သတင်းနှင့် လှုပ်ရှားမှုများ

          စားသုံးသူများ ဘေးအန္တရာယ်ကင်းရှင်းရေးအတွက် တာဝန်ရှိဌာနများ (စားသုံးသူရေးရာဦးစီးဌာန၊ စက်မှုကြီးကြပ်ရေးဌာနနှင့် ပတ်ဝန်းကျင်ထိန်းသိမ်းရေးဦးစီးဌာန) သည် ဆန်စက်များသို့ ကွင်းဆင်းစစ်ဆေးမှုများကို ပုံမှန်ပြုလုပ်လျက်ရှိပါသည်။

        စစ်ဆေးဆောင်ရွက်ရာတွင် မအူပင်ခရိုင်၊ စားသုံးသူရေးရာဦးစီးဌာနမှ စစ်ဆေးရေးအရာရှိ ဦးအောင်ဇော်ဦး က မအူပင်မြို့နယ် ရေလဲလမ်းရှိ ပြည်ဖြိုးကြွယ်ဆန်စက်အား စစ်ဆေးရာ ဆန်စက်ပိုင်ရှင်းအား လုပ်ငန်းခွင် ဆောင်ရွက်နေမှုကို ကြည်ရှုလေ့လာခဲ့ပြီး စစ်ဆေးရာသည့် အကြောင်းမှာ ဆန်စက်အတွင်း/အပြင် သန့်ရှင်းမှုရှိ မည့် အပြင် ဆန်၊ စပါး များအား အစိုဓာတ်ကင်းစင်စွာ စနစ်တကျ သိုလှောင်ထားခြင်းရှိမရှိ၊ ဆန်တွင် ပိုးသတ်ဆေး သို့မဟုတ် တာရှည်ခံဓာတုပစ္စည်းများ အလွန်အကျွံ ပါဝင်မှုမရှိစေရေး အသိပညာပေးခြင်း၊ စက်များ၏ လုပ်ငန်းလည်ပတ်မှုတွင် ချို့ယွင်းချက်များမရှိဘဲ စံချိန်စံညွှန်းပြည့်မီစွာ လည်ပတ်နိုင်ခြင်းဆွေးနွေးခြင်း၊ ဆန်စက်တွင် စပါးတင်းရေ(၃၀၀၀)၊ ဆန် (၁၀၀၀)အိတ် သိုလှောင်ထားရှိကြောင်း၊ သိုလှောင်ထားရှိကြောင်းနှင့် စပါးဈေးနှုန်း အခြေအနေများ၊ ရန်ကုန်တင်ပို့မှုအခြေအနေများ၊ သိုလှောင်ရုံ စပါးဆန် လက်ကျန်စာရင်များ Myro တွင် ဖြည့်သွင်း ဆောင်ရွက်မှု လုပ်ငန်းစဉ်များကို စစ်ဆေးခြင်း ပိုင်ရှင်မှ ရန်ကုန်သို့ အဓိကထား၍ လစဉ်တင်ပို့ရောင်းချ လျက်ရှိ ကြောင်းနှင့် သက်ဆိုင်ရာဌာနများ၏ ညွှန်ကြားချက်များနှင့်အညီ လိုက်နာဆောင်ရွက်မှုအခြေအနေများကို ရှင်းလင်း ပြသခဲ့ကြောင်း သိရသည်။

DOCA(ဧရာဝတီ)

          မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်၊ စားသုံးသူရေးရာဦးစီးဌာနမှ ခရိုင် တာဝန်ခံနှင့် မြို့နယ်တာဝန်ခံတို့သည် ကျိုက်ထိုမြို့နယ်၊ ကော့ထင်းစံပြကျေးရွာရှိ အာလူး ကြော်နှင့် အကြော်စုံ လုပ်ငန်းလုပ်ကိုင်သည့် လုပ်ငန်းရှင် မသူသူနှင့် ၂၉.၅.၂၀၂၆ ရက်နေ့ မွန်းလွဲ (၁:၀၀) နာရီအချိန်၌ တွေ့ဆုံကာ အသိပညာပေး ဆောင်ရွက်ခဲ့ကြောင်း သိရသည်။

          စားသုံးသူရေးရာဦးစီးဌာနမှ ခရိုင်တာဝန်ခံသည် လုပ်ငန်းရှင် အား တွေ့ဆုံအသိပညာ ပေးရာတွင် စားသုံးသူကာကွယ်ရေးဥပဒေတွင်ပါဝင်သော လုပ်ငန်းရှင်တစ်ဦးအနေဖြင့် လိုက်နာရမည့်တာဝန်များကို ပြောကြားဆွေးနွေးခဲ့ပြီး မြို့နယ်တာဝန်ခံမှလည်း စားသောက်ကုန်လုပ်ငန်းများတွင် မရှိမဖြစ်လိုအပ်သည့် ကုန်အညွှန်းအမှတ်အသား ဖော်ပြခြင်းဆိုင်ရာနှင့် ပတ်သက်သောအချက်များအား ရှင်းလင်းပြောကြား အသိပညာပေးခဲ့ ကြောင်း သိရှိရပါသည်။

DOCA (မွန်)

          စားသုံးသူရေးရာဦးစီးဌာနသည် ပြည်သူများဘေးအန္တရာယ်ကင်းရှင်းစေရန်အတွက် အိမ်သုံး လျှပ်စစ် ပစ္စည်း များတွင် မြန်မာဘာသာဖြင့် ကုန်အညွှန်းအမှတ်အသားများ ပြည့်စုံစွာဖော်ပြထားခြင်း ရှိ/မရှိနှင့် အရည်အသွေးပြည့် မီမှု များကို ဈေးကွက်အတွင်း ကွင်းဆင်းစောင့်ကြည့်စစ်ဆေးလျက်ရှိပါသည်။

            ၁၉-၅-၂၀၂၆ ရက်နေ့ နံနက် ၁၀နာရီအချိန်က မအူပင်ခရိုင်၊ ဓနုဖြူမြို့နယ်တာဝန်ခံရုံးမှ ဝန်ထမ်းများသည့် ဓနုဖြူမြို့ပေါ်ရှိ အိမ်သုံးလျှပ်စစ် ပစ္စည်းအမျိုးမျိုးအရောင်းဆိုင်အား စစ်ဆေးမှုဆိုင်ရာ လုပ်ငန်းစဉ်များ ဆောင်ရွက်ခဲ့ရာ လျှပ်စစ်ပစ္စည်းများတွင် ထုတ်လုပ်သူအမည်၊ တင်သွင်းသူအမည်၊ အမျိုးအမည်၊ အရွယ်အစား၊ သုံးစွဲပုံနည်းလမ်းနှင့် သတိပေးချက်များကို မြန်မာဘာသာ (သို့မဟုတ်) မြန်မာဘာသာနှင့် အခြားဘာသာတွဲစပ်၍ ဖော်ပြထားခြင်းကို စစ်ဆေးခြင်း၊ စားသုံးသူများအား ထိခိုက်နစ်နာစေနိုင်သော၊ သတ်မှတ်စံချိန်စံညွှန်း များနှင့်မကိုက်ညီသော ပစ္စည်းများ ဈေးကွက်အတွင်းမှ ပပျောက်ရေးအတွက် ဆောင်ရွက်ခြင်း၊ ဆိုင်ရှင်များအား တရားမဝင် သို့မဟုတ် သတ်မှတ်ချက်မပြည့်စုံသော ပစ္စည်းများ ရောင်းချခြင်းမပြုရန် အသိပညာပေးခြင်းနှင့် လက်ကမ်းစာစောင်များ ဖြန့်ဝေခဲ့သည်။ စားသုံးသူကာကွယ်ရေးဥပဒေပါ ကုန်အညွှန်း အမှတ်အသား ပြည့်စုံမှု ရှိ/မရှိ စစ်ဆေးရာ ကုန်အညွှန်းအမှတ်အသား ပြည့်စုံသော အိမ်သုံး လျှပ်စစ် ပစ္စည်းများရောင်းချကြောင်း တွေ့ရှိရပြီး မြို့နယ်တာဝန်ခံက အရည်အသွေးပြည့်မီသော ပစ္စည်းများကိုသာ ရောင်းချရန်နှင့် စီးပွားရေးလုပ်ငန်းရှင်များ လိုက်နာရမည့်အချက်များကိုလည်း အသိပညာပေးဆွေးနွေးခဲ့ကြောင်း သိရသည်။

DOCA(ဧရာဝတီ)

             ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ အိမ်မဲမြို့နယ်တာဝန်ခံ ဒေါ်ဇင်မာသန်းနှင့် ဝန်ထမ်းများသည် (၁၉.၅.၂၀၂၆)ရက်နေ့ နေ့လည်(၁၃:၀၀)နာရီအချိန်တွင် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနတို့နှင့် ပူးပေါင်းကာ စားသုံးသူပြည်သူများအား အိမ်မဲမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြု ဗဟိုဌာန၊ Community Centre ခန်းမတွင် စားသုံးသူ အသိပညာပေး  Talk  Show  ပြုလုပ်ခဲ့ပါသည်။

           ထိုသို့ပြောဆွေးနွေးရာတွင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊မြို့နယ်ဦးစီးအရာရှိမှစားသုံးသူအသိပညာပေး Talk Show ပြုလုပ်ရခြင်း၏ရည်ရွယ်ချက်အား ရှင်းလင်းပြောကြားပြီး၊ စားသုံးသူရေးရာဦးစီးဌာန မြို့နယ်တာဝန်ခံမှဌာန၏ မျှော်မှန်းချက်၊ရည်မှန်းချက်များအားရှင်းလင်းပြောကြားခဲ့ပြီး၊စားသုံးသူကာကွယ်ရေးဥပဒေအခန်း(၉)ပါ စားသုံးသူ၏အခွင့်အရေး နှင့်တာဝန်များ၊ဥပဒေအခန်း(၁၀)ပါ စီးပွားရေးလုပ်ငန်းရှင်၏ တာဝန်(၁၁)ချက်၊ ဥပဒေအခန်း(၁၈)ပါ ကုန်အညွှန်းအမှတ်အသား ဖော်ပြခြင်းဆိုင်ရာ ဥပဒေများအကြောင်း အသေးစိတ်ရှင်းလင်း ဟောပြောဆွေးနွေးခဲ့ပါသည်၊ ကုန်စည်အမျိုးအစားအလိုက် သတ်မှတ်ထားသည့်ဥပဒေများနှင့်အညီလို က်နာဆောင်ရွက်ကြရန်စားသုံးသူကာကွယ်ရေးဥပဒေပါ ကုန်စည်နှင့်ဝန်ဆောင်မှု များ၏ အရောင်းမြှင့်တင်ခြင်းဆိုင်ရာ တားမြစ်ချက်များနှင့် ထင်ယောင်ထင်မှားဖြစ်စေခြင်းဆိုင်ရာ တားမြစ်ချက်များအကြောင်း အသိပညာပေးရှင်းလင်း ဆွေးခဲ့ပြီး၊ ဥပဒေတားမြစ်ချက်များအား လိုက်နာဆောင်ရွက်မှုမရှိပါက ပြစ်မှုပြစ်ဒဏ်များအတိုင်း ဆောင်ရွက်သွားမည်ဖြစ်ကြောင်း စီးပွားရေးလုပ်ငန်းရှင်များအနေဖြင့် ဥပဒေပါအချက်အလက်များသိရှိလိုပါက မြို့နယ်စားသုံးသူ တာဝန်ခံရုံးတွင်လည်းကောင်း၊ စားသုံးသူရေးရာဦးစီးဌာနရုံးချုပ်၏ www.doca.gov.mm website တွင် ဝင်ရောက်လေ့လာ နိုင်ပါကြောင်း၊ စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ CICC နှင့် 1535 သို့ တယ်လီဖုန်းဖြင့် ဆက်သွယ်မေးမြန်းတိုင်ကြားနိုင်ကြောင်း အသိပညာပေး ဆွေးနွေးခဲ့ကြောင်း သိရှိရပါသည်။

(DOCA ဧရာဝတီ)

              စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ပြည်နယ်ဦးစီးမှူး ဦးမိုးညွန့်ဦး ဦးဆောင်သော ဝန်ထမ်း(၄)ဦးသည် ၂၀၂၆ခုနှစ်၊ မေလ(၂၆)ရက်နေ့၊  နံနက်(၁၀:၀၀)နာရီအချိန်တွင် ကယားပြည်နယ်အသေး စားစက်မှုလက်မှုလုပ်ငန်းဦးစီးဌာနမှ ကျင်းပပြုလုပ်သည့် တန်ဖိုးမြှင့်စား သောက်ကုန်( ကိတ်မုန့်/ ပေါင်မုန့်/ အကြော်/ဖျော်ရည်)ထုတ်လုပ်မှုနည်းပညာသင်တန်း၌ သင်တန်း သား/သင်တန်းသူ စုစုပေါင်း( ၁၅ )ဦးအား လည်းကောင်း၊ နေ့လယ်( ၁၄:၀၀ )နာရီ အချိန်တွင် လွိုင်ကော်မြို့နယ် ရဲတပ်ဖွဲ့မှူးရုံး၌ ရဲတပ်ဖွဲ့ဝင်(၅၀)ဦးအားလည်းကောင်း စားသုံးသူကာကွယ်ရေး ဥပဒေအကြောင်း အသိပညာပေး ဟောပြောဆွေးနွေးဆောင်ရွက်ခဲ့ပါတယ်။

              ကယားပြည်နယ်အသေးစားစက်မှုလက်မှုလုပ်ငန်းဦးစီးဌာနမှ ကျင်းပပြုလုပ်သည့် သင်တန်း ၌ စားသုံးသူရေးရာဦးစီးဌာနမှ ဒေါ်သစ္စာဖူး(ဦးစီးအရာရှိ)က ဟောပြောဆွေးနွေးရာတွင် စားသုံးသူ ကာကွယ်ရေးဥပဒေပါ စားသုံးသူအခွင့်အရေးနှင့် တာဝန်များ၊ လုပ်ငန်းရှင်များ လိုက်နာရမည့်တာဝန် များ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်များတွင် မြန်မာဘာသာဖြင့် ဖြစ်စေ၊ မြန်မာဘာသာနှင့် အခြားဘာသာတစ်ခုထက်ပို၍ဖြစ်စေဖော်ပြရာ၌ မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) အတိုင်းလိုက်နာ ဆောင်ရွက်ရန်လိုအပ် ကြောင်းနှင့် ဥပဒေပါ တားမြစ်ချက်၊ ပြစ်မှု၊ ပြစ်ဒဏ်များအား အသေးစိတ်ရှင်းလင်းဆွေးနွေးခဲ့ပြီး အသိပညာပေး လက်ကမ်းစာစောင်များဖြန့်ဝေခဲ့ပါတယ်။

              လွိုင်ကော်မြို့နယ်ရဲတပ်ဖွဲ့မှူးရုံး၌ ဟောပြောဆွေးနွေးရာတွင် စားသုံးသူရေးရာဦးစီးဌာနမှ ပြည်နယ်ဦးစီးမှူး ဦးမိုးညွန့်ဦးက စားသုံးသူကာကွယ်ရေးဥပဒေအကြောင်း ရှင်းလင်းဆွေးနွေးရာတွင် စားသုံးသူကာကွယ်ရေးဥပဒေပါ စားသုံးသူများ၏ အခွင့်အရေးနှင့် တာဝန်များ၊ ကုန်ပစ္စည်းများ ဝယ်ယူ

သုံးစွဲခြင်းမပြုမီ သတိပြုရမည့်အချက်များ၊ နေ့စဉ်ဝယ်ယူသုံးစွဲသည့် ကုန်ပစ္စည်းများအပေါ် ပေးထား သောဝန်ဆောင်မှုများ အပြည့်အဝရရှိစေရေးကိုလည်းကောင်း၊ ကုန်ပစ္စည်း(သို့မဟုတ်)ဝန်ဆောင်မှု များ ဝယ်ယူသုံးစွဲရာတွင် နစ်နာဆုံးရှုံးမှုများရှိပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးဌာနသို့ လူကိုယ်တိုင်ဖြစ်စေ၊ ဖုန်းဖြင့်ဖြစ်စေ၊ Websiteမှ ဖြစ်စေ၊ Doca Myanmar Aplication များမှဖြစ်စေ ဆက်သွယ်တိုင်ကြားနိုင်ပါကြောင်း၊ MPT၊ U9၊ Atom၊ Mytel ဆင်းကဒ် များဖြင့်လည်း Hot Line ဖုန်းနံပါတ် ၁၅၃၅ နံပါတ်သို့ခေါ်ဆို၍ ကုန်စည်(သို့မဟုတ်)ဝန်ဆောင်မှု များနှင့်စပ်လျဉ်း၍ သိရှိလိုသည်များမေးမြန်းခြင်း၊ နစ်နာဆုံးရှုံးမှုများအတွက် တိုင်ကြားမှုများပြုလုပ် နိုင်ကြောင်း အကျယ်တဝင့် ရှင်းလင်းဆွေးနွေးခဲ့ပြီး တက်ရောက်လာကြသော ရဲတပ်ဖွဲ့ဝင်များ၏ သိရှိလိုသည့် မေးမြန်းမှုများကို ရှင်းလင်းဖြေကြား၍ အသိပညာပေးလက်ကမ်းစာစောင်များဖြန့်ဝေ ခဲ့ကြကြောင်း သတင်းရရှိပါသည်။ 

DOCA(ကယား)