ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်သည် လယ်ယာစိုက်ပျိုးရေးလုပ် ငန်းများကို အဓိကလုပ်ကိုင်သော ဒေသတစ်ခုဖြစ်ပြီး သီးနှံမျိုးစုံစိုက်ပျိုးလျက်ရှိရာ ကုလားပဲသီးနှံ များကို မှော်တော်ကျေးရွာ၊ မြေထူးကျေးရွာနှင့် အခြားသောကျေးရွာများတွင် စိုက်ပျိုးကြောင်း၊ ကုလားပဲကို ဆောင်းရာသီ၌ အများဆုံးစိုက်ပျိုးကြောင်း သီးနှံစိုက်ပျိုးမှုစာရင်းများအရ သိရသည်။

     ၂၀၂၅ ခုနှစ်၊ နိုဝင်ဘာလ တတိယပတ်အတွင်း ကန့်ဘလူမြို့နယ်၌ ကုလားပဲထိုင်ဝမ် တစ်တင်းလျှင် (၆၈၀၀၀)ကျပ်၊ (929)တစ်တင်းလျှင် (၇၇၀၀၀)ကျပ်၊ (V2)တစ်တင်းလျှင် (၇၃၀၀၀) ကျပ်နှင့် (V7)တစ်တင်းလျှင် (၇၂၇၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိရာ ယခု နိုဝင်ဘာလ ဒုတိယပတ်၏ ဈေးနှုန်းများနှင့်နှိုင်းယှဉ်ပါက ယခုပတ်အတွင်း ကုလားပဲထိုင်ဝမ် တစ်တင်းလျှင် (၂၀၀)ကျပ်၊ (V2)တစ်တင်းလျှင် (၁၃၀၀)ကျပ်၊ (V7)တစ်တင်းလျှင် (၁၅၀၀)ကျပ် ဈေးနှုန်းမြင့်တက်လျက်ရှိကြောင်း၊ ကန့်ဘလူမြို့နယ်မှ ထွက်ရှိသည့် ကုလားပဲများကို မန္တလေးမြို့ရှိ ပွဲရုံများနှင့်ကုန်စည်ဒိုင်များသို့ တင်ပို့ရောင်းချကြောင်း ဒေသတွင်း သီးနှံပွဲရုံများထံမှ သိရှိရသည်။

DOCA(စစ်ကိုင်း)

          ဘုရင့်နောင်ကုန်စည်ဒိုင်သို့ ၁၉.၁၁.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၃၇၅၉ အိတ်နှင့် ဈေးနှုန်းမှာ ၅၄၀၀၀ မှ ၅၅၅၀၀ ကျပ်၊ ဆန်ကြမ်းထိပ်စအိတ်ရေ ၃၄၉၈ နှင့် ဈေးနှုန်းမှာ ၄၇၀၀၀ မှ ၄၉၀၀၀ ကျပ်၊ လက်စအိတ်ရေ ၂၉၄၀ နှင့် ဈေးနှုန်းမှာ ၄၆၅၀၀ မှ ၄၈၀၀၀ ကျပ်၊ ၂၅ မတ်ဆန်အိတ် ၁၂၉၀ နှင့် ဈေးနှုန်းများမှာ ၄၅၀၀၀ မှ ၄၆၅၀၀ ကျပ်၊ ဆန်ကွဲအိတ်ရေ ၅၈၆၄ နှင့် ဈေးနှုန်းများမှာ ၄၂၀၀၀ မှ ၄၇၀၀၀ကျပ်၊ ပဲခူး(အနောက်) မှ ရှယ်စ ၃၉၄၆ အိတ်နှင့် ဈေးနှုန်းမှာ ၅၄၀၀၀ မှ ၅၅၅၀၀ ကျပ်၊ ဆန်ကြမ်းထိပ်စအိတ်ရေ ၃၅၂၁ နှင့် ဈေးနှုန်းမှာ ၄၇၀၀၀ မှ ၄၉၀၀၀ ကျပ်၊ လက်စအိတ်ရေ ၂၆၇၂ နှင့် ဈေးနှုန်းမှာ ၄၆၅၀၀ မှ ၄၈၀၀၀ ကျပ်၊ ၂၅ မတ်ဆန်အိတ် ၁၃၄၅ နှင့် ဈေးနှုန်းများမှာ ၄၅၀၀၀ မှ ၄၆၅၀၀ ကျပ်၊ ဆန်ကွဲအိတ်ရေ ၅၉၅၆ နှင့် ဈေးနှုန်းများမှာ ၄၂၀၀၀ မှ ၄၇၀၀၀ကျပ်၊ ဧရာဝတီတိုင်းမှ ရှယ်စ မှ ရှယ်စ ၃၅၄၇ အိတ်နှင့် ဈေးနှုန်းမှာ ၅၄၀၀၀ မှ ၅၅၅၀၀ ကျပ်၊ ဆန်ကြမ်းထိပ်စအိတ်ရေ ၃၃၉၅ နှင့် ဈေးနှုန်းမှာ ၄၇၀၀၀ မှ ၄၉၀၀၀ ကျပ်၊ လက်စအိတ်ရေ ၂၆၉၃ နှင့် ဈေးနှုန်းမှာ ၄၆၅၀၀ မှ ၄၈၀၀၀ ကျပ်၊ ၂၅ မတ်ဆန်အိတ် ၁၀၅၂ နှင့် ဈေးနှုန်းများမှာ ၄၅၀၀၀ မှ ၄၆၅၀၀ ကျပ်၊ ဆန်ကွဲအိတ်ရေ ၅၇၆၄ နှင့် ဈေးနှုန်းများမှာ ၄၂၀၀၀ မှ ၄၇၀၀၀ကျပ် တို့ဝင်ရောက်ကြောင်း သိရှိရပါသည်။

        ၁၉.၁၁.၂၀၂၅ ရက်နေ့တွင် ဘုရင့်နောင်ကုန်စည်ဒိုင်သို့ ဆန်အိတ်ရေ(၅၁၂၄၂) အိတ်တို့ဝင် ရောက်ခဲ့ပြီး ယခင်နေ့ထက်အနည်းငယ်လျော့နည်း၍ ဝင်ရောက်ခဲ့ပြီး ဆန်ဈေးနှုန်းမှာ အနည်းငယ်ပြောင်းလဲမှုရှိကြောင်း သိရှိရပါသည်။

DOCA(ရန်ကုန်)

                   မန္တလေးတိုင်းဒေသကြီး ၊ ကျောက်ဆည်ခရိုင်သည် သီးနှံမျိုးစုံ စိုက်ပျိုးဖြစ်ထွန်းလျက်ရှိရာ ၄င်းသီးနှံများအနက် ကုလားပဲ(ဆောင်း)ကို ၂၀၂၅-၂၀၂၆ဘဏ္ဍနှစ်တွင် ကျောက်ဆည်မြို့နယ်တွင် (၂၂၇)ဧက စိုက်ပျိုးပြီးစီးပြီဖြစ်ကြောင်း သက်ဆိုင်ရာဌာန၏ စာရင်းများအရသိရှိရပါသည် ။၊ ယာမြေများ၌ အောက်တိုဘာလ နောက်ဆုံးပတ်တွင် မိုးရေအစိုဓါတ်ဖြင့် စိုက်ပျိုးကြသလို အချို့ တောင်သူများမှာ မိုးရေအစိုဓါတ်အပြင် ရေစက်များဖြင့် ရေတင်၍လည်းစိုက်ပျိုးကြကြောင်း သိရှိရ ပါသည်။ တောင်သူများသည် ကုလားပဲမျိုးကို မိမိအိမ်တွင် မျိုးချန်ပြီး စိုက်ပျိုးကြသလို အချို့ တောင်သူများမှာ ပွဲရုံများမှတဆင့်ဝယ်ယူ၍ စိုက်ပျိုးကြကြောင်း ၊ ယခုနှစ် စိုက်ပျိုးချိန်တွင် မျိုးစျေးနှုန်းအနေဖြင့် ကုလားပဲ(ရိုးရိုး) တစ်တင်းလျှင်(၇၅၀၀၀/-)ကျပ် ၊ ကုလားပဲ(V2)တစ်တင်းလျှင် (၈၂၀၀၀/-)ကျပ် စျေးနှုန်းများဖြင့် ဝယ်ယူစိုက်ပျိုးရကြောင်း ၊ (၁)ဧက ကုန်ကျစရိတ်အနေဖြင့် မျိုး၊ သွင်းအားစု၊လုပ်သားအပါအဝင် စုစုပေါင်း(၃၅၀၀၀၀/-)ကျပ်ဝန်းကျင်ခန့် ကုန်ကျကြောင်း၊ ယခင်နှစ် ကုလားပဲအထွက်နှုန်းအနေဖြင့် (၁)ဧကလျှင် (၉-၁၀)တင်းခန့်ထွက်ရှိကြောင်း ၊ အကျိုးအမြတ်အနေ ဖြင့် (၆၀၀၀၀၀/-)ကျပ်ခန့် မြတ်ခဲ့ကြောင်း ၊ ယခုအချိန်တွင် ကုလားပဲအပင်များ အောင်မြင်စွာ ဖြစ်ထွန်းနေပြီး ကုလားပဲရွက်များခူး၍ စျေးထဲတွင် ရောင်းချလျက်ရှိကြောင်း ၊ ကုလားပဲရွက် (၁)ပိဿာလျှင် ဖောက်သည်စျေးအနေဖြင့် (၇၀၀၀/-)ကျပ်ရှိပြီး လက်လီစျေးအနေဖြင့် ကုလားပဲရွက် (၁၀)ကျပ်သားလျှင် (၁၀၀၀/-)ကျပ်စျေးနှုန်းများဖြင့်ရောင်းချလျက်ရှိကြောင်း ၊ ကုလားပဲရွက်ကို ဟင်းချိုရည်အဖြစ်လည်းကောင်း၊အသုပ်သုပ်၍သော်လည်းကောင်း၊ကြော်ချက်၍သော်လည်းကောင်းစားသုံးကြပါသည်။ ယခုအချိန်တွင် ကုလားပဲများ ထွက်ပေါ်ခြင်းမရှိသေးသော်လည်း စျေးနှုန်းအနေ ဖြင့် ကုလားပဲ(ရိုးရိုး) တစ်တင်းလျှင်(၇၀၀၀၀/-)ကျပ်၊ ကုလားပဲ(V2)တစ်တင်းလျှင်(၈၀၀၀၀/-)ကျပ် စျေးနှုန်းများဖြင့်အရောင်းအဝယ်ဖြစ်နေကြောင်း၊ ကုလားပဲစိုက် တောင်သူများသည် ကုလားပဲကို စိုက်ပျိုးရာတွင် အရွက်ကိုခူး၍ရောင်းချရသလို ကုလားပဲပေါ်ချိန်တွင်လည်း အထွက်နှုန်းနှင့်စျေးနှုန်း များကောင်းမွန်ပါက အကျိုးအမြတ်များ ပိုမိုရရှိနိုင်မည်ဖြစ်ကြောင်း ကုလားပဲစိုက်ပျိုးသော တောင်သူတစ်ဦး၏ပြောကြား ချက်အရသိရှိရပါသည်။

DOCA(မန္တ‌လေး)              

               မြန်မာနိုင်ငံတွင် မန်ကျည်းပင်များ ပေါများလာသည်နှင့်အမျှ မန်ကျည်းသီး ၊ မန်ကျည်းဖူး ၊ မန်ကျည်းရွက်နုတွေကို လူတော်တော်များများ နှစ်သက်စွာစားသုံးကြကြောင်း ၊ မြန်မာ့ရိုးရာ ဆေးနည်းမှာ မန်ကျည်းတစ်ပင်လုံးက ပစ်စရာမရှိအောင် အသုံးဝင်ကြောင်း ၊ အိမ်ရှင်မများ ဟင်းချက်ရာတွင် ပုံစံမျိုးစုံဖြင့် အသုံးပြုကြကြောင်း ၊ မန်ကျည်းသီးမှည့် သီးသန့်ပဲဖြစ်ဖြစ်၊ ဟင်းအနှစ် အဖြစ်လည်း ချက်စားကြသလို ဖျော်ရည်အဖြစ်လည်း သောက်သုံးကြကြောင်း ၊  ချဉ်ရည်ဟင်း ၊ အကင်အမျိုးမျိုးအတွက် အချဉ်ပြုလုပ်ခြင်းတို့တွင်လည်းအသုံးပြုကြောင်း ၊ မန်ကျည်းသီးမှည့်သည် အရသာ ထိမိရုံသာမက ကျန်းမာရေးကောင်းကျိုးများလည်း များစွာရှိကြောင်း ၊ မန်ကျည်းသီးမှည့် စားသုံးခြင်း ဖြင့် နှလုံးကျန်းမာရေးကို အထောက်အကူပြုနိုင်ခြင်း ၊ သွေးဖိအားကို မျှတစေခြင်း ၊ အသည်းအဆီ ဖုံးခြင်းကို ကာကွယ်ပေးခြင်း စသည့်ကျန်းမာရေးကောင်းကျိုးများစွာ ရရှိကြောင်း၊ ထောင်းပြီးငပိနှင့် ချက်စားခြင်းအပြင် ပုဇွန်ဆိတ် ၊ ပုဇွန်ဆီ ၊ ငါးပိကောင်များဖြင့်လည်း ချက်စားလေ့ရှိကြောင်း ၊ မန်ကျည်းသီး ဈေးနှုန်းအနေဖြင့် ယခင် မန်ကျည်းသီးမှည့် တစ်ပိဿာလျှင် (၁၀၀၀၀/-)ကျပ်ဖြင့်ရောင်းဝယ်ခဲ့ပြီး ယခုအချိန်တွင် မန်ကျည်းသီးမှည့် တစ်ပိဿာလျှင် (၁၂၀၀၀/-) ကျပ်ဖြင့် ရောင်းဝယ်လျက်ရှိသောကြောင့် ယခင်လနှင့်နှိုင်းယှဉ်ပါက (၂၀၀၀/-)ကျပ်အထိ စျေးနှုန်း မြင့်တက်ခဲ့ကြောင်း သိရှိရပါသည်။

DOCA(မန္တ‌လေး)              

             မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက်ဒေသတစ်ခု ဖြစ်သော ကြောင့် စပါး၊ ပဲ၊ ပြောင်း၊ နှမ်းသီးနှံမျိုးစုံ အောင်မြင်ဖြစ်ထွန်းလျက်ရှိရာ ၄င်းသီးနှံများအနက် ဆီထွက်သီးနှံ တစ်မျိုးဖြစ်သော မြေပဲသီးနှံများအား မိုးနှင့်ဆောင်းရာသီများတွင် စိုက်ပျိုးကြပါသည်။ ကျောက်ဆည်ခရိုင်တွင် ၂၀၂၅-၂၀၂၆ ဘဏ္ဍာနှစ်တွင် မြေပဲ(ဆောင်း) (၁၁၅၀)ဧက စိုက်ပျိုးထားရှိ ကြောင်း၊ မြေပဲ(ဆောင်း)မှာ ပင်ထောင်မျိုး နှင့် ပင်ပြန့်မျိုးဟူ၍ (၂)မျိုးရှိကြောင်း ၊ ယခုအချိန်တွင် ပင်ထောင်မျိုးများ စတင်ထွက်ပေါ်လျက်ရှိကြောင်း ၊ မြေပဲစိုက်ပျိုးမှု ကုန်ကျစရိတ်အနေဖြင့် (၁)ဧကလျှင် မျိုး ၊ သွင်းအားစု ၊ လုပ်သားခအပါအဝင် စုစုပေါင်း (၆၀၀၀၀၀)ကျပ် ဝန်းကျင်ခန့် ကုန်ကျကြောင်း ၊ မြေပဲစိုက်ပျိုးရာတွင် ထွန်ကြောင်းဆွဲ ၊ အစေ့ချစနစ်ဖြင့် စိုက်ပျိုးကြကြောင်း ၊ အထွက်နှုန်းအနေဖြင့် သီးနှံအရည်အသွေးပေါ်မူတည်ပြီး တင်း(၂၅-၃၀)ခန့် ထွက်ရှိခဲ့ကြောင်း၊ မြေပဲဈေးနှုန်းအနေဖြင့်မြေပဲတောင့်(၁)တင်းလျှင်(၅၂၅၀၀/-)ကျပ်၊မြေပဲဆံတစ်ပိဿာလျှင်(၇၅၀၀/) ကျပ် ၊ မြေပဲဆီ(၁)ပိဿာလျှင်(၁၂၅၀၀/-)ကျပ် ဈေးနှုန်းများဖြင့် အရောင်းအဝယ်ဖြစ်နေကြောင်း ၊ ဈေးကွက်အနေဖြင့် ပွဲစားများမှ ကျေးရွာအရောက် ဝယ်ယူမှုများရှိသလို တောင်သူများမှလည်း ပွဲရုံများသို့ တိုက်ရိုက်တင်ပို့ရောင်းချကြောင်း ၊ ပွဲရုံများမှ တဆင့် မန္တလေး ၊ ရန်ကုန်မြို့များသို့ တင်ပို့ရောင်းချကြကြောင်း မြေပဲစိုက်တောင်သူတစ်ဦး၏ ပြောကြားချက်အရ သိရှိရပါသည်။

DOCA(မန္တ‌လေး)