ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှမြို့ပေါ်ရပ်ကွက်များတွင် စိုက်ပျိုးရေးလုပ်ငန်းများကို လုပ်ကိုင်စားသောက်ကြရာမှာ စားဖိုဆောင် သီးနှံဖြစ်သည့် ခရမ်းသီးနှင့်ခဝဲသီးများကိုလည်း တစ်ပိုင်တစ်နိုင် စိုက်ပျိုးရောင်းချလျက်ရှိကြောင်း သိရသည်။

           ၂၀၂၅ ခုနှစ်၊ ဩဂုတ်လ ပထမပတ်အတွင်း ဖြစ်ပေါ်နေသော ကျွန်းလှမြို့၏ ခရမ်းသီးဈေးနှုန်း အနေဖြင့် ခရမ်းသီး လက်လီ တစ်ပိဿာလျှင်(၂၄၀၀)ကျပ်၊ (၅၀)ကျပ်သားလျှင်(၁၂၀၀)ကျပ်နှင့် (၂၅)ကျပ် သားလျှင်(၆၀၀)ကျပ်ဈေးနှုန်းတို့ဖြင့်လည်းကောင်း၊ ခဝဲသီးဈေးနှုန်းများမှာ တစ်ပိဿာလျှင် (၃၀၀၀)ကျပ် ၊ (၅၀)ကျပ်သားလျှင်(၁၅၀၀)ကျပ်ဈေးနှုန်းတို့ဖြင့် ရောင်းချခဲ့ပြီး၊ ယခု ဩဂုတ်လ ပထမပတ်တွင် ခဝဲသီး တစ်ပိဿာလျှင်(၂၅၀၀)ကျပ်၊ (၅၀)ကျပ်သားလျှင်(၁၃၀၀)ကျပ် ဈေး နှုန်းတို့ဖြင့်  ရောင်းချလျက်ရှိသောကြောင့် ယခင်အပတ်နှင့် နှိုင်းယှဉ်ပါက ဈေးအနည်းငယ်ကျဆင်းလျက် ရှိကြောင်း သိရသည်။

DOCA (စစ်ကိုင်း)

     စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ  ကျေးရွာများတွင် စိုက်ပျိုးရေးလုပ်ငန်း များကို လုပ်ကိုင်လျက်ရှိရာ စားဖိုဆောင်သီးနှံဖြစ်သည့် ချဉ်ပေါင်ရွက်၊ ဆူးပုတ်ရွက်၊ ဂွေးတောက်ရွက်၊ ကန်ဇွန်းရွက်၊ ပဲတောင့်ရှည်သီး၊ ရုံးပတီသီးနှင့်  ခရမ်းသီးများကို စိုက်ပျိုး လျက်ရှိပါသည်။ စိုက်ပျိုးထွက်ရှိသော ကန်ဇွန်းရွက်နှင့် ဂွေးတောက်ရွက်များ မုံရွာမြို့၊ ဈေးဟောင်းနှင့် မြသလ္လာဈေးတို့တွင် ပို့ဆောင်ကာ အရောင်းအဝယ်ဖြစ်လျက်ရှိကြောင်း သိရသည်။  

          ၂၀၂၅ ခုနှစ်၊ ဩဂုတ်လ ပထမပတ်အတွင် ဈေးဟောင်းနှင့် မြသလ္လာဈေးတို့တွင် ဖြစ်ပေါ် နေသော ကန်ဇွန်းရွက်ဈေးနှုန်းများမှာ ကန်ဇွန်းရွက် တစ်စီးလျှင်(၂၀၀)ကျပ်၊ (၃)စည်း လျှင် (၅၀၀)ကျပ်ဖြစ်ပြီး  ဆူးပုတ်ရွက်ဈေးနှုန်းမှာ တစ်စည်းလျှင် (၃၀၀)ကျပ်မှ (၃၅၀) ကျပ်ထိ အရောင်းအဝယ် ဖြစ်လျက်ရှိကြောင်း သိရသည်။

DOCA (စစ်ကိုင်း)

     ဂေါ်ရခါးသီး၏ အင်္ဂလိပ်အမည်မှာ CHAYOTE ၊ ရုက္ခ‌ဗေဒအမည်မှာ Sedium edute နှင့် မျိုးရင်း အမည်မှာ CUCURBITACEAE ဖြစ်ပြီး မူရင်းဒေသမှာ အမေရိကန်နိုင်ငံ၊ မက္ကဆီကိုနိုင်ငံနှင့်် အလယ်ပိုင်း အမေရိကအပူပိုင်းဒေသများဖြစ်သည်။ မြန်မာနိုင်ငံတွင် ဂေါ်ရခါးသီးကို ဟင်းသီးဟင်းရွက်တစ်မျိုးအဖြစ် ကျယ်ကျယ်ပြန့်ပြန့် စားသုံးကြပါသည်။ အသီးအရွယ်အစား၊ အသီးပုံသဏ္ဌာန်နှင့် အစေ့တည်ရှိမှု ပုံသဏ္ဌာန် အမျိုးမျိုးရှိနိုင်ပါသည်။ ဂေါ်ရခါးမျိုးတွင် အသီးအရောင်အစိမ်းဖြူရောင်မျိုးနှင့် အသီးစိမ်းရောင်မျိုးဟူ၍ (၂)မျိုးရှိပါသည်။ ဂေါ်ရခါးသီးတစ်လုံးကို ပျိုးထောင်စိုက်ပျိုးခြင်းနှင့် အမြစ်အုံကိုသားခွဲယူခြင်း (သို့မဟုတ်) အကိုင်းဖြတ်မျိုးပွား၍လည်း စိုက်ပျိုးနိုင်ပါသည်။ မြန်မာနိုင်ငံတွင် ရှမ်းပြည်နယ်နှင့်ပြင်ဦးလွင်မြို့နယ် များတွင် ပင်ကြား၊ တန်းကြားကို (၆x၆) ပေထား၍ တစ်နေရာလျှင် (၂-၃) လုံးထားကာ မြေပုံ၍ စိုက်ပျိုး ကြပါသည်။ စိုက်ပျိုးပြီး ရက်ပေါင်း ၁၈၀ မှ ၂၀၀ အတွင်း အသီးစတင်သီးပါသည်။  သီးထွက်နှုန်းမှာ ဂေါ်ရခါးတစ်ပင်မှ အသီး (၈၀၀)လုံးထိခူးဆွတ်ရနိုင်ပြီး ပျမ်းမျှတစ်ပင်လျှင်(၂၀၀-၃၀၀) လုံး ထိခူးဆွတ် နိုင်ပါသည်။ မျိုးအဖြစ်ထားရှိမည့်အသီးကို အသီးခံသော် ပန်းပွင့်ပြီးနောက် (၄၀-၅၀) ရက်သားတွင် ခူးဆွတ်ရပါသည်။ ခူးဆွတ်ထားပြီး အသီးများကို (၁၂)ဒီဂရီစင်တီဂရိတ်တွင် ကြာရှည်သိုလှောင်နိုင်ပြီး သိုလှောင်ရာတွင် သေတ္တာများ၊ တောင်းများတွင် ကောက်ရိုးခံပေးရပါသည်။ ဈေးကွက်အတွင်းတွင် ဂေါ်ရခါးသီးတစ်လုံးလျှင် လက်လီဈေးနှုန်း(၃၀၀-၄၀၀)ကျပ်၊ လက်ကားဈေးနှုန်း(၂၀၀-၂၅၀)ကျပ်ဖြင့် အရောင်းအဝယ်ဖြစ်လျက်ရှိပြီး အသီးများကို ရန်ကုန်၊ မန္တလေး၊ စသည့်မြို့ကြီးများသို့ အဓိကတင်ပို့ ရောင်းချလျက်ရှိကြောင်း ဈေးသည်တစ်ဦးထံမှသိရပါသည်။

Source:ဟင်းသီးဟင်းရွက်စိုက်ပျိုးနည်း

DOCA (မန္တလေး)

    မကွေးတိုင်းဒေသကြီး၊ အထက်မင်းလှမြို့၊ ဇေယျာသီရိဈေးအတွင်းရှိ သစ်သီးဆိုင်များနှင့် မြို့ပေါ် ရပ်ကွက်များရှိ သစ်သီးဆိုင်များတွင် ကီလိုမာလကာသီးများကို ကျောက်ပန်းတောင်း၊ ပုပ္ပါးဒေသများမှ မှာယူရောင်းချသည့်အပြင် မင်းလှမြို့ ပတ်ဝန်းကျင်ရှိကျေးရွာများတွင် စိုက်ခင်းအဖြစ်သီးသန့် စိုက်ပျိုး ကြသလို မြို့ပေါ်ရပ်ကွက်များရှိ အိမ်ခြံမြေများတွင်လည်း တစ်နိုင်တစ်ပိုင် စိုက်ပျိုးရောင်းချကြကြောင်း သိရသည်။

 ၂၀၂၅ခုနှစ်၊ ဩဂုတ်လ(ပထမပတ်)တွင် ကီလိုမာလကာသီး(အလုံးအကြီး၊ အသေး)အလိုက် ကျပ်(၅၀၀-၆၀၀)ဖြင့် အရောင်းအဝယ်ဖြစ်လျက်ရှိပြီး ယခင်ကီလိုမာလကာသီး စတင်ထွက်ပေါ်စအချိန် ဇွန်လ(ပထမပတ်)တွင် ကျပ်(၇၀၀-၉၀၀)ဖြင့် အရောင်းအဝယ်ဖြစ်ခဲ့၍ ဈေးနှုန်းနှိုင်းယှဉ်ပါက ယခုတစ် ပတ်တွင် (၁)လုံးလျှင် ကျပ်(၂၀၀-၃၀၀)ဈေးနှုန်းကျဆင်းပြီး အရောင်းအဝယ်ဖြစ်ခဲ့ကြောင်း သိရသည်။ မင်းလှမြို့၌ ဇွန်လမှစတင်၍ ကျောက်ပန်းတောင်း၊ ပုပ္ပါးဒေသဘက်မှဝင်ရောက်လာသည့် ကီလို မာလကာသီးများသာ အရောင်းအဝယ်ဖြစ်ခဲ့သော်လည်း ဇူလိုင်လ(စတုတ္ထပတ်)တွင် မြို့နယ်အတွင်း ကျေးရွာများမှ  စိုက်ပျိုးထွက်ရှိသည့် ကီလိုမာလကာသီးများ ဈေးကွက်အတွင်း ဝင်ရောက်မူ များလာ သည့်အတွက် ဈေးနှုန်းမှာကျဆင်းရခြင်းဖြစ်ကြောင်း၊ ယခုအချိန်သည် ကျောင်းဖွင့်ရာသီဖြစ်သည့် အတွက် ကျောင်းမုန့်ဈေးတန်းဆိုင်များတွင်လည်း ကီလိုမာလကာသီးများ အရောင်းသွက်လျက်ရှိ ကြောင်း သိရှိရသည်။

DOCA(မကွေး)

          ဧရာဝတီတိုင်းဒေသကြီး၊ မြန်အောင်ခရိုင်၊ အင်္ဂပူမြို့နယ်ကုန်ဈေးနှုန်းတည်ငြိမ်ကျဆင်းရေးကော်မတီ၏ ကြီးကြပ်မှုဖြင့်(၂၈.၇.၂၀၂၅)ရက်နေ့ နံနက်(၀၆:၃၀) နာရီအချိန်မှစတင်၍ အခြေခံစားသောက်ကုန် ဆန်၊ ဆီနှင့် ကြက်ဥများအား ဈေးနှုန်းသက်သာစွာဖြင့် ပြည်သူများဝယ်ယူအသုံးပြုနိုင်ရေး ရောင်းချပေးလျက်ရှိပါသည်။ ဆန်နှင့် စားအုန်းဆီများရောင်းချပေးရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ၊ မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာန မြို့နယ်တာဝန်ခံ ဦးဘိုဘိုနှင့် မြို့နယ် စားအုန်းဆီလက္ကားကိုယ်စားလှယ်များမှ ပူးပေါင်းဆောင်ရွက်ခဲ့ကြောင်း သိရသည်။

         ထိုသို့ရောင်းချရာတွင် ပြည်သူများအား သက်သာသောဈေးနှုန်းဖြင့် ဝယ်ယူစားသောက်နိုင်ရန် စားအုန်းဆီ (၅၀ ကျပ်သား)ဘူးခွံအပါ တစ်ဗူးလျှင် ၃၅၀၀/- ကျပ်နှုန်းဖြင့် ပိဿာချိန် (၁၀၀)နှင့် ဆင်းသု ခ ဆန်တစ်ပြည်လျှင် ၂၀၀၀/- ကျပ်တစ်ဦးလျှင် (၂)ပြည်နှုန်းဖြင့် ဆန်(၇)အိတ်၊ ကြက်ဥတစ်လုံးလျှင် (၃၅၀)ကျပ်ဖြင့် အလုံးရေ (၆၀၀)လုံးအား ရောင်းချပေးခဲ့ကြောင်း သိရှိရပါသည်။ ထိုသို့ရောင်းချခြင်းကို ဌာနဆိုင်ရာများမှ ပူးပေါင်း၍ ပြည်သူများ ဈေးနှုန်းသက်သာစွာဝယ်ယူနိုင်ရေး ဆောင်ရွက်ပေးခြင်းဖြစ်ကြောင်း သတင်းရရှိပါသည်။

DOCA (ဧရာဝတီ)