ပြည်တွင်းကုန်သွယ်မှုသတင်း

   မအူပင်ခရိုင်အတွင်းရှိ ကျေးရွာနေပြည်သူများသည် စားဖိုဆောင်သီးနှံများဖြစ်သော ပဲတောင့်ရှည်၊ ရုံးပတီသီး၊ သခွားသီး၊ ဟင်းသီးဟင်းရွက်မျိုးစုံ၊ ပန်းမျိုးစုံ ကို ရာသီမရွေး စိုက်ပျိုးနေကြပြီး ဆောင်းရာသီ ဆီထွက်သီးနှံများ  စိုက်ပျိုးကြသည့် အပြင် မိသားစုအပိုဝင်ငွေရရှိရေးအတွက် ကျေးလက်တောရွာများ၌ သဘာဝအလျှောက် ပေါက်ရောက်သည့် စားသုံးပင်ဖြစ်သည် ဆူးပုတ်ရွက်ပင်ကို ခြံစည်းရုံးများနှင့် ခြံမြေ လစ်လပ်နေရာများတွင် စိုက်ပျိုးရာက အပိုဝင်ငွေရရှိလျက်ရှိကြောင်း သိရသည်။

        ဆူးပုတ်ရွက် ရွက်သည် ကျေးရွာများရှိ ဒေသနေပြည်သူများသည် ခြံမြေများတွင် သဘာ၀အလျောက် ပေါက်ရောက်သော ဆူးပုတ်ရွက်များ ခူးယူပြီး မိသားစု စားသုံးရန်အပြင်  ပိုလျှံသော ဆူးပုတ်ရွက်များကို  တစ်ဖက်တစ်လမ်းမှ အပိုဝင်ငွေ ရရှိစေရန်အတွက်  ရောင်းချလျက်ရှိကြောင်း သိရသည်။ ဆူးပုတ်ရွက်များကို ပုံစံအမျိုးမျိုးဖြင့် ချက်ပြုတ်စားသောက်နိုင်သည့်အတွက် ဒေသနေ ပြည်သူများ ကြိုက်နှစ်သက်သောကြောင့်  မိသားစုအပိုဝင်ငွေ ရရှိရေးအတွက်  အရင်းအနှီး စိုက်ထုတ်မှုနည်းသော ဆူးပုတ်ပင်များကို အိမ်ခြံဝင်းများတွင်လည်း တစ်ပိုင်တစ်နိုင် စိုက်ပျိုးလာကြကြောင်း သိရသည်။

ဆူးပုတ်ပင်များသည် ဩဂုတ်လမှစ၍  အညွန့်များ လှိုင်လှိုင်ထွက်ရှိပြီး ယင်းအညွန့်များအား ဒေသခံများက ခြံမြေများမှ စိုက်ပျိုးထွက်ရှိမှုကို ခူးယူရောင်းချကြကြောင်း၊ ဆူးပုတ်ရွက် တစ်စီးလျှင် (၅၀၀) ကျပ်နှုန်းဖြင့် ခူးယူရောင်းချကြောင်း၊ အပင်ရေ ၂၀ခန့် ရှိပြီး တစ်နေ့လျှင် အစီးရေ ၂၀-၃၀ ကြား ထွက်ရှိကြောင်း ဆူးပုတ် ၁စီးလျှင် လက်ကားဈေး ၄၀၀ကျပ်ဖြင့် ရောင်းချ၍ စိုက်ပျိုးသူများ အပိုဝင်ငွေရရှိပြီး အဆင်ပြေလျက်ရှိကြောင်း စီးပွားဖြစ်စိုက်ပျိုးသူ မရှိကြောင်း ရင်းနှီးစိုက်ထုတ်စရာမလိုပဲ မိသားစု အပိုဝင်ငွေရ ဆူးပုတ်ပင်များ အကိုင်းချိုး၍ တိုးချဲံ စိုက်ပျိုးမည်ဖြစ်ကြောင်း စိုက်ပျိုးသူထံမှ သိရသည်။

DOCA(ဧရာဝတီ)

     တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်အတွင်းရှိ ‌ကျေးရွာများနှင့် မြို့ပေါ်ရပ် ကွက်များတွင် စိုက်ပျိုးရေးလုပ်ငန်းကို လုပ်ကိုင်စားသောက်ကြပါသည်။ရုံးပတီသီးကို ရာသီမရွေး စိုက်ပျိုးနိုင်သောကြောင့် တောင်သူများတွက်ချေကိုက်သော သီးနှံတစ်မျိုးဖြစ်သည်။  စားဖိုဆောင် သီးနှံတစ်မျိုးဖြစ်သည့် ရုံးပတီသီးကိုလည်း တစ်နိုင်တစ်ပိုင်စိုက်ပျိုးလျက်ရှိပါသည်။ ထွက်ရှိလာ သောသီးနှံများကို ဆိပ်ငယ်ဈေးကြီး၊ ရှမ်းချောင်းကုန်စိမ်းဈေးနှင့်တခြားဈေးငယ်များသို့ ပို့ဆောင် ပြီးရောင်းချကြကြောင်း သီးနှံစိုက်ပျိုးသော တောင်သူတစ်ဦးထံမှသိရှိရပါသည်။ ရုံးပတီသီးစား ပေးခြင်းဖြင့် အစာအိမ်ရောဂါကိုကောင်းမွန်စေခြင်း၊ အစာအိမ်ထဲမှ အက်စက်ဓာတ်ကိုလျော့ချ ပေးခြင်း၊ ခန္ဓာကိုယ်ထဲမှအညစ်အကြေးကိုဖယ်ရှားပေးခြင်း၊ သွေးနီဥထုတ်လုပ်မှုကို လှုံဆော်ပေးတာကြောင့် ခွန်အားကိုပိုရှိခြင်း၊ မောပန်းနွမ်းနွယ်မှုများကိုကောင်းစေခြင်း၊ ဝမ်းချုပ်ခြင်းများကို ကာကွယ်ပေးပါသည်။

    ယခု၂၀၂၅ခုနှစ်၊ စက်တင်ဘာနောက်ဆုံးပတ်တွင် မြိတ်မြို့ပေါ်တွင် ရောင်းချနေသော ရုံးပတီသီးတစ်တောင့်လျှင်(၂၅၀)ကျပ် ရှိပြီး (၁၀)တောင့်ပါတစ်စည်းလျှင်(၂၀၀၀)ကျပ်ရှိကြောင်း သိရှိရပါသည်။

DOCA(တနင်္သာရီ)

   ဧရာဝတီတိုင်း‌ဒေသကြီး၊ စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည်  စားသုံးသူကာကွယ်ရေး လုပ်ငန်းများကို ပုံမှန်ဆောင်ရွက်လျက်ရှိပြီး စားသုံးသူများနေ့စဉ် ဝယ်ယူသုံးစွဲလျက် ရှိသည့် အခြေခံစား သောက်ကုန်များ၏ ဈေးနှုန်း၊ ဈေးကွက်အခြေအနေများကိုလည်း စဉ်ဆက်မပြတ် လေ့လာဆောင်ရွက်လျက်ရှိပါသည်။(၁၅.၉.၂၀၂၅) ရက်နေ့ နံနက် (၀၈:၀၀)နာရီအချိန်တွင် ဟင်္သာတ မြို့ပေါ်ရပ်ကွက်နှင့် ပဒေသာဈေးအတွင်းရှိ ကြက်ဥ၊ဘဲဥ လက်လီ/လက္ကားရောင်းချသော  အရောင်း ဆိုင်များသို့ ကွင်းဆင်းစစ်ဆေးခြင်းကို ဆောင်ရွက်ခဲ့ပါသည်။

   ဟင်္သာတမြို့နယ်အတွင်းရောင်းချသော  ကြက်ဥ၊ ဘဲဥများကို ဒေသတွင်း ကြက်ခြံများမှ ဝယ်ယူ ရောင်းချလျက်ရှိပြီး၊ ရန်ကုန်မြို့မှလည်း မှာယူရောင်းချကြောင်း သိရှိရပါသည်။ ၂၀၂၅ခုနှစ်၊ ဇွန်လ (ပထမပတ်)တွင် ကြက်ဥအလုံးကြီး(၁၀)လုံးလျှင် (၃၈၀၀ ကျပ်)၊ ကြက်ဥအလုံး အသေး (၁၀)လုံးလျှင် ကျပ်(၃၆၀၀ ကျပ်)၊ ဘဲဥ(၁၀)လုံးလျှင် ကျပ်(၄၆၀၀ မှ ၄၈၀၀)ကျပ် ဈေးနှုန်းများဖြင့် အရောင်းအဝယ်ဖြစ်လျက်ရှိပြီး၊ ယခင်(ပထမပတ်)နှင့်နှိုင်းယှဉ်ပါက ဈေးနှုန်းတည်ငြိမ်လျက်ရှိပါ သည်။ အလုံးအရွယ် အစားအပေါ်မူတည်၍ ဈေးနှုန်းများလဲ ကွာခြားမှုရှိကြောင်း ကြက်ဥ၊ဘဲဥ ရောင်းချသူ အရောင်းဆိုင် များမှ သိရှိရပါသည်။

DOCA (ဧရာဝတီ)

     ဧရာဝတီတိုင်းဒေသကြီး ပန်းတနော်မြို့နယ်၊ အလယ်ပိုင်းရပ်ကွက်တွင် ရာသီပေါ် ငွေပန်းများ ခူးယူရောင်းချခြင်းဖြင့် မိသားစုအပို ဝင်ငွေရရှိကြောင်း ငွေပန်းစိုက်ပျိုးရောင်းချသူထံက သိရသည်။

     ကျေးလက်ဒေသများတွင် ဘုရားပန်းများဖြစ်သည့် မေမြို့ပန်း၊ နှင်းပန်း၊ ဂန္ဓမာပန်းအမျိုးမျိုး၊ နှင်းဆီ၊  စံပယ်၊ ဇွန်ပန်းများ စိုက်ပျိုးကြသည့်အပြင် ငွေပန်းပင်များကို စိုက်ပျိုးထားကြကြောင်း၊ အခြားပန်းများ သည် မြေအောက်ရေ ပေးသွင်းရပြီး ငွေပန်းသည် ရေအစိုဓာတ်ရှိသည့် မြေကွက်များတွင် စိုက်ပျိုးရသည် ဖြစ်ကြောင်း၊ လက်တက်ပွားဥများ၊ အမြစ်များပါရှိသဖြင့် ငွေပန်းကို တစ်ကြိမ်သာ စိုက်ပျိုးထားပါက အပင်များ ပွားများလာကြောင်း၊ စိုက်ပျိုးပြီး (၇)လအကြာတွင် ပန်းဖူး၊ ပန်းပွင့်များ စတင်ခူးယူရရှိနိုင်ကြောင်း၊ သဘာဝအလျှောက်အပင်ဖြစ်ထွန်း၍ အပွင့်ပွင့်သော  ကြောင့် အပင်အားဆေး၊ အပွင့်အားဆေးနှင့် ပိုးသတ်ဆေးဝါးများ အသုံးမပြုရကြောင်း၊ ခုလိုမိုးရာသီတွင် အပင်ပိုမိုဖြစ်ထွန်း၍ အပွင့်များစွာရရှိကြောင်းနှင့် ငွေပန်း (၅)ပွင့်တစ်ကုံးလျှင် (၅၀၀) ငွေပန်း ၃ပွင့်ပါ ၅စီးတစ်ကုံးလျှင် ၂၅၀၀ ကျပ် ရောင်းချရတဲ့အတွက် ရန်ကုန်-မအူပင် ကားဆွဲသူများထံနှင့် မအူပင်မြို့သို့ ပေးပို့ ရောင်းချနေရ၍ မိသားစုအပိုဝင်ငွေရရှိကြောင်း ငွေပန်းစိုက်ပျိုးရောင်းချသူ မသိမ့်ကပြောသည်။

DOCA(ဧရာဝတီ)

      မအူပင်မြို့နယ်များအတွင်း သံပုရာပင်စိုက်ပျိုးသူများ ရှိ၍ သုံးရာသီလုံး သံပုရာ ထွက်ရှိနေ၍ စက်တင်ဘာလ တတိပါတ်အတွင်း သံပုရာသီးဈေးကျဆင်းလျက်ရှိသည်။

    မအူပင်ဈေးကွက်တွင် သုံပုရာသီ ၁လုံး ၁၀၀ကျပ်ဖြင့် ရောင်းချနေပြီး၊ ဗမာသံပုရာ စစ်စစ် ၁လုံးလျှင် ၃၀၀ကျပ်ဖြင့် ရောင်းချနေကြသည်။ မအူပင်မြို့နယ်တွင် သံပုရာသီးထွက်ရှိမှု နည်းသော ကာလများတွင် ဈေးကောင်းလျက်ရှိပြီး ၁လုံး ၅၀၀ကျပ်အထိ ရောင်းချရခြင်းများလည်းရှိသည်။

   မအူပင်ဈေးကွက်အတွင်း တစ်နေ့လျှင် သံပုရာသီး အလုံးရေ ၅၀၀၀နီးပါး နေ့စဉ် မအူပင်ကုန်စိမ်းသည်ထံ လာရောက်ပေးပို့ကြောင်း၊ သံပုရာသီးဈေးကျနေ၍ ဝယ်ယူသူများပြားပြီး၊ စားသောက်ဆိုင်များမှ အချိုရည်အဖြစ်ရောင်းချရန် ဝယ်အားများကြောင်း သိရသည်။

     သံပုရာသီးကို ဖျော်ပဲသောက်သောက်၊ အသုပ်၊ အုန်းနို့ခေါက်ဆွဲ၊ မုန့်ဟင်းခါး တွေထဲကိုပဲ ညှစ်ထည့်ပြီးစားစား စားရတာ ချဉ်ချဉ်လေးနဲ့ ခံတွင်းရှင်းတဲ့ သံပုရာသီးဖြစ်သည်။ သံပုရာသီးမှာတော့ ဓာတ်တိုးဆန့်ကျင်ပစ္စည်းတွေ ကြွယ်ဝစွာ ပါဝင်နေတာ​ကြောင့် ခန္ဓာကိုယ်က ဆဲလ်တွေကိုတင် ကာကွယ်ပေးတာမဟုတ်ဘဲ နာတာရှည်ရောဂါတွေ မဖြစ်အောင်ပါ ကာကွယ်ပေးမှာဖြစ်ပါသည်။

DOCA(ဧရာဝတီ)