သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တာဝန်ခံသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ စားသုံးသူကာကွယ်ရေးအသိပညာပေး (Talk Show)ကို မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန (Community Centre)ခန်းမ၌  (၁၀.၁၂.၂၀၂၅)ရက်နေ့ နေ့လည် (၁၃:၀၀)အချိန်တွင် ကျင်းပပြုလုပ်ခဲ့ ပါသည်။

          အဆိုပါ အသိပညာပေး (Talk Show)တွင် မြို့နယ်ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ ဦးစီးအရာရှိ ဒေါ်သိမ့်ဝါက စားသုံးသူကာကွယ်ရေးနှင့် ပတ်သက်၍ မေးမြန်းဆွေးနွေးမှုများ အပေါ် မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြတ်မြတ်မိုးက စားသုံးသူအခွင့်အရေးများ အပြည့်အဝရရှိစေရန်နှင့် တိကျမှန်ကန်ရှင်းလင်းသော သတင်းအချက်အလက်များ သိရှိစေရန်၊ စားသုံးသူ များဘေးအန္တရာယ်ကင်းရှင်းစေရေး၊ ကျန်းမာ ရေး၊ စိတ်ကျေနပ်မှုရှိစေရေးအတွက် အာမခံချက် ပေးနိုင် သည့် အရည်အသွေးမြင့်မားသော ကုန်စည်ဝန်ဆောင်မှုများ ဖော်ဆောင်ဖြည့်ဆည်းပေးနိုင်စေရေးနှင့် စီးပွားရေးလုပ်ငန်းရှင်များအနေဖြင့် ဥပဒေအချက်အလက်များကို သိရှိလိုက်နာဆောင်ရွက်နိုင်စေရန်၊ ဘေးအန္တရာယ်ရှိသော ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ နစ်နာဆုံးရှုံးမှုများကို ကာကွယ် ပေးရန်၊ စားသုံးသူကာကွယ်ရေးဆိုင်ရာ အသင်းအဖွဲ့များ ပေါ်ပေါက်လာစေရေး ယင်းအသင်း အဖွဲ့များ အားကောင်းခိုင်မာမှုရှိစေရေးအတွက် အပြန်အလှန်ပူးပေါင်းကူညီဆောင်ရွက်ရန်၊ ဘေးအန္တရာယ်ရှိ သော ကုန်စည်၊ ဝန်ဆောင်မှုများကို အမြန်ဆုံးအရေးယူဆောင်ရွက်ပေးမှုများ ဆောင်ရွက်ပေးရန်တို့ကို အများပြည်သူသိရှိစေရန် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ (Talk Show) ဆောင်ရွက်ရခြင်းဖြစ်ကြောင်း ပြောကြားခဲ့ကြောင်း သိရှိရပါသည်။

DOCA(မကွေး)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်တာဝန်ခံသည် (၁၀.၁၂.၂၀၂၅)ရက်နေ့၊ နံနက်(၁၀:၀၀)အချိန်တွင် အားကစားနှင့် ကာယပညာဦးစီးဌာန၊ ဘေးအန္တ ရာယ်စီမံခန့်ခွဲမှုဦးစီးဌာန၊ တိုင်းရင်းဆေးပညာဦးစီးဌာနတို့နှင့်ပူးပေါင်း၍ တလုပ်ပင်ကျေးရွာရှိ အခြေခံ ပညာမူလတန်း လွန်ကျောင်း၊ တန်းစီကွင်း၌ ဆရာ/ ဆရာမ (၁၂)ဦးနှင့် ကျောင်းသား/ ကျောင်းသူ (၂၀၀)ဦးတို့အား စားသုံးသူကာကွယ်ပေးရေးအသိပညာပေး ဟောပြောပွဲ ပြုလုပ်ခဲ့ကြောင်း သိရသည်။

          အဆိုပါ ဟောပြောပွဲတွင် တောင်တွင်းကြီးမြို့နယ်တာဝန်ခံ ဒေါ်ဌေးဌေးက ကုန်အညွှန်း အမှတ် အသားဆိုင်ရာသိကောင်းစရာများ အကြောင်းအားလည်းကောင်း၊ ဘေးအန္တရာယ်ဆိုင်ရာစီမံ ခန့်ခွဲမှု ဦးစီးဌာန၊ ဒု-ဦးစီးမှူး ဒေါ်ခိုင်မို့မို့ဇင်က သဘာဝမီးဘေးအန္တရာယ် ကျရောက်ခဲ့ပါက မည်ကဲ့သို့ ကာကွယ်လုပ်ဆောင်ကြရမည့်အကြောင်း ကိုလည်းကောင်း၊ တိုင်းရင်းဆေးပညာဦးစီးဌာန၊ မြို့နယ် တိုင်းရင်း ဆေးမှူး ဒေါ်ခင်မေဦးက အရိုးကျမ်းမာသန်စွမ်းရေးအတွက် မည်သည့်အသီးအနှံများ စားသုံးသင့်ကြောင်းကို လည်းကောင်း၊ အားကစားနှင့် ကာယပညာဦးစီးဌာန ဒေါ်ခင်မျိုးဆွေက အားကစားနှင့် လူငယ်များ၏ အရေးပါပုံအကြောင်းကိုလည်းကောင်း အသိပညာပေးဆွေးနွေးခြင်း များဆောင်ရွက်ခဲ့ကြောင်း သိရှိရပါသည်။

DOCA(မကွေး)

     နတ်တလင်းခရိုင်၊ ပေါင်းတည်မြို့နယ် လူငယ်များ အသိပညာဗဟုသုတ ဖွံ့ဖြိုးတိုးတက် လာစေရန် ရည်ရွယ်၍ ဌာနဆိုင်ရာများ ပူးပေါင်း၍ လူငယ်ရေးရာ အသိပညာပေးဟောပြော ဆွေးနွေးပွဲကို  ၂၀၂၅ ခု၊ ဒီဇင်ဘာလ ၁၀ ရက်နေ့ နံနက်(၉း၃၀)နာရီ ၌ ပေါင်းတည်မြို့နယ် ပေါက်တန်းအခြေခံ အ.ထ.က (ခွဲ) ကျောင်းခန်းမတွင် ကျင်းပပြုလုပ်ခဲ့ပါသည်။

     အဆိုပါ ဟောပြောပွဲတွင် မြို့နယ်လက်ထောက် ပညာရေးမှူး  ဦးတင်မောင်ဆွေက အဖွင့်အမှာစကား  ပြောကြားခဲ့ပြီး  မြို့နယ်ဥပဒေအရာရှိ ဦးရဲမင်းဝင်းက မူးယစ်ဆေးဝါး အန္တရာယ် ကြိုတင်ကာကွယ်ရေး နှင့် ဥပဒေရေးရာသိကောင်းစရာများ၊ မီးသတ်ဦးစီးမှူး ဦးစည်သူဝင်းက မီးဘေးအန္တရာယ် ကြိုတင်ကာကွယ်ရေး၊ မြိုနယ်အားကစားနှင့် ကာယပညာဦးစီးမှူး ဒေါ်နီလာဝင်း   မှလူငယ်နှင့်အားကစားပြန်ကြားရေးနှင့် ပြည်သူ့ဆက်ဆံရေးဦးစီးဌာန မြို့နယ်ဦးစီးမှူး ဒေါ်အေးစုစံ ကစာဖတ်ရှိန်မြင့်တင်‌ရေး စားသုံးသူရေးရာဦးစီးဌာန ဒုတိယဦးစီးမှူး ဒေါ်သဉ္ဇာဝင်းက စားသုံးသူကာကွယ်ရေး အကြောင်းအရာများကို  အသီးသီးအသိပညာပေး ဟောပြောခဲ့ရာ ဆရာ/ဆရာမနှင့် ကျောင်သား/ကျောင်းသူ စုစုပေါင်း (၁၉၀)ဦးတက်ရောက်ခဲ့ကြောင်း သိရသည်။

DOCA(ပဲခူး)

   စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ်အတွင်း အွန်လိုင်းစနစ်ဖြင့်   ရောင်းချခြင်းလုပ်ငန်းများနှင့်စပ်လျဉ်း၍ ရပ်ကွက်နေပြည်သူများကို အွန်လိုင်းမှ ကုန်စည်ဝယ်ယူ သည့်အခါ အခွင့်အရေးနှစ်နာမှု မရှိစေရန် အွန်လိုင်းရောင်းချခြင်း လုပ်ငန်းနှင့်စပ်လျဉ်း၍ အသိပညာပေး ဆောင်ရွက်ရာ  ၇.၁၂.၂၀၂၅ ရက်နေ့ နေ့လည်(၁၄:၀၀)နာရီအချိန်တွင် ပြည်ထဲရေးဝန်ကြီးဌာ၊ မြို့နယ်ရဲ တပ်ဖွဲ့ရုံးတွင် ဝန်ထမ်းမိသားစုနှင့် ရပ်ကွက်နေပြည်သူများကို Online Shop နှင့်စပ်လျဉ်း၍ အသိပညာ ပေး ဆောင်ရွက်ခဲ့ပါသည်။

   ထိုသို့အသိပညာပေးဆောင်ရွက်ခဲ့ရာတွင် (မြို့နယ်တာဝန်ခံ)ဦးအောင်ကျော်သက်က မြန်မာ နိုင်ငံ အမျိုးသမီးရေးရာအဖွဲ့၏ ဖိတ်ကြားချက်အရ ဝန်ထမ်းမိသားစုနှင့်ပြည်သူများကို အွန်လိုင်းးမှ ကုန်စည်များ ဝယ်ယူရာတွင် လိမ်လည်ခံမှု မရှိစေရန် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အမိန့်ကြော်ငြာစာ အမှတ် ၅၀/၂၀၂၃ အရ အွန်လိုင်းစနစ်ဖြင့်ရောင်းချခြင်းလုပ်ငန်းကို အရေးကြီးဝန်ဆောင်မှု လုပ်ငန်းအဖြစ်သတ်မှတ် ထားရှိမှုအခြေအနေ၊ အွန်လိုင်းရောင်းချခြင်းလုပ်ငန်း၏ အဓိပ္ပာယ်ဖွင့်ဆိုချက်၊ အွန်လိုင်းစနစ်ဖြင့် ရောင်းချခြင်းလုပ်ငန်းမှတ်ပုံတင်ခြင်းဆိုင်ရာ အမိန့်ကြော်ငြာစာအမှတ် ၅၁/၂၀၂၃ အရ မှတ်ပုံတင် လျှောက်ထားခြင်းနှင့်လျှောက်ထားမှုအတွက် သတ်မှတ်ချက်၊ ပြင်ဆင်လျှောက်ထားခြင်း၊ သက်တမ်းတိုး လျှောက်ထားခြင်း၊  မှတ်ပုံတင်လက်မှတ်ရရှိသူ၏ တာဝန်နှင့်အခွင့်အရေးများ၊ မှတ်ပုံတင် ထုတ်ပေးခြင်း၊ဆိုင်းငံ့ခြင်း၊ပယ်ဖျက်ခြင်းဆိုင်ရာအကြောင်းအရာများ၊ eCom Reg System ၏ Reportနှင့် ပတ်သက်သည့် အသုံးပြုရန်နည်းလမ်းများအား အသိပညာပေးဆွေးနွေးခဲ့ပြီး အွန်လိုင်းမှတ်ပုံတင်ခြင်းနှင့် စပ်လျဉ်း၍ ဒေသတွင်း အွန်လိုင်းဖြင့် ကုန်စည်များ ရောင်းချသူ လုပ်ငန်းရှင်များမှ မှတ်ပုံတင် အသီးသီး ဆောင်ရွက်လာကြပြီး အွန်လိုင်းစျေးဝယ်ယူခြင်းနှင့် ပတ်သက်၍ မိမိ ဝယ်ယူမည့်Pageနှင့် Wesbite တို့သည် စားသုံးသူများအကြား နာမည်သတင်း ကောင်းမွန်ခြင်း ရှိ/မရှိ၊ ဖုန်းနံပါတ်/နေရပ်လိပ်စာ မှန်ကန်မှုရှိ/မရှိ စိစစ်ရန်နှင့် ငွေပေးချေရာတွင် သတ်မှတ်ထားသောစနစ်ရှိ/မရှိ၊ သတ်မှတ်ထားသည့်ဌာန၊ အဖွဲ့အစည်းများ၏ အထောက်ခံချက် ရှိ/မရှိ စသည်တို့ကို သေချာစွာသိရှိထားရမည်ဖြစ်ကြောင်းနှင့် ကုန်စည်နှင့်ဝန်ဆောင်မှုကို ဝယ်ယူ သုံးစွဲရာတွင် မိမိ၏ကိုယ်ရေးအချက် အလက်များပေးအပ်ရန်လိုအပ်လာပါက ကျိူးကြောင်းခိုင် လုံမှုရှိ/မရှိ သတိထားရမည့်အကြောင်းအရာများ  ပြီးသောလုပ်ငန်းများကို သေချာစွာစိစစ်၍ ဝယ်ယူကြရန်နှင့် တက်ရောက်လာကြသော စိတ်ပါဝင်စားသူများက သိရှိလိုသည် များကို မေးမြန်းရာ တာဝန်ရှိသူများက ပြန်လည်ဆွေးနွေးဖြေကြားခဲ့ပြီး အခမ်းအနားသို့ စိတ်ပါဝင်စား သူ ၇၅ ဦးခန့် တက်ရောက်လေ့လာကြကြောင်း သိရှိရပါသည်။

Doca(ဧရာဝတီ)

     မအူပင်ခရိုင်၊ စားဿုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့် ခရိုင်ဝန်ထမ်းများသည် (၇-၁၂-၂၀၂၅)ရက်နေ့ နံနက်(၁၁)နာရီ အချိန် ပန်းတနော်မြို့နယ်တာဝန်ခံရုံးတွင် ဆန်ဆိုင်ရောင်းချသူလုပ်ငန်းရှင်များနှင့် တွေ့ဆုံ၍ လုပ်ငန်းရှင်အသိပညာပေး ဆွေးနွေးခဲ့ကြောင်း သိရသည်။

      ဆွေးနွေးရာတွင် ခရိုင်ဦးစီးမှူးဦးဇော်မင်းမှ လုပ်ငန်းရှင်များကို  စားသုံးသူကာကွယ်ရေး အသိပညာပေးဟောပြောပွဲများ၊  စီးပွားရေးလုပ်ငန်းရှင်များနှင့် တွေ့ဆုံဆွေးနွေးပြီး ဥပဒေ၊ အမိန့်နှင့် ညွှန်ကြားချက်များအား ရှင်းလင်းဆွေးနွေးခြင်းကို စဉ်ဆက်မပျက် ဆောင်ရွက်အသိပေး လျက်ရှိကြောင်း၊  ပြည်တွင်းဒေသထွက် စားသုံးဆန်များအား သင့်တင့်မျှတသောဈေးနှုန်းဖြင့်ရောင်းချရေး စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာနက လစဉ်ထုတ်ပြန်လျက်ရှိသည့် ဆန်အမျိုးအစားအလိုက် သင့်တင့် မျှတသော ဈေးကွက်၊ ဈေးနှုန်းထုတ်ပြန်ချက် (ဆန်ရည်ညွှန်းဈေးနှုန်းများ)ကို သိရှိလိုက်နာဆောင်ရွက်ရန်၊ ပြည်တွင်းဆန်ဈေးကွက်အတွင်း ပစ္စည်းမှန်၊ ဈေးနှုန်းမှန်၊ အရည်အသွေးမှန်၊ အလေးချိန်မှန်၊ အရောင်းအဝယ်မှန်စွာဖြင့် စနစ်တကျဖြန့်ဖြူးရောင်းချရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များကို ရှင်းလင်းခြင်း၊ ဥပဒေပါ တားမြစ်ချက်များကို လုပ်ငန်းရှင်တို့မှ လိုက်နာရန်ပျက်ကွက်ပါက ပြစ်မှုကြောင်းအရ အရေးယူခံရ မည်ဖြစ်ကြောင်း၊ ဆန်ဆိုင်လုပ်ငန်းရှင်များ မှတ်ပုံတင်ခြင်းဆိုင်ရာ သိကောင်းစရာများကိုပါ ထည့်သွင်းဆွေးနွေးခဲ့ကြောင်း သိရပြီး ဆန်ဆိုင်လုပ်ငန်း (၇)ဦးတက်ရောက်လာပြီး သိလိုသည်များကို တင်ပြဆွေးနွေးရာ မအူပင်ခရိုင်ဦးစီးမှူးက ပြန်လည်ဖြေကြားရှင်းလင်းပေးခဲ့ကြောင်း သိရသည်။

Doca(ဧရာဝတီ)