ပြည်တွင်းကုန်သွယ်မှုသတင်း

       ကရင်ပြည်နယ်ထွက် ဘုံလုံသီးစိုက်ပျိုးထွက်ရှိမှု ပုံမှန်ရှိပြီး ဒေသတွင်းဈေးကွက်၌ အရောင်း အဝယ် သွက်လျက်ရှိသည်။ ကရင်ပြည်နယ်အတွင်းရှိ စိုက်ပျိုးရေးတောင်သူများသည် ရာသီအလိုက် အဓိကစိုက်ပျိုးကြရာတွင် ဒေသထွက်ဘုံလုံသီး (ကျောက်ဖရုံသီးနွယ်ဝင်စိုက်ပျိုးသီးနှံ)များ ထွက်ရှိ သည့် ရာသီချိန်သို့ ရောက်ရှိလာပြီဖြစ်ရာ ယခုနှစ်တွင် စိုက်ပျိုးထွက်ရှိမှု ပုံမှန်ရှိပြီး ဒေသတွင်း  သီးနှံ ဈေးကွက်၌ ဝယ်လိုအားကောင်းမွန်ကာ အရောင်းအဝယ်သွက်လျက်ရှိကြောင်းသိရသည်။ ဘုံလုံသီး ကို ကရင်ပြည်နယ်အတွင်းရှိ ဘားအံ၊ လှိုင်းဘွဲ့၊ ကော့ကရိတ်နှင့် ကြာအင်းဆိပ်ကြီး စသည့် မြို့နယ်များရှိ တောင်ယာခင်းများနှင့်ဥယျာဉ်ခြံများတွင် အရိပ်ရသီးနှံအဖြစ် တနိုင်တပိုင်မှ စီးပွားဖြစ် သည်အထိ ကျယ်ကျယ်ပြန့်ပြန့် စိုက်ပျိုးကြသည်။ ဘုံလုံသီးသည် စိုက်ပျိုးရလွယ်ကူပြီး ရာသီဥတု ဒဏ်ခံနိုင်သည့်အပြင် ရိတ်သိမ်းချိန်တွင် အသီးအထွက်နှုန်းကောင်းမွန်သည့် သီးနှံတစ်မျိုးဖြစ်သည်။

         ထွက်ရှိမှုနှင့် စိုက်ပျိုးစရိတ်- ယခုနှစ် မိုးရာသီးကာလ ထွက်ရှိမှုအခြေအနေတွင် ရာသီဥတု ဆိုးရွာမှု ရှိသည့်အတွက် ထွက်ရှိမှုနှုန်းပုံမှန်မရှိဘဲ အသီးအရည်အသွေးလည်း ကောင်းမွန်ကြောင်း တောင်သူ များထံမှသိရသည်။ စိုက်ပျိုးစရိတ်အနေဖြင့် မြေဩဇာနှင့် လုပ်အားခ ဈေးနှုန်းအနည်းငယ်မြှင့်တက် လာမှုရှိသော်လည်း ထွက်ရှိလာသည့်အသီးများကို ပုံမှန်ဆွတ်ခူးရောင်းချနိုင်သဖြင့် တောင်သူများ၏ စိုက်ပျိုးရေးလုပ်ငန်းများ တွက်ချေကိုက်လျက်ရှိသည်။

     ဈေးကွက်နှင့်ဈေးနှုန်းအခြေအနေ- ကရင်ပြည်နယ်မှထွက်ရှိသည့် ဘုံလုံသီးများကို ဒေသတွင်း ဘားအံမြို့မှဈေးကြီးအပါအဝင် မြို့နယ်အသီးသီးရှိ မြို့မှဈေးများနှင့် အိမ်ဆိုင်များသို့ အဓိက တင်ပို့ ရောင်းချလျက်ရှိသည်။ ဘုံလုံသီးကို အရွယ်အစားနှင့် အလေးချိန်ပေါ်မူတည်၍ရောင်းချကြရာ လက်ကားဈေး တစ်လုံးလျှင် (၁,၅၀၀၊၂,၅၀၀)ကျပ် ဝန်းကျင် ဈေးရရှိသည်။ လက်လီဈေးနှုန်းမှာ စိမ်းလန်း လတ်ဆက်ပြီး အရွယ်အစားကြီးသော ဘုံလုံသီး တစ်လုံးလျှင် (၃,၀၀၀၊၄,၀၀၀) ကျပ် အထိ ရောင်းချ လျက်ရှိသည်။ ဘုံလုံသီးသည် ဒေသခံများအတွက် နေ့စဉ်ဟင်းလျာ အဖြစ် ချက်ပြုတ်စားသုံးမှု များပြားသည့်အပြင် ကျန်းမာရေးအတွက်လည်း သင့်တော်သည့် ဟင်းသီး ဟင်းရွက်တစ်မျိုးဖြစ် သောကြောင့် ဝယ်လိုအား အမြဲရှိနေသည့် သီးနှံဖြစ်ကြောင်း ဒေသခံသီးနှံ ကုန်သည်တစ်ဦးက ပြောကြားခဲ့သည်။

          ဒေသထွက်ဘုံလုံသီးများ ဈေးကွက်အတွင်းသက်သာသောဈေးနှုန်းဖြင့် ပေါပေါများများရရှိ နေခြင်းကြောင့် စားသုံးသူများအတွက် ဟင်းသီးဟင်ရွက် စိတ်ကြိုက်ရွေးချယ်နိုင်သလို စိုက်ပျိုးသည့် တောင်သူများအတွက်လည်း ပုံမှန်ဝင်ငွေရရှိစေသည့် သီးနှံတစ်မျိုးလည်းဖြစ်ကြောင်း သိရသည်။

DOCA(ကရင်)

               မန္တလေးတိုင်းဒေသကြီး၊ မြင်းခြံခရိုင်အတွင်းရှိ  ကြက်သွန်နီ စိုက်ပျိုးရာဒေသများဖြစ်သော ကံဆင့်ရွာ၊ တလုပ်ရွာ၊ တောပုရွာ၊ နနွင်းတော်ဘိုးရွာ၊ ကံရွာ၊ တူရွင်းဘိုးရွာ၊ ကျားတိုင်းရွာနှင့် သင်ပြွန်းရွာတို့တွင် ဆောင်းစိုက် (ပင်စိုက်) ကြက်သွန်နီများကို အဓိကစိုက်ပျိုးကြောင်း၊  မြင်းခြံဈေးကွက်၌ ဆောင်းကြက်သွန်နီသည် ယခုတစ်ပတ်တွင် ဈေးနှုန်းဆက်လက်မြင့်တက်လာ ကြောင်း၊ တစ်ရက်လျှင် ပျမ်းမျှကုန်ချိန်(၄၃၀၀၀)ပိဿာခန့် အရောင်းအဝယ် ဖြစ်လျှက်ရှိကြောင်း သိရှိရသည်။

               ၂၀၂၆ခုနှစ်၊ ဩဂုတ်လပထမတွင် မြင်းခြံကုန်စည်ဒိုင်၌ အရောင်းအဝယ်ဖြစ်နေသော ကြက်သွန်နီ  ဈေးနှုန်းမှာ  ထိပ်စတစ်ပိဿာလျှင် (၅၄၀၀-၅၆၀၀)ကျပ်၊ အလတ်စ  (၄၈၀၀-၅၂၀၀) ကျပ်၊ အသေးစ (၄၅၀၀-၄၇၀၀)ကျပ်ခန့် ပေါက်ဈေးများဖြင့် အရောင်းအဝယ်ဖြစ်လျက်ရှိကြောင်း၊  ယခင်တစ်ပတ်နှင့်နှိုင်းယှဉ်ပါက ကြက်သွန်နီအရွယ်အစားလိုက် တစ်ပိဿာလျှင် (၅၀၀-၈၀၀) ကျပ်အထိဈေးနှုန်းများ ဆက်လက်မြင့်တက်ခဲ့ကြောင်း၊ တင်ပို့မှုအနေဖြင့် မန္တလေး၊ ရန်ကုန်၊ နေပြည်တော်၊ တောင်ကြီးနှင့် မော်လမြိုင်မြို့များသို့ နေ့စဉ်တင်ပို့ကြောင်း၊  တစ်အိတ်လျှင် ကုန်ချိန် ပိဿာဝင် (၃၀) အိတ်များဖြင့်၊ ယခုတစ်ပတ်တွင်ကုန်ချိန် (၂၄၂၅၀၆) ပိဿာခန့် တင်ပို့ကြောင်း၊ တန်ချိန်အားဖြင့် (၃၉၆)တန်တင်ပို့ခဲ့ကြောင်း၊ ဆောင်းကြက်သွန်နီသီးနှံသည် သိုလှောင်ရာတွင် တာရှည်ခံသလို စားသုံးရာတွင် နူးညံ့သောကြောင့် ဈေးကွက်၌ ဝယ်လက်များသဖြင့် ဈေးနှုန်းမြင့် တက်ခြင်း ဖြစ်ကြောင်း၊ ကုန်သည်များထံမှ သိရှိရ ပါသည်။

DOCA(မန္တလေး)

        တနင်္သာရီတိုင်းဒေသကြီး မြိတ်ခရိုင်၊ မြိတ်မြို့နယ်တွင် ကြက်သွန်နီနှင့် ကြက်သွန်ဖြူများကို မြိတ်မြို့ဆိပ်ငယ်ဈေးကြီး၊ စမ်းချောင်းကုန်စိမ်းနှင့် အခြားသောဈေးများတွင် နေ့စဉ်အရောင်းအဝယ် သွက်လျက်ရှိကြောင်း သိရှိရပါသည်။ ကြက်သွန်နီနှင့် ကြက်သွန်ဖြူသည် စားဖိုချောင်သုံး အစားအစာတွင် အဓိကမပါမဖြစ်သော အသီးအနှံတစ်မျိုးဖြစ်ကြပါသည်။ ကြက်သွန်နီတွင် မိုးကြက်သွန်နီအပြင် ပင်စိုက်ကြက်သွန်နီများလည်း အ‌ရောင်းအဝယ်ဖြစ်လျက်ရှိကြောင်း သိရှိရပါသည်။ ကြက်သွန်နီနှင့် ကြက်သွန်ဖြူကို အလွယ်တကူဝယ်ယူရရှိပြီး ဟင်းလျာများကို အနံ့အရသာကောင်းမွန်စေသော သီးနှံတစ်မျိုးဖြစ်သည်။ မြိတ်မြို့ဈေးကွက်အတွင်း အပတ်စဥ်ဝင်ရောက်လျက်ရှိပြီး ဈေးကွက် ဒေသအတွင်း လက်လီ/လက်ကားဝယ်ယူသူများ၊ တစ်ဆင့်ပြန်လည်ရောင်းချသူများဖြင့် ပုံမှန်ဝယ်ယူ‌ရောင်းချနေကြောင်း သိရှိရပါသည်။

         ၂၀၂၆ခုနှစ်၊ သြဂုတ်လပထမပတ်တွင် မြိတ်မြို့ပေါ်တွင် ရောင်းချနေသော ကြက်သွန်နီ ဈေးနှုန်းမှာ တစ်ပိဿာလျှင် (၆၅၀၀)ကျပ်နှင့် (၇၀၀၀)ကျပ်ခန့် ရှိပြီး ကြက်သွန်ဖြူ(ရှမ်းစ) တစ်ပိဿာ လျှင် (၁၁၀၀၀)ကျပ်နှင့် (၁၂၀၀၀)ကျပ်၊ ကြက်သွန်ဖြူ(ကြူဂုတ်) တစ်ပိဿာလျှင် (၁၄၀၀၀) ကျပ်နှင့် (၁၅၀၀၀)ကျပ်ခန့်ထိရှိကြောင်း သိရှိရပါသည်။

DOCA(တနင်္သာရီ)

တိုင်းဒေသကြီး/ပြည်နယ် မြို့နယ်များအလိုက် ၁၁ -၈ -၂၀၂၆ ရက်နေ့တွင် ဖြစ်ပေါ်လျက်ရှိသော ဆန်၊ ဆီ၊ မီးဖိုချောင်သုံးပစ္စည်းများ၊ သားငါးနှင့် ဥ‌ဈေးနှုန်းများကို ပူးတွဲပါ ဖိုင်တွင် ကြည့်ရှုနိုင်ပါသည်-

          မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်၊ ပန်းတော်ပြင်ကျေးရွာအုပ်စု၊ မယ်ဇလီတောကျေးရွာသည် စိုက်ပျိုးရေးကိုအဓိကထားလုပ်ကိုင်ပြီး ပြောင်း၊ ဝါ၊ နှမ်း၊ နေကြာ၊ ကြက်သွန်နီ၊ ပဲစဉ်းငုံ၊ ပဲတီစိမ်းနှင့် ဂန္ဓာပန်းတို့ကို ရာသီအလိုက်စိုက်ပျိုးကြောင်း၊ ပဲတီစိမ်းသီးနှံကို ၂၀၂၆ခုနှစ်၊ မေလတွင် တောင်သူ(၃၀)ဦးမှ (၂၀)ဧကခန့်စိုက်ပျိုးခဲ့ပြီး ဩဂုတ်လ(ပထမပတ်)တွင် စတင်ရိတ်သိမ်းခဲ့ကြောင်း သိရှိရသည်။             

           မယ်ဇလီတောကျေးရွာတောင်သူတစ်ဦးက ၎င်းအနေဖြင့် ရေဆင်း(၁၁)မျိုးဖြစ်သည့် ပဲတီစိမ်း (၂)ဧကခန့်ကို ထွန်ကြောင်းဆွဲအစေ့ချစနစ်ဖြင့် စိုက်ပျိုးခဲ့ကြောင်း၊ မျိုးအနေဖြင့် ယခင်နှစ်က ပဲတီစိမ်းစိုက်ခင်းများမှ စိုက်ပျိုးထွက်ရှိထားသည့် ပဲတီစိမ်းစေ့များကို မျိုးအဖြစ်ဖယ်ချန်၍ စိုက်ပျိုးခြင်းဖြစ်ပြီး (၁)ဧကလျှင် မျိုး(၄)ပြည်ခန့်ကုန်ကျကြောင်း၊ ကုန်ကျစရိတ်အနေဖြင့် မြေပြုပြင်ခ၊ လုပ်အားခနှင့် အခြားသွင်းအားစုစရိတ်အပါအဝင် ကျပ်(၄၀၀၀၀၀)ခန့်ကုန်ကျကြောင်း၊ အထွက်နှုန်းအနေဖြင့် (၁၂)တင်းထိထွက်ရှိပြီး (၁)တင်းလျှင် ကျပ်(၇၅၀၀၀)ခန့်ရရှိကာ အကျိုးအမြတ်အနေဖြင့် ကျပ်(၅၀၀၀၀၀)ခန့်ရရှိကြောင်း၊ ဈေးကွက်အနေဖြင့် အထက်မင်းလှမြို့ပေါ်ရှိ ပွဲရုံများသို့ တင်ပို့ရောင်းချကြောင်း သိရှိရပါသည်။

DOCA(မကွေး)