သတင်းနှင့် လှုပ်ရှားမှုများ

            ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့၊ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ရီရီရှိန်သည် (၆.၃.၂၀၂၆) ရက်နေ့ ၊ နံနက်(၁၀:၀၀)နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၊လူထုအခြေပြုဗဟိုဌာန (Community Centre )တွင် စားသုံးသူကာကွယ်ရေးအသိပညာပေး Talk Show ဆောင်ရွက်ခဲ့ပါသည်။

          အသိပညာပေး Talk Show တွင် ပြန်ကြားရေးနှင့် ပြည်သူ့ဆက်ဆံရေး ဦးစီးအရာရှိ ဒေါ်ဝင့် နန္ဒာဌေးမှ စားသုံးသူရေးရာဦးစီးဌာန၏ စားသုံးသူကာကွယ်ရေး ဆောင်ရွက်နေသည့် အကြောင်း အရာများထဲမှ သိလိုသည်များကို မေးမြန်းခဲ့ရာ မြို့နယ်တာဝန်ခံဒေါ်ရီရီရှိန်မှ စီးပွားရေး လုပ်ငန်းရှင်ဆိုတာ ဘယ်သူတွေလဲ စီးပွားရေးလုပ်ငန်းရှင်၏ တာဝန်များအကြောင်း စီးပွားရေးလုပ်ငန်းရှင်မှ ကုန်စည်နှင့်ဝန်ဆောင်မှုများ စပ်လျဉ်း၍ အားမခံချက်ပေးနိုင်သည့် အချက်များ လုပ်ငန်းရှင်များ လိုက်နာမှုမရှိလျှင် စီမံခန့်ခွဲမှုနည်းလမ်းအရ အရေးယူခြင်းဆိုင်ရာများကို ပြည်သူများသိရှိနိုင်ရန် ပြန်ဆက်ဌာနနှင့် ပူးပေါင်း၍ အသိပညာပေးဆောင်ရွက်ခဲ့ပါသည်။

DOCA( ပဲခူး)

       စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်မိုးမိုးကြည် (စစ်ဆေးရေးအရာရှိ)နှင့် ဝန်ထမ်းများသည် စံပြဈေးစည်ပင်နှင့်ပူးပေါင်း၍  (၁၀-၃-၂၀၂၆)ရက်နေ့၊ နံနက် (၁၁:၀၀)နာရီအချိန်တွင် သင်္ဃန်ကျွန်းမြို့နယ်၊ စံပြဈေးအတွင်းရှိ လျှပ်စစ်ပစ္စည်းအရောင်းဆိုင်များသို့ ထုတ်ကုန်လုံခြုံစိတ်ချရမှုရှိစေရေး  ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

           ထိုသို့ကွင်းဆင်းစစ်ဆေးခဲ့ရာတွင် စစ်ဆေးရေးမှူးက  စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသောလျှပ်စစ်ပစ္စည်းမျာတွင် ကုန်စည်အမျိုးအစားကိုလိုက်၍ အမျိုးအမည်၊ အရွယ်အစား၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊  သတိပေးချက်နှင့် သက်ဆိုင်ရာဌာနများ၏ ထောက်ခံချက်ဖော်ပြထားမှုရှိ/ မရှိတို့ ကိုစစ်ဆေးခဲ့ပြီး၊ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်ကြားချက် အမှတ် (၂/၂၀၁၉)နှင့် အညီ မြန်မာဘာသာဖြင့် ပြည်စုံစွာဖော်ပြထားသော လျှပ်စစ်ပစ္စည်းများကိုသာ ဈေးကွက်အတွင်းရောင်းချရန်၊ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့)တစ်ခုထက်ပို၍ တွဲလျက်ဖြစ်စေရေးသားဖော်ပြရမည်ဖြစ်ကြောင်း အသိပညာပေးပြောကြားခဲ့ပြီး စားသုံးသူရေးရာဦးစီးဌာန၏ စားသုံးသူကာကွယ်ရေးဥပဒေအခန်း (၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ သိရှိနိုင်ရန် လက်ကမ်းစာစောင်ဖြန့်ဝေခြင်းများဆောင်ရွက်ခဲ့ကြောင်း  သိရှိရပါသည်။

DOCA (ရန်ကုန်)

                စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ မုံရွာခရိုင်ဦးစီးမှူးသည် ( ၁၁.၃.၂၀၂၆ ) ရက်နေ့၊ နံနက် (၀၉း၃၀) နာရီက မုံရွာခရိုင်၊ ခရိုင်ရဲတပ်ဖွဲ့မှူးရုံးသို့ ၂၀၂၆ ခုနှစ်၊ မတ်လ (၁၅)ရက်နေ့တွင် ကျရောက်မည့် ကမ္ဘာ့စားသုံးသူအခွင့်အရေးများနေ့ အထိမ်းအမှတ် အဖြစ် စားသုံးသူကာကွယ်ရေး အသိပညာပေးဟောပြောဆွေးနွေးဆောင်ရွက်ခဲ့ပါသည်။

           ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မုံရွာခရိုင်ဦးစီးမှူးမှ မိတ်ဆက် စကားပြောကြားပြီး စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူ ကာကွယ်ရေးဥပဒေအကြောင်း သိကောင်းစရာများ၊ မုံရွာခရိုင်ဦးစီးမှူးရုံး၏ လုပ်ငန်းဆောင်ရွက်မှု အခြေအနေများ၊ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြချက်များ၊ ဦးစား ပေးဈေးကွက်စစ်ဆေးရမည့် ဝန်ဆောင်မှုကဏ္ဍ(၃)ရပ်နှင့်စပ်လျဉ်း၍ ဆောင်ရွက်နေသည့် အခြေ အနေများ၊ အွန်လိုင်းစနစ်ဖြင့် ရောင်းချခြင်း (Online Sales) လုပ်ငန်းများမှတ်ပုံတင်လက်မှတ် လျှောက်ထားခြင်းနှင့်ပတ်သက်၍ သိကောင်းစရာများ၊ စားသုံးသူကာကွယ်ရေးဆိုင်ရာအသိပညာပေး Talk Show ဆောင်ရွက်မှုများအား အသေးစိတ် ရှင်းလင်းဆွေးနွေးပြောကြားခဲ့ပြီး မုံရွာခရိုင် ရဲတပ်ဖွဲ့မှူးရုံးမှ အရာထမ်း၊ အမှုထမ်း ဝန်ထမ်းအင်အား ၄၀ ဦးခန့်တက်ရောက်ခဲ့ကြောင်း၊တက်ရောက်လာကြသည့်အရာထမ်း၊အမှုထမ်းများကသိလိုသည်များမေးမြန်းဆွေးနွေးပြောကြားခဲ့ကြောင်း သတင်းရရှိပါသည်။

DOCA(စစ်ကိုင်း)

                 စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းတို့သည် မတ်လ၁၂ ရက်နေ့ နံနက် ၁၁ နာရီ အချိန်တွင် မုံရွာမြို့၊ ကွေးကြီးရပ်ကွက်ရှိ Bo Bo မုန့်လုပ်ငန်းရှင်နှင့် တွေ့ဆုံ၍ စားသုံးသူကာကွယ်ရေးဥပဒေ(၂၀၁၉)၊ အခန်း(၁၈)အရ ကုန်အညွှန်းအမှတ်အသားဆိုင်ရာ ပြဌာန်းချက်များနှင့်ပတ်သက်၍ စီးပွားရေးလုပ်ငန်းရှင်များ သိရှိလိုက်နာဆောင်ရွက်နိုင်စေရန်အတွက် အသိပညာပေးဆွေးနွေးခဲ့ပါသည်။

          ထိုသို့ တွေ့ဆုံရာတွင် စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြခြင်း၊ ပြစ်မှုပြစ်ဒဏ်များ၊  စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ ပုဒ်မ ၄၁၊(ခ)နှင့်(ဆ) တို့တွင် ဖော်ပြထားသည့် ကုန်စည်၏အမျိုးအမည်၊ အရွယ်အစား၊ အရေအတွက် နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာဘေး ထွက်ဆိုးကျိုး သို့မဟုတ် ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်တို့ကို မြန်မာ ဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ်တစ်ခုထက်ပို၍ တွဲလျက်ဖြစ် စေ၊ ရေးသားဖော်ပြရမည်ဖြစ်ကြောင်း၊ အသိပညာပေးဆွေးနွေး ပြေားကြားခဲ့ကြပြီး စားသုံးသူကာကွယ်ရေးဥပဒေပါ ကုန်အညွှန်းအမှတ်အသား လက်ကမ်းစာစောင်များ ဖြန့်ဝေပေးခဲ့ကြောင်း သတင်း ရရှိပါသည်။

DOCA(စစ်ကိုင်း)

               အပြည်ပြည်ဆိုင်ရာ စားသုံးသူများအဖွဲ့ ( Consumer International-CI )က သတ်မှတ်ထားသော ဆောင်ပုဒ်နှင့်အညီ မြန်မာနိုင်ငံအပါအဝင် ကမ္ဘာ့နိုင်ငံအသီးသီး၌ ကျင်းပလျက် ရှိပါသည်။ ကလေးခရိုင်စားသုံးသူရေးရာဦးစီးဌာနအနေဖြင့်  ( ၁၂.၃.၂၀၂၆ ) ရက်နေ့၌ ကမ္ဘာ့စားသုံးသူ အခွင့်အရေးများနေ့ အထိမ်းအမှတ်အကြို အပြည်ပြည်ဆိုင်ရာလေဆိပ်တွင်  စားသုံးသူရေးရာဦးစီးဌာ၏ ကုန်စည်/ဝန်ဆောင်မှု၊ Call Center သို့တိုင်ကြားနိုင်သည့် အချက်အလက်များပါဝင်သည့်  လက်ကမ်းစာစောင်များကို လေယာဉ် စီးနင်းလိုက်ပါမည့် ခရီးသွားပြည်သူများသို့ ဖြန့်ဝေခဲ့ပါသည်။

          ထိုသို့ဖြန့်ဝေရခြင်းမှာ ( ၁၅. ၃. ၂၀၂၆ ) ရက်နေ့တွင် မကြာမီကျရောက်တော့မည့် ကမ္ဘာ့ စားသုံးသူအခွင့်အရေးများနေ့ဖြစ်သည့် (World Consumer Right Day )အထိမ်းအမှတ်အခမ်းအနား ကို ၂၀၁၆ ခုနှစ်မှစတင်ပြီး နှစ်စဉ်ကျင်းပပြုလုပ်ခဲ့ရာ ၂၀၂၆ခုနှစ် မတ်လ ၁၅ ရက်နေ့တွင် “ထုတ်ကုန် ဘေးကင်းလုံခြုံမှ ယုံကြည်စိတ်ချစားသုံးသူဘဝ” ( Safe Products, Confident Consumer ) ဆောင်ပုဒ်နှင့်အညီ ရုံးချုပ်(နေပြည်တော်)ရှိ ဌာနခွဲများ၊ ပြည်ထောင်စုနယ်မြေ၊ တိုင်းဒေသကြီး/ ပြည်နယ်ဦးစီးမှူးရုံးများအနေဖြင့် ကမ္ဘာ့စားသုံးသူအခွင့်အရေးများနေ့ အထိမ်းအမှတ်ပွဲများ၊ ကာတွန်း ပြိုင်ပွဲများ၊ ဆောင်းပါးပြိုင်ပွဲများ၊ ကျဗန်းစကားပြိုင်ပွဲ၊ ပျော်ပွဲရွှင်ပွဲအခမ်းအနားများကို နှစ်စဉ်စီးပွား ရေးနှင့်ကူးသန်း ရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနမှကျင်းပပြုလုပ်လျက်ရှိပြီးအချို့မြို့နယ်များတွင်လည်းTalk Show၊ ဟောပြောပွဲများ အသီးသီးပြုလုပ်ကြပါသည်။ မြန်မာနိုင်ငံ တွင် ၂၀၁၆ခုနှစ်မှ  ယခု ၂၀၂၆ခုနှစ်ထိ ( ၁၀ )တာကာလအတွင်း ယခင်နှစ်များနှင့်မတူ တမူထူးခြား၍ ကျင်းပပြုလုပ်လျှက်ရှိကြောင်း သိရှိရပါသည်။

DOCA(စစ်ကိုင်း)