၂၀၂၆ ခုနှစ် နှစ်အစောပိုင်းတွင် ဖရဲသီးဈေးကွက်သည် အနည်းငယ်အေးစက်စက် အခြေအနေဖြစ်သွားသော်လည်း ပူပြင်းလှသော နွေရာသီကို ရောက်ရှိလာသည်နှင့်အမျှ အရောင်းပိုသွက်လာကာ ဝယ်လိုအား ရှိလာပြီး ဈေးကောင်းရရှိနိုင်သည့် အလားအလာများ စွာရှိနေပါသည်။
ဖရဲသီးသည် အရည်ရွှမ်းပြီး အတွင်းသားချိုသလို လွယ်လင့်တကူ စားသုံးရသည့် အသီးတစ်မျိုးဖြစ်ပါသည်။ ထို့ပြင် နွေရာသီ၏ အကောင်းဆုံးသရေစာတစ်မျိုးအဖြစ် စားသုံး၍ ရသလို ကျန်းမာရေးနှင့်လည်း အလွန်သင့်တော်သည့် အသီးအနှံတစ်မျိုးဖြစ်ပါ သည်။
ဖရဲသီးတွင် ကင်ဆာရောဂါကိုကာကွယ်ပေးနိုင်သည့် လိုက်ကိုပင်းနှင့်ဆီရိုတီးရွိုက် ဒြပ်ပေါင်းများပါဝင်သည့်အပြင် ပိုတက်ဆီယမ်လည်းကြွယ်ဝစွာ ပါဝင်ခြင်းကြောင့် ကျောက်ကပ်အတွက်လည်းများစွာ အထောက်အကူဖြစ်စေပါသည်။
ထိုသို့သော အချက်များကြောင့် ဖရဲသီးသည် စားသုံးသူအကြိုက် အသီးအနှံထဲတွင် ပါဝင်ရာ အစဉ်ဝယ်လိုအားရှိနေသည်ဟုပြောနိုင်သည်။ သို့ရာတွင် ဖရဲသီးအမျိုးအစား အရွယ်အစားပေါ်မှုတည်ကာ ဈေးနှုန်းနှင့် ဝယ်လိုအားအလျော့အတင်းရှိနိုင်သည်။
ယခင်က ကျိုက်ထိုဈေးကွက်ထဲတွင် ဘုရားကြီး၊ ဒိုက်ဦးစသည့် ပဲခူးတိုင်းဒေသကြီးရှိ မြို့များမှ သယ်ယူပို့ဆောင်ရောင်းချခဲ့ပြီး ယခုမှု ကျိုက်ထိုမြို့ရှိ ကျေးရွာအချို့တွင် ဖရဲ စိုက်ခင်းများဖြင့် ဖရဲသီးကို စိုက်ပျိုးလာကြလေသည်။ စီးပွားဖြစ် စတင်စိုက်ပျိုးချိန်တွင် အထွက်နှုန်းကောင်းမွန်မှုမရှိသော်လည်း နောက်ပိုင်းတွင် စနစ်တကျ စိုက်ပျိုးလာကြသဖြင့် အထွက်နှုန်းကောင်းလာပြီး ရောင်းတန်းဝင်အသီးများ ဈေးကွက်ထဲသို့ ရောက်ရှိလာ ကြသည်။
ဖရဲသီးကို ကျိုက်ထိုမြို့နယ်အတွင်းရှိ ဖရဲဒိုင်များတွင် ရောင်းချလျက်ရှိသလို ကျိုက်ထို မြို့မဈေးထဲတွင်လည်း ဝယ်ယူရရှိနိုင်ကြောင်း သိရပါသည်။ ထို့ပြင် ကျိုက်ထိုမြို့အဝင်ရှိ သီးနှံတန်းများတွင်လည်း ခရီးသွားပြည်သူများအတွက် ဖရဲသီးများ အမျိုးအစားနှင့် အရွယ်အစား စုံလင်စွာ ရောင်းချပေးနေလျက်ရှိပါသည်။
လက်ရှိတွင် ဖရဲသီးတစ်လုံးလျှင် (၁၄၀၀၀) ကျပ်မှ (၁၆၀၀၀) ကျပ်အထိရှိနေပြီး အမျိုးအစားနှင့် အရွယ်အစားပေါ်မှုတည်ကာ (၆၀၀၀) ကျပ်မှ (၁၅၀၀၀) ကျပ်အထိ ရောင်းချနေကြောင်း သိရှိရပါသည်။ နွေရာသီရောက်လာသည်နှင့်အမျှ ဝယ်လိုအား များလာပြီး ဝယ်လိုအားများလာပြီး ဈေးနှုန်းပိုမိုရရှိနိုင်ကြောင်း ဖရဲသီးရောင်းချသူ တစ်ဦးထံ မှ သိရှိရပါသည်။
DOCA (မွန်)