ပြည်တွင်းကုန်သွယ်မှုသတင်း

       စစ်ကိုင်းတိုင်းဒေသကြီး၊ ချင်းတွင်းရတနာဈေးနှင့်သံလမ်းဈေးရှိ  ဟင်းသီးဟင်းရွက် ဈေးတန်းများ၌ ပန်းဂေါ်ဖီ၊ ဂေါ်ဖီထုပ်နှင့် မုန်လာဥဖြူများလည်း ရောင်းချလျက်ရှိကြောင်း သိရှိရပါသည်။ ပန်းဂေါ်ဖီ၊ မုန်လာထုပ်နှင့် မုန်လာဥဖြူများကို အိမ်ရှင်မများက အိမ်သုံး အတွက် ဝယ်ယူကြသလို စားသောက်ဆိုင်များမှလည်း အဓိကဝယ်ယူကြောင်း သိရှိရပါသည်။

          ၂၀၂၅ ခုနှစ်၊ ဩဂုတ်လ စတုတ္ထပတ်တွင် ချင်းတွင်းရတနာဈေးနှင့် သံလမ်းဈေးတို့တွင် ပန်းဂေါ်ဖီတစ်ပွင့်လျှင် (၃၀၀၀ /၃၂၀၀) ကျပ်၊ ဂေါ်ဖီထုပ်တစ်ထုပ်လျှင် (၂၅၀၀/၃၀၀၀)ကျပ်၊ မုန်လာဥဖြူမှာ အသေးစည်း (၁၀)ပင်ပါ တစ်စည်းလျှင် (၉၀၀) ကျပ်နှင့် အကြီးစည်း(၅)ပင်ပါ တစ်စည်းလျှင် (၁၂၀၀)ကျပ်ဖြင့် ရောင်းချကြောင်း သိရပါသည်။

DOCA (စစ်ကိုင်း)

       စစ်ကိုင်းတိုင်းဒေသကြီး၊ မုံရွာမြို့၊ ကျောက္ကာလမ်းပေါ်တွင် ဒူးရင်းသီးများ ရောင်းချလျက်ရှိ ကြောင်းသိရှိရပါသည်။ ဒူးရင်းသီးဟာ ကမ္ဘာတစ်ဝှမ်းရှိ အပူပိုင်းဒေသတွေ အပါအဝင် အရှေ့ တောင်အာရှနိုင်ငံများဖြစ်တဲ့ မလေးရှား၊ အင်ဒိုနီးရှား၊ ထိုင်းနဲ့ မြန်မာ တို့မှာ အဓိကပေါက် ရောက်လေ့ရှိပါတယ်။ မြန်မာပြည်မှာဆိုရင် မြန်မာပြည်တောင်ဘက်ပိုင်း မွန်၊ ကရင်၊ တနင်္သာရီ ဒေသများတွင် စိုက်ပျိုးဖြစ်ထွန်းသော အသီးတစ်မျိုးဖြစ်သည်။ မြန်မာနိုင်ငံတွင် ဒူးရင်းသီးပေါ် ချိန်မှာ မေ၊ ဇွန်၊ ဇူလိုင် လတို့၌ ဒူးရင်းသီးလှိုင်လှိုင် ထွက်သောအချိန်ဖြစ်သည်။

      ဒူးရင်းသီးများကိုဒေသတွင်း စားသုံးခြင်းသာမက ရန်ကုန်၊ ပဲခူး၊ မန္တလေးနှင့် မြန်မာနိုင်ငံ အလယ်ပိုင်းဒေသသို့ တင်ပို့ရောင်းချခြင်းဖြင့် ဒူးရင်းစိုက်ပျိုးသော တောင်သူများ ဝင်ငွေတိုးတက် လျက်ရှိပြီး အသီးသီးပေါက်ဈေးရှိကြောင်းသိရှိရပါသည်။

    ယခုဩဂုတ်လစတုတ္ထအပတ်အတွင်း ဒူးရင်းသီးများ လှိုင်လှိုင်ထွက်ပေါ်နေပြီဖြစ်ရာ ဈေးနှုန်းများမှာ  အလုံးကြီး (၃၀၀၀၀)ကျပ်၊ အလတ် (၁၅၀၀၀)ကျပ်၊ အသေး (၈၀၀၀)ကျပ် ရှိကြောင်းသိရှိရပါသည်။

DOCA (စစ်ကိုင်း)

     ရွှေဘိုခရိုင်အတွင်းတွင် ဩဂုတ်လ တတိယပတ်တွင် စပါး/ဆန်ဈေးနှုန်းများ တည်ငြိမ် နေပါသည်။ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဩဂုတ်လ ဒုတိယပတ်တွင် ရန်ကုန်သို့ (၇၀၅၆၃)အိတ်၊ မန္တလေးသို့ (4၂၆၉၉) အိတ်၊ နေပြည်တော်သို့ (1၀၃၀)အိတ်၊ပဲခူးတိုင်းသို့ (၆၇၂၅)အိတ်၊ မကွေးတိုင်းသို့ (၃၄၅)အိတ်၊ ရှမ်း(တောင်)သို့ (1၄၄၄၀)အိတ်၊ ကချင်ပြည်နယ်သို့ (၂၄၁၀)အိတ်၊ မွန်ပြည်နယ်သို့ (၆၄၅၅)အိတ်၊ ကရင်ပြည်နယ်သို့ (၁၅၀၀)အိတ် ၊မူဆယ်သို့ (၄၆၀)အိတ်၊ဧရာဝတီသို့ (125)အိတ်၊  စုစုပေါင်း အိတ်ရေ ၁၄၆၇၅၂ တန်အားဖြင့် ၇၃38တန် စီးထွက်ခဲ့ပါသည်။

          ယခု ဩဂုတ်လ တတိယပတ်တွင် ရန်ကုန်သို့ (၇၁၀၅၉)အိတ်၊ မန္တလေးသို့ (၄၅၀၉၃) အိတ်၊ နေပြည်တော်သို့ (၁၃၅၅)အိတ်၊ပဲခူးတိုင်းသို့ (၈၆၇၀)အိတ်၊ မကွေးတိုင်းသို့ (၁၅၇၉)အိတ်၊ ရှမ်း(တောင်)သို့ (၂၁၀၆၄)အိတ်၊ ကချင်ပြည်နယ်သို့ (၄၂၅)အိတ်၊ မွန်ပြည်နယ်သို့ (၆၁၂၀)အိတ်၊ ကရင်ပြည်နယ်သို့ (၃၀၆၀)အိတ် ၊မူဆယ်သို့ (၁၈၀)အိတ်၊ဧရာဝတီသို့ (၄၂၀)အိတ်၊  စုစုပေါင်း အိတ်ရေ ၁၅၉၀၂၅ တန်အားဖြင့် ၇၉၅၁တန် စီးထွက်ခဲ့သည့် အတွက် ယခင်အပတ်နှင့် နှိုင်းယှဉ်လျှင် ယခု အပတ်အတွင်း အိတ်ရေ ၁၂၂၇၃၊ တန်အားဖြင့် ၆၁၄တန် ပို၍ စီးထွက် ခဲ့ပါသည်။

          ရွှေဘိုမြို့၏ ဩဂုတ်လ တတိယပတ်တွင် ဖြစ်ပေါ်ခဲ့သော စပါး/ဆန်  ဈေးနှုန်း များမှာ ရွှေဘိုပေါ်ဆန်းစပါး တင်း၁၀၀လျင် ကျပ် ၄၈၀၀၀၀၀၊ ရွှေဘိုပေါ်ဆန်း ဆန် ၂၄ပြည်ပါ တစ်အိတ်လျင် ကျပ်၁65၀၀၀ ၊  ဧရာမင်းစပါး တင်း 100လျှင် ကျပ် 2၈00000၊ဧရာမင်းဆန် ၂၄ပြည်ပါ တစ်အိတ်လျင် ကျပ်၁၂5၀၀၀၊ 747စပါး တင်း 100လျှင် ကျပ်1၄00000 ၊747ဆန် 24ပြည်ပါ တစ်အိတ်လျှင် ကျပ် 58000၊ရွှေဝါထွန်းစပါး တင်း100လျှင် ကျပ်1400000၊ရွှေဝါထွန်း ဆန် 24ပြည်ပါတစ်အိတ်လျှင် ကျပ် 63000ဖြင့် အရောင်းအဝယ် ဖြစ်နေကြောင်း သိရှိရပါသည်။

DOCA (စစ်ကိုင်း)

       စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင်  ၂၀၂၅ ခုနှစ် ဩဂုတ်လ စတုတ္ထပတ်အတွင်း  ခရမ်းချဉ်သီးနှင့်  အာလူးများ အရောင်းသွက်လျက် ရှိကြောင်းသိရပါသည်။  ခရမ်းချဉ်သီးကို ဒေသမရွေး လွယ်ကူစွာစိုက်ပျိုးနိုင်သော သီးနှံတစ်မျိုးဖြစ်ပြီး ခရမ်းချဉ်သီးအား ဟင်းချက်ရာတွင် ဟင်းအနှစ်ရရှိရန်နှင့် အခြားသီးနှံ၊ အသားများဖြင့် ရောကြောခြင်း စသည်ဖြင့်ပုံစံ အမျိုးမျိုးဖြင့် စားသုံးကြပါသည်။ ခရမ်းချဉ်သီး ကြိုက်နှစ်သက်သူများ သည်လက်ဖက်နှင့်သော်လည်းကောင်း၊ အချို့သောသူများသည်ရေဆေး၍ အလုံးလိုက်ပင် စားသုံးတတ်ကြပါသည်။ ဈေးကွက်အတွင်းရောင်းချနေသော အာလူးသီးများကို ရှမ်းပြည်နယ်၊ နောင်ချိုမြို့၊ ကလောမြို့ ဒေသများနှင့် မန္တလေးတိုင်း၊ ပြင်ဦးလွင်ဒေသများတွင် စိုက်ပျိုးကြသည်။

    ဩဂုတ်လစတုတ္ထအပတ်အတွင်း ရောင်းချနေသော ခရမ်းချဉ်သီးစျေးနှုန်းမှာ တစ်ပိဿာ လျှင် (၈၀၀) ကျပ်၊(၁၀၀၀)ကျပ်နှင့်(၁၂၀၀)ကျပ်ဖြစ်ပြီး၊ အာလူးသီးဈေးနှုန်းမှာ အာလူးသီး (၁) ပိဿာလျှင် (၄၅၀၀)ကျပ်မှ (၅၅၀၀)ကျပ်ဖြင့်   ရောင်းချလျက်ရှိကြောင်းသိရှိရပါသည်။

DOCA (စစ်ကိုင်း)

     စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကျွန်းလှမြို့တွင် ဒေသထွက် အရန်ဟင်းအဖြစ် အသုံးပြုသည့်  မုန့်ညှင်းချဉ်၊ သရက်ချဉ်၊ ပဲတီပင်ပေါက်ချဉ်၊ နှမ်းပတ်ချဉ်၊ သရက်သီးကုလားတည်ချဉ် နှင့် သံပုရာသီးချဉ်တို့ကို ရောင်းချပြီး မိသားစု စားဝတ်နေရေး  အပိုဝင်ငွေရရှိရန်အတွက် လက်လုပ်ချဉ်များကို လုပ်ကိုင် ရောင်းချလျက်ရှိကြောင်း သိရပါသည်။

       ၂၀၂၅ ခုနှစ်၊  စက်တင်ဘာလ ပထမပတ်တွင် သံပုရာသီးချဉ် ဈေးနှုန်းအနေဖြင့် တစ်လုံးလျှင်(၂၀၀)ကျပ်၊ (၃)လုံးလျှင်(၅၀၀)ကျပ် နှင့် (၁၀)လုံးလျှင်(၁၇၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း ကျွန်းလှမြို့၊ သစ်ရာမြိုင်ဈေးအတွင်း လက်လုပ်ချဉ်များ ရောင်းချနေသူထံမှ သိရှိရ ပါသည်။

DOCA(စစ်ကိုင်း)