သတင်းနှင့် လှုပ်ရှားမှုများ

          ပဲခူးတိုင်းဒေသကြီး၊ သာယာဝတီခရိုင်၊ အုတ်ဖိုမြို့နယ် စားသုံးသူရေးရာဦးစီးဌာန မြို့နယ်တာဝန်ခံရုံးမှ မြို့နယ်တာဝန်ခံနှင့်ဝန်ထမ်းများသည် ၂၀၂၆ခုနှစ် ဇန်နဝါရီလ ၂၀ရက်နေ့တွင် အုတ်ဖိုမြို့နယ် စည်ပင်သာရွာမှ ပြောင်းဖူးစိုက်တောင်သူ ဦးသန်းဇော်နှင့် တွေ့ဆုံ၍ ဖူးစားပြောင်း စိုက်ပျိုးမှု တစ်ဧကကုန်ကျစရိတ်နှင့် အကျိုးအမြတ်ရရှိနိုင်မှု အခြေအနေအားမေးမြန်းခဲ့ပါသည်။

          ပြောင်းဖူးစိုက်တောင်သူ ဦးသန်းဇော်၏ ပြောကြားချက်အရ ပြောင်းပင်သည် ပူးအိုက်စွတ်စို သောရာသီဥတုတွင် မြေအမျိုးအစားမရွေးဖြစ်ထွန်းနိုင်ပါကြောင်း ပြောင်းစိုက်မည့်မြေအား  နွားချေးမြေဆွေးများထည့်၍ မြေပြုပြင်ရပါကြောင်း ထယ်တစ်စပ်နှင့် ထွန်နှစ်စက်ဖြင့် မြေပြုပြင်ပြီး တစ်ကျင်းလျှင် တစ်ပင်နှုန်းဖြင့် ပင်ကြား ၈လက်မနှင့် တန်းကြား ၂၄ လက်မထားပြီး ပေါင်းတင်စိုက်ပျိုးရပါကြောင်း တစ်ဧကလျှင် အပင် ၂၄၀၀၀ခန့် ဝင်အောင်စိုက်နိုင်ပြီး အပင်သက်တမ်းရက် ၂၀၊ ၄၀၊ ၆၀ များတွင် ရေစတင်သွင်းရပြီး ရေ (၆)ကြိမ်ခန့်သွင်းရကြောင်း အပင်အားဆေးအဖြစ် ကောမတ်နှင့် ကောမက်ဂျီ(၂၁) အား ရောစပ်၍ ၂ကြိမ်ကြွေးရကြောင်း မြောင်းကြားတန်းကြား ပေါင်းရှင်းခြင်းကို လုပ်သားအင်အားဖြင့် ဆောင်ရွက်ရပြီး တစ်ဧကကုန်ကျစရိတ် ၃၈ သိန်းကျပ်ရှိပြီး တစ်ဧကဝင်ငွေ ၉၆ သိန်းကျပ်ခန့် ရရှိနိုင်၍ အကျိုးအမြတ်အားဖြင့် ၅၈သိန်းခန့် ရရှိနိုင်ကြောင်း ပြောင်းဖူးစိုက်တောင်သူ တစ်ဦးထံမှ သတင်းရရှိပါသည်။

DOCA(ပဲခူး)

     စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင် သည် ၂၆.၁.၂၀၂6 ရက်နေ့ ၁၀:၀၀ နာရီအချိန်တွင် မိုးညှင်းမြို့၊ နားခါရပ်ကွက် ရှိ ဦးကျော်ဌေး (ကုန်စုံဆိုင်) သို့ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ စားသုံးသူကာကွယ်ရေးဥပဒေပါ ပြဌာန်းချက် များနှင့် ကိုက်ညီခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

    ဈေးကွက်စောင့်ကြည့်စစ်ဆေးခဲ့ရာ Shin Shin အမှတ်တံဆိပ်ပါ စူပါကြက်စပ်အရသာသည် အသင့်စားခေါက်ဆွဲခြောက်ထုပ်အမျိုးမျိုးတို့တွင် ကုန်စည်အမျိုးအစားအလိုက် သတ်မှတ်ချက်များနှင့် အညီ မြန်မာဘာသာဖြင့် ပြည့်စုံစွာ ဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက် အသားတင်ပမာဏနှင့် သုံးစွဲပုံနည်းလမ်းတို့ကို ကုန်အညွှန်းအမှတ်အသား ဖော်ပြထားခြင်း ရှိ/မရှိ ဈေး ကွက်စောင့်ကြည့်စစ်ဆေးခဲ့ရာ ကုန်အညွှန်းအမှတ်အသား ပြည့်စုံစွာ ဖော်ပြထားရှိကြောင်း စစ်ဆေး တွေ့ရှိရပြီး ကုန်စုံဆိုင်ပိုင်ရှင်အား ကုန်စည်အမျိုးမျိုး ဖြန့်ဖြူးရောင်းချရာတွင် ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြထားသော ကုန်စည်များကိုသာ ဝယ်ယူဖြန့်ဖြူး ရောင်းချရန် အသိပညာပေး ဆွေး နွေးခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)

    စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦး‌ဘောမ်ဇုံး(ရုံးအုပ်) သည် ၂၆ . ၁ .၂၀၂၆ ရက်နေ့တွင် ဝိုင်းမော်မြို့နယ်၊ အမှတ်(၁)ရပ်ကွက်အတွင်းရှိ ကုန်မျိုးစုံရောင်းချသည့် လုပ်ငန်းရှင်(၂)ဦးနှင့် တွေ့ဆုံ၍ စားသုံးသူကာကွယ်ရေးဥပဒေပြဋ္ဌာန်းချက်ပါ စီးပွားရေးလုပ်ငန်းရှင်များ လိုက်နာရန် အချက် အလက်များနှင့်ပတ်သက်၍ ရှင်းလင်းဆွေးနွေးခဲ့ပါသည်။   

           ထိုသို့ဆွေးနွေးရာတွင် ဦး‌ဘောမ်ဇုံး(ရုံးအုပ်) က စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်နှင့်ဝန်ဆောင်မှု၏ အဓိပ္ပါယ်ဖွင့်ဆိုချက်၊ စီးပွားရေးလုပ်ငန်းရှင်၏ တာဝန်များ၊ ကုန်စည် သို့မဟုတ် ဝန်ဆောင်မှုအပေါ်တာဝန်ရှိမှု ၊ ကုန်စည် / ဝန်ဆောင်မှု နှင့် စပ်လျဉ်း၍ အာမခံချက် ပေး ခြင်း၊ ကုန်စည် သို့မဟုတ် ဝန်ဆောင်မှု လုပ်ငန်းများ၏ အာမခံချက်နှင့်စပ်လျဉ်း၍ စားသုံးသူက တောင်းဆိုနိုင်သည့် အခွင့်အရေးများ၊ စားသုံးဆီနှင့်ပတ်သက်၍ သတ်မှတ်ထုတ်ပြန် ထားသည့် ညွှန်ကြားချက်များအကြောင်း၊ အရေးကြီးကုန်စည်နှင့် ဝန်ဆောင်မှုဥပဒေနှင့်ပတ်သက်သည့် အမိန့် ညွှန်ကြားချက်များအကြောင်း ၊ အွန်လိုင်းစီးပွားရေးလုပ်ငန်းရှင်များ လိုက်နာဆောင်ရွက်ရမည့် အချက်များ အကြောင်း၊ ကုန်အညွှန်းအမှတ်အသား ပြည့်စုံမှုရှိစေရန်နှင့် သက်ဆိုင်ရာ FDA ထောက်ခံချက်များပါရှိရန် လိုအပ်ကြောင်း၊ တားမြစ်ချက်များနှင့် ပြစ်မှုပြစ်ဒဏ်များကို ရှင်းလင်းဆွေးနွေးခဲ့ ပါသည်။

DOCA(ကချင်)                                                                                                               

          ရွှေတောင်မြို့နယ် စားသုံးသူရေးရာဦးစီးဌာန မြို့နယ်တာဝန်ခံရုံးမှ ဝန်ထမ်းများသည် မြို့နယ်ဈေးကွက်စောင့်ကြည့် စစ်ဆေးရေးအဖွဲ့ဝင်များနှင့် ပူးပေါင်း၍ (၂၂.၁.၂၀၂၆) ရက်နေ့၊ နံနက် (၁၀:၀၀) နာရီအချိန်တွင် ကြာနီကန်ရပ်ကွက်၊ သရက်တောရပ်ကွက်ရှိ အလှကုန်ပစ္စည်းရောင်းချသောဆိုင်များတွင် (၁၀) ဂရမ်အောက် အလှကုန်အမျိုးမျိုးပစ္စည်းများအား သွားရောက်စစ်ဆေးခဲ့ပြီး ကုန်အညွှန်းအမှတ်အသား ပြည့်စုံမှန်ကန်မှုရှိပါကြောင်း စစ်ဆေးတွေ့ရှိမှုအား သိသာနိုင်ပါရန်နှင့် လိုအပ်သလို လမ်းညွှန်မှုရှိစေရေး စီးပွားရေးလုပ်ငန်းရှင်၏ တာဝန်များအကြောင်း ရှင်းလင်းပြောကြားပြီး ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရှိရပါသည်။

DOCA(ပဲခူး)   

          စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်တာဝန်ခံရုံးမှ ဝန်ထမ်းများသည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပူးပေါင်း၍ (၂၀.၁.၂၀၂၆) ရက်နေ့၊ နံနက် (၀၉:၀၀) နာရီအချိန်တွင် ပြည်ခရိုင်၊ ပြည်မြို့၊ ပြည်မြို့ စင်္ကြန်တောင်တောရ ဘုန်းတော်ကြီးသင်ပညာရေးကျောင်း၌ ဆရာ၊ ဆရာမ (၄) ဦး၊ ကျောင်းသား/ ကျောင်းသူ (၁၀၅)ဦး၊ စုစုပေါင်း (၁၀၉) ဦးတို့အား စားသုံးသူကာကွယ်ရေး အသိပညာပေးဟောပြောပွဲပြုလုပ်ခဲ့ကြောင်း သိရသည်။

          အဆိုပါ ဟောပြောပွဲတွင် ပြည်မြို့နယ်ဦးစီးမှူး ဦးထွန်းနိုင်လင်းက ဌာနဖွဲ့စည်းပုံနှင့် ယခု ဌာနမှတာဝန်ယူဆောင်ရွက်နေသည့် လုပ်ငန်းများအကြောင်း၊ စားသုံးသူမိဘပြည်သူများ၏ အခွင့်အရေးများကိုသိရှိပြီး နစ်နာဆုံးရှုံးမှုရှိခဲ့လျှင် တိုင်ကြားနိုင်စေရန် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ “CICC” ရုံးများဖွင့်လှစ်ထားရှိနေပြီဖြစ်ကြောင်း၊ ထိုသို့ လည်းတိုင်ကြားနိုင်ကြောင်း၊ ဒါ့အပြင် facebook စာမျက်နှာတွင်လည်းကောင်း၊ DOCA. Doca.com. mm တွင်လည်းကောင်း၊ Consumer Call Center ဖွင့်လှစ်ထားသည့် (1535) Call Center တွင်လည်းကောင်း တိုင်ကြားနိုင်ကြောင်း အသေးစိတ်အသိပညာပေးဟောပြောခဲ့ကြောင်း သိရှိရပါသည်။

DOCA(ပဲခူး)