ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ ပခုက္ကူမြို့ပေါ်ရှိ ခရမ်းချဉ်သီးဈေးကွက်သို့ ရှမ်းပြည်နယ် အောင်ပန်းနှင့် ပုပ္ပါးဒေသထွက် ခရမ်းချဉ်သီးများ နေ့စဉ်ဝင်ရောက်အရောင်းအဝယ်ဖြစ်လျက်ရှိပြီး ထိုင်ဝမ် ခရမ်းချဉ်သီးမျိုးများ အများဆုံးဝင်ရောက်လျက်ရှိကြောင်း သိရှိရသည်။ ဗမာခရမ်းချဉ်သီးမှာ အခွံပါး ပြီး အနှစ်များသော်လည်း တာရှည်အထားခံမှုမရှိ၍ ဈေးကွက်အတွင်း၌ ဝယ်ယူစားသုံးမှုနည်းခြင်းကြောင့် တောင်သူစိုက်ပျိုးမှုနည်း၍ ဈေးကွက်သို့ဝင်ရောက်မှုနည်းကြောင်း၊ ထိုင်ဝမ်ခရမ်းချဉ်သီးမျိုးမှာ အခွံထူပြီးအထားခံ၍ အလုံးလှသည့်အပြင် အချဉ်ဓါတ်ပါဝင်မှုနည်းခြင်းကြောင့် ဝယ်ယူစားသုံးမှုများကြောင်း သိရှိရသည်။

       ခရမ်းချဉ်သီးဈေးကွက်အနေဖြင့် ၂၀၂၅ ခုနှစ်၊ ဇွန်လ(စတုတ္ထပတ်)မှစ၍ ခရမ်းချဉ်သီး ဈေးနှုန်း ပြန်လည်မြင့်တက် အရောင်းအဝယ်ဖြစ်လျက်ရှိရာ ထိုင်ဝမ်ခရမ်းချဉ်သီး တစ်ပိဿာလျှင် ကျပ် (၄၀၀၀-၃၀၀၀) အမြင့်ဈေးဖြင့် အရောင်းအဝယ်ဖြစ်ကြောင်း၊ ဒေသတွင်း ခရမ်းချဉ် စိုက်ပျိုးထားရှိ သော စိုက်ခင်းများမှ ခရမ်းချဉ်သီးထွက်ရှိမှုနည်း၍ ဈေးကွက်သို့ ကုန်ဝင်ရောက်မှုနည်းခြင်းနှင့် လမ်းပန်းဆက်သွယ်ရေးအခက်အခဲများကြောင့် သယ်ယူစရိတ်ကြီးမြင့်၍ ဈေးတက်ရခြင်းဖြစ်ကြောင်း၊ ဇွန်လ(ဒုတိယပတ်)နှင့်နှိုင်းယှဉ်ပါက ကျပ်(၁၀၀၀)ခန့် ဈေးနှုန်းမြင့်တက်၍ အရောင်းအဝယ်ဖြစ်လျက်ရှိကြောင်း ပခုက္ကူမြို့ ကုန်စိမ်းသီးနှံရောင်းဝယ်ရေးဈေးကွက်မှ သိရှိရပါသည်။

DOCA(မကွေး)

    မကွေးတိုင်းဒေသကြီး၊ ပခုက္ကူဈေးကွက်၌ အခြေခံစားသောက်ကုန်များ ရောင်းချလျက်ရှိ သော အရောင်းဆိုင်များတွင် နေ့စဉ်ခေါက်ဆွဲခြောက်ထုပ်များလည်း အရောင်းအဝယ်သွက်လျက်ရှိ သည်။ ခေါက်ဆွဲကို ဂျုံသီးနှံကုန်ကြမ်းမှ ကုန်ချောအဖြစ် ထုတ်လုပ်ခြင်းဖြစ်၍ ပခုက္ကူမြို့နယ်သည် သီးနှံမျိုးစုံစိုက်ပျိုးကြသော်လည်း ဂျုံသီးနှံစိုက်ပျိုးခြင်းမရှိ၍ စိုက်ပျိုးမှုများသော စစ်ကိုင်းတိုင်းဒေသ ကြီး၊ မုံရွာမြို့ ခေါက်ဆွဲ ခြောက်ထုတ်လုပ်သည့် စက်ရုံများမှ ပခုက္ကူဈေးကွက်သို့ ဝင်ရောက် ကြောင်း၊ စားသုံးသူများအတွက် ခန္ဓာကိုယ်အားဖြစ်စေပြီး ကျန်းမာရေးနှင့်ညီညွှတ်၍ ဈေးနှုန်း သင့်တင့်မျှတစွာဖြင့် အလွယ်တကူ ဝယ်ယူမှုရရှိခြင်းကြောင့် စားသုံးသူများအနေဖြင့် ခေါက်ဆွဲသုပ်၊ ခေါက်ဆွဲကြော်၊ ခေါက်ဆွဲအရည်ပျော်ပြုလုပ်၍ မြန်မာ့ရိုးရာအစားအစာအဖြစ် ရှေးယခင်နှစ်များစွာကတည်းက စားသုံးမှုများကြောင်း သိရှိရသည်။

     ၂၀၂၅ ခုနှစ်၊ ဇွန်လ(စတုတ္ထပတ်)တွင် ခေါက်ဆွဲခြောက်ထုပ်များ ဈေးငြိမ်၍ အရောင်းအဝယ် ဖြစ်နေကြောင်း၊ ခေါက်ဆွဲတွင် အဝါရောင်နှင့် အဖြူရောင် နှစ်မျိုးရှိကြောင်း၊ ရောင်းချရာတွင် ခေါက်ဆွဲသားအကောင်းနှင့် စက်ကျအကျိုးအကြေနှစ်မျိုး ခွဲခြားပြီးရောင်းချကြောင်း၊ ရွှေဒင်္ဂါး အဝါရောင် ခေါက်ဆွဲခြောက် တစ်စီးလျှင် ကျပ်(၉၀၀)၊ (၂၅)ထုပ်ပါ အစီးတစ်စီးလျှင် ကျပ် (၂၁၅၀၀)၊ ခေါက်ဆွဲကျိုးစက်ကျ တစ်ပိဿာလျှင် ကျပ်(၇၀၀၀)ဈေးဖြင့် အရောင်းအဝယ်ဖြစ်ကြောင်း၊ ရွှေပုဇွန် မုန့်ဖတ်အထုပ်သေး(၅၀)ပါတစ်ထုတ်လျှင် ကျပ်(၇၅၀၀၀)၊ ရွှေပုဇွန် မုန့်ဖတ်အကြေတစ်ပိဿာလျှင် ကျပ်(၂၅၀၀)၊ ဒုံးပျံခေါက်ဆွဲ အထုပ်သေး(၂၀)ပါတစ်အိတ်လျှင် ကျပ်(၆၀၀၀၀)၊ ဒုံးပျံခေါက်ဆွဲ စက်ကျအကြေ တစ်ပိဿာလျှင် ကျပ်(၃၀၀၀)ဈေးအသီးသီးဖြင့် အရောင်းအဝယ်ဖြစ် လျက်ရှိ ကြောင်း၊ ယခင်ဇွန်လ(ဒုတိယပတ်)နှင့် ဈေးနှုန်းနှိုင်းယှဉ်ရမည်ဆိုလျှင် ဈေးငြိမ်၍ အရောင်းအဝယ် ဖြစ်လျက်ရှိကြောင်း၊ ကုန်ကြမ်းဂျုံသီးနှံ ဈေးနှုန်းကျဆင်းခြင်းမရှိ၍ ခေါက်ဆွဲခြောက် ဈေးနှုန်းများလည်း ကျဆင်းခြင်းမရှိကြောင်း၊ ယခုအချိန် စာသင်ကျောင်းများဖွင့်လှစ်ချိန်ဖြစ်၍ ကျောင်းဈေးတန်းများတွင် ခေါက်ဆွဲသုပ်၊ ခေါက်ဆွဲကြော်များ ရောင်းချမှုများခြင်းကြောင့် အရောင်းအဝယ်သွက်နေပြီး မြိုင်၊ ရေစကြို၊ ယောနယ်ဒေသများမှလည်း ကုန်ကားများမှတဆင့်မှာယူပြီး ဝယ်ယူမှုများလျက်ရှိကြောင်း၊ တစ်ပတ်အတွင်း‌ ခေါက်ဆွဲခြောက်ပိဿာချိန်(၁၅၀-၂၀၀)ခန့် ရောင်းချရကြောင်း ဈေးကွက်မှ သိရှိရပါသည်။

DOCA(မကွေး)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ဝန်ထမ်းများသည် (၂၃.၆.၂၀၂၅)ရက်နေ့၊ နံနက်(၀၉:၀၀)နာရီအချိန်တွင် မင်းဘူးမြို့၊ ကျောက်မဲတောင်အုပ်စု၊ ကန်ရေ ကျေးရွာရှိ မိုးနှမ်းစိုက်တောင်သူနှင့်တွေ့ဆုံ၍ မိုးနှမ်းစိုက်ပျိုးမှုအခြေအနေအား တွေ့ဆုံမေးမြန်းခဲ့ကြောင်း သိရသည်။

   တောင်သူအနေဖြင့် မိုးနှမ်း(မဂျမ်းတော)နှင့်ပဲစဉ်းငုံသီးနှံအရော(၇)ဧကခန့် စိုက်ပျိုးထား ကြောင်း၊ ၂၀၂၅ခုနှစ်၊ မေလ(တတိယပတ်)အတွင်း စိုက်ပျိုးပြီး ဩဂုတ်လ(ပထမပတ်)တွင် ရိတ်သိမ်းမည်ဖြစ်ကြောင်း၊ နှမ်းဖြူ(မဂျမ်းတော)မျိုးနှင့် ပဲစဉ်းငုံမျိုးကို ကုန်းသာရွာမှ မျိုး(၁)ပြည်လျှင် ကျပ်(၁၀၀၀၀)ဖြင့်ဝယ်ယူပြီး ကြောင်းဆွဲစနစ်ဖြင့် စိုက်ပျိုးထားကြောင်း၊ (၁)ဧကလျှင် နှမ်းဖြူမျိုး (၇)ဘူးနှင့် ပဲစဉ်းငုံ(၁)ဘူးခန့် ကုန်ကျကြောင်း၊ မျိုး၊ မြေပြုပြင်ခ၊ သွင်းအားစုနှင့်လုပ်အားခ အပါအဝင် ကုန်ကျစရိတ်အနေဖြင့် (၁)ဧကလျှင် ကျပ်(၂)သိန်းကျော်ဖြစ်၍ စုစုပေါင်း ကျပ်(၁၅)သိန်း ခန့်ကုန်ကျကြောင်း၊ ယခင်နှစ်က မိုးခေါင်၍ အပင်များသေဆုံးခြင်း၊ အသီးတင်မှုနည်း၍ အထွက်နှုန်း လျော့နည်းခြင်းများရှိ၍ အရှုံးပေါ်ခဲ့သော်လည်း ယခုလက်ရှိအချိန်တွင် မိုးကောင်း၍ အပင်များ အောင်မြင်ဖြစ်ထွန်းလျက်ရှိကြောင်း သိရှိရသည်။

DOCA(မကွေး)

   မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်အတွင်းရှိ တောင်ဦးကျေးရွာ အုပ်စု၊  တောင်ဦးကျေးရွာသည် စိုက်ပျိုးရေးကို အဓိကထားလုပ်ကိုင်ပြီး မြေပဲ၊ နှမ်း၊ နေကြာ၊ ဝါ၊ ကြက်သွန်နီနှင့်ကုလားပဲတို့ကို ရာသီအလိုက်စိုက်ပျိုးလျက်ရှိရာ မိုးမြေပဲကို ၂၀၂၅ခုနှစ်၊ မေလမှ စတင်၍ ထွန်ကြောင်းဆွဲ အစေ့ချစနစ်ဖြင့် စိုက်ဧက(၃၀)ခန့် စိုက်ပျိုးထားကြောင်း သိရသည်။

   မျိုးအနေဖြင့် ပင်ပြန့်မျိုးကို အများဆုံးစိုက်ပျိုးကြပြီး (၁)ဧကလျှင် မျိုး(၁၂)ပြည်ခန့်ကုန်ကျ ကြောင်း၊ စိုက်ပျိုးပြီး ရက်ပေါင်း(၉၅)ရက်အကြာတွင် ခူးဆွတ်ရကြောင်း၊ မျိုးစေ့ကို ယခင်နှစ်က မိုးမြေ ပဲစိုက်ခင်းများမှ ထွက်ရှိသည့်မြေပဲများကို မျိုးအဖြစ်ဖယ်ချန်၍ စိုက်ပျိုးခြင်းဖြစ်ကြောင်း၊ ကုန်ကျစရိတ် အနေဖြင့် ယခင်နှစ်က(၁)ဧကလျှင်  မြေပြုပြင်ခ၊ လုပ်အားခနှင့် အခြားသွင်းအားစုစရိတ်အပါအဝင် စုစုပေါင်း ကျပ်(၇)သိန်းခန့်ကုန်ကျခဲ့သော်လည်း ယခုနှစ်တွင်မူ သွင်းအားစုစရိတ်မြင့်တက်လာ၍ ကျပ်(၉)သိန်းခန့်ကုန်ကျကြောင်း၊ အထွက်နှုန်းအနေဖြင့် ယခင်နှစ်က(၁)ဧကလျှင် မြေပဲတောင့်တင်း ရေ(၃၅)တင်းမှ (၄၀)တင်းထိထွက်ရှိပြီး ဈေးနှုန်းအနေဖြင့် မြေပဲတောင့်(၁)တင်းလျှင် ကျပ်(၃၅၀၀၀) ခန့်ရရှိကာ အကျိုးအမြတ်အနေဖြင့် (၁)ဧကလျှင် ကျပ်(၅)သိန်းမှ(၇)သိန်းခန့် ရရှိကြောင်း၊ ဈေးကွက်အနေဖြင့် မင်းလှမြို့နှင့်မကွေးမြို့ပေါ်ရှိပွဲရုံများသို့ တင်ပို့ရောင်းချကြောင်း၊ ယခုအချိန်တွင် ရာသီဥတု ကောင်းမွန်သည့်အတွက် မိုးမြေပဲစိုက်ခင်းများ အောင်မြင်ဖြစ်ထွန်းလျက်ရှိပြီး ယခင်နှစ်ကကဲသို့ ဈေးကောင်းရရှိပါက တောင်သူများပိုမိုအဆင်ပြေမည်ဖြစ်ကြောင်း ရေးသားလိုက်ရပါသည်။

DOCA(မကွေး)

  မြင်းခြံမြို့နယ်အတွင်းရှိ အေးမြသီတာဈေးတွင် ၂၀၂၅ခုနှစ်၊ ဇွန်လတတိယပတ်တွင်ရောင်းချနေသော အခြေခံစားသောက်ကုန်ဈေးနှုန်းများမှာ ပေါ်ဆန်းမွှေးဆန် ၁ပြည်ဈေး(၆၀၀၀-၆၅၀၀) ကျပ်၊ ဆီ(စားအုန်းဆီ) ၁ပိဿာဈေး(၇၀၇၅-၇၂၆၅)ကျပ်၊ ပဲဆီသန့် ၁ပိဿာ‌ဈေး(၁၅၅၀၀-၁၆၀၀၀) ကျပ်၊ ကြက်သွန်နီ ၁ပိဿာ(၁၃၀၀-၁၅၀၀)ကျပ်၊ ကြက်သွန်ဖြူ ၁ပိဿာ(၈၀၀၀-၉၅၀၀)ကျပ်၊ ဆိတ်သား ၁ပိဿာ(၁၉၀၀၀-၂၂၀၀၀)ကျပ်၊ ဝက်သား(သုံးထပ်သား)၁ပိဿာ(၂၈၀၀၀-၃၀၀၀၀)ကျပ်၊ အမဲသား ၁ပိဿာ(၂၀၀၀၀-၂၄၀၀၀)ကျပ်၊ ငါးမြစ်ချင်းအကောင်လိုက် ၁ပိဿာ(၁၂၀၀၀-၁၄၀၀၀) ကျပ်၊ ကြက်သား(မွေးမြူရေးကြက်)အကောင်လိုက် ၁ပိဿာ(၁၅၀၀၀-၁၈၀၀၀)ကျပ်၊ ကြက်ဥ တစ်လုံးလျှင်(၄၈၀-၅၀၀)ကျပ်၊ ဘဲဥတစ်လုံးလျှင်(၆၅၀-၇၅၀) ကျပ်ပေါက်ဈေးများဖြင့် ရောင်းချ လျက်ရှိကြောင်း သိရှိရသည်။

   ဇွန်လ ဒုတိယပတ်တွင်ရောင်းချနေသော အခြေခံစားသောက်ကုန်ဈေးနှုန်းများမှာ ပေါ်ဆန်း မွှေးဆန် ၁ပြည်ဈေး(၆၀၀၀-၆၅၀၀)ကျပ်၊ ဆီ(စားအုန်းဆီ) ၁ပိဿာဈေး(၇၇၂၅-၇၉၂၅)ကျပ်၊ ပဲဆီ သန့် ၁ပိဿာ‌ဈေး(၁၅၅၀၀-၁၆၀၀၀)ကျပ်၊ ကြက်သွန်နီ ၁ပိဿာ(၁၄၀၀-၁၇၀၀)ကျပ်၊ ကြက်သွန်ဖြူ ၁ပိဿာ(၈၀၀၀-၉၅၀၀)ကျပ်၊ ဆိတ်သား ၁ပိဿာ(၁၉၀၀၀-၂၂၀၀၀)ကျပ်၊ ဝက်သား(သုံးထပ်သား) ၁ပိဿာ(၂၈၀၀၀-၃၀၀၀၀)ကျပ်၊ အမဲသား ၁ပိဿာ(၁၉၀၀၀-၂၂၀၀၀)ကျပ်၊ ငါးမြစ်ချင်းအကောင် လိုက် ၁ပိဿာ(၁၂၀၀၀-၁၄၀၀၀)ကျပ်၊ ကြက်သား(မွေးမြူရေးကြက်) အကောင်လိုက် ၁ပိဿာ (၁၅၀၀၀-၁၈၀၀၀)ကျပ်၊ ကြက်ဥတစ်လုံးလျှင်(၄၅၀-၄၈၀)ကျပ်၊ ဘဲဥ(၆၀၀-၇၀၀)ကျပ်ပေါက်ဈေး များဖြင့်ရောင်းခဲ့ကြောင်း၊ ယခင်တစ်ပတ်ထက် ယခုဇွန်တတိယပတ်တွင် အခြေခံစားကုန်ဈေးနှုန်း များအနေဖြင့်  ဆန်၊ ပဲဆီ၊ ကြက်သွန်ဖြူ၊ ဆိတ်သား၊ ဝက်သားဈေးများမှာပြောင်းလဲမှုမရှိကြောင်း၊ အမဲသား၊ကြက်ဥ၊ ဘဲဥဈေးများမှာဈေးနှုန်းအနည်းငယ်မြင့်တက်ခဲ့ကြောင်း၊ စားအုန်းဆီနှင့် ကြက်သွန်နီဈေးနှုန်းများမှာအနည်းငယ်ကျဆင်းခဲ့ကြောင်း သိရှိရသည်။

DOCA(မန္တလေး)