သတင်းနှင့် လှုပ်ရှားမှုများ

       စားသုံးသူရေးရာဦးစီးဌာန၊ လွိုင်လင်ခရိုင်ဦးစီးမှူးရုံးမှ ခရိုင်ဦးစီးမှူး(ဦးသန်းတိုး)နှင့်ဝန်ထမ်း များသည် ပူးပေါင်းအဖွဲ့ဖြင့် (၁၃.၈.၂၀၂၆) ရက်နေ့ နံနက်(၁၀:၀0)နာရီ အချိန်တွင် လွိုင်လင်မြို့ ပေါ်ရှိ ရွှေမြား၊ မြသဇင်နှင့် ရှမ်းစတား သောက်ရေသန့်လုပ်ငန်းများအား မြေပြင်ကွင်းဆင်းစစ်ဆေး ခဲ့ပါသည်။

          ထိုသို့ကွင်းဆင်းစစ်ဆေးရာတွင် သောက်ရေသန့်စက်ရုံများ အနေဖြင့် သက်ဆိုင်ရာ ဝန်ကြီးဌာန၏ ထောက်ခံချက်များ ရှိ/မရှိနှင့် စက်ရုံ၏ပတ်ဝန်းကျင် အခြေအနေများသန့်ရှင်းသပ်ရပ်မှု ရှိ/မရှိ ၊ ကုန်ကြမ်း၊ ကုန်ချောများစနစ်တကျထားရှိမှုအခြေအနေ၊ ရေသန့်များထုတ်လုပ်ရာတွင် အရည်အသွေး ပြည့်ဝစွာ ထုတ် လုပ်သွားရန်၊ စားသုံးသူမိဘပြည်သူများ ဘေးအန္တရာယ်ကင်းရှင်းစွာ အသုံးပြု နိုင်စေရန်၊ ထုတ်ကုန်လုံခြုံ စိတ်ချရမှုရရှိစေရန်အတွက် သောက်ရေသန့်ဘူးပေါ်တွင် ကုန်စည်၏ အမျိုးအမည်၊ အသားတင်ပမာဏ၊ ထားသိုသိမ်းဆည်းမှုအညွှန်းများအား ပြည့်စုံမှန်ကန်စွာဖော်ပြ ထားရှိရန်နှင့် စက်ရုံအတွင်း/အပြင်သန့်ရှင်း ရေးနှင့်ရေးစီးရေလာကောင်းမွန်စေရန်၊ သတ်မှတ် အရည် အသွေးပြည့်မီသော ကုန်စည်များကိုရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်းအား အသိပညာပေးဆွေးနွေးခဲ့ပါသည်။

DOCA(ရှမ်း)

          ၁၉.၈.၂၀၂၆ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ဘီးလင်းမြို့နယ် တာဝန်ခံနှင့် ဝန်ထမ်းတို့သည် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့် ပူပေါင်း၍ ဘီးလင်းမြို့နယ်၊ ရွှေလှေကျေးရွာ (အ.ထ.က) ကျောင်း၌ စားသုံးသူကာကွယ်ရေး အသိပညာပေးဟောပြောပွဲကျင်းပပြုလုပ်ခဲ့ပါသည်။

          အဆိုပါ ဟောပြောပွဲတွင် စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံမှ စားသုံးသူ၏ အခြေခံအခွင့်အရေး (၈) ရပ်၊ စားသုံးသူများ၏ တာဝန်ဝတ္တရားများ၊ ကုန်စည် နှင့်ဝန်ဆောင်မှုများဝယ်ယူအသုံးပြုရာတွင် သတိပြုရမည့်အချက်များ၊ ကုန်စည်များ ဝယ်ယူခြင်းမပြုမီ ကုန်အညွှန်းအမှတ်အသားများကို စိစစ်ဖတ်ရှုရန်၊ စားသုံးသူနစ်နာမှုများ ကြုံတွေ့ရပါက တိုင်ကြားနိုင်သည့် နည်းလမ်းများကို အသေးစိတ်ရှင်းလင်းဟောပြော ခဲ့ကြောင်း သိရှိရပါသည်။

          ဟောပြောပွဲသို့ ကျောင်းအုပ်ဆရာကြီး (ယာယီ) ဦးမြင့်ဦးနှင့် ဆရာ/ဆရာမ (၁၅) ဦး၊ ကျောင်းသား၊ ကျောင်းသူ (၂၀၀) ဦး တက်ရောက်၍ ဌာနမှ လက်ကမ်းစာစောင်များကို ဖြန့်ဝေပေးအပ်ခဲ့ကြောင်း သိရသည်။

DOCA (မွန်)

             စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျောက်ပန်း တောင်းမြို့နယ်တာဝန်ခံ ဒေါ်မြသန္တာထွန်း(ဒု-ဦးစီးမှူး)သည် တိုင်းရင်းဆေးကုဌာန၊ ကျောင်းကျန်းမာ ရေးအဖွဲ့တို့နှင့်အတူ(၁၀.၈.၂၀၂၆) ရက်နေ့၊ နေ့လယ် (၁၂:၃၀)နာရီအချိန်တွင် ကျောက်ပန်းတောင်းမြို့ စံပြအခြေခံပညာမူလတန်းကျောင်းရှိ ပညာသင်ကြားလျက်ရှိသော ကျောင်းသား/ကျောင်းသူများ ကုန်စည်များနှင့်ပတ်သက်၍ လုံခြုံစိတ်ချရမှုရှိစေရေး၊ ဘေးအန္တရာယ်ကင်းရှင်းစေရေးတို့အတွက် ကျောင်းမုန့်ဈေးတန်းများအား ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြပါသည်။

                  ပူးပေါင်းအဖွဲ့သည် ကျောင်းမုန့်ဈေးဆိုင်များတွင် ရောင်းချလျက်ရှိသော ကုန်စည်များ နှင့်ပတ်သက်၍ သက်ဆိုင်ရာဌာနထောက်ခံချက်နှင့် စားသုံးသူကာကွယ်ရေးဥပဒေပါ ကုန်စည်အမျိုး အစားအလိုက် ဖော်ပြပါဝင်ရမည့် သတ်မှတ်ထားသော ကုန်အညွှန်းအမှတ်အသားများပြည်စုံမှန်ကန် မှုရှိ/မရှိ၊ သတ်မှတ်ချက်များနှင့်မညီသော၊ ဘေးအန္တရာယ်ဖြစ်စေနိုင်သော အစားအစာများ၊ အသုံး အဆောင်များနှင့်ကစားစရာများအား ရောင်းချမှုရှိ/မရှိနှင့် သက်ဆိုင်ရာဌာနမှ စားသုံးရန်နှင့်သုံးစွဲရန် မသင့် ထုတ်ပြန်ထားသော ကုန်စည်များရောင်းချမှုမရှိစေရေး စစ်ဆေးမှုများဆောင်ရွက်ခဲ့ပြီး အရောင်း ဆိုင် တာဝန်ရှိသူများအား ကျောင်းသား/ကျောင်းသူများသည် နုငယ်သူများဖြစ်၍ အစားအသောက်များ နှင့်ပတ်သက်ပြီး ပို၍အလေးထားရမည်ဖြစ်သည့်အတွက် မိမိတို့၏ သားသမီးများကဲ့သို့ စိတ်သဘော ထား၍ သန့်ရှင်းကောင်းမွန်သောမုန့်များ၊ သက်ဆိုင်ရာဌာနများမှ သတ်မှတ်ထားသော သတ်မှတ်ချက် များနှင့်ကိုက်ညီသော ကုန်စည်များကိုသာရောင်းချစေရေးနှင့် စားသုံးသူရေးရာဦးစီးဌာနအနေဖြင့် စားသုံးသူပြည်သူများ၊ ကျောင်းသား/ကျောင်းသူများအား ကုန်ပစ္စည်းများကို ဝယ်ယူသုံးစွဲရာတွင် လုံခြုံစိတ်ချရမှုရှိပြီး၊ ဘေးအန္တရာယ်ကင်းရှင်းစေရန်နှင့် ထိခိုက်နစ်နာဆုံးရှုံးမှုများ မဖြစ်ပေါ်စေရေး တို့အတွက် ကျောင်းမုန့်ဈေးတန်းများကို သက်ဆိုင်ရာဌာနများဖြင့် စဉ်ဆက်မပြတ်ဈေး ကွက်စောင့် ကြည့်စစ်ဆေးမှုများဆောင်ရွက်လျက်ရှိကြောင်းနှင့် ဈေးရောင်းချသူများသည် ဥပဒေပါပြဌာန်းချက်များ၊ သတ်မှတ်ချက်များနှင့်ကိုက်ညီသော ကုန်စည်များကိုသာ ရောင်းချကြရန်နှင့်လိုက်နာမှုမရှိလျှင် စစ်ဆေး အရေးယူမှုများဆောင်ရွက်သွားမည်ဖြစ်ကြောင်း အသိပေးရှင်းလင်းခဲ့ကြောင်း သိရသည်။

DOCA(မန္တလေး)             

            စားသုံးသူရေးရာဦးစီးဌာန၊မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး ၏လမ်းညွှန်မှုဖြင့် မိတ္ထီလာခရိုင်ဦးစီးမှူးရုံးမှ ဝန်ထမ်းများသည် ဦးစားပေးရွှေးချယ်ထားသည့် ကုန်စည်၊ ဝန်ဆောင်မှုများအား ဈေးကွက်စောင့်ကြည့်စစ်ဆေးခြင်း အနေဖြင့် အစားအသောက် ရောင်းချသည့် ဝန်ဆောင်မှုဖြစ်သော စားသောက်ဆိုင်များ၊ အစားအသောက် ဝန်ဆောင်မှုပေးသည့် လုပ်ငန်းများအား အထွေထွေအုပ်ချုပ်ရေးဦးစီးဌာန၊ မြို့နယ်ပြည်သူ့ကျန်မာရေး ဦးစီးဌာနနှင့် မြို့နယ်စည်ပင်သာယာရေးအဖွဲ့တို့နှင့်ပူပေါင်း၍ ရမည်းသင်း၊ပျော်ဘွယ်နှင့် ဝမ်းတွင်းမြို့နယ်အတွင်း  ရှိ စားသောက်ဆိုင်(၁၀) အား ၂၀၂၆ ခုနှစ်၊ ဇူလိုင်လတွင်ကွင်းဆင်း၍ လုပ်ငန်းရှင်နှင့် တွေ့ဆုံခဲ့ကြောင်း သိရှိရသည်။

          ထိုသို့ကွင်းဆင်းစစ်ဆေးရာတွင် ပြုပြင်ရောင်းချမှုတွင်သန့်ရှင်းသပ်ရပ်မှုရှိ/မရှိ၊ အစား အသောက် များ သန့်ရှင်းလတ်ဆက်မှု ရှိ/မရှိ၊ဝန်ဆောင်မှုပေးသူများ တစ်ကိုယ်ရည် သန့်ရှင်းမှု ရှိ/မရှိပေးအပ်သည့် ဝန်ဆောင်မှုနှင့်စပ်လျဉ်း၍ စားသုံးသူများအား လုံလောက်သည့်သတင်း အချက်အလက်များကို အသိပေးခြင်းရှိ/မရှိ၊ ဝန်ဆောင်မှုပေးအပ်သည့် အဖိုးအခမည်မျှ ကောက်ခံသွားမည်ကို ကြိုတင်အသိပေး ဖော်ပြထားခြင်းရှိ/မရှိ၊ ဝန်ဆောင်မှုပေးအပ်သည့် အဖိုးအခ ကောက်ခံခြင်းရှိ/မရှိ၊ ဈေးနှုင်း (Menu) ကဒ် ထားမှုရှိ/မရှိ၊ လုပ်သားများ ဆေးစစ်ထားမှုရှိ/မရှိ၊ ကုန်ကြမ်းများသန့်ရှင်းလတ်ဆတ်မှုနှင့် ဘေးအန္တ ရာယ်ကင်းရှင်းမှုရှိ/မရှိ၊ အသား၊ငါးသိုလှောင်တဲ့ အခြေအနေ (ရေခဲသေတ္တာ၊ စားဖိုဆောင်စသဖြင့်) သန့်ရှင်သပ်ရပ်မှုရှိ/မရှိ စစ်ဆေးခဲ့ကြောင်း သိရှိရသည်။

DOCA(မန္တလေး)

                 (မိတ္ထီလာ/ရမည်းသင်း)ခရိုင်အနေဖြင့် ၂၀၂၆ခုနှစ်၊ ဇူလိုင်လအတွင်း ထုတ်ကုန်လုံခြုံရမှုဌာနခွဲ တာဝန်ခံ၊ မိတ္ထီလာမြို့နယ်တာဝန်ခံနှင့် ဝန်ထမ်းများသည် ကလေးအာဟာရဖြည့်စွက်စာအမျိုးမျိုး၊ စားသုံးဆီအမျိုးမျိုးအား ဦးစားပေးကုန်စည်အဖြစ် ကုန်အညွှန်းအမှတ်များပြည့်စုံစွာထည့်သွင်းဖော် ပြထားခြင်းရှိ/မရှိ ဈေးကွက်စောင့်ကြည့်စစ်ဆေးရာတွင် မြို့နယ်အလိုက် ဈေး(၂)ကြိမ်၊ စက်ရုံ/အလုပ် ရုံ(၂) ကြိမ်၊  ရပ်ကွက်စတိုးဆိုင်များတွင်(၅)ကြိမ်၊ ဆေးဆိုင်(၄)ကြိမ်နှင့် ကျောင်းမုန့်ဈေးတန်းတွင် အသင့်စားမုန့်အမျိုးမျိုးအား စောင့်ကြည့်စစ်ဆေးခြင်း(၂)ကြိမ်၊ စုစုပေါင်း ဈေးကွက်စောင့်ကြည့် စစ်ဆေးခြင်း(၁၅)ကြိမ်၊ ဈေးကွက်မရောက်မီ ထုတ်လုပ်ဖြန့်ဖြူးရောင်းချသော လုပ်ငန်းရှင်များထံသို့ ကွင်းဆင်းဆောင်ရွက်ခြင်း (၄) ကြိမ်၊ အထူးဈေးကွက်အနေဖြင့် ဆေးဝါး၊ စက်သုံးဆီ၊ စားသုံးဆီများအား သတ်မှတ်ရည်ညွှန်းဈေးနှုန်း နှင့်အချင်အတွယ်မှန်ကန်မှုရှိစေရန် မိတ်ဖက်ဌာနများနှင့် ပူးပေါင်းဆောင်ရွက်ကွင်းဆင်းခဲ့ကြပြီး ဌာန၏ ဥပဒေ၊ အမိန့်ညွှန်းကြားချက်ပါအကြောင်းအရာများကို အသိပညာပေးဆွေးနွေးခြင်းများဆောင်ရွက်ခဲ့ ကြောင်းသိရှိရပါသည်။

                   ထို့အပြင် မိတ္ထီလာခရိုင်၊ ခရိုင်ဦးစီးမှူး ဦးဇော်မင်းမှ ကုန်အညွှန်းအမှတ်အသားစိစစ်ခွင့်ပြု ချက်ရရှိသည့်လုပ်ငန်းရှင်များအား ကုန်အညွှန်းအမှတ်အသားစိစစ်ခွင့်ပြုချက်များပေးအပ်ခြင်းနှင့် MSME ဒေသထွက် ကုန်များထုတ်လုပ်သည့် လုပ်ငန်းရှင်များထံသို့ ကုန်အညွှန်းအမှတ်အသားများ ပြည့်စုံစွာဖော်ပြ ထားခြင်းရှိ/မရှိ ကွင်းဆင်းစစ်ဆေးခြင်း၊ အွန်လိုင်းမှတ်ပုံတင်ခြင်း ဆိုင်ရာများနှင့် စပ်လျဉ်း၍ မိတ္ထီလာမြို့ပေါ်ရှိအွန်လိုင်းမှတ်ပုံတင်ထားသည့်လုပ်ငန်းရှင်များထံသို့သွားရောက်၍အွန်လိုင်းမှတ်ပုံတင်ခြင်းဆိုင်ရာအကြောင်းအရာများနှင့်မိမိတို့ ထုတ် လုပ်သည့်ကုန်စည်များပေါ်တွင်ကုန်အညွှန်းအမှတ်အသားဖော်ပြစေရန်တို့ကိုအသိပညာပေးခြင်း၊အစားအသောက်ရောင်းချသည့် ဝန်ဆောင်မှုကဏ္ဍအား FDA၊ ကျန်းမာရေး၊ စည်ပင်သာယာရေးအဖွဲ့တို့နှင့်ပူးပေါင်း၍ စားသောက်ဆိုင် များသို့သွားရောက်၍ အစားအသောက်ရောင်း ချသည့်လုပ်ငန်းရှင်များအား အသိပညာပေးဆွေးနွေး ခြင်းတို့ပြုလုပ်ဆောင်ရွက်ခဲ့ကြောင်း သိရှိရပါသည်။ 

DOCA(မန္တလေး)