ထားဝယ်မြို့ရှိ ပုစွန်ခြောက်ဈေးနှုန်း၊ ထွက်ရှိမှုနှင့် တင်ပို့မှုအခြေအနေ

          တနင်္သာရီတိုင်းဒေသကြီး၏ လက်ရှိအချိန်တွင် ရာသီအလိုက် ပြောင်းလဲမှုများနှင့် ဈေးကွက် လိုအပ်ချက်အပေါ် မူတည်ကာ ဆက်လက်လှုပ်ရှားနေကြောင်း သိရသည်။ ပုစွန်ခြောက်ထုတ်လုပ်မှု အနေဖြင့် ပင်လယ်ထွက်ပုစွန်များ ရရှိမှုအပေါ် မူတည်ပြီး ဒီနှစ်အစပိုင်းတွင် ပုစွန်ဖမ်းဆီးရရှိမှု အနည်းငယ်လျော့နည်းနေသဖြင့် ပုစွန်ခြောက်ထွက်ရှိမှုမှာ ယခင်နှစ်နှင့်နှိုင်းယှဉ်ပါက အနည်းငယ် ကျဆင်းနေကြောင်း ဒေသခံလုပ်ငန်းရှင်များက ပြောကြားသည်။ သို့သော် နွေရာသီကာလအတွင်း နေရောင်ပြင်းထန်မှုကြောင့် ခြောက်သွေ့အရည်အသွေးကောင်းမွန်သော ပုစွန်ခြောက်များ ထုတ်လုပ် နိုင်ခြင်းလည်း တွေ့ရသည်။

          ဈေးနှုန်းအနေဖြင့် ပုစွန်ခြောက်အမျိုးအစား၊ အရွယ်အစားနှင့် အရည်အသွေးပေါ်မူတည်၍ တစ်ပိဿာလျှင် ကျပ် ၉၀၀၀၀ မှ ၁၆၀၀၀၀ အထိ ရှိနေပြီး အရွယ်ကြီး၊ အရည်အသွေးမြင့် ပုစွန် ခြောက်များမှာ ဈေးပိုမိုမြင့်တက်နေကြောင်း သိရသည်။ မကြာသေးမီကာလအတွင်း ကုန်ကြမ်းပုစွန် ဈေးတက်လာခြင်းနှင့် သယ်ယူပို့ဆောင်ရေးစရိတ်မြင့်တက်လာခြင်းတို့ကြောင့် ပုစွန်ခြောက်ဈေးနှုန်း များလည်း တဖြည်းဖြည်းမြင့်တက်လာသည်ဟုဆိုသည်။

          တင်ပို့မှုအနေဖြင့် ထားဝယ်မြို့မှ ထွက်ရှိသော ပုစွန်ခြောက်များကို ရန်ကုန်၊ မန္တလေးနှင့် အခြားမြို့ကြီးများသို့ အဓိကပို့ဆောင်ရောင်းချနေပြီး ထိုင်းနိုင်ငံနှင့် နီးစပ်သည့်ဒေသများသို့လည်း နယ်စပ်ကုန်သွယ်ရေးမှတဆင့် တင်ပို့မှုများရှိနေကြောင်း သိရသည်။ သို့ရာတွင် နယ်စပ်ကုန်သွယ် ရေးတွင် စည်းမျဉ်းစည်းကမ်းများနှင့် သယ်ယူပို့ဆောင်ရေးအခက်အခဲများကြောင့် တင်ပို့မှုအချို့တွင် အခက်အခဲများလည်း ကြုံတွေ့နေရပြီး ထားဝယ်မြို့ရှိ ပုစွန်ခြောက်ဈေးကွက်သည် ထွက်ရှိမှု အနည်းငယ်ကျဆင်းသော်လည်း ဈေးနှုန်းတိုးမြင့်နေကြောင်း သိရှိရပါသည်။

DOCA(တနင်္သာရီ)