ပဲခူးတိုင်းဒေသကြီး၊ တောင်ငူခရိုင်အတွင်းရှိ မြို့နယ်အသီးသီးတွင် ယခုမတ်လ (ဒုတိယပတ်)အတွင်း မိုးစပါးနှင့်ဆန်ဈေးနှုန်းများမှာ မြို့နယ်အလိုက် အနည်းငယ်ကွဲပြားမှုရှိနေ ကြောင်းသိရပြီး လက်ရှိတွင် ဆင်းသုခ/ဗျော့ထွန်းစပါးအမျိုးအစားမှာ ဈေးကွက်အတွင်းအဓိက အရောင်းအဝယ်ဖြစ်လျက်ရှိသည်။
ခရိုင်အတွင်းရှိ မြို့နယ်များအနက် ရေတာရှည်မြို့နှင့်တောင်ငူမြို့တွင် မိုးစပါး (ပေါင် ၅၀) တင်း ၁၀၀ လျှင် ၁၄၅၀၀၀၀ ကျပ်ဖြစ်ပြီး၊ (၄၆ ပေါင်)တင်း ၁၀၀ လျှင် ၁၃၃၄၀၀၀ ကျပ်ဈေးနှုန်းတူညီနေပါသည်။ ထန်းတပင်မြို့နယ်တွင် မိုးစပါး (ပေါင် ၅၀)တင်း ၁၀၀ လျှင် ၁၄၀၀၀၀၀ ကျပ်နှင့် (၄၆ ပေါင်) တင်း၁၀၀လျှင် ၁၂၈၈၀၀၀ ကျပ်ဖြင့် ဈေးနှုန်းဖြစ်ပေါ်နေပါ သည်။ အုတ်တွင်းမြို့နှင့်ဖြူးမြို့နယ်တွင် မိုးစပါး (ပေါင် ၅၀) တင်း ၁၀၀ လျှင် ၁၃၈၀၀၀၀ ကျပ်နှင့် ၄၆ ပေါင် တင်း ၁၀၀ လျှင် ၁၂၇၀၀၀၀ ကျပ်အသီးသီးရှိနေပါသည်။
ဆန်ဈေးနှုန်းအနေဖြင့် မြိုနယ်အများစုတွင် အလတ်စတစ်အိတ်လျှင် ၅၄၀၀၀ ကျပ် ဝန်းကျင်တွင်တည်ရှိနေပြီး အုတ်တွင်းမြို့နယ်နှင့်ဖြူးမြို့နယ်တွင် ၅၃၀၀၀ ကျပ်ဖြင့် ဈေးနှုန်း အနည်းငယ်လျော့နည်းနေပါသည်။
DOCA(ပဲခူး)