အိမ်သုံးလျှပ်စစ်ပစ္စည်းများအား ဈေးကွက်စောင့်ကြည့်စစ်ဆေးခြင်း
စားသုံးသူရေးရာဦးစီးဌာနသည် ပြည်သူများဘေးအန္တရာယ်ကင်းရှင်းစေရန်အတွက် အိမ်သုံး လျှပ်စစ် ပစ္စည်း များတွင် မြန်မာဘာသာဖြင့် ကုန်အညွှန်းအမှတ်အသားများ ပြည့်စုံစွာဖော်ပြထားခြင်း ရှိ/မရှိနှင့် အရည်အသွေးပြည့် မီမှု များကို ဈေးကွက်အတွင်း ကွင်းဆင်းစောင့်ကြည့်စစ်ဆေးလျက်ရှိပါသည်။
၁၉-၅-၂၀၂၆ ရက်နေ့ နံနက် ၁၀နာရီအချိန်က မအူပင်ခရိုင်၊ ဓနုဖြူမြို့နယ်တာဝန်ခံရုံးမှ ဝန်ထမ်းများသည့် ဓနုဖြူမြို့ပေါ်ရှိ အိမ်သုံးလျှပ်စစ် ပစ္စည်းအမျိုးမျိုးအရောင်းဆိုင်အား စစ်ဆေးမှုဆိုင်ရာ လုပ်ငန်းစဉ်များ ဆောင်ရွက်ခဲ့ရာ လျှပ်စစ်ပစ္စည်းများတွင် ထုတ်လုပ်သူအမည်၊ တင်သွင်းသူအမည်၊ အမျိုးအမည်၊ အရွယ်အစား၊ သုံးစွဲပုံနည်းလမ်းနှင့် သတိပေးချက်များကို မြန်မာဘာသာ (သို့မဟုတ်) မြန်မာဘာသာနှင့် အခြားဘာသာတွဲစပ်၍ ဖော်ပြထားခြင်းကို စစ်ဆေးခြင်း၊ စားသုံးသူများအား ထိခိုက်နစ်နာစေနိုင်သော၊ သတ်မှတ်စံချိန်စံညွှန်း များနှင့်မကိုက်ညီသော ပစ္စည်းများ ဈေးကွက်အတွင်းမှ ပပျောက်ရေးအတွက် ဆောင်ရွက်ခြင်း၊ ဆိုင်ရှင်များအား တရားမဝင် သို့မဟုတ် သတ်မှတ်ချက်မပြည့်စုံသော ပစ္စည်းများ ရောင်းချခြင်းမပြုရန် အသိပညာပေးခြင်းနှင့် လက်ကမ်းစာစောင်များ ဖြန့်ဝေခဲ့သည်။ စားသုံးသူကာကွယ်ရေးဥပဒေပါ ကုန်အညွှန်း အမှတ်အသား ပြည့်စုံမှု ရှိ/မရှိ စစ်ဆေးရာ ကုန်အညွှန်းအမှတ်အသား ပြည့်စုံသော အိမ်သုံး လျှပ်စစ် ပစ္စည်းများရောင်းချကြောင်း တွေ့ရှိရပြီး မြို့နယ်တာဝန်ခံက အရည်အသွေးပြည့်မီသော ပစ္စည်းများကိုသာ ရောင်းချရန်နှင့် စီးပွားရေးလုပ်ငန်းရှင်များ လိုက်နာရမည့်အချက်များကိုလည်း အသိပညာပေးဆွေးနွေးခဲ့ကြောင်း သိရသည်။
DOCA(ဧရာဝတီ)
