ပြည်တွင်းကုန်သွယ်မှုသတင်း

        ကမ်းဇော်ပင်သည် နှစ်တရာကျော်အထိရှင်သန်နိုင်သော နှစ်ရှည်ပင်ကြီးဖြစ်ပြီး အဓိကအားဖြင့် အ‌ရှေ့တောင်အာရှနိုင်ငံများဖြစ်သော နီပေါ၊      ဘင်္ဂလားဒေ့ရှ်၊ ထိုင်း၊ အင်ဒိုနီးရှား၊ အိန္ဒိယနှင့် မလေးရှားနိုင်ငံများတွင် အများဆုံးတွေ့ရှိရပါသည်။ မြန်မာနိုင်ငံတွင် မြေနိမ့်ချိုင့်ဝှမ်းဒေသများနှင့် ရွံ့နွံပေါများ၍ ရေရရှိသောဒေသများဖြစ်သည့် တနင်္သာရီတိုင်း‌ဒေသကြီးတို့တွင် သဘာ၀အ လျောက်ကျယ်ကျယ်ပြန့်ပြန့်ပေါက်ရောက်လျက်ရှိပါသည်။ ကမ်းဇော်စေ့များသည် နွေရာသီဖြစ်သော မတ်လနှင့် ဧပြီလတို့တွင် အဓိကထွက်ရှိပါသည်။

        ကမ်းဇော်ပင်သည် ဆီထွက်သီးနှံပင်တစ်မျိုးဖြစ်သော်လည်း အလွန်ဆေးဖက်ဝင်သော ကြောင့် ကမ်းဇော်စေ့နှင့် ကမ်းဇော်ဆီများသည် စျေးကောင်းရရှိလျက်ရှိကြောင်း သိရှိရပါသည်။ မြိတ်ဒေသတွင် ရောင်းချလျက်ရှိသော ကမ်းဇော်ဆီစျေးနှုန်းများမှာ ၂၅ကျပ်သား တစ်ဗူးလျှင် ၁၂၀၀၀၀ကျပ်နှင့် ၅၀ကျပ်သားတစ်ဗူးလျှင် ၂၄၀၀၀၀ကျပ် အထိစျေး ရရှိကြောင်းသိရှိရပါသည်။

DOCA(တနင်္သာရီ)

     ကွမ်းရွက်သည် ဆေးဖက်ဝင်ပစ္စည်းတစ်မျိုးဖြစ်သည့်အပြင် မြန်မာလူမျိုးများ အများဆုံး စားသုံးကြသည့် ကွမ်းယာတွင်မပါမဖြစ်သော အဓိက ပါဝင်ပစ္စည်းတစ်မျိုးဖြစ်သည်။ ယခုအခါ ကုန်ဈေးနှုန်းများ မြင့်တက်လာသော်လည်း မြိတ်ဒေသရှိကွမ်းရွက်ဈေးနှုန်းမှာ ကျဆင်းနေကြောင်း သိရှိရပါ သည်။ ကွမ်းရွက်ဈေးနှုန်းကျဆင်းရခြင်းသည် လမ်းပန်းဆက်သွယ်ရေးအခြေအနေကြောင့် ဖြစ်ကြောင်း သိရှိရပါသည်။ ကွမ်းရွက်ကို မိုးကာလတွင် အများဆုံးစိုက်ပျိုးကြပြီး မိုးနှင့် ဆောင်းကာ လများတွင် ဈေးကောင်းရရှိကြောင်း သိရှိရပါသည်။

     ယခု၂၀၂၅ခုနှစ်စက်တင်ဘာလပထမပတ်တွင် ကွမ်းရွက်အချောတစ်စည်းလျှင် (၁၃၀၀) ကျပ်ရှိပြီး ကွမ်းရွက်အကြမ်းတစ်စည်းလျှင် (၁၀၀၀)ကျပ် ရှိကြောင်း ကွမ်းရွက်ရောင်းချသူများထံ မှ သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်အတွင်းရှိ ကျေးရွာများနှင့် မြိတ်မြို့ ပေါ်ရှိရပ်ကွက်များတွင် စိုက်ပျိုးရေးလုပ်ငန်းများကို လုပ်ကိုင်စားသောက်ကြရာမှ စားဖိုဆောင်  သီးနှံဖြစ်သည့် ပဲတောင့်ရှည်၊ ခရမ်းသီး၊ ငရုတ်သီး၊ ဘူးသီး၊ ရုံးပတီသီးကို တစ်နိုင်တစ်ပိုင်စိုက်ပျိုး ကြပါသည်။ စားဖိုဆောင်သီးနှံတစ်မျိုးဖြစ်သည့် ပဲတောင့်ရှည်ကိုရပ်ကွက်များတွင် ပိုမိုစိုက်ပျိုးကြ ကြောင်း သိရှိရပါသည်။ ပဲတောင့်ရှည်ကို စမ်းချောင်းကုန်စိမ်းဈေးနှင့် ရပ်ကွက်ဈေးငယ်များတွင် ရောင်းချကြကြောင်း အသီးအနှံစိုက်ပျိုးနေသူတစ်ဦးထံမှ သိရှိရပါသည်။

          ယခု၂၀၂၅ခုနှစ် စက်တင်ဘာလပထမပတ်တွင် ဖြစ်ပေါ်နေသောမြိတ်မြို့ပေါ်ရှိ ပဲတောင့်ရှည်ဈေးနှုန်းမှာ အစီးငယ်တစ်စီးလျှင် (၈၀၀)ကျပ်ရှိပြီး အစီးကြီးတစ်စီးလျှင်(၄၀၀၀)ကျပ်ဖြင့် ရောင်းချနေကြောင်း သိရှိရပါသည်။

DOCA(တနင်္သာရီ)

      တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့သည် ပင်လယ်ကမ်းရိုးတန်းဒေသဖြစ်သောကြောင့် ရေထွက်ကုန်များပေါများသော်လည်း မွေးမြူရေးလုပ်ငန်းများနည်းပါးသောကြောင့် မြိတ် ဒေသတွင် စားသုံးရန်လိုအပ်လျက်ရှိသော ကြက်ဥများအားအခြားဒေသများမှ သယ်ယူတင်သွင်း ရရှိကြောင်းသိရှိရပါသည်။ အထူးသဖြင့် ရန်ကုန်မြို့နှင့် မော်လမြိုင်မြို့တို့မှအဓိက သယ်ယူလျက်ရှိကြောင်း သိရှိရသည်။

     ထိုသို့ သယ်ယူတင်သွင်းရာတွင် ၂၀၂၅ခုနှစ်၊ စက်တင်ဘာလ ပထမပတ်အတွင်း လမ်းခရီး အခက်အခဲများကြောင့် ကြက်ဥစျေးနှုန်းများ အနည်းငယ်မြှင့်တက်လျက်ရှိရာ မြိတ်မြို့အတွင်းလက် လီရောင်းချနေသော စျေးနှုန်းများမှာ ကြက်ဥအသေး (၅၀၀)ကျပ်၊ ကြက်ဥအလတ်(၇၅၀)ကျပ်နှင့် ကြက်ဥအကြီး (၈၀၀)ကျပ်နှင့် ကြက်ကြမ်းဥ (၁၀၀၀)ကျပ်နှုန်းတို့ဖြင့် ရောင်းချလျက်ရှိကြောင်း သိရှိရပါသည်။

DOCA(တနင်္သာရီ)

   ကရင်ပြည်နယ်တွင် ဆန်/စပါးဈေးနှုန်းများတည်ငြိမ်နေသောလည်း ဆန်စီးဝင်မှုများမှာ ယခင် အပတ်ထက်လျော့နည်း၍ စီးဝင်ခဲ့ကြောင်း သံလွင်တံတားမှနေ့စဉ်ပေးပို့လာသော ဇယားများ အရ သိရသည်။

    ကရင်ပြည်နယ်အတွင်းသို့ အခြားတိုင်းဒေသကြီးများမှ ဩဂုတ်လနောက်ဆုံးပတ်အတွင်း ဆန်စီးဝင်မှုများမှာ ရန်ကုန်မှ ဆန်အိတ်ရေ (၁၃၅၇၀)အိပ်၊ မွန်မှဆန်အိပ်ရေ (၃၄၀၀)အိပ်၊ စစ်ကိုင်းမှ ဆန်အိပ်ရေ (၁၈၃၀)အိပ်၊ ပဲခူးမှဆန်အိပ်ရေ (၃၅၀)အိပ် စုစုပေါင်း ဆန်အိပ်ရေ (၁၉၁၅၀)အိပ် တန်အားဖြင့် ဖော်ပြလျှင် (၉၅၇.၅၀)တန် တို့ဖြစ်ပြီး ယခင်အပတ်နှင့်နှိုင်းယှဉ်လျှင် ယခုအပတ်အတွင်း ဆန်စီးဝင်မှုများ လျော့နည်းခဲ့သည်။ ကရင်ပြည်နယ်အတွင်း စပါးလက်ကျန် နည်းပါလာသောကြောင့် ဆန်ကုန်သည်လုပ်ငန်းများအနေဖြင့် ရန်ကုန်၊ စစ်ကိုင်၊ ပဲခူး မွန် စသည့်ဒေသများမှ ဆန်များဝယ်ယူ၍ ရောင်းချရကြောင့် ဝယ်ဈေးအပေါ်သယ်ယူစရိတ်ထပ်ဆောင်း ရောင်းချရသောလည်းဈေးနှုန်းမှာ ပုံမှန်အတိုင်းရောင်းချကြောင်း သိရသည်။

    ကရင်ပြည်နယ်၏ စက်တင်ဘာလပထမပတ်တွင် ဖြစ်ပေါ်နေသော ဆန်/စပါး ဈေးနှုန်း များမှာ စပါးတင်း(၁၀၀)လျှင် (၁၆၀၀၀၀၀)ကျပ်ဖြစ်ပြီး ကရင်ပြည်နယ်၊ ဘားအံမြို့တွင် ရောင်းချ နေသော ဆန်ဈေးနှုန်းများမှာ ပေါ်ဆန်းဆန် တစ်ပြည်လျှင် (၆၀၀၀)ကျပ်၊(၂၄)ပြည်လျှင် (၁၄၁၀၀၀) ကျပ်၊ ဧည့်မထ (မနောသုခ)ဆန် တစ်ပြည်လျှင် (၃၅၀၀)ကျပ်၊ (၂၄) ပြည်လျှင် (၈၁၀၀၀)ကျပ်၊ ဆန်ကွဲ တစ်ပြည်လျှင် (၂၅၀၀) ကျပ်၊ (၂၄) ပြည်တစ်အိပ်လျှင် (၆၀၀၀၀)ကျပ်တို့ဖြစ် အရောင်းအဝယ်ဖြစ်လျက်ရှိ ကြောင်း သိရသည်။

DOCA(ကရင်)