ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်း မျာ ဆောင်ရွက်လျက်ရှိသလို   စားသုံးသူများ နေ့စဉ်ဝယ်ယူသုံးစွဲလျက်ရှိသည့် အခြေခံစားသောက်ကုန် များ၏ ဈေးနှုန်း၊ဈေးကွက် အခြေအနေများကိုလေ့လာ၍ အပတ်စဉ်၊ လစဉ် အထက် အဆင့်ဆင့်သို့ တင်ပြဆောင်ရွက်လျက်ရှိကြောင်း သိရသည်။

    ကန့်ဘလူမြို့မဈေးတွင် ရောင်းချလျက်ရှိသည့် ဝက်သားများကို ကန့်ဘလူမြို့ရှိ လက်လီ/ လက္ကားဒိုင်များနှင့် ကျွန်းလှမြို့နယ်အတွင်းမှ ဝင်ရောက်လျက်ရှိကြောင်း၊ ၂၀၂၅ ခုနှစ်၊ နိုဝင်ဘာလ တတိယပတ်အတွင်း  ကန့်ဘလူမြို့မဈေးတွင် ဝက်သားရှယ်(၁)ပိဿာ(၃၂၀၀၀)ကျပ်၊ ဝက်ပေါင် သား(၁)ပိဿာလျှင် (၂၉၀၀၀)ကျပ်၊ နံကိုင်းသား(၁)ပိဿာလျှင် (၂၇၀၀၀)ကျပ်၊  အမဲသားသန့် (၁)ပိဿာလျှင်(၃၀၀၀၀)ကျပ်နှင့် ဆိတ်သား(၁)ပိဿာလျှင် (၃၇၀၀၀)ကျပ်ဈေးနှုန်းတို့ဖြင့် ရောင်းချ လျက်ရှိရာ  ယခုနိုဝင်ဘာလ ဒုတိယပတ်၏ ဈေးနှုန်းများနှင့်နှိုင်းယှဉ်ပါက ယခုပတ်အတွင်း ဝက်သား (၁)ပိဿာလျှင် (၁၀၀၀)ကျပ်ဈေးနှုန်းကျဆင်းလျက်ရှိကြောင်း  အသားရောင်းချသူများထံမှ သတင်း ရရှိပါသည်။

DOCA(စစ်ကိုင်း)

              သာစည်မြို့နယ်တွင် စပါး၊ပဲစဉ်းငုံ၊ဆီထွက်သီးနှံများအပြင် ကုန်စိမ်းသီးနှံဖြစ်သော ကျောက် ဖရုံသီးသီးနှံကိုလည်း စိုက်ပျိုးကြပါသည်။ သာစည်မြို့နယ်အနေဖြင့်  အိုမီကာ(ထိုင်ဝမ်)မျိုးနှင့် ဗမာမျိုး (၂)မျိုးကိုသာ စိုက်ပျိုးကြပါသည်။(၁)ဧကလျှင် မျိုးစေ့ (၅)ထုပ်စိုက်ပျိုးပြီး၊ မျိုးစေ့(၁)ထုပ် ဈေးနှုန်း အိုမီကာ ထိုင်ဝမ်မျိုး(၁၈၀၀၀)ကျပ်၊ဗမာမျိုး(၁)ထုပ်လျှင် (၁၁၀၀၀ - ၁၂၀၀၀)ကျပ် ရှိ ကြောင်းသိရပါသည်။ ကျောက်ဖရုံသီးကို သာစည်မြို့နယ်တွင် လှိုင်းတက်၊မြိုင်သာ၊ကံကြီးအောက်၊ မင်းကုန်း၊ကွမ်းခြံရိုး၊ဆည်ကြီး၊ကြက်မောက် ကျေးရွာများတွင် အများဆုံးစိုက်ပျိုးကြပါသည်။ (၁)ဧကကုန်ကျစရိတ်အနေဖြင့် မျိုး၊သွင်းအားစု၊လုပ်သားခအပါအဝင် (၆၀၀၀၀၀)ကျပ်ဝန်းကျင်ခန့်ကုန်ကျ ကြောင်း သိရပါသည့်။ကျောက်ဖရုံသီးကို စိုက်ခင်းထဲအထိ ပွဲစားများမှ လာရောက်ဝယ်ယူကြပြီး ၊ ပွဲစားများမှကျောက်ဖရုံယိုလုပ်ငန်းများသို့လည်းကောင်း၊မိတ္ထီလာ၊မန္တလေးမြို့များသို့ ပြန်လည်ရောင်း ချကြကြောင်း သိရှိရပါသည်။ကျောက်ဖရုံသီးကို ပိဿာချိန်ဖြင့်ဝယ်ယူကြပြီး လက်ရှိပေါက်ဈေး (၁)ပိဿာလျှင် (၄၀၀-၅၀၀)ကျပ်ခန့်ရရှိပြီး ကျောက်ဖရုံသီး(၁)လုံးလျှင် အလေးချိန် (၅-၁၀)ပိဿာ ဝန်းကျင်ရှိကြောင်း ၊ သီးနှုန််းမှာ (၁)ဧက အလုံး (၃၀၀)မှ (၄၀၀)ခန့်အထိ သီးသည့်အတွက် တစ်ဧက အကျိုးအမြတ် (၅၀၀၀၀၀)ကျပ် အထိရရှိကြောင်းသိရှိရပါသည်။

DOCA(မန္တ‌လေး)

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင်သာမက အခြားသောဒေသ များတွင်လည်း ပန်းစိုက်ပျိုးရေးလုပ်ငန်းများကို မိသားစုတစ်နိုင်တစ်ပိုင်မှ စီးပွားဖြစ်စိုက်ပျိုးလျက် ရှိကြကြောင်း သိရသည်။ သပြေပန်းကို ယခင်က တောတောင်များ၌သာ တွေ့ရလေ့ရှိပြီး ယခုအခါ မိမိတို့ခြံဝင်းများ၊ ယာခင်းများ၌ခြံဖွဲ့၍ တောသပြေ၊ အာဆီယံသပြေ၊ ရက်(၁၀၀)သပြေနှင့် ရွှေသပြေများစိုက်ပျိုးလျက်ရှိပြီး မိသားစုဝင်ငွေရရှိနေကြောင်း သိရသည်။

    ၂၀၂၅ ခုနှစ်၊ နိုဝင်ဘာလ တတိယပတ်အတွင်း ကန့်ဘလူမြို့ ပန်းဈေးကွက်တွင် သပြေပန်း ငုတ်၊ သပြေပန်းခက်အစည်း၊ အာဆီယံသပြေနှင့် ရက်(၁၀၀)သပြေစသည်ဖြင့် ရောင်းချလျက်ရှိရာ တောသပြေပန်းခက် (၁)စီးလျှင်(၁၃၀၀)ကျပ်၊ တောသပြေငုတ်အကြီး (၁)ငုတ်လျှင်(၅၀၀၀)ကျပ်၊ အသေး(၁)ငုတ်လျှင်(၂၀၀၀မှ ၃၀၀၀)ကျပ်၊ ရက်(၁၀၀)သပြေငုတ် (၁)ငုတ်လျှင်(၃၀၀၀)ကျပ်နှင့် အာဆီယံသပြေ(၁)စည်းလျှင် (၁၀၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိရာ ယခု နိုဝင်ဘာလ ဒုတိယပတ်၏ ဈေးနှုန်းများနှင့်နှိုင်းယှဉ်ပါက ယခုပတ်အတွင်း အာဆီယံသပြေ(၁)စီး လျှင်(၃၀၀)ကျပ် ဈေးနှုန်းမြင့်တက်လာကြောင်း ပန်းရောင်းချသူများထံမှ သိရှိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး ကန့်ဘလူခရိုင်၊ ကန့်ဘလူမြို့ပေါ်ရပ်ကွက်များမှ ပြည်သူများသည် မိသားစုစားဝတ်နေရေး အဆင်ပြေစေရန်နှင့် အပိုဝင်ငွေရရှိရန်အတွက် စိုက်ပျိုးရေးလုပ်ငန်းများ အပြင် စွန်တာနီ(ခေါ်)ပဲနီနှင့် စားတော်ပဲတို့ကိုပြုတ်၍ ကန့်ဘလူမြို့မဈေးတွင် ရောင်းချလျက်ရှိ ကြောင်း သိရှိရသည်။

    စားတော်ပဲပြုတ်ကို ထမင်းဆီဆမ်းနှင့်တွဲဖက်စားသုံးကြသလို၊ ပလာတာ၊ အီကြာကွေးတို့ဖြင့်   လည်းတွဲဖက်စားသုံးကြကြောင်း၊ ၂၀၂၅ ခုနှစ်၊ နိုဝင်ဘာလ တတိယပတ်အတွင်း စွန်တာနီပဲ(ခေါ်) ပဲနီရေပွ(၁)ပြည်လျှင် (၅၅၀၀)ကျပ်၊ နို့ဆီဗူး(၁)ဘူးလျှင် (၇၀၀)ကျပ်နှင့် စားတော်ပဲပြုတ်(၁)ပန်း ကန်လျှင်(၃၀၀)ကျပ်၊ (၂)ပန်းကန်လျှင် (၅၀၀)ကျပ်တို့ဖြင့် အရောင်းအဝယ်ဖြစ်လျက်ရှိကြောင်း၊ ယခုနိုဝင်ဘာလ ဒုတိယပတ် ဈေးနှုန်းများနှင့်နှိုင်းယှဉ်ပါက တတိယပတ်အတွင်း စားတော်ပဲပြုတ်(၁) ပန်းကန်လျှင် (၁၀၀)ကျပ် ဈေးနှုန်းကျဆင်းသွားကြောင်း   ပဲနီရေပွနှင့်စားတော်ပဲပြုတ် ရောင်းချသူထံမှ သတင်းရရှိပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် ငရုတ်သီးစိမ်း၊ ငရုတ်သီးခြောက်၊ အာလူး၊ ကြက်သွန်နီနှင့် ကြက်သွန်ဖြူစသည့် မီးဖိုချောင်သုံးပစ္စည်းတို့ကို ကန့်ဘလူဒေသထွက်နှင့် ရှမ်းပြည်နယ်အောင်ပန်းမြို့၊ မန္တလေးတိုင်းဒေသကြီးတို့မှ အများဆုံးမှာယူ ရောင်းချလျက်ရှိကြောင်း သိရှိရပါသည်။

   ၂၀၂၅ ခုနှစ်၊ နိုဝင်ဘာလ တတိယပတ်အတွင်း ကန့်ဘလူမြို့မဈေး၌ ရောင်းချနေသော ငရုတ်သီးခြောက်အညှာလွတ် တစ်ပိဿာလျှင်(၂၀၀၀၀)ကျပ်၊ ငရုတ်သီးခြောက်အညှာပါ တစ်ပိဿာ လျှင်(၁၅၀၀၀)ကျပ်၊ အိန္ဒိယခြောက်(အပု)တစ်ပိဿာလျှင် (၃၀၀၀၀)ကျပ်၊ (၅၀)ကျပ်သားလျှင် (၁၅၀၀၀)ကျပ်၊ ငရုတ်သီးမှုန့်(၁၀)ကျပ်သားလျှင် (၂၀၀၀)ကျပ်နှင့် (၁)ပိဿာလျှင် (၂၀၀၀၀)ကျပ် ဈေးနှုန်းတို့ဖြင့် ရောင်းချလျက်ရှိရာ ယခုနိုဝင်ဘာလ ဒုတိယပတ်ဈေးနှုန်းများနှင့် နှိုင်းယှဉ်ပါက တတိယပတ်အတွင်း ငရုတ်သီးခြောက်(၁)ပိဿာလျှင် (၂၀၀၀)ကျပ်ဈေးနှုန်းကျဆင်းသွားကြောင်း  ကုန်မျိုးစုံရောင်းဝယ်ရေး လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)