ပြည်တွင်းကုန်သွယ်မှုသတင်း

မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်တွင် ကွမ်းရွက်များကို ဧရာဝတီ တိုင်းဒေသကြီး ကနောင်၊ မြန်အောင်၊ ပဲခူးတိုင်းဒေသကြီး၊ ပေါက်ခေါင်း၊ ပေါင်းတလည်၊ စစ်ကိုင်းတိုင်း ဒေသကြီး မုံရွာမြို့တို့ရှိကွမ်းခြံများမှ တိုက်ရိုက်ဝယ်ယူရောင်းချကြောင်း၊ ကွမ်းသီးများကို ထားဝယ်မှ တိုက်ရိုက် တင်ပို့သည့် ပြည်မြို့ရှိ ကွမ်းဒိုင်မှတဆင့် မှာယူရောင်းချကြောင်း၊ ကွမ်းစားထုံးကို မကွေးမှ ဝယ်ယူရောင်းချပြီး နှပ်ဆေးနှင့်ဗမာဆေးကို မုံရွာနှင့်ပခုက္ကူမှ ဝယ်ယူရောင်းချကြောင်း သိရသည်။ မင်းလှမြို့နယ်တွင် ကွမ်းသီး၊ ကွမ်းရွက် လက်လီလက်ကားရောင်းချသည့်ဆိုင် (၉)ဆိုင်ခန့်ရှိပြီး ကွမ်းစိမ်းနှင့်ကွမ်းရွက်ဝါ (၂)မျိုးရှိသည့်အနက် ကွမ်းရွက်ဝါကိုပိုအစားများကြကြောင်း သိရှိရသည်။ ကွမ်းရွက်ဈေးနှုန်းအနေဖြင့် ၂၀၂၅ခုနှစ်၊ ဇူလိုင်လ(ဒုတိယပတ်)တွင် ကွမ်းရွက်ဝါ(၁)ပိဿာလျှင် ကွမ်း ရွက်အကြီး၊ အသေးနှင့် ဝယ်ယူတင်သွင်းရသည့်နေရာဒေသအလိုက် ကျပ်(၄၀၀၀-၆၀၀၀-၈၀၀၀)၊ ကွမ်း သီးခြမ်း(၁)ပိဿာလျှင် ကျပ်(၂၅၀၀၀)၊ ကွမ်းသီးစိပ်(၁)ပိဿာလျှင် ကျပ်(၂၄၉၀၀)၊ ကွမ်းစားထုံး (၁) လီတာ(၁)ဘူးလျှင် ကျပ်(၁၈၀၀)၊ ကွမ်းစားနှပ်ဆေး (၁)ထုပ်လျှင် ကျပ်(၁၀၀၀)၊ ဗမာဆေး(၁) ထုပ်လျှင် ကျပ်(၇၀၀) စသည့်ဈေးနှုန်းများဖြင့် ရောင်းချလျက်ရှိကြောင်း သိရသည်။ အရောင်းအဝယ်အနေဖြင့် (၁)ရက်လျှင်ကွမ်းရွက်ပိဿာချိန် (၁၀)ပိဿာနှင့်အထက် ရောင်းချရပြီး ကွမ်းသီး၊ ကွမ်းစိပ်မှာ(၅)ပိဿာမှ (၇)ပိဿာထိပုံမှန်ရောင်းချရပါကြောင်း၊ ယခင် ဇွန်လ(ဒုတိယပတ်) နှင့်နှိုင်းယှဉ်ပါက ယခုတစ်ပတ်တွင် ကွမ်းရွက်မှာ ကျပ်(၁၀၀၀-၂၀၀၀)ဈေးနှုန်းမြင့်တက်ခဲ့ပြီး ကွမ်းသီး ခြမ်း ကျပ်(၁၈၀၀)၊ ကွမ်းသီးစိပ် ကျပ်(၁၀၀)ဈေးနှုန်းမြင့်တက်ကြောင်း၊ ယခုအချိန်တွင် မိုးရွာသွန်းမှု များ၍ ကွမ်းရွက်ထွက်ရှိရာဒေသများရှိ ကွမ်းခြံများ၌ ကွမ်းရွက်အထွက်နှုန်းများလျော့ကျခြင်းကြောင့် ကွမ်းဈေးနှုန်းမြင့်တက်ရခြင်းဖြစ်ပြီး ကွမ်းသီးမှာ မိုးတွင်းကာလဖြစ်၍ လမ်းခရီးအခက်အခဲကြောင့် သယ်ယူစရိတ်မြင့်မားလာပြီး ဈေးနှုန်းမှာမြင့်တက်ရခြင်းဖြစ်ကြောင်း အထက်မင်းလှ-သရက်ကားလမ်း ဘေးရှိ ကွမ်းသီး၊ ကွမ်းရွက်ရောင်းချသည့် ကွမ်းဆိုင်ပိုင်ရှင်တစ်ဦးထံမှ သိရှိရပါသည်။ DOCA(မကွေး)

မန္တလေးတိုင်းဒေသကြီး၊ကျောက်ဆည်ခရိုင်တွင်စပါး၊ပဲ၊ပြောင်း၊နှမ်း၊ငရုတ်၊ကြက်သွန် စသည့် သီးနှံများစိုက်ပျိုးသည့်အပြင်ငှက်ပျောသီးနှံကိုလည်းစီးပွားဖြစ်စိုက်ပျိုးလာကြပါသည်။ ကျောက်ဆည်မြို့နယ်တွင် (၁၂၈၂)ဧက ၊ စိုက်ပျိုးထားရှိကြောင်း သက်ဆိုင်ရာဌာန၏စာရင်းများအရ သိရှိရပါ သည်။ ငှက်ပျောစိုက်ပျိုးမှုတစ်ဧကကုန်ကျစရိတ်အနေဖြင့် မျိုး ၊ သွင်းအားစု ၊ လုပ်သားခအပါအဝင် စုစုပေါင်း သိန်း(၂၀)ကျပ်ဝန်းကျင်ခန့်ကုန်ကျကြောင်း၊ ငှက်ပျောအထွက် နှုန်းအနေဖြင့် တစ်ဧက လျှင် အခိုင်(၈၀၀)အထိထွက်ရှိကြောင်း ငှက်ပျောအခိုင်(၄၀)ပါလှည်းတစ်စီးလျှင် (၄၆၀၀၀၀/-) ကျပ် ဖြင့် အရောင်းအဝယ်ဖြစ်နေကြောင်း၊ ငှက်ပျောလက်ရင်း တစ်ဖီးလျှင် (၃၅၀၀-၄၀၀၀/-)ကျပ် ၊ လက်ဖျား တစ်ဖီးလျှင် (၂၅၀၀-၃၀၀၀)ကျပ် အထိရောင်းချရကြောင်း သိရှိရပါသည် ။ တောင်သူများမှ ကျောက်ဆည်မြို့နယ်၊ရွှေသိမ်တော်ဘုရားရှိ ကန်တော့ပွဲများရောင်းချသောဆိုင်များ ဘမှ စိုက်ခင်း အထိလာရောက် ဝယ်ယူသူများရှိသလို ငှက်ပျော ပွဲစားများထံသို့လည်း ရောင်းချကြကြောင်း၊ ပွဲစားများမှတဆင့် ရွှေသိမ်တော်ဘုရား နှင့် မန္တလေး၊ ရန်ကုန်မြို့များရှိ ငှက်ပျောပွဲရုံများသို့ တင်ပို့ရောင်းချလျှက်ရှိကြောင်း သိရှိရပါသည် ။ အကျိုးအမြတ်အနေဖြင့် စိုက်ပျိုးစရိတ်နှုတ်ပြီးပါက (၃၆၀၀၀၀၀/-)ကျပ်ဝန်းကျင်ခန့် အကျိုးအမြတ်ရရှိကြောင်း ငှက်ပျော စိုက်ပျိုးသော တောင်သူ တစ်ဦး၏ပြောကြားချက်အရသိရှိရပါသည်။ DOCA(မန္တလေး)

မန္တလေးတိုင်းဒေသကြီး၊ကျောက်ဆည်မြို့နယ်အတွင်းရှိတောင်သူများသည် စပါး၊ပဲ၊ပြောင်း၊ နှမ်း၊ငရုတ်စသည့် သီးနှံမျိုးစုံစိုက်ပျိုးကြသည့်အပြင် ရုံးပတီသီးကိုလည်း တစ်ပိုင်တစ်နိုင်စိုက်ပျိုးလာ ကြပြီး ယခုအချိန်တွင် တောင်သူများသည် ရုံးပတီသီးကို စီးပွားဖြစ်စိုက်ပျိုးလာကြပါသည်။ ရုံးပတီသီး ကိုရာသီမရွေးစိုက်ပျိုးနိုင်သောကြောင့် တောင်သူများတွက်ခြေကိုက်သောသီးနှံတစ်မျိုး ဖြစ်ပါသည်။ ရုံးပတီသီးစိုက်ပျိုးရာတွင် သီးသန့်စိုက်ပျိုးနိုင်သလို နှစ်ရှည်သီးနှံပင်များနှင့်လည်း ကြားညှက်သီးနှံအဖြစ်စိုက်ပျိုးလာကြပါသည်။ရုံးပတီသီးကို ရန်ပုံနှစ်ကျေးရွာ၊ကြက်ဆင်ကျေးရွာနှင့် ငယ်တိုးကျေးရွာများတွင် အများဆုံးစိုက်ပျိုးကြပါသည်။ စိုက်ပျိုးသောမျိုးများမှာ ပင်ပုမျိုး၊ ပင်လတ်မျိုးနှင့် ပင်မြင့်မျိုး များကိုအများဆုံးစိုက်ပျိုးကြပြီး (၁)ဧကလျှင် မျိုးစေ့(၁၂)ထုပ် စိုက်ပျိုးရပြီး မျိုးစေ့တစ်ထုပ်လျှင် (၂၈၀၀၀/-)ကျပ်ပေးရကြောင်း၊(၁)ဧက ကုန်ကျစရိတ်အနေဖြင့် မျိုး၊သွင်းအားစု၊ လုပ်သားခအပါအဝင် စုစုပေါင်း(၆၃၀၀၀၀/-)ကျပ်ဝန်းကျင်ကုန်ကျကြောင်း၊ စိုက်ပျိုးပြီး(၄၅)ရက်အကြာတွင် စတင်ခူးဆွတ် ရပြီး တစ်ရက်ခြားတစ်ကြိမ်ခူးဆွတ်ပေးရကြောင်း ၊ သက်တမ်းအနေဖြင့်(၂)လအထိ ခူးဆွတ်ရ ကြောင်း၊ဈေးနှုန်းအနေဖြင့် ဖောက်သည်ဈေး တစ်ပိဿာလျှင်(၂၃၀၀-၂၅၀၀)ကျပ်ဈေးနှုန်းရရှိပြီး လက်လီဈေးနှုန်းအနေဖြင့် တစ်ပိဿာလျှင် (၃၀၀၀/-)ကျပ်ဈေးနှုန်းဖြင့် အရောင်းအဝယ်ဖြစ်နေ ကြောင်း၊ကုန်စိမ်းသီးနှံဖြစ်သည့်အတွက် ဈေးနှုန်းအတက်အကျရှိကြောင်း၊(၁)ဧက အထွက်နှုန်းအနေ ဖြင့်ပိဿာ(၁၀၀၀)ခန့် ထွက်ရှိကြောင်း၊ အကျိုးအမြတ်အနေဖြင့်(၁၆၀၀၀၀၀/-)ကျပ်ခန့်မြတ်ကြောင်း၊ စိုက်ခင်းသို့လာရောက်ဝယ်ယူသော ကုန်စိမ်းပွဲစားများအား ရောင်းချသည့်အပြင် မြို့မဈေး နှင့် အေးမြကြည်လင်ဈေးများသို့လည်း တင်ပို့ရောင်းချကြကြောင်း၊ရုံးပတီသီးသည် စိုက်ပျိုးရလွယ်ကူပြီး အကျိုးအမြတ်ရရှိသောကြောင့် မိသားစုအပိုဝင်ငွေရရှိသည့်အပြင် စားသုံးသူအတွက်ဆေးဖက်ဝင် သည့်သီးနှံဖြစ်သည့်အတွက် ရုံးပတီသီးနှံအားတိုးချဲ့စိုက်ပျိုးသင့်သည့် သီးနှံဖြစ်ကြောင်းသိရှိရပါ သည်။ DOCA(မန္တလေး)

ကျောက်ဆည်ခရိုင်အတွင်းသို့ စားဖိုဆောင်သီးနှံများဖြစ်သည့် အာလူး ၊ ဂျင်း ၊ ကြက်သွန်ဖြူအနေဖြင့် ဒေသတွင်းထွက်ရှိမှုမရှိသည့်အတွက် ရှမ်း(တောင်) ၊ ရှမ်း(မြောက်)မှ အများဆုံး ဝယ်ယူရောင်းချလျှက်ရှိကြောင်း သိရှိရပါသည် ။ ဒေသတွင်း ကြက်သွန်ဖြူ စိုက်ပျိုးမှုအနည်း ငယ်သာရှိသဖြင့် ကြက်သွန်ဖြူကို ရှမ်း(တောင်) ၊ ရှမ်း(မြောက်)နှင့် ကြူကုတ်စသည့် အမျိုးအစားအလိုက် စျေးကွက်အတွင်းဝယ်ယူရောင်းချလျှက်ရှိကြောင်းသိရှိ ရပြီး စျေးနှုန်းများအနေဖြင့် ကြူကုတ်တစ်ပိဿာလျှင်(၉၀၀၀-၉၅၀၀)ကျပ် ၊ ရှမ်းစ(မြောက်) တစ်ပိဿာလျှင်(၆၀၀၀-၈၀၀၀)ကျပ် ၊ ရှမ်းစ(တောင်) တစ်ပိဿာလျှင်(၅၅၀၀-၇၀၀၀)ကျပ် စျေးနှုန်းများဖြင့် အရောင်းအဝယ်ဖြစ်ပေါ်လျှက်ရှိပါသည်။ကြူကုတ်ကြက်သွန်ဖြူစျေးအနည်း ငယ်ပြန်ငြိမ်လျှက်ရှိပြီး ပစ္စည်း Quality အရ စျေးနှုန်းများကွာခြားမှုရှိနိုင်ကြောင်းသိရှိရပါ သည်။အာလူးအနေဖြင့် ဟဲဟိုးသီးများဝင်ရောက်နေပြီး S1 (၃၅၀၀/-)ကျပ်၊ S2(၃၀၀၀-၃၂၀၀) ကျပ်၊ဂျင်းစျေးနှုန်းအနေဖြင့်နည်းငယ်ပြန်ကျလျှက်ရှိပြီး ကျောက်ဆည်အရောက်စျေး (၂၉၀၀- ၃၀၀၀)ကျပ်ဖြစ်ကြောင်းသိရှိရပါသည်။ငရုတ်သီးခြောက်အနေဖြင့် ဒေသထွက်ရှိမှု ဖူလုံမှုရှိ သည့်အပြင် ရန်ကုန်၊မန္တလေးမြို့ကြီးများမှတဆင့် တင်ပို့ရောင်းချလျှက်ရှိပြီး မိုးထောင်ငရုတ် အညှာပါ (၁)ပိဿာလျှင်(၈၀၀၀/-)ကျပ်၊ အညှာချွေ(၁)ပိဿာလျှင်(၁၀၀၀၀/-)ကျပ်၊ ဒီမို၊ သာမွန်ငရုတ် အညှာပါ (၁)ပိဿာလျှင်(၈၀၀၀-၉၀၀၀)ကျပ် ၊ အညှာချွေ(၁) ပိဿာလျှင် (၁၂၀၀၀-၁၃၀၀၀)ကျပ် ၊ ငရုတ်ပု (၁)ပိဿာလျှင်(၁၆၀၀၀-၁၇၀၀၀)ကျပ် စျေးနှုန်းများဖြင့် အရောင်းအဝယ်ဖြစ်ပေါ်လျှက်ရှိကြောင်း ၊ ကျောက်ဆည်မြို့ရှိ ငရုတ်၊ကြက်သွန် ကုန်သည် တစ်ဦး၏ပြောကြားချက်အရသိရှိပါသည်။ DOCA(မန္တလေး)

၇.၇.၂၀၂၅ ရက်နေ့၊ ကုန်စည်ဒိုင်တွင်ဖြစ်ပေါ်ခဲ့သော ထန်းလျက် တစ်ပိဿာ ဈေးနှုန်းများမှာ တောင်သာ၊ မလိုင်(ဒုံး) သစ် အနိမ့်ဆုံးဈေး ကျပ် ၅၃၀၀ မှ အများဆုံး ကျပ် ၅၆၀၀၊ ညောင်ဦးဆေးရှယ် ကျပ် ၅၀၀၀ မှ ၇၀၀၀၊ ညောင်ဦးဆေးရှယ် (ထန်းရော) အနိမ့်ဆုံးဈေး ကျပ် ၄၉၀၀၊ အများဆုံး ကျပ် ၅၀၀၀၊ ပခုက္ကူကြမ်း ကျပ် ၅၅၀၀၊ ရေစကြိုထန်းလျက် အနိမ့်ဆုံးဈေး ကျပ် ၆၈၀၀ မှ အများဆုံး ကျပ် ၇၀၀၀ ၊ ကြံသကာ(ရှမ်း) ကျပ် ၃၅၀၀၊ ကြံသကာ (သကြားရော) ကျပ် အနိမ့်ဆုံး ၅၀၀၀ မှ အများဆုံး ကျပ် ၅၂၀၀၊ မန်ကျည်းသီးများဖြစ်သော မန်းကျည်းသီး ပွင့်ကပ် (သစ်) အနိမ့်ဆုံးဈေး ကျပ် ၆၀၀၀ မှ ကျပ် ၆၂၀၀၊ မန်းကျည်းသီး အသား(သစ်) အနိမ့်ဆုံးဈေး ကျပ် ၈၀၀၀ မှ ကျပ် ၉၅၀၀၊ ပြည်တွင်းသကြား အနိမ့်ဆုံးဈေး ကျပ် ၄၇၅၀ မှ ကျပ် ၄၉၀၀ တို့အသီးသီးဖြစ်ကြောင်း ကုန်စည်ဒိုင်မှ သတင်းရရှိပါသည်။ DOCA(ရန်ကုန်)