ပြည်တွင်းကုန်သွယ်မှုသတင်း

        ဧရာဝတီတိုင်းဒေသကြီး ပုသိမ်မြို့အတွင်းရှိ ဈေးကြီးများနှင့် ကုန်စည်ဒိုင်များတွင် ပုစွန်ခြောက်များ ပုံမှန်ရောင်းချလျက်ရှိပြီး ဒေသတွင်းထွက်နှင့် ရခိုင်ဘက်မှ တင်ပို့လာသော ပုစွန်ခြောက်များ ရောင်းချလျက်ရှိကြောင်း သိရသည်။ ပုသိမ်မြို့သည် ပုစွန်ခြောက်ထုတ်လုပ်ရာ ဒေသအဖြစ် ထင်ရှားပြီး ဒေသတွင်းထွက် ပုစွန်ခြောက်များမှာ အရည်အသွေးကောင်းမွန်သည် ဟု နာမည်ကြီးသည်။ ပုစွန်ခြောက်သည် ရာသီမရွေး ပုံမှန်အရောင်းအဝယ်ဖြစ်သော ကုန်ခြောက် ပစ္စည်း တစ်မျိုးလည်းဖြစ်သည်။

          ၂၀၂၆ ခုနှစ် ဇန်နဝါရီလဆန်းအတွင်း ပုသိမ်မြို့ဈေးကွက်တွင် ပုစွန်ခြောက် အကောင် ကြီးစား တစ်ပိဿာလျှင် ကျပ် ၁၅၅,၀၀၀ မှ ၁၆၀,၀၀၀ အထိ၊ အလတ်စား တစ်ပိဿာလျှင် ကျပ် ၁၂၅,၀၀၀ မှ ၁၃၀,၀၀၀ အထိ၊ အသေးစား တစ်ပိဿာလျှင် ကျပ် ၁၁၀,၀၀၀ မှ ၁၂၀,၀၀၀ အထိ ရောင်းချလျက်ရှိကြောင်း သိရသည်။ ပုစွန်ခြောက်အသေးအမှုန့် ဈေးနှုန်းမှာ တစ်ပိဿာ လျှင် ကျပ် ၉၅,၀၀၀ မှ ၁၀၀,၀၀၀ အထိ ရောင်းချလျက်ရှိပြီး ဟင်းခတ် အမွှေးအကြိုင်အဖြစ် နေ့စဉ်အသုံးပြုမှု များကြောင့် ဝယ်လိုအားကောင်းမွန်လျက်ရှိကြောင်း သိရသည်။

          ပုသိမ်မြို့ ကုန်စည်ဒိုင်တစ်ခုမှ ကုန်သည်တစ်ဦးက "ပုသိမ်ထွက် ပုစွန်ခြောက်တွေဟာ အရည်အသွေးကောင်းတဲ့အတွက် ပြည်တွင်းဈေးကွက်မှာရော နိုင်ငံတကာတင်ပို့မှုမှာပါ ဝယ်လိုအား မြင့်မားပါတယ်။ ယခုလအတွင်း ပုစွန်ခြောက်ဈေးနှုန်းများ တည်ငြိမ်မှုရှိပြီး ပုံမှန်အရောင်းအဝယ် ဖြစ်နေပါတယ်" ဟု ပြောကြားသည်။ ပုသိမ်မြို့မှ ပုစွန်ခြောက်များကို ရန်ကုန်၊ မန္တလေးစသော မြို့ကြီးများသို့လည်းကောင်း၊ နိုင်ငံတကာဈေးကွက်များသို့လည်းကောင်း တင်ပို့ရောင်းချလျက် ရှိကြောင်း သိရသည်။

DOCA (ဧရာဝတီ)

         မိုးနှမ်းများကို မေလ၊ ဇွန်လနှင့် ဇူလိုင်လတို့တွင် စတင်စိုက်ပျိုးကြပြီး ဩဂုတ်လ၊ စက်တင်ဘာလနှင့် အောက်တိုဘာလတို့တွင် ရိတ်သိမ်းထွက်ပေါ်လေ့ရှိကြောင်း သိရှိရသည်။ ၂၀၂၅-၂၀၂၆ခုနှစ်၊ နွားထိုးကြီးမြို့နယ်အနေဖြင့် မိုးနှမ်းစီမံကိန်း (၁၇၄၅၀၂)ဧကလျာထားချက်တွင် စိုက်ပျိုးပြီး ဧက (၁၇၄၅၀၂)ဧက၌ ဧကအားလုံးရိတ်သိမ်းခဲ့ပြီး တစ်ဧကအထွက်နှုန်းအနေဖြင့် (၅-၆)တင်းခန့် ထွက်ရှိခဲ့ကြောင်း  မြို့နယ်ကြေးတိုင်နှင့် မြေစာရင်းဦးစီးဌာန၏ စာရင်းများအရ သိရသည်။ တစ်ဧက မျိုးစေ့(၄)ပြည် စိုက်ပျိုးကြောင်း၊ ထွန်ကြောင်းဆွဲပြီး ကြဲပတ်စနစ်ဖြင့် စိုက်ပျိုးကြောင်း၊ တစ်ဧက ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် (၃၀၀၀၀၀) ကျပ်ခန့် ကုန်ကျကြောင်း၊ ထွက်ပေါ်ချိန်ရောင်းဈေးအနေဖြင့် တစ်တင်းလျှင်(၉၀,၀၀၀) ကျပ်ခန့်ရရှိကြောင်း၊ တစ်ဧကအကျိုး အမြတ်အနေဖြင့် (၂၄၀,၀၀၀)ကျပ်ခန့်ရရှိကြောင်း မိုးနှမ်းစိုက်တောင်သူစ်ဦး၏ ပြောပြချက်အရ သိရှိရသည်။

         နွားထိုးကြီးမြို့နယ်တွင် မိုးနှမ်းများကို ရွာကြီးကျေးရွာ၊ နနွင်းတော်ဘိုးရွာ၊ ကန်ရွာ၊ ကုန်းသာရွာ၊ နန်းတည်ရွာ၊ ထနောင်းကုန်းရွာနှင့် ဇရပ်ကြီးကျေးရွာများတွင် စိုက်ပျိုးထားရှိကြောင်း၊ ၂၀၂၆ခုနှစ် ဇန်နဝါရီလ၌ မိုးနှမ်းညို တစ်တင်းလျှင်(၉၅၀၀၀)ကျပ်ခန့် ပေါက်ဈေးများဖြင့် အရောင်းအဝယ် ဖြစ်လျက်ရှိကြောင်း၊ ဒေသထွက်မိုးနှမ်းကိုကြိတ်ခွဲ၍ ဒေသတွင်းကျေးရွာများ၌ နှမ်းဆီအဖြစ်စားသုံးကြပြီး၊ နှမ်းစေ့ကို မုန့်လုပ်ငန်းနှင့် လဖက်ပဲကြော်လုပ်ငန်းများတွင် အသုံးပြုကြပါသည်။ နှမ်းဆီကြိတ်ဖတ်များကိုလည်း တိရိစ္ဆာန်အစာအဖြစ် အသုံးပြုကြပါသည်။ ကျေးရွာများမှထွက်ရှိသော နှမ်းများကို မြင်းခြံမြို့ရှိပွဲရုံများသို့ တင်ပို့ရောင်းချကြောင်း သိရှိရပါသည်။

DOCA(မန္တလေး)

                      စစ်ကိုင်းတိုင်းဒေသကြီး၊ မုံရွာမြို့နယ်၊ အောင်သာကျေးရွာတွင် ကွမ်းကို တစ်နိုင်တစ်ပိုင် အနေဖြင့်သော်လည်းကောင်း၊ စီးပွားဖြစ်သော်လည်းကောင်း စိုက်ပျိုးကြပြီး မိုးစိုက်နှင့်ဆောင်းစိုက်ဟူ၍ စိုက်ပျိုးကြရာ မိုးစိုက်မှာ ပိုးကျလွယ်ပြီး ပျက်စီးဆုံးရှုံးမှုများသဖြင့် ဆောင်းစိုက်ကိုသာ ပိုမိုစိုက်ပျိုးကြကြောင်း သိရသည်။

             ကွမ်းကိုစိုက်ပျိုးရန်အတွက် ကွမ်းမျိုးဖြစ်သည့် ကွမ်းညွန့်တစ်ညွန့်လျှင် လက်ကားဈေး ငွေကျပ် ၅၀၀ ကျပ်ခန့်ဖြင့် ဝယ်ယူကာ တစ်ဧက၏ နှစ်ပုံတစ်ပုံခန့် ၀.၅ ဧက အကျယ်ရှိ ကွမ်းခြံ၌ ကွမ်းအညွန့် ၁၀၀၀-၁၁၀၀ ခန့် စိုက်ပျိုးကြပြီး မျိုးအနေဖြင့် ကွမ်းနုဝါမျိုးကို အများဆုံး စိုက်ပျိုးကြကြောင်း၊ ကွမ်းကို စိုက်ပျိုးပြီး ၅-၆ လခန့်အကြာတွင် စတင်ခူးဆွတ်နိုင်ပြီး  နေရာဒေသ၊ မြေအနေအထားနှင့် ကွမ်း မျိုးကောင်းမျိုးသန့်အပေါ်မူတည်၍  ၃ နှစ်မှ ၅ နှစ်အထိ ခူးဆွတ်ရရှိ နိုင်ကြောင်း၊  စိုက်ပျိုးမှုကုန်ကျ စရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် တစ်ဧက၏ နှစ်ပုံတစ်ပုံခန့် ၀.၅ ဧကလျှင် ငွေကျပ် ၇၀ သိန်းခန့် ကုန်ကျကြောင်း၊ အထွက်နှုန်းအနေဖြင့် ကွမ်းရွက်ကို ၁၀ ရက်ခြား တစ်ကြိမ် ခူးဆွတ်ရပြီး တစ်ကြိမ် ခူးဆွတ်လျှင် ၂၀-၂၅ ပိဿာခန့် ထွက်ရှိ၍ တစ်လလျှင် ပိဿာချိန် ၅၀-၆၀ ခန့် ထွက်ရှိရာ ကွမ်းပင်များ ဖြစ်ထွန်းအောင်မြင်မှုအပေါ် မူတည်၍ အထွက်နှုန်းကွာခြားမှုရှိကြောင်း၊ ဈေးနှုန်းဈေးကွက်အနေဖြင့်  ဇန်နဝါရီ ဒုတိယပတ်တွင် လက်ကားဈေး ကွမ်းတစ်ပိဿာလျှင် ငွေကျပ် ၂၀၀၀၀-၂၂၀၀၀ နှုန်းဖြင့် မုံရွာမြို့ပေါ်ရှိ ကွမ်းအဝယ် ဒိုင်များသို့ တင်ပို့ရောင်းချရပါကြကြောင်း၊ အအေးဓာတ်ဝင်လျှင် ကွမ်းအထွက်နှုန်း နည်းသွားသည့် အတွက် ယခုအခါတွင် ဆောင်ရာသီကာလ ဖြစ်၍ ဈေးနှုန်းမြင့်တက်လျက်ရှိကြောင်း ကွမ်းစိုက် တောင်သူများထံမှ သိရသည်။

DOCA(စစ်ကိုင်း)

              စစ်ကိုင်းတိုင်းဒေသကြီး၊ မုံရွာမြို့နယ်၊ ဘုမ္မနိုးကျေးရွာတွင် ကွမ်းကို တစ်နိုင်တစ်ပိုင် အနေဖြင့် သော်လည်းကောင်း၊ စီးပွားဖြစ်သော်လည်းကောင်း စိုက်ပျိုးကြပြီး မိုးစိုက်နှင့်ဆောင်းစိုက်ဟူ၍ စိုက်ပျိုးကြရာ မိုးစိုက်မှာ ပိုးကျလွယ်ပြီး ပျက်စီးဆုံးရှုံးမှုများသဖြင့် ဆောင်းစိုက်ကိုသာ ပိုမိုစိုက်ပျိုးကြကြောင်း သိရသည်။

          ကွမ်းရွက်ကိုစိုက်ပျိုးရန်အတွက် ကွမ်းမျိုးဖြစ်သည့် ကွမ်းညွန့်တစ်ညွန့်လျှင် လက်ကားဈေး ငွေကျပ် ၆၀၀-၇၀၀ ကျပ်ခန့်ဖြင့် ဝယ်ယူကာ ၁ ဧက၏ လေးပုံတစ်ပုံခန့် ၀.၂၅ ဧက အကျယ်ရှိ ကွမ်းခြံ၌ ကွမ်းအညွန့် ၂၅၀-၂၀၀ ခန့် စိုက်ပျိုးကြပြီး မျိုးအနေဖြင့် ကွမ်းနုဝါမျိုးကို အများဆုံး စိုက်ပျိုး ကြကြောင်း၊ ကွမ်းကို စိုက်ပျိုးပြီး ၂လခွဲ ၃လခန့်အကြာတွင် စတင်ခူးဆွတ်နိုင်ပြီး  နေရာဒေသ၊ မြေအနေအထားနှင့် ကွမ်း မျိုးကောင်း မျိုးသန့်အပေါ်မူတည်၍  ၃ နှစ်မှ ၅ နှစ်အထိ ခူးဆွတ် ရရှိနိုင်ကြောင်း၊  စိုက်ပျိုးမှုကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် တစ်ဧက၏ လေးပုံတစ်ပုံခန့် ၀.၂၅ ဧကလျှင် ငွေကျပ် ၅၀ သိန်းခန့် ကုန်ကျကြောင်း၊ အထွက်နှုန်းအနေဖြင့် ကွမ်းရွက်ကို ဆောင်းရာသီတွင် ၁၅ ရက်ခြား တစ်ကြိမ်၊ နွေရာသီတွင် ၁၀ ရက်ခြားတစ်ကြိမ် ခူးဆွတ်ရပြီး တစ်ကြိမ် ခူးဆွတ်လျှင် ၁၀-၁၅ ပိဿာခန့် ထွက်ရှိ၍ တစ်လလျှင် ပိဿာချိန် ၆၀-၇၀ ခန့် ထွက်ရှိရာ ကွမ်းပင်များဖြစ်ထွန်းအောင်မြင်မှုအပေါ်မူတည်၍အထွက်နှုန်းကွာခြားမှုရှိကြောင်း၊ဈေးနှုန်းဈေးကွက်အနေဖြင့်ဇန်နဝါရီလဒုတိယပတ်တွင် လက်ကားဈေး ကွမ်းတစ်ပိဿာလျှင် ငွေကျပ် ၂၅,၀၀၀-၃၀,၀၀၀ နှုန်းဖြင့် မုံရွာမြို့ပေါ်ရှိ ကွမ်းအဝယ်ဒိုင်များသို့ တင်ပို့ရောင်းချကြကြောင်း၊ တစ်လလျှင် ၁၅ သိန်းကျော်ခန့် ဝင်ငွေရရှိကြောင်း၊  အအေးဓာတ်ဝင်လျှင် ကွမ်းအထွက်နှုန်း နည်းသွားသည့်အတွက် ဆောင်းတွင်းကာလများတွင် ဈေးနှုန်းတက်လာကြောင်း ကွမ်းစိုက်တောင်သူ များထံမှ သိရသည်။

DOCA(စစ်ကိုင်း)                                    

     ရေကြည်မြို့နယ်အတွင်းရှိ သီဟိုဠ်စေ့ဈေးကွက်သည် စက်တင်ဘာလအတွင်း အရောင်း အဝယ်စည်ကားလျက်ရှိပြီး ဒေသထွက်သီဟိုဠ်စေ့များကို ရန်ကုန်ဈေးကွက်သို့ အဓိကတင်ပို့ ရောင်းချလျက်ရှိကြောင်း သိရှိရပါသည်။ရေကြည်မြို့နယ်သည် ဧရာဝတီတိုင်းဒေသကြီးအတွင်း သီဟိုဠ်စေ့ထုတ်လုပ်မှုအချက်အချာဒေသအဖြစ် ရပ်တည်နေပြီး မိုးရာသီတွင် စိုက်ပျိုးထုတ်လုပ် သည့် သီဟိုဠ်စေ့များကို စက်တင်ဘာလမှ စတင်၍ ဈေးကွက်သို့ စတင်တင်ပို့နိုင်ခဲ့ကြောင်း သိရပါသည်။

      ဒေသထွက်သီဟိုဠ်စေ့ (ကုန်ချော) တစ်ပိဿာ - ကျပ် ၈,၅၀၀ မှ ၈,၈၀၀၊ အရည်အသွေး မြင့် သီဟိုဠ်စေ့ တစ်ပိဿာ - ကျပ် ၉,၀၀၀ မှ ၉,၅၀၀ ပြည်တွင်းသုံး သီဟိုဠ်စေ့ တစ်ပိဿာကျပ် ၈,၀၀၀ မှ ၈,၃၀၀ ဈေးနှုန်းများမှာ သီဟိုဠ်စေ့၏အရည်အသွေး၊ အဆင့်အတန်းနှင့် ရောင်းချသည့် နေရာဒေသအလိုက် ကွဲပြားမှုရှိနိုင်ကြောင်း သိရပါသည်။ ရေကြည်မြို့နယ်တွင် သီဟိုဠ်စေ့ကို ဝယ်ယူသည့်ပွဲရုံပိုင်ရှင်များက ဒေသခံတောင်သူများထံမှ ဝယ်ယူပြီး ကုန်ချောအဖြစ်ပြုလုပ်ကာ ရန်ကုန်ဈေးကွက်သို့ အဓိကတင်ပို့ရောင်းချကြကြောင်း သိရပါသည်။ မြို့နယ်အတွင်းရှိ ကုန်သည် များနှင့် စားသုံးသူများကလည်း ဒေသထွက်သီဟိုဠ်စေ့များကို ဝယ်ယူသုံးစွဲလျက်ရှိကြောင်း သိရပါသည်။

    ယခုလက်ရှိတွင် ဈေးကွက်အတွင်း သီဟိုဠ်စေ့များ ဝင်ရောက်မှုနှုန်းမှာ ကောင်းမွန်နေပြီး ဝယ်လိုအားလည်း မြင့်မားနေသောကြောင့် ဈေးနှုန်းများ တည်ငြိမ်လျက်ရှိကြောင်း သိရပါသည်။ ဒေသခံတောင်သူများအနေဖြင့် မိမိတို့၏ထွက်ကုန်များကို ပွဲရုံပိုင်ရှင်များထံသို့ တိုက်ရိုက် ရောင်းချခြင်း၊ မြို့နယ်အတွင်းရှိဈေးများတွင် ရောင်းချခြင်းများ ပြုလုပ်လျက်ရှိကြောင်း သိရှိ ရပါသည်။ သီဟိုဠ်စေ့ဈေးကွက်ကောင်းမွန်မှုကြောင့် ကုန်တင်ကုန်ချလုပ်သားများ၊ ကုန်တင်ယာဉ် အငှားလိုက်သူများ အလုပ်အကိုင်ရရှိမှု အဆင်ပြေလျက်ရှိပြီး ဒေသစီးပွားရေးအတွက် အထောက် အကူပြုလျက်ရှိကြောင်း သိရှိရပါသည်။

DOCA(ဧရာဝတီ)