ပြည်တွင်းကုန်သွယ်မှုသတင်း

         မအူပင်ခရိုင်၊ မအူပင်မြို့နယ်တွင် ရေသန့်ထုတ်လုပ်စက်ရုံးများစွာရှိပြီး သန့်ရှင်းသော ထုတ်လုပ်မှု ကျင့်စဉ်နှင့်အညီ ထုတ်လုပ်ရောင်းချနိုင်ရေးကို သက်ဆိုင်ရာ အစိုးရဇာနများနှင့် အစိုးရအဖွဲ့အစည်းများက စစ်ဆေးကြပ်မတ်ဆောင်ရွက်လျက်ရှိပါသည်။

          မအးပင်မြို့နယ်တွင် ထုတ်လုပ်သော ရေသန့်များမှာ ရေဝတီသောက်ရေသန့်၊ ခရစ်စတယ် သောက်ရေသန့်၊ အမေ့အိမ့်သောက်ရေသန့်၊ လောကနတ် သောက်ရေသန့်၊ မိသားစုသောက်ရေသန့်၊ AKT သောက်ရေသန့်၊ ရွက်လှေသောက်ရေသန့်၊ ENJOY သောက်ရေသန့် ထုတ်လုပ်သော လုပ်ငန်းများရှိပြီး ၂၀ လီတာဝင် ရေဗူးကြီး ၁ဗူးလျှင် ၁၀၀၀ကျပ်၊ အိမ်အရောက်ပို့စနစ်ဖြင့် ရောင်းချနေပြီး ဒေသတွင်းထုတ်လုပ်သော  ၁လီလီတာဗူး ၁ဗူးလျှင် ၅၀၀ကျပ်၊ ရန်ကုန်မှ ဝင်ရောက်သော ကုန်အမှတ်တံဆိပ်ပါ ရေသန့်ဗူးသေးများ ၁ဗူးလျှင် ၈၀၀ကျပ်၊ ၁၀၀၀ကျပ်ထိ ရောင်းချလျက်ရှိကြောင်း သိရသည်။ ဒေသတွင်းစက်ရုံများမှ ရောင်းချနေသော ရေသန့်ဈေးတက်မည်ဆိုပါက လုပ်ငန်းရှင်များ ညှိနှိုင်းဆောင်ရွက်ပဲီးမှ ဈေးကွက်အတွင်း ဈေးနှုန်းကျော်ငြာ၍ ဖြန့်ချီရောင်းချပေးလျက်ရှိကြောင်း သိရှိရပါသည်။

DOCA(ဧရာဝတီ)

         ဒေသထုတ်ကုန်ဖြစ်သော “ကောင်းဆက်မွန်” အီဆိမ့်မုန့်လုပ်ငန်းအား ရောင်းဝယ်ဖြန့်ဖြူးမှု အခြေအနေနှင့် အသေးစား၊ အငယ်စားနှင့် အလတ်စားလုပ်ငန်းများမှ အမှတ်တရလက်ဆောင်မုန့်တစ်ခုအနေဖြင့် ထုတ်လုပ်ရောင်းချပေးလျက်ရှိသော ဒေသထွက်ထုတ်ကုန်တစ်ခုဖြစ်သည့် သာမရွေး သန့်ရှင်းလတ်ဆတ်စွာစားသုံးနိုင်ရန် ထုတ်လုပ်ရောင်းချပေး လျက်ရှိကြောင်း သိရသည်။

         အီဆိမ့်မုန့်လုပ်ရာတွင် ဂျုံ၊ သကြား၊ ဆီ ဖြင့်လုပ်ကိုင်ဆောင်ရွက်ပြီး  ၁လလျှင် ၄ကြိမ် ထုတ်လုပ်ရကြောင်း၊  ပါဝင်မှု ကုန်ကြမ်း ဂျုံ၊ သကြား  ပါဝင်ပြီး ထုတ်လုပ်ကြောင်း ပြုလုပ်ပုံမှာ ဂျုံကို နှဲ၍ အလုံးအနေတော် တစ်ထားကာ အပွခံပြီး နာရီဝက်အကြာတွင် ဆီဖြင့်ကျော်ရသည်။ သကြားကို ကျိုထား၍ ဂျုံကိုနှစ်ကာ အအေးခံပြီး အိတ်သွပ်ရသည်။ ပါကင် ၁အိတ်လျှင် အီဆိမ့် ၄ခုပါ တစ်ထုတ်၊ လက်ကားဈေး ၁၇၀၀ကျပ်၊ အီဆိမ့် ၅လုံးထုတ် တစ်ထုတ်လျှင် ငွေကျပ် ၁၂၀၀ကျပ်၊ အီဆိမ့် မုန့်လက်ကောက်ကွင်း ၁ခု တစ်ထုတ်လျှင် ၇၀၀ကျပ် လက်ကား ဈေးပေးဖြင့် ရောင်းချရသည်။ ၁ကြိမ် ထုတ်လုပ်ပါက အီဆိမ့် ၄လုံးထုတ် ၆၅၀ ထုတ်၊ အီဆိမ့် ၅လုံးထုတ် ၁၅၀၀ထုတ်၊ အီဆိမ့် ၁လုံးထုတ် ၃၀၀၀ထုတ် ထွက်ရှိကြောင်းသိရသည်။

            ကုန်ကျစရိတ်အနေဖြင့် တစ်ခါထုတ်ပါက ၁၀၅၅၀၀၀ကျပ် ကုန်ကျကြောင်း သိရသည်။ အကျိုးအမြတ်အနေဖြင့် ကုန်ကျစရိတ်နှုတ်ပြီး ၅၀၀၀၀၀ /-ကျပ် ရရှိပါသည်။ ရောင်းအားကောင်းမွန်၍ ရောင်းချမှုအနေဖြင့် ဖျာပုံ၊ ကျိုတ်လပ်၊ မော်ကျွန်းမြို့နှင့် မအူပင်မြို့နယ်အတွင်း ဖြန့်ဖြူးရောင်းချပြီး ဒေသတွင် အလုပ်အကိုင်အခွင့်အလမ်းရရှိရေးနှင့် ဒေသထွက်ကုန် မုန့်လုပ်ငန်း ဖွဲ့ဖြိုးတိုးတက်ရေး ကိုဦးစားပေးလုပ်ကိုင်လျှက်ရှိပြီး အဆာပြေ အီဆိမ့်မုန့်ကို လူမျိုးဘာသာမရွေးစားသုံးနိုင်ကြောင်း လုပ်ငန်းရှင်ပြောပြချက်အရ သိရှိရပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ မအူပင်မြို့နယ်တွင် ရေထွက်ပစ္စည်း ပေါများသလို၊ ဒေသထွက် ဟင်းသီးဟင်းရွက်များလည်ပေါများသည်။ အခြားဒေသထွက် ဟင်းသီးဟင်းရွက်များလည်း ဝင်ရောက်၍ ရောင်းချလျက်ရှိသည်။ ဒေသတွင်းလိုအပ်သော ဟင်းသီးဟင်းရွက်များကို မြို့နယ်အတွင်းရှိ အနီးနားပတ်ဝန်းကျင် ကျေးရွာများတွင် စိုက်ပျိုးလျက်ရှိပါသည်။ မိုးသီးနှံ၊ ဆောင်းသီးနှံ၊ နွေသီးနှံ စိုက်ပျိုးကြသော်လည်း ဒေသတွင်း ဖြစ်ထွန်းနေသော ဟင်းသီးဟင်းရွက်များမှာ ပြောင်းဖူး၊ ငှက်ပျော၊  ဂေါ်ဖီပွင့်၊ ဓေါ်ဖီထုတ်၊  ခရမ်းချဉ်သီး၊ ငရုပ်သီးစိမ်း၊ ပဲတောင့်ရှည်သီး၊ ကျောက်ဖရုံသီး၊ သခွားသီး၊ ကွမ်းရွက်၊ ရုံပတီသီး၊ ချဉ်ပေါင်ရွက်၊ ပန်းအမျိုးမျိုး၊ ခရမ်းသီး၊ မုန့်လာဥ၊ တို့ကို စိုက်ပျိုးရောင်းချနေကြောင်း သိရပါသည်။ ယခုရက် သတ္တပတ်အတွင်း ရန်ကုန် ဂေါ်ဖီပွင့် (တစ်ပွင့်) ကျပ် ၄၀၀၀၊ ရန်ကုန် ခရမ်းချဉ်သီး (တစ်ပိဿာ) ကျပ်- ၅၅၀၀ ၊ ငရုပ်သီးစိမ်း ၁ပိဿာ ကျပ်-၅၀၀၀၊ ပဲတောင့်ရှည်သီး (တစ်စည်းလျှင်) ကျပ်-၂၅၀၀ ၊ ရန်ကုန် မုန့်ညှင်းစိမ်း ၁စီး ၇၀၀ကျပ်၊  မုန့်ညှင်းရွက် ၁စီး ၅၀၀ကျပ်၊ ဈေးနှုန်းများဖြင့် အရောင်းအဝယ် ဖြစ်လျက်ရှိကြောင်း သိရှိရပါသည်။

DOCA(ဧရာဝတီ)

    ရှမ်းပြည်နယ်(မြောက်ပိုင်း)၊ မူဆယ်မြို့၊ မြို့မဈေးတွင် အသား၊ ငါး၊ အသီးအရွက်များ၊ ဒေသထွက်သီးနှံများကို ရောင်းချလျက်ရှိရာ  ဂေါ်ဖီထုပ်နှင့် ပဲတောင့်ရှည်များကို ရောင်းချလျက်  ရှိကြောင်း တွေ့ရှိရပါသည်။

    ဂေါ်ဖီထုပ်ဈေးနှုန်းမှာ  အကြီးအသေးပေါ်မူတည်၍ တစ်လုံးလျှင်(၁၅၀၀) ကျပ်မှ (၂၅၀၀ -၃၀၀၀) ကျပ်အထိ အရွယ်အစားပေါ်မူတည်၍ ဈေးကွာကြောင်းသိရသည်။ ပဲတောင့်ရှည်ဈေးနှုန်းမှာ တစ်စည်းလျှင် (၁၅၀၀) ကျပ်မှ (၂၅၀၀ -၃၀၀၀) ကျပ်အထိ အစည်းအကြီးအသေးပေါ်မူတည်ပြီး ကွဲပြားကြောင်း သိရှိရသည်။ ဂေါ်ဖီထုပ်နှင့် ပဲတောင့်ရှည်များကို မြို့ထဲရှိ ရေခြံစိုက်ပျိုးရေးလုပ်ကိုင် သူများနှင့် အနီးနားရှိ စိုက်ပျိုးရေးလုပ်ငန်းလုပ်ကိုင်ကြသည့်ရွာများမှ လာရောက်ရောင်းချကြပြီး၊ တစ်ဖက်နယ်စပ်ဖြစ်သော တရုတ်မှလည်း တစ်နိုင်တစ်ပိုင်စားသုံးရန်အတွက် ယူ၍ရောင်းချကြကြောင်း လည်း သိရှိရသည်။

DOCA(ရှမ်း)

    ရှမ်းပြည်နယ်(မြောက်ပိုင်း) မူဆယ်မြို့၊ မြို့မဈေးတွင် ရောင်းချနေသော ကြက်ဥနှင့်ဘဲဥ ဈေးနှုန်းများမှာ ကြက်ဥတစ်လုံးလျှင် (၄၈၀) ကျပ်၊ ဘဲဥတစ်လုံးလျှင် (၈၀၀) ကျပ်နှုန်းဖြင့် အရောင်းအဝယ် ဖြစ်လျက်ရှိကြောင်း သိရှိရပါသည်။

     ရှမ်းပြည်နယ်(မြောက်ပိုင်း)တွင် လတ်တလောဖြစ်ပေါ်နေသော နိုင်ငံရေးအခြေနေများ ကြောင့် ကုန်စည်စီးဆင်းမှုများခက်ခဲလျက်ရှိနေပြီး၊ နယ်စပ်ဖြစ်သော တရုတ်ပြည်မှတစ်ဆင့်အဓိက ထားပြီး တစ်နိုင်တစ်ပိုင်စားသုံးရန်ယူ၍ ရောင်းချနေရကြောင်း၊ အရောင်းအဝယ်များလည်းပါးနေကြောင်း မြို့တွင်းနေထိုင်သူပြည်သူများထံမှ သိရှိရပါသည်။

DOCA(ရှမ်း)