ပြည်တွင်းကုန်သွယ်မှုသတင်း

တနင်္သာရီတိုင်းဒေသကြီး၊ မြိတ်မြို့တွင်ပဲပင်ပေါက်ကို နေရာအနှံအပြားတွင် တစ်နိုင်တစ်ပိုင် စိုက်ပျိုးကြပြီး ရောင်းချကြပါသည်။ ပဲပင်ပေါက်ကို ပဲတီပင်ပေါက်ဖောက်၍ ရောင်းချလျက်ရှိရာ ပဲတီစိမ်းအပင်ပေါက်ရာတွင်လည်း အသစ်ပေါ်သောပဲတီစိမ်းကို အပင်ဖောက်၍မရကြောင်း ပဲတီစိမ်းအဟောင်းကိုသာရှာဝယ်ပြီး ပဲတီပင်ဖောက်ကြကြောင်း သိရှိရပါသည်။ ယခင်အပတ် ဆိပ်ကြီးစည်ပင်သာယာဈေးကြီးနှင့် စမ်းချောင်းကုန်စိမ်းဈေးများတွင် တခြားကုန်စည်ဒိုင်များမှလည်း ဝယ်ယူရောင်းချနေကြောင်း ကုန်စိမ်းရောင်းချနေသူထံမှ သိရှိရပါသည်။ ယခုဇွန်လပထမပတ်တွင် တနင်္သာရီတိုင်းဒေသကြီး၊ မြိတ်မြို့ပေါ်ရှိ ပဲပင်ပေါက်ဈေးနှုန်း မှာ တစ်ထုပ်လျှင်(၇၀၀)ကျပ်ရှိပြီး တစ်ပိဿာလျှင်(၅၀၀၀)ကျပ်ရှိကြောင်း သိရှိရပါသည်။ DOCA(တနင်္သာရီ)

တနင်္သာရီတိုင်း၊ မြိတ်မြို့တွင် ရာသီပေါ်ဖြစ်သောရှောက်သီးများ အရောင်းသွက်လျက် ရှိကြောင်း သိရှိရပါသည်။ ‌ယခုမိုးရာသီဖြစ်သောအချိန်တွင် ရှောက်သီး စတင်ထွက်ရှိသောကာ လဖြစ်သည့်အပြင် ထွက်ရှိနှုန်းနည်းသောကြောင့် စျေးနှုန်းများကောင်းလျက်ရှိကြောင်းသိရှိရပါသည်။ ဒေသထွက်တစ်နိုင်တစ်ပိုင် စိုက်ပျိုးကြသလို အခြားဒေသများမှလည်းတင်သွင်းရောင်းချလျက်ရှိပါသည်။ ယခင်ကရှောက်သီးတစ်လုံး (၅၀၀) ကျပ်ခန့်ရှိရာမှ ယနေ့ ဇူလိုင်လ ပထမပတ်တွင် ရှောက်သီး တစ်လုံးစျေးနှုန်းမှာ (၁၀၀၀)ကျပ်ခန့် စျေးရရှိလျက်ရှိကြောင်း သိရှိရပါသည်။ အရွယ်အစားပေါ် မူတည်၍ စျေးနှုန်းပြောင်းလဲနိုင်ကြောင်း သိရှိရပါသည်။ DOCA(တနင်္သာရီ)

ကော့သောင်းမြို့နယ် မြို့မစျေးတွင် ရောင်းချနေသော ငါးလိပ်ခြောက်(သို့မဟုတ်)စမတ်ခြောက်များမှာ ဒေသထွက် ပင်လယ်ရွာများမှ မှာယူရောင်းချကြကြောင်း သိရှိရပါသည်။ ငါးလိပ်ခြောက်(သို့မဟုတ်) စမတ်ခြောက်များအား အမျိုးမျိုးစားသုံးကြပြီး အရောင်းအဝယ်သွက်လျက်ရှိကြပါသည်။ ကော့သောင်းမြို့၏ ၂၀၂၅ ခုနှစ် ဇူလိုင်လ ပထမဆုံးပတ်အတွင်း မြို့မစျေးကြီးတွင် ရောင်းချနေသော ငါးလိပ်ခြောက်(သို့မဟုတ်) စမတ် ခြောက်စျေးနှုန်းများမှာ တစ်ပိဿာလျှင် ၄၅၀၀၀-၅၀၀၀၀ ကျပ်ဖြင့် စျေးများတွင်‌ရောင်းချနေကြပြီး ယခင်ဇွန်လနှင့် နှိုင်းယှဉ်ပါက စျေးနှုန်းအနည်းငယ်မြှင့်တက်လျက်ရှိကြောင်း သိရှိရပါသည်။ DOCA(တနင်္သာရီ)

ရန်ကုန်တိုင်းဒေသကြီး၊ တောင်ပိုင်းခရိုင် သန်လျင်မြို့နယ် သီလဝါစက်မှုဇုန်အတွင်းရှိ Wilmar ဆီကန်မှထုတ်လုပ်ပေးလျက်ရှိသော စားအုန်းဆီများကို ရန်ကုန်တိုင်းဒေသကြီးအတွင်း မြို့နယ်များနှင့် အခြားတိုင်းဒေသကြီး ပြည်နယ်များရှိ ဆီကိုယ်စားလှယ်များသို့ စားအုန်းဆီ နေ့စဉ်ထုတ်ပေးလျှက်ရှိပါသည်။ ထိုသို့ ထုတ်ပေးလျက်ရှိသော စားအုန်းဆီများအား ပြည်တွင်း ဈေးကွက်၌ ရောင်းဝယ်ဖောက်ကားရာတွင် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ စားအုန်းဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ အပတ်စဉ် တနင်္လာနေ့တိုင်း ထုတ်ပြန်ထားသော အခြေခံလက်ကား ရည်ညွှန်းဈေးနှုန်းအပေါ် လက်ကားပြန်လည် ဖြန့်ဖြူး ရောင်းချသူများအနေဖြင့် ဒေသအရောက် ဈေးနှုန်းများအပေါ် (၂)ရာခိုင်နှုန်း အမြတ်ထက်မပိုသော ဈေးနှုန်းဖြင့်သာ ဈေးကွက်အတွင်းသို့ ပြန်လည်ဖြန့်ဖြူး ရောင်းချစေရေး နှင့် ဈေးနှုန်းအဆမတန် မြှင့်တင်ရောင်းချခြင်းများ မပြုလုပ်စေရေး တို့အတွက်လည်း တောင်ပိုင်းခရိုင်ဦးစီးမှူးရုံးမှ ဝန်ထမ်းများ ကွင်းဆင်းကြပ်မတ် ဆောင်ရွက်လျက်ရှိရာ (၃၀.၆.၂၀၂၅)ရက်နေ့ မှ (၅.၇.၂၀၂၅)ရက်နေ့အထိ ဆီကုမ္ပဏီ (၁၈)ခုနှင့် စားအုန်းဆီ တန်ချိန် (၃၉၁၄.၅၁၆)တန်ကို ထုတ်ပေးခဲ့ကြောင်း သိရှိရပါသည်။ DOCA(ရန်ကုန်)

ပဲခူးတိုင်းဒေသကြီး၊သာယာဝတီခရိုင်၊သာယာဝတီမြို့နယ်၏ ဆန်ကွဲ၊ဖွဲနုဈေးကွက်အနေဖြင့် ဇွန်လ နောက်ဆုံးပတ်တွင် ဆန်ကွဲဈေးနှုန်းများမှာ ဆန်ကွဲ(Extra) တစ်အိတ်လျှင် (၄၈၀၀ဝိ/-)၊ ဆန်ကွဲ (12)တစ်အိတ်လျှင် (၄၆၀၀ဝိ/-)ကျပ်၊ ဆန်ကွဲ(234)တစ်အိတ်လျှင် (၄၂၀၀ဝိ/-)နှင့် ဖွဲနုဈေးနှုန်းမှာ တစ်ပေါင်လျှင် (၃၈၀)ကျပ်ဈေးရှိခဲ့ပါသည်။ ယခု ဇူလိုင်လ ပထမပတ်တွင်လည်း ဆန်ကွဲဈေးနှုန်းများမှာ ဆန်ကွဲ(Extra) တစ်အိတ်လျှင် (၄၈၀၀ဝိ/-)၊ ဆန်ကွဲ (12)တစ်အိတ်လျှင် (၄၆၀၀ဝိ/-) ကျပ်၊ ဆန်ကွဲ (234)တစ်အိတ်လျှင် (၄၂၀၀ဝိ/-)၊ဖွဲနုဈေးနှုန်းမှာ တစ်ပေါင်လျှင် (၃၈၀)ကျပ်ဈေးဖြင့် ရောင်းချလျက် ရှိသောကြောင့် ယခင်အပတ်နဲ့ယှဉ်လျှင် ဆန်ကွဲဈေးနှုန်းနှင့် ဖွဲနုဈေးနှုန်းများမှာ ပြောင်းလဲမှုမရှိကြောင်း သိရှိရပါသည်။ DOCA(ပဲခူး)