ပြည်တွင်းကုန်သွယ်မှုသတင်း

ဆောင်းရာသီမှစတင်ပေါ်နေသော ကန်စွန်းဥသည် ယခုနွေရာသီကူးပြောင်းစအချိန်တွင် လှိုင်လှိုင်ပေါ်နေပြီဖြစ်ရာ ကန်စွန်းဥပြုတ်၊ ကန်စွန်းဥယိုတို့သည် လွန်စွာမှအညာဒေသရဲ့ ကြိုက်နှစ် သက်သောအစားအစာတစ်မျိုးဖြစ်ပါသည်။ အလှူပွဲ၊ မင်္ဂလာဆောင်၊ အိမ်တက်၊ ဘုရားပွဲများတွင် လည်း ဧည့်ခံကျွေးမွေးကြပါသည်။

 အညာဒေသဖြစ်တဲ့ မြင်းခြံဈေးကွက်သို့  ကန်စွန်းဥများ လှိုင်လှိုင်ဝင်ရောက်နေပြီး အရောင်း အဝယ်ဖြစ်လျက်ရှိပါသည်။ ကန်စွန်းဥ ကိုမြို့နယ်အတွင်းအနည်းငယ်စိုက်ပျိုးမှုရှိပြီး တံတားဦးမြို့ နယ်ဘက်မှ အများဆုံးမှာယူရောင်းချကြောင်း သိရသည်။ အေးမြသီတာဈေး၊ မြို့မစည်ပင်သာယာ ဈေးနှင့်စံပြဈေးတို့တွင် ဖေဖော်ဝါရီလတွင် ကန်စွန်းဥ တစ်ပိဿာလျှင် ( ၃၅၀၀ )ကျပ် ဈေးရှိခဲ့ပြီး ယခု မတ်လမှစ၍ ကန်စွန်းဥ တစ်ပိဿာလျှင် ( ၂၀၀၀ ) ကျပ်ဈေးဖြင့် အရောင်းအဝယ်ဖြစ်ကြောင်း သိရသည်။ ကန်စွန်းဥကို ကလေး၊ လူကြီးကြိုက်နှစ်သက်ကြသောကြောင့် ဝယ်ယူစားသုံးမှုများပြီး အရောင်းအဝယ်သွက်ကြောင်း ဈေးသည်တစ်ဦး၏ ပြောပြချက်အရသိရသည်။

DOCA(မန္တလေး)

          စားသုံးသူရေးရာဦးစီးဌာန၊  မြင်းခြံခရိုင်ဦးစီးမှူးရုံးအနေဖြင့် မြင်းခြံမြို့ရှိ MSME လုပ်ငန်းများ ဖွံ့ဖြို့တိုးတက်ရေး၊ ထုတ်ကုန်များလုံခြုံစိတ်ချရမှုရှိစေရေးနှင့် ဥပဒေများနှင့်အညီထုတ်လုပ်နိုင် စေရေးအတွက်  ဈေးကွက်စောင့်ကြည့်စစ်ဆေးခြင်းများကို စဉ်ဆက်မပြတ်ဆောင်ရွက်ရှိရာ ( ၂၂.၃. ၂၀၂၅ ) ရက်နေ့၊ နေ့လည်(၁၄:၀၀) နာရီအချိန်တွင် ခရိုင်ဦးစီးမှူး ဦးသန်းစိုးနှင့် ဝန်ထမ်းများသည် မြင်းခြံမြို့၊ မြို့သစ်ရပ်ရှိ အာကာမိုးအမှတ်တံဆိပ် အာလူးကြော်၊ ကောက်ညှင်းပဲပုပ်ကြော်၊ ဘယာ ကြော်နှင့် စာကလေးကြော်လုပ်ငန်းခွင်သို့ကွင်းဆင်းဆောင်ရွက်ခဲ့ကြောင်း သိရသည်။

          အာကာမိုးအမှတ်တံဆိပ်လုပ်ငန်းသည် နေ့စဉ်ကုန်ကြမ်း(အာလူး)အချိန်(၈၀/၉၀)ပိဿာ အသုံးပြုရကြောင်း၊ ကုန်ကြမ်းအချိန်(၁၀)ပိဿာလျှင် ကုန်ချော(အာလူးကြော်)တစ်ပိဿာထွက်ရှိ ကြောင်း၊ အာလူးကို ရှမ်းပြည်နယ် အောင်ပန်းမြို့၊ ဆင်ဖြူကျွန်းနှင့်စလင်းမြို့တို့မှ မှာယူရပါကြောင်း၊  ပဲပုပ်ကို နွားထိုးမြို့မှ မှာယူကြောင်း၊ နေ့စဉ် လုပ်သား(၅)ဦးဖြင့် လုပ်ကိုင်လျက်ရှိကြောင်း ၊ အာလူး ကြော်ထုပ်များမှာ  ၁၀၀၀၊ ၁၅၀၀၊ ၂၀၀၀၊ ၃၀၀၀ ကျပ် ၊ ကောက်ညှင်းပဲပုပ်‌ကြော်ကို ၅၀၀/ ၁၀၀၀ ကျပ်များဖြင့်ဒေသတွင်းရောင်းချလျက်ရှိကြောင်းသိရသည်။ ခရိုင်ဦးစီးမှူးမှMSME လုပ်ငန်းများဖွံဖြိုး တိုးတက်ရေးကို အားပေးဆောင်ရွက်လျက်ရှိပါကြောင်း၊ လုပ်ငန်းသုံးစားအုန်းဆီများကိုလည်း လုပ်ငန်းခွင်များတွင် မှန်ကန်စွာသုံးစွဲရမည်ဖြစ်ပါကြောင်း၊ လုပ်ငန်းရှင်များအနေဖြင့် ကုန်ကြမ်း ပစ္စည်းများသည် အရည်အသွေးကောင်းမွန်မှုရှိရန်၊ မိမိတို့ထုတ်လုပ်သောကုန်ပစ္စည်းများကို သန့်ရှင်း သပ်ရပ်စွာဖြင့်ထုတ်လုပ်၍ ကျန်းမာရေးနှင့်ညီညွတ်ရန် အထူးအလေးထားလုပ်ဆောင်ရမည်ဖြစ်ပါ ကြောင်း၊ ကုန်စည်နှင့်သက်ဆိုင်သည့် ထည့်သွင်းဖော်ပြရမည့် ကုန်အညွှန်းအမှတ်အသားများ ပြည့်စုံစွာပါရှိရမည်ဖြစ်ပါကြောင်း၊ စားသုံးသူများဘေး အန္တရာယ်ကင်းရှင်းစွာ စားသုံးနိုင်စေရေးနှင့် သက်ဆိုင်ရာဌာနများ၏ ပြဌာန်းချက်များကိုလည်း လိုက်နာဆောင်ရွက်ရန်လိုအပ်ပါကြောင်း အသိ ပညာပေး၍ ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြောင်း သိရသည်။

DOCA(မန္တလေး)

           စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင် ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှုတင်း/တန်စာရင်း တို့ကို အပတ်စဉ်၊ လစဉ်တင်ပြလျက်ရာ မတ်လ၊ တတိယအပတ်တွင်  အရောင်းအဝယ်ဖြစ်သည့် သီးနှံနှင့် ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ အလုပ်အမှုဆောင်အဖွဲ့ဝင်များနှင့် ဆက်သွယ်မေးမြန်းခဲ့ပါသည်။ ဇန်နဝါရီလ၊ ဒုတိယအပတ်မှစတင်၍ ရွှေဘိုဈေးကွက်သို့ ပဲစဉ်းငုံ(နီ)များ စတင်ဝင်ရောက်ခဲ့ပြီး မတ်လ၊ တတိယအပတ်တွင်အရောင်းအဝယ်ဖြစ်သည့် ဈေးနှုန်းမှာ ပဲစဉ်းငုံ(နီ) တစ်တင်းလျှင်(၉၁၀၀ဝိ/-)ကျပ် ပေါက်ဈေးရှိပြီး တစ်ပတ်အတွင်းအရောင်းအဝယ်ဖြစ်မှုမှာ(၁၃၅၀၀)တင်း /(၄၄၁)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲစဉ်းငုံ(နီ)တစ်တင်းလျှင် (၉၀၇၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်တွင် ယခင်အပတ်ထက် ပဲစဉ်းငုံ(နီ)တစ်တင်းလျှင်(၃၀ဝိ/-)ကျပ် ဈေးပိုမိုရရှိခဲ့ကြောင်း၊ ယခင်နှစ်ကာလတူနှင့် အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်နှစ်ကာလတူ၌ ပဲစဉ်းငုံ(နီ)တစ်တင်းလျှင် (၁၁၅၃၀ဝိ/-)ကျပ်ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ကာလတူအောက် ပဲစဉ်းငုံ(နီ)တစ်တင်းလျှင် (၂၄၃၀ဝိ/-)ကျပ် ဈေးလျော့နည်းခဲ့ကြောင်း၊ ယခုအပတ်၌ ပဲစဉ်းငုံ(နီ) ဈေးငြိမ်နေသော်လည်း ဝင်ရောက်သမျှ အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

       မြင်းခြံခရိုင်၊ မြင်းခြံမြို့နယ်အတွင်းရှိ အမှတ်(၆)ရပ်ကွက်တွင် ဂွတ်ဂွတ် ပဲခွေကြော်လုပ်ငန်း သို့ ၂၄-၂-၂၀၂၅ ရက်နေ့၊ နံနက်(၁၀:၀၀)နာရီအချိန်တွင် တွေ့ဆုံပြီး ထုတ်လုပ်မှုအခြေအနေများအား ကွင်းဆင်းဆောင်ရွက်ခဲ့ကြောင်း သိရသည်။

            မြင်းခြံခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးနှင့် စစ်ဆေးရေးအရာရှိများသည် ပဲခွေကြော်ထုတ်လုပ်နေမှုအခြေအနေများအား ကွင်းဆင်း‌မေးမြန်းရာ ပဲခွေကြော်ထုတ်လုပ်ရာတွင် ကုလားပဲမှုန့်နှင့် ပီလောပီနံမှုန့်များကို အသုံးပြုထားကြောင်း၊ နေ့စဉ်ကုန်ကြမ်းပိဿာ(၂၀)အသုံးပြု ရပြီး စားအုန်းဆီ(၁၀)ပိဿာအသုံးပြုရကြောင်း၊ ကုန်ချောထွက်ရှိမှုအနေဖြင့် (၁၉)ပိဿာခန့် ရရှိ ကြောင်း၊ ထုတ်လုပ်ရရှိသည့် ပဲခွေကြော်များကို (၄၀၀)ကျပ်တန်၊ (၈၀၀)ကျပ်တန်အထုပ်များ ထုပ်ပိုး၍ ရောင်းချရကြောင်း၊ ဈေးကွက်အနေဖြင့် မြင်းခြံမြို့ရှိ ဈေးများနှင့် ရပ်ကွက်ကုန်စုံဆိုင်၊ မုန့်မျိုးစုံဆိုင်များသို့ ဒေသတွင်းစားသုံးမှုအတွက်သာ ဖြန့်ဖြူးရောင်းချရကြောင်း၊ ပဲခွေကြော် လုပ်ငန်းလုပ်ကိုင်ရာတွင် စားသောက်ကုန်ဖြစ်သည့်အတွက် သန့်ရှင်းသပ်ရပ်စွာ ကိုင်တွယ်လုပ်ကိုင် စေရေး၊ ကုန်အညွှန်းအမှတ်အသားများ ပြည့်စုံမှုရှိ/မရှိ စစ်ဆေးခဲ့ပြီး ထုတ်ကုန်လုံခြုံစိတ်ချရမှု ရှိစေရန်နှင့် သန့်ရှင်းလတ်ဆတ်သော ထုတ်ကုန်များကို ထုတ်လုပ်ရောင်းချနိုင်ရေးတို့အား အသိ ပညာပေး ဆွေးနွေးခဲ့ကြောင်း သိရှိရသည်။

DOCA(မန္တလေး)

           စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။

          ယခုအခါ ကန့်ဘလူမြို့ပေါ်၊ နတ်ပေးကျေးရွာနှင့် အခြားသောကျေးရွာများတွင် ခဆော့ပင် များကို စိုက်ပျိုးကြကြောင်း၊ ခရမ်းကဆော့သီးများကို ကန့်ဘလူမြို့မဈေးတွင်ရောင်းချကြောင်း၊ ၂၀၂၅ ခုနှစ်၊ မတ်လ စတုတ္ထပတ်အတွင်း ခရမ်းကဆော့သီး(၁)ပြည်လျှင် (၃၀၀၀)ကျပ်၊ ခရမ်း ကဆော့သီး(၁)ဘူးလျှင်(၄၀၀)ကျပ်ဖြင့် ရောင်းချကြောင်း၊ ခဆော့သီးများကို ဒယ်အိုးထဲထည့် လှော်ပြီးသုပ်စားခြင်း၊ အစိမ်းလိုက်အခြမ်းလေးခြမ်းပြီး ချက်စားခြင်းများပြုလုပ်၍ စားသုံးကြ ကြောင်း၊ ယခုအခါ အိမ်ရှင်မများဟင်းချက်ရာတွင်လည်းကောင်း၊ ထမင်းဆိုင်များမှ အများဆုံးဝယ်ယူကြသဖြင့် ခရမ်းကဆော့သီးများ အရောင်းအဝယ်သွက်လျက်ရှိကြောင်း မြို့မဈေးရှိကုန်စိမ်း ရောင်းချသူတစ်ဦးထံမှ သိရှိရပါသည်။

DOCA(စစ်ကိုင်း)