေးနှုန်းများ ဖြင့်အရောင်းအဝယ်ဖြစ်နေကြောင်း   ၊ ကုန်စိမ်းပွဲစားများမှ စိုက်ခင်းများအထိ  လာရောက်ဝယ်ယူကြ

ကြောင်း၊ ကုန်စိမ်းသီးနှံဖြစ်သည့်အတွက် တစ်ပတ်နှင့်တစ်ပတ် အထွက်နှုန်းနှင့်စျေးနှုန်းများ မတူညီ ကြောင်း ၊ (၁)ဧက အကျိုးအမြတ်အနေဖြင့် (၁၈၀၀၀၀၀/-)ကျပ်ဝန်းကျင်မြတ်ကြောင်း ၊ ကုန်စိမ်း ပွဲစားများမှ စိုက်ခင်းများအထိလာရောက်ဝယ်ယူကြကြောင်း ၊ ပွဲစားများမှတဆင့် ကျောက်ဆည်၊ စဉ့်ကိုင်၊မန္တလေးနှင့်ရန်ကုန်မြို့များသို့ တင်ပို့ရောင်းချကြကြောင်း ၊ စျေးနှုန်းများ ကောင်းမွန်လာပါက အကျိုးအမြတ်များ ပိုမိုရရှိမည်ဖြစ်ကြောင်း မြုပ်ခရမ်းသီး စိုက်ပျိုးသူ တောင်သူတစ်ဦး၏ ပြောကြား ချက်အရသိရှိရပါသည်။

DOCA(မန္တလေး)

      မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသဖြစ်သောကြောင့် သီးနှံမျိုးစုံစိုက်ပျိုး ဖြစ်ထွန်းလျက်ရှိရာ ၎င်းသီးနှံများအနက် ငရုတ်သီးနှံကို ၂၀၂၅-၂၀၂၆ ဘဏ္ဍာနှစ်တွင် စဉ့်ကိုင်မြို့နယ်တွင် (၂၇၉၁) ဧကစိုက်ပျိုးခဲ့ပြီး (၁၀၃၄)ဧကရိတ်သိမ်းပြီးစီးပြီ ဖြစ်ကြောင်း သက်ဆိုင်ရာဌာန၏ စာရင်းများအရသိရှိရသည် ။ ငရုတ်မျိုးများ အနေဖြင့် သာမို ၊ ဒီမွန် ၊ အက်စတာ၊ ၆၉၂၊ကျားခေါင်း ငရုတ်မျိုးများကိုစိုက်ပျိုးကြပြီး၎င်းမျိုးများအနက် ၆၉၂ငရုတ်မျိုးများကို ဇန်နဝါရီလ နှင့် ဖေဖော်ဝါရီလများတွင် စိုက်ပျိုးကြကြောင်း ၊ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် စုစုပေါင်း(၁၅၀၀၀၀၀/-)ကျပ် ခန့်ကုန်ကျကြောင်း ၊ အထွက်နှုန်း အနေဖြင့်(၃၅၀-၄၀၀)ပိဿာခန့်ထွက်ရှိကြောင်း ၊ ငရုတ်သီး ဈေးနှုန်းအနေဖြင့် ငရုတ်သီးခြောက် အညှာပါတစ်ပိဿာလျှင်(၁၁၀၀၀)ကျပ်၊ ငရုတ်သီးခြောက်အညှာခြွေတစ်ပိဿာလျှင်(၁၄၀၀၀)ကျပ်၊ ဈေးနှုန်းများဖြင့် အရောင်းအဝယ်ဖြစ်နေကြောင်း၊ (၁)ဧက အကျိုးအမြတ်အနေဖြင့်(၂၃၀၀၀၀၀/-) ကျပ်ဝန်းကျင်မြတ်ကြောင်း၊ ငရုတ်ပွဲစားများမှ စိုက်ခင်းအထိလာရောက်ဝယ်ယူကြပြီး ဈေးကွက်ရှိရာ မန္တလေး ၊ ရန်ကုန်မြို့များသို့ တင်ပို့ရောင်းချကြကြောင်း၊ ငရုတ်စိုက်ပျိုးခြင်းဖြင့် အပိုဝင်ငွေရရှိသည့် အပြင်မိသားစုစားဝတ်နေရေးပါ ပြေလည်သည့်အတွက် ပိုမိုတိုးချဲ့စိုက်ပျိုးသင့်ပါကြောင်း ငရုတ် စိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါသည်။

DOCA(မန္တလေး)

     မန္တလေးတိုင်းဒေသကြီး ၊ ကျောက်ဆည်ခရိုင်သည် သီးနှံမျိုးစုံအောင်မြင်ဖြစ်ထွန်းလျှက်ရှိရာ ၎င်းသီးနှံများအနက် ပဲတီစိမ်းကို ၂၀၂၅ - ၂၀၂၆ ဘဏ္ဍာနှစ်တွင် ကျောက်ဆည်မြို့နယ်တွင် (၈၈၂၃)ဧက စိုက်ပျိုးထားရှိပြီး (၃၂၉၆)ဧက ရိတ်သိမ်းပြီးစီးပြီဖြစ်ကြောင်း သက်ဆိုင်ရာဌာန၏ စာရင်းများအရ သိရှိရပါသည် ။ ပဲတီစိမ်းကို မတ်လနှင့်ဧပြီလများတွင် စတင်စိုက်ပျိုးကြပြီး ယခုအချိန်တွင် ဖြိုင်ဖြိုင်ရိတ်သိမ်းနေပြီဖြစ်ကြောင်း သိရှိရပါသည် ။ စိုက်ပျိုးရာတွင် မျိုးအနေဖြင့် ကျောက်စိမ်းမျိုးနှင့်ရေဆင်း(၁၁)မျိုးကို အများဆုံးစိုက်ပျိုးကြပြီး တစ်ဧကလျှင်မျိုးစေ့(၅-၆)ပြည်ခန့် ကုန်ကျကြောင်း ၊ ပဲတီစိမ်းမျိုး ဈေးနှုန်းအနေဖြင့် တစ်ပြည်လျှင်(၈၀၀၀)ကျပ်ဈေးနှုန်းဖြင့် ဝယ်ယူ စိုက်ပျိုးရပြီး တစ်ဧက ကုန်ကျစရိတ်အနေဖြင့် မျိုး ၊ သွင်းအားစု၊ လုပ်သားခအပါအဝင်၊ စုစုပေါင်း (၅၀၀၀၀၀/-)ကျပ်ခန့် ကုန်ကျကြောင်း ၊ (၁)ဧက အထွက်နှုန်းအနေဖြင့် (၁၁-၁၂)တင်းခန့် ထွက်ရှိ ကြောင်း ၊ ယခင်နှစ် ပဲတီစိမ်း ‌စျေးနှုန်းအနေဖြင့် တစ်တင်းလျှင်(၈၀၀၀၀/-)ကျပ် ဈေးနှုန်းရှိခဲ့ပြီး ယခု အချိန်တွင် ပဲတီစိမ်း တစ်တင်းလျှင်(၁၁၀၀၀၀/-)ကျပ် စျေးနှုန်းများဖြင့် အရောင်းအဝယ်ဖြစ်နေ ကြောင်း၊ ယခင်နှစ်နှင့်ယခုနှစ် စျေးနှုန်းများ နှိုင်းယှဉ်ပါက ပဲတီစိမ်းစျေးမှာမြင့်တက်လျက်ရှိပါသည်။ စျေးကွက်အနေဖြင့် ကျောက်ဆည်မြို့ပေါ်ရှိ ပွဲရုံများသို့ လာရောက်ရောင်းချကြပြီး ပွဲရုံများမှတစ်ဆင့် မန္တလေး၊ ရန်ကုန်မြို့များသို့ တင်ပို့ရောင်းချကြကြောင်း သိရှိရပါသည် ။ အကျိုးအမြတ်အနေဖြင့် (၇၁၀၀၀၀/-)ကျပ်ဝန်းကျင်ခန့် မြတ်ကြောင်း ၊ တောင်သူများ ပဲတီစိမ်းစိုက်ပျိုးမှုဖြင့် ဝင်ငွေတိုး၍ အကျိုးအမြတ်များ ပိုမိုရရှိကြောင်း သိရှိရပါသည်။

DOCA(မန္တလေး)

      ကျောက်ဆည်ခရိုင်အတွင်းရှိ တောင်သူဦးကြီးများသည် မိသားစု စားဝတ်နေရေးအတွက် ရာသီအလိုက်သီးနှံမျိုးစုံ စိုက်ပျိုးကြပါသည်။ စပါး၊ ပဲ၊ ပြောင်း၊ ကြက်သွန်၊ငရုတ်သီးနှံအပြင် ဆီထွက် သီးနှံများဖြစ်သော မြေပဲ၊ နှမ်း၊ နေကြာများကိုလည်း စိုက်ပျိုးကြပါသည်။ ၎င်းသီးနှံများအပြင် စီးပွားဖြစ်ဝင်ငွေတိုးသော ကန်စွန်းပင် ဟင်းသီးဟင်းရွက်ပင်များကိုလည်း စိုက်ပျိုးလာကြပါကြောင်း၊ ကန်းစွန်းရွက် စိုက်ပျိုးရာတွင် ဘောင်များပြုလုပ်၍ တိုက်ရိုက်အစေ့ချစနစ်ဖြင့်စိုက်ပျိုးကြောင်း ၊ ကန်စွန်း စိုက်ပျိုးရန် တစ်ဧကမျိုးစေ့(၈-၁၀)ထုပ်စိုက်ပျိုးရပြီး မျိုးစေ့တစ်ထုပ်လျှင်(၂၆၅၀၀/-) ကျပ်ပေးဝယ်ရကြောင်း၊ မျိုးစေ့ချအနည်းအများနှင့်စိုက်ဧကပေါ်မူတည်၍ မျိုးစေ့ထုပ် အနည်းအများ ကွာခြားကြောင်း၊ ကန်စွန်းတစ်ဧကကုန်ကျစရိတ်အနေဖြင့်(၅၀၀၀၀၀-၅၅၀၀၀၀/-) ကျပ်ခန့်ကုန်ကျ ကြောင်းသိရှိရပါသည် ။ ကန်စွန်းစိုက်ပျိုးပြီး (၃)ပတ်မှ (၄)ပတ်သားအချိန်တွင် ကန်စွန်းရွက်များ စတင်ခူးဆွတ်ရောင်းချရကြောင်း ၊ ကန်စွန်းရွက် တစ်ဧကလျှင် အစည်းပေါင်း (၂၀၀၀၀-၂၅၀၀၀) ခန့်အထိ ထွက်ရှိပြီး၊ ကန်စွန်းရွက် လက်ကား (၁)စည်းလျှင် (၇၀/-) ကျပ်၊ လက်လီ(၁)စည်းလျှင် (၁၀၀/-)ကျပ်ဖြင့် ပြန်လည်ရောင်းချကြောင်း ၊ ကန်စွန်းရွက်တစ်ဧက အကျိုးအမြတ်အနေဖြင့် ကုန်ကျစရိတ်နှုတ်ပြီးပါက (၇၀၀၀၀၀-၈၀၀၀၀၀) ကျပ်ဝန်းကျင်ခန့်မြတ်ကြောင်း ၊ ကုန်သည် ၊ ပွဲစားများအနေဖြင့် ကန်စွန်း စိုက်ခင်းအထိ လာရောက်ဝယ်ယူကြပြီး အမြို့မြို့အနယ်နယ်ရှိ ဈေးများသို့ ပြန်လည်ရောင်းချကြောင်း သိရှိရပါသည် ။ ကန်စွန်းရွက်သည် အာဟာရဓာတ်ကြွယ်ဝတဲ့ ဟင်းရွက်ဖြစ်ပါကြောင်း ၊ ကန်စွန်းရွက်တွင် ဗီတာမင်အေ၊ ဗီတာမင် B1၊ ဗီတာမင်စီ၊ ဗီတာမင်ကေ၊ ပရိုတင်းဓာတ်၊ ကယ်လ်စီယမ်၊ ဖော့စ်ဖရပ်စ် ၊ သံဓာတ် ၊ ကယ်ရိုတင်းဓါတ် ၊ ဆိုဒီယမ်စတဲ့ အာဟာရဓာတ်တွေ များစွာပါဝင်သောကြောင့် ကျန်းမာရေးအတွက် အကျိူးများစေသည့် အရွက်တစ်မျိုးဖြစ်ပါကြောင်း ၊ ကန်စွန်းရွက်တွင် ပါဝင်သည့်  ဗီတာမင်အေသည် မျက်လုံး ကျန်းမာရေးအတွက် အထောက်အကူပေးပြီး အချိန်ကြာမြင့်စွာ မျက်လုံးအသုံးပြုနေရသူများ ကွန်ပျူတာနှင့်အလုပ်လုပ်နေရသူများအနေဖြင့် အမြဲတမ်းစားသုံးပေးသင့်ပါကြောင်း ၊ ကန်စွန်းရွက် သည်မြန်မာလူမျိုးတို့၏ ထမင်းပွဲတွင် မပါမဖြစ် ဟင်းတစ်ခွက်ဖြစ်ကြောင်း စားသုံးသူများထံမှသိရှိရပြီး ကန်စွန်းရွက် စိုက်ပျိုးခြင်းအားဖြင့် စီးပွားလည်းဖြစ်ဝင်ငွေလည်းတိုးကြောင်း ကန်စွန်းပင်စိုက်ပျိုးသော တောင်သူဦးကြီးများထံမှ သိရှိရပါသည်။

DOCA(မန္တလေး)

     မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက် ဒေသတစ်ခု ဖြစ်သောကြောင့် လယ်ယာထွက်ကုန်သီးနှံမျိုးစုံ အောင်မြင်ဖြစ်ထွန်းလျှက်ရှိပါသည်။၄င်းသီးနှံ များအနက် ဆီထွက်သီးနှံဖြစ်သော နှမ်း‌၊မြေပဲ၊နေကြာ စသည့် သီးနှံများမှာ ယခုအချိန်တွင် ရိတ်သိမ်းပြီးစီးပြီဖြစ်၍ အချို့သီးနှံများမှာ စျေးနှုန်းများ ကျဆင်းလျှက်ရှိပါသည် ။ နှမ်းဖြူ တစ်တင်းလျှင် ပေါ်ခါစအချိန်တွင်(၁၂၆၀၀၀/-)ကျပ်ရှိရာမှ သြဂုတ်လ နောက်ဆုံးအပတ်တွင် (၁၀၅၀၀၀/-)ကျပ်၊စက်တင်ဘာလဆန်းပိုင်တွင်(၉၇၀၀၀/-)ကျပ် ၊ နှမ်းညို တစ်တင်းလျှင် ပေါ်ခါစ အချိန်တွင်(၁၀၃၀၀၀/-)ကျပ်ရှိရာ မှ သြဂုတ်လ နောက်ဆုံးအပတ်တွင် (၈၂၀၀၀/-) ကျပ်ရှိပြီး စက်တင်ဘာလဆန်းပိုင်းတွင် ၄င်းစျေးနှုန်းဖြင့် ရောင်းဝယ်လျှက်ရှိကြောင်း ၊ မြေပဲတစ်ပိဿာလျှင် သြဂုတ်လ နောက်ဆုံးအပတ်တွင် (၆၅၀၀-၆၈၀၀)ကျပ် ရှိရာမှ စက်တင်ဘာလဆန်းပိုင်းတွင် တစ်ပိဿာလျှင်(၇၀၀၀/-)သို့လည်းကောင်း၊ နေကြာတစ်တင်း လျှင် သြဂုတ်လလယ်၌ (၅၂၀၀၀/-)ကျပ်ရှိရာမှ နောက်ဆုံးအပတ်တွင် (၄၇၀၀၀/-)ကျပ်သို့ စျေးနှုန်းများကျဆင်းသွားရာ စက်တင်ဘာလဆန်းပိုင်းတွင် တစ်တင်းလျှင်(၅၂၀၀၀/-)ကျပ်သို့ ပြန်လည်မြင့်တက်လာကြောင်း၊သီးနှံစျေးနှုန်းများပြန်လည်မြင့်တက်လာခြင်းမှာ နေကြာဖက်၊ နှမ်းဖက်၊ပဲဖက်စျေးနှုန်းများ ပြန်လည်မြင့်တက်လာခြင်းကြောင့်ဖြစ်ပြီး နေကြာဖက်(၁)ပိဿာ လျှင်ယခင်က(၁၈၀၀/-)ကျပ်ရှိရာမှ ယခုအချိန်တွင်(၂၁၀၀/-)ကျပ်သို့လည်းကောင်း၊ နှမ်းဖက် (၁)ပိဿာလျှင်ယခင်က(၂၄၀၀-၂၅၀၀)ကျပ်ရှိခဲ့ရာမှ ယခုအချိန်တွင်(၂၇၅၀/-)ကျပ်သို့လည်း ကောင်း၊ပဲဖက် (၁)ပိဿာလျှင်ယခင်က(၄၁၀၀-၄၂၀၀)ကျပ်ရှိခဲ့ရာမှ ယခုအချိန်တွင်(၄၈၀၀/-) ကျပ်ဖြင့် ကျောက်ဆည်မြို့ရှိပွဲရုံများအတွင်း ‌အရောင်းအဝယ်ဖြစ်လျက်ရှိကြောင်း သိရှိရ ပါသည်။

DOCA(မန္တလေး)