ပြည်တွင်းကုန်သွယ်မှုသတင်း

        ၂၀၂၅ ခုနှစ်၊ ဩဂုတ်လပထမပတ်အတွင်း ဘားအံမြို့တွင် အခြေခံစားကုန်များ ဖြစ်သော ပေါ်ဆန်းဆန် တစ်ပြည် (၆၀၀၀) ကျပ်၊ ဧည့်မထဆန်(မနောသုခ) တစ်ပြည် (၃၆၀၀) ကျပ်၊ ဆန်ကွဲ တစ်ပြည် (၂၆၀၀) ကျပ်ဖြင့် အရောင်းအဝယ်ဖြစ်လျက်ရှိသည်။ စားအုန်းဆီ (ရည်ညွှန်းဈေး) တစ်ပိဿာလျှင်(၆၉၀၀) ကျပ်၊ မြေပဲဆီတစ် ပိဿာလျှင် (၂၀၀၀၀)ကျပ်၊ ကြက်သွန်နီ တစ်ပိဿာလျှင် (၂၅၀၀) ကျပ်၊ ကြက်သွန်ဖြူ(ကြူကုတ်) တစ်ပိဿာလျှင် (၁၈၀၀၀) ကျပ် နှင့် ကြက်သွန်ဖြူ (ရှမ်းစ) ထူး တစ်ပိဿာလျှင် (၁၅၀၀၀) ကျပ်၊ သကြားတစ်ပိဿာလျှင် (၆၀၀၀) ကျပ်၊ အာလူး တစ်ပိဿာ လျှင် (၆၀၀၀) ကျပ်၊ မန်ကျည်းမှည့်အသီး တစ်ပိဿာလျှင် (၁၀၀၀၀)ကျပ်၊ ဂျင်း တစ်ပိဿာလျှင် (၉၀၀၀) ကျပ်၊ ငရုသီးခြောက် တစ်ပိဿာလျှင် (၁၅၀၀၀) ကျပ်၊ ပဲနီလေး တစ်ပိဿာလျှင် (၁၅၀၀၀) ကျပ်၊ ကုလာပဲခြမ်း တစ်ပိဿာလျှင် (၈၀၀၀) ကျပ်၊ မြေပဲဆံတစ်ပြည် (၉၅၀၀၀) ကျပ်၊ ရိုးရိုးဆားပိဿာလျှင် (၁၇၀၀)ကျပ် ၊ အာပြဲခြောက် တစ် ပိဿာလျှင် (၈၀၀၀၀) ကျပ်၊ ကြက်ဥတစ်လုံး (၅၀၀) ကျပ်၊ ဘဲဥတစ်လုံး (၆၀၀) ကျပ် တို့ဖြစ် အရောင်းအဝယ်ကြကာ ယခုလအတွင်းဈေးနှုန်း အနည်းငယ် ပြောင်းလဲလျက်ရှိကြောင်း သိရသည်။

DOCA(ကရင်)

    မြင်းခြံမြို့နယ် ရပ်ကွက်၊ ကျေးရွာများရှိ အိမ်ခြံဝန်းများနှင့် ဥယျာဉ်ခြံများတွင် ကြောင်လျှာပင်များကိုစိုက်ပျိုးထားကြောင်း၊ ၎င်းသည်နှစ်ရှည်ခံအပင်ဖြစ်ပြီး၊ ဇွန်လ၊ ဇူလိုင်လနှင့် ဩဂုတ်လများတွင် အသီးများလှိုင််လှိုင်ထွက်ပေါ်ကြောင်းသိရှိရသည်။ ၂၀၂၅ခုနှစ်၊ ဇူလိုင်လနောက် ဆုံးပတ်တွင် ကြောင်လျှာသီးတစ်တောင့်လျှင် (၈၀၀-၁၀၀၀) ကျပ်ပေါက်ဈေးများရှိ‌ကြောင်း၊ ထွက်ရှိသောကြောင်လျှာသီးများကို ‌ဒေသတွင်းဖြန်ဖြူးရောင်းချကြောင်း၊ စားသုံးမှုများပြီး အရောင်း အဝယ်ဖြစ်လျက်ရှိကြောင်း၊ ၎င်းသည်မြန်မာနိုင်ငံနေရာအနှံအပြားတွင် ပေါက်ရောက်ကြောင်း၊ ဆေးဖက်ဝင်သော  ကြောင်လျှာသီးများကိုစားသုံးခြင်းဖြင့်  နာတာရှည် ရောင်ရမ်းတာနှင့် အဆစ်နာ ရောဂါကို သက်သာစေကြောင်း၊ ဓာတုဆေးဝါးများ သောက်သုံး ခြင်းကြောင့်အသည်း ထိခိုက်ပျက်စီးခြင်းကို  ကြောင်လျှာသီးက အထိရောက်ဆုံးကာကွယ်ပေးကြောင်း၊ ကျောက်ကပ်မှ အဆိပ်အတောက်တွေကို ဖယ်ရှားပေး၍ ကျောက်တည်ခြင်းကိုလည်း သက်သာစေပြီး အကောင်းဆုံးအားဖြည့်ပေးကြောင်း၊ သွေးတွင်းသကြားဓာတ်ကို အထိရောက်ဆုံး ထိန်းညှိပေးပြီး ရုတ်တရက် သွေးချိုတက်တာမျိုး မဖြစ် အောင် ကာကွယ်ပေးသလို ဆီးချိုမဖြစ်အောင် လည်းကာကွယ်ပေးကြောင်း၊ အစာခြေအက်ဆစ်ကို ထိန်းညှိပေးပြီး ရင်ပူတာ၊ အစာမကြေတာ၊ လေထိုးလေအောင့်တာတွေကိုလည်း သက်သာစေနိုင်ကြောင်း၊ ကင်ဆာဆဲလ်တွေ မပြန့် အောင်လည်း ကာကွယ်ပေးကြောင်း၊ စားသုံးမှုအနေဖြင့် ကြောင် လျှာသီးကို မီးလေးအုံး စားစား၊ ပြုတ်ပြီးတို့တို့၊ ပါးပါးလှီးပြီး ချဉ်ဖက်စိမ်စားစား၊ ဆီချက်၊ ပဲမှုန့်တို့နဲ့သုပ်စားစား စားရသူ တိုင်းခံတွင်းတွေ့စေသည့် ဆေးဖက်ဝင်ခါးသက်သက် ပူရှိန်းရှိန်းလေး အရသာရှိသော ကြောင်လျှာ သီးကို စားသုံးမှုများပြား ကြောင်းသိရှိရသည်။

Doca(မန္တလေး)

        မြင်းခြံမြို့နယ်အတွင်းရှိ အနိမ့်ရွာ၊ ပတ္တာရွာနှင့် ဒါးကျွန်းကျေးရွာများသည် ဧရာဝတီ မြစ်ကမ်းဘေးတွင်တည်ရှိ၍ ၎င်းကျေးရွာများတွင် ဟင်းခတ်အမွှေးအကြိုင်ဖြစ်သော ရှမ်းနံနံများကို မိသားစုစားဝတ်နေရေးအတွက် တစ်နိုင်တစ်ပိုင် စိုက်ပျိုးထားကြောင်းသိရှိရသည်။ ရှမ်းနံနံသည် သဲနှုန်းမြေနှင့် သစ်ဆွေးများ သောမြေကို နှစ်သက်ပြီး၊ စိုက်ခင်းများတွင် တိုက်ရိုက် အစေ့ချစနစ်ဖြင့် စိုက်ပျိုးကြောင်း၊ အပင်ပေါက်ရန် (၇-၁၄) ရက်ကြာကြောင်း၊   အပင်ခြေတွင် စိုစွတ်ခြင်းကို ကြိုက် နှစ်သက်၍ ရေမဝပ် ရန် ဂရုစိုက်ရကြောင်း၊ နေရောင်ခြည်အပြည့်အဝ ရရှိသော နေရာတွင် စိုက်ပျိုးရကြောင်း စိုက်ပျိုးပြီး (၄-၆) ပတ်အတွင်း အပင်များကို ခူးဆွတ်၍ ဈေးကွက်သို့ ရောင်းချရကြောင်း၊ အပွင့်မပွင့်မီ (အသီးမတင်မီ) ခူးပါက အရသာပိုကောင်းကြောင်း၊ စိုက်ခင်း များမှထွက်ရှိသော ရှမ်းနံနံများကို ဒေသအတွင်းရှိ အေးမြသီတာဈေး၊ စံပြဈေးနှင့် တောင်သာမြို့ သို့လည်း တင်ပို့ရောင်းချကြောင်း၊ ၂၀၂၅ခုနှစ်၊ ဇူလိုင်လနောက်ဆုံးပတ်တွင် ရှမ်းနံနံပင်ရွက် လက်လီဈေး တစ်စီးလျှင် (၅၀၀) ကျပ်၊ လက်ကားဈေး အစီး (၅၀) ပါ တစ်ထုံးလျှင် (၁၅၀၀၀/-) ကျပ် ပေါက်ဈေးများဖြင့် ရောင်းချကြောင်း၊ တောင်သူများအနေဖြင့် စိုက်ပျိုးမှု ကုန်ကျစရိတ် နည်းပြီး ဝင်ငွေရရှိကြောင်း တောင်သူတစ်ဦး၏ ပြောပြချက် အရသိရှိရသည်။

Doca(မန္တလေး)

         ဧရာဝတီတိုင်းဒေသကြီး၊ မြန်အောင်ခရိုင်၊ မြန်အောင်မြို့နယ် ကုန်ဈေးနှုန်းတည်ငြိမ်ကျဆင်းရေး ကော်မတီမှဦးဆောင်ကာ(၂၇.၇.၂၀၂၅)ရက်နေ့နံနက်(၀၈:၀၀) နာရီအချိန်မှစတင်၍အခြေခံစားသောက်ကုန်  ဆန်၊ ဆီနှင့် အသားများအား ဈေးနှုန်းသက်သာစွာဖြင့် ပြည်သူများဝယ်ယူအသုံးပြုနိုင်ရေး ရောင်းချပေး လျက်ရှိပါသည်။ ဆန်၊ အသားနှင့် စားအုန်းဆီများရောင်းချပေးရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ၊ မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာန မြို့နယ်ဦးစီးမှူး ဦးမြင့်အောင်နှင့် မြန်အောင်ခရိုင်ဆီကုန်သည်နှင့် ဆီလုပ်ငန်းရှင်များအသင်းမှ ပူးပေါင်းဆောင်ရွက်ခဲ့ကြောင်းသိရသည်။

             ထိုသို့ရောင်းချရာတွင် ပြည်သူများအား သက်သာသော ဈေးနှုန်းဖြင့် ဝယ်ယူစားသောက်နိုင်ရန်  စားအုန်းဆီ တစ်ပိဿာလျှင် ၆၇၀၀/- ကျပ်နှုန်းဖြင့် ပိဿာချိန် (၁၁၀)နှင့် ဆင်းသုခ ဆန်တစ်ပြည်လျှင် ၂၀၀၀/- ကျပ် တစ်ဦးလျှင် (၂)ပြည်နှုန်းဖြင့် ဆန်(၅)အိတ်နှင့် ဝက်သား တစ်ပိဿာလျှင် ၂၀၀၀၀/-ကျပ်နှုန်းဖြင့် ပိဿာချိန်(၃၀)အား ရောင်းချပေးခဲ့ကြောင်း သိရှိရပါသည်။ ထိုသို့ရောင်းချခြင်းကို ပြည်သူ များ ဈေးနှုန်းသက်သာစွာ ဝယ်ယူနိုင်ရေး ဆက်လက်ရောင်းချသွားမည်ဖြစ်ကြောင်း သတင်းရရှိပါသည်။

DOCA (ဧရာဝတီ)

       မြင်းခြံမြို့နယ်သည် ဥယျာဉ်ခြံမြေများ၌ စားဖိုဆောင်သီးနှံများ စိုက်ပျိုးလျက်ရှိကြောင်း၊ ဒေသအတွင်းရှိ ကျေးရွာများဖြစ်သော အနိမ့်ရွာ၊ သာပေါင်း၊ ခေါင်းကွဲကျေးရွာများတွင် ပဲတောင့် ရှည်များကို စီးပွားဖြစ် တစ်နိုင်တပိုင်စိုက်ပျိုးထားကြောင်း သိရှိရသည်။ ပဲတောင့်ရှည်တွင် အပင်ပုမျိုး (နွယ်မဲ့မျိုး)နှင့် အပင်ရှည်မျိုး(နွယ်တက်မျိုး)ဟူ၍ နှစ်မျိုးရှိပြီး အပင်ရှည်မျိုးကို တိုင်ထောင်၍ စိုက်ပျိုးကြကြောင်း၊ အစိမ်းနု၊ အစိမ်းရင့်၊ အနီရောင်ဟူ၍ အမျိုးမျိုးရှိကြောင်း၊ ပဲတောင့်ရှည်သည် မြေအမျိုးမျိုးတွင် စိုက်ပျိုး၍ရကြောင်း၊ မြေကောင်းလျှင် အထွက်ပိုကောင်း ကြောင်း၊ စိုက်ပျိုးရာတွင် ရေမဝပ်သော မြေတွင် စိုက်ပျိုးပြီး ထွန်ရေးအသင့်အတင့်ဖြင့် စိုက်ပျိုး နိုင်ကြောင်း သိရှိရသည်။ မျိုးစေ့ချရာတွင် အစိုဓာတ်များလွန်းက ပုပ်သွားတတ်ကြောင်း၊ တိုက်ရိုက် အစေ့ချစနစ်ဖြင့် စိုက်ပျိုးပြီး တိုင်‌ထောင်ပဲကို တစ်တန်းနှင့်တစ်တန်း သုံးပေခြား၍ တစ်ပင် နှင့်တစ်ပင် (၉-၁၀)လက်မ ခွာ၍စိုက်ပျိုးကြကြောင်း၊ အပင်များရှည်လာသောအခါ အနည်း ဆုံး (၇)ပေခန့်ရှည်သော ဝါးတိုင် (သို့မဟုတ်)သစ်သားတိုင်များကို အပင်၏ တိုင်ခြေတွင် ထောင်ပေး ရကြောင်း၊ အပင်ခြေတွင် ရေမဝပ်ရန် သတိပြုရမည်ဖြစ်ကြောင်း၊ စိုက်ပျိုးပြီး (၃၀) ရက်အကြာ  အစေ့နုသော အချိန်တွင် ပဲတောင့်ရှည်များကို ခူးဆွတ်ရကြောင်း၊ တစ်ဧက လျှင် အထွက်နှုန်း (၉၅၀)ပိဿာခန့်ထွက်ရှိကြောင်း၊ မြေပြင်ခ၊ မျိုး၊ ဝါးဖိုး၊ လုပ်သားခ၊ သွင်းအားစု၊ စိုက်ပျိုး စရိတ်အပါအဝင် တစ်ဧကကုန်ကျစရိတ်(၁၈)သိန်းခန့် ကုန်ကျကြောင်း၊ စိုက်ခင်းအရောက် ဈေးနှုန်းမှာ တစ်ပိဿာလျှင်(၃၀၀၀)ကျပ်နှုန်းဖြင့် ကုန်သည်များကိုယ်တိုင် စိုက်ခင်းများသို့ လာ ရောက် ဝယ်ယူကြကြောင်း၊ တစ်ဧကအကျိုးအမြတ်အနေဖြင့် (၁၀၅၀၀၀၀)ကျပ်ခန့် ရရှိကြောင်း၊ တောင်သူများအနေဖြင့် ကုန်ကျစရိတ်နည်းပြီး ကာလတိုအတွင်း စီးပွားဖြစ် တွက်ခြေကိုက်သော သီးနှံဖြစ်ကြောင်း ပဲတောင့်ရှည်စိုက်တောင်သူတစ်ဦးထံမှ သိရှိရသည်။ ၂၀၂၅ခုနှစ်၊ ဇူလိုင်နောက် ဆုံးပတ်တွင် မြင်းခြံမြို့၊ အေးမြသီတာဈေးတွင် ရောင်းချနေသော ပဲတောင့်ရှည် လက်လီ ၂၅ ကျပ် သားလျှင် (၁၂၀၀)ကျပ်၊ တစ်ပိဿာလျှင် (၄၀၀၀) ကျပ်ပေါက်ဈေးများရှိကြောင်း၊ ဈေးကွက် အနေဖြင့် ဒေသတွင်းစားသုံးရန်နှင့် အင်းစိန်မြို့ ဘိုကုန်း ဈေးသို့ တင်ပို့ရောင်းချကြောင်းသိရှိရသည်။

Doca(မန္တလေး)