၂၁.၁.၂၀၂၆ ရက်နေ့တွင် မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်တို့တွင် အရန်သင့်အစားအစာအမျိုးမျိုးတို့အား ဈေးကွက်စောင့်ကြည့်စစ်ဆေးခြင်း ဆောင်ရွက် ခဲ့ကြောင်း သိရှိရသည်။

    စားသုံးသူရေးရာဦးစီးဌာန၊ မုဒုံမြို့နယ်တာဝန်ခံသည် သက်ဆိုင်ရာမိတ်ဖက် ဌာနများဖြစ်သော မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်စည်ပင် သာယာရေးအဖွဲ့တို့နှင့် ပူးပေါင်း၍ မုဒုံမြို့ပေါ်ရှိ ကုန်စုံဆိုင်များတွင် ရောင်းချနေသော အရန်သင့်အစားအစာအမျိုးမျိုးတို့အား ဈေးကွက်စောင့်ကြည့်စစ်ဆေးခြင်း ဆောင်ရွက် ခဲ့ကြောင်း သိရှိရသည်။

       ထိုသို့ ဈေးကွက်စောင့်ကြည့်စစ်ဆေးရာတွင် ကုန်စုံဆိုင်များတွင် ရောင်းချနေသော  အရန်သင့်အစားအစာအမျိုးမျိုးတို့တွင် စားသုံးသူ ကာကွယ်ရေးဥပဒေ၊ အခန်း(၁၈) ပြဋ္ဌာန်းချက်အတိုင်း ကုန်အညွှန်းအမှတ်အသားပြည့်စုံစွာဖော်ပြထားခြင်း ရှိ/မရှိ စောင့်ကြည့် စစ်ဆေးခဲ့ရာ အဆိုပါ အရန်သင့်အစားအစာအမျိုးမျိုးတွင် ကုန်အညွှန်းအမှတ်အသား ပြည့်စုံစွာဖော်ပြထားသည်ကို စစ်ဆေးတွေ့ရှိကြောင်း သိရှိရပါသည်။

DOCA (မွန်)

       စားသုံးသူရေးရာဦးစီးဌာန၊ လွိုင်လင်ခရိုင်ဦးစီးမှူးရုံးမှ  ဝန်ထမ်းများသည်   (၂၀.1.၂၀၂၆) ရက်နေ့၊ နံနက်(၁3:၀၀) နာရီအချိန်တွင် နမ့်စန်မြို့ပေါ်ရှိဆေးနှင့်ဆေးပစ္စည်း အရောင်းဆိုင်များအား ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

        ထိုသို့ ကွင်းဆင်းစစ်ဆေးရာတွင်  စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက်‌ ဈေးကွက်အတွင်း ရောင်းချနေသော ကုန်စည်များပေါ်တွင် ကုန်စည်အမျိုးအစားအလိုက် ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြခြင်း ရှိ/မရှိ တို့ကိုစစ်ဆေးခဲ့ပြီး အိမ်သုံး ဆေးဝါများ ဈေးကွက်အတွင်းပြတ်လပ်မှု ရှိ/မရှိ၊ ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသော ကုန်စည်များကိုသာ ရောင်းချရန်၊ စီးပွားရေးလုပ်ငန်းရှင်၏ တာဝန်များအကြောင်း အသိပညာပေးဆွေးနွေးခဲ့ပါသည်။

DOCA(ရှမ်း)

    ရှမ်းပြည်နယ်(တောင်ပိုင်း)၊ စားသုံးသူရေးရာဦးစီးဌာန၊ လွိုင်လင်ခရိုင်ဦးစီးမှူးရုံးမှ ဝန်ထမ်းများသည် (22.၁.၂၀၂၆) ရက်နေ့၊ နံနက် (၁0:၀၀) နာရီအချိန်၌ လွိုင်လင်မြို့ပေါ်ရှိ ကုန်စုံဆိုင်များတွင် အသင့်စားစားသောက်ကုန်အမျိုးမျိုးအား ဈေးကွက်စောင့်ကြည့်စစ်ဆေးခဲ့ပါသည်။

        ထိုသို့ ကွင်းဆင်းစစ်ဆေးရာတွင် စားသုံးသူပြည်သူများ ဘေးအန္တရာယ်ကင်းရှင်း စေရန် ဈေးကွက်အတွင်း ရောင်းချနေသော ကုန်စည်များပေါ်တွင် ကုန်စည်အမျိုးအစားအလိုက် အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ဓါတ်မတည့်ကြောင်းဖော်ပြချက်၊ သတိပေးချက်နှင့် ကျန်းမာရေး ဆိုင်ရာဘေးထွက် ဆိုးကျိုးဖော်ပြခြင်းရှိ/မရှိတို့တို စစ်ဆေးခဲ့ပြီး၊ မြန်မာနိုင်ငံစားသုံးသူ ကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်ကြားချက်အမှတ်(၂/၂၀၁၉)နှင့် အညီ မြန်မာဘာသာဖြင့် ပြည့်စုံစွာဖော်ပြထားသော ကုန်စည်များကိုသာရောင်းချရန်၊ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြား ဘာသာတစ်ခု(သို့)တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်ဖြစ်ကြောင်း အသိ ပညာပေးဆွေးနွေးခြင်းများ ဆောင်ရွက်ခဲ့ပါသည်။

DOCA(ရှမ်း)

    မန္တလေးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးနှင့် ခရိုင်ရုံး များမှ အရာထမ်း၊ အမှုထမ်းများအနေဖြင့် နည်းပညာခေတ်တွင် ခေတ်နှင့်တစ်ပြေးညီလိုက်ပါနိုင် စေရန်ရည်ရွယ်၍ ဉာဏ်ရည်တုဆိုင်ရာ လက်တွေ့အသုံးချမှုသင်တန်းအား ၂၀၂၆ ခုနှစ် ၊ ဇန်နဝါရီလ ၁၄ ရက်နေ့နှင့် ၁၅ ရက်နေ့များတွင် မန္တလေးတိုင်းဒေသကြီးဦးစီးမှူးရုံးအစည်းအဝေးခန်းမ၌ ဖွင့်လှစ်ခဲ့ပါသည်။သင်တန်းတွင် တိုင်းဒေသကြီးဦးစီးမှူးရုံးမှ in person  တက်ရောက်သူ ၂၅ ဦးနှင့်  ခရိုင်များမှ virtual တက်ရောက်သူ ၂၅ ဦး စုစုပေါင်း ၅၀ ဦးတက်ရောက်ခဲ့ကြပါသည်။ သင်တန်း နည်းပြအဖြစ်  မန္တလေးတိုင်းဒေသကြီး ကွန်ပျူတာ ပညာရှင်အသင်း ဥက္ကဋ္ဌမှ သင်ကြားခဲ့ပြီး AI ဉာဏ်ရည်တုနှင့် စပ်လျဉ်း၍ ဆောင်ရန်၊ ရှောင်ရန် အချက်များအပြင်၊ ဉာဏ်ရည်တုအသုံးပြုနိုင်သည့် websiteများ၊ applicationများအား ရှင်းလင်းပြသခဲ့ပြီး ဉာဏ်ရည်တုအသုံးပြု ၍ ဓာတ်ပုံ၊ ဗီဒီယိုများဖန်တီးခြင်း၊ powerpoint များဖန်တီးခြင်း၊သီချင်းများဖန်တီးခြင်း စသည်တို့ကို စာတွေ့ ၊ လက်တွေ့သင်ကြားပို့ချခဲ့ကြောင်း သိရှိရပါသည်။

DOCA(မန္တလေး)

  စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ (၁၉-၁-၂၀၂၆) ရက်နေ့ နံနက်(၁၀:၀၀)နာရီအချိန်တွင် မန္တလေးတိုင်းဒေသကြီး၊ ပုသိမ်ကြီးမြို့နယ်၊ သမဝါယမကောလိပ်တွင် စားသုံးသူကာကွယ်ရေးအသိပညာပေး ဟောပြောဆွေးနွေးပွဲ အခမ်းအနား ကျင်းပ ပြုလုပ် ခဲ့ပါသည်။

          ပထမဦးစွာ သမဝါယမကောလိပ် ကျောင်းအုပ်ဆရာမကြီး ဒေါက်တာတင်မူအေးမှ အဖွင့်အမှာစကားပြောကြားခြင်း၊ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူး ဒေါ်ဖြူသဲနွယ်မှ စားသုံးသူကာကွယ်ရေးအသိပညာပေး ဟောပြော ပွဲကျင်းပရခြင်း၏ ရည်ရွယ်ချက်များအား ရှင်းလင်းဆွေးနွေးခဲ့ပါသည်။

          ဆက်လက်၍ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ ဦးစီးအရာရှိ ဒေါ်မေသက်ထွန်းက စားသုံးသူကာကွယ်ရေးအသိပညာပေး ဟောပြောဆွေးနွေးရာတွင် စားသုံးသူ ကာကွယ်ရေးဥပဒေပေါ်ပေါက်လာပုံအား ရှင်းလင်းဆွေးနွေးခြင်း၊ ကုန်အညွှန်းအမှတ်အသား နှင့်ပတ်သက်၍ ဆောင်ရွက်လျက်ရှိသည့်အခြေအနေများအား ရှင်းလင်းပြောကြားခြင်း၊ စားသုံးသူ၏ အဓိပ္ပါယ်အား ရှင်းလင်းတင်ပြခြင်း၊ စားသုံးသူများအနေဖြင့် နစ်နာဆုံးရှုံးမှုများရှိပါက စားသုံးသူ ကိုယ်တိုင်(သို့မဟုတ်) စားသုံးသူ၏ မိသားစုဝင်များမှလည်း တိုင်ကြားနိုင်ကြောင်း ရှင်းလင်း ဆွေးနွေးခြင်း၊ စီးပွားရေးလုပ်ငန်းရှင်၏ အဓိပ္ပါယ်အား ရှင်းလင်းဆွေးနွေးခြင်း၊ စားသုံးသူ ကာကွယ်ရေးနှင့်ပတ်သက်၍ ရပ်ကွက်၊ ကျေးရွာ၊ အခြေခံပညာကျောင်းများနှင့် တက္ကသိုလ်များ ပါမကျန် ဟောပြောပွဲများ ပြုလုပ်လျက်ရှိကြောင်း၊ Online မှလည်း အသိပညာပေး ဆောင်ရွက် လျက်ရှိကြောင်း၊ ကုန်စည် ဝန်ဆောင်မှုနှင့်ပတ်သက်၍ နစ်နာဆုံးရှုံးမှုများရှိပါက တိုင်ကြားနိုင် ကြောင်း၊ စားသုံးသူများအနေဖြင့် အခွင့်အရေး(၈)ချက်ရှိကြောင်း၊ အခွင့်အရေး(၈)ချက်နှင့် ပတ်သက်၍ စံနမူနာပြအမှုများဖြင့် အကျယ်တဝင့်ရှင်းလင်းဆွေးနွေးခြင်း၊ စီးပွားရေးလုပ်ငန်းရှင်များအနေ ဖြင့်လည်း လိုက်နာရမည့် တာဝန်များရှိကြောင်း၊ စားသုံးသူနစ်နာမှုများရှိပါက တိုင်ကြားနိုင်သည့် နည်းလမ်းများအား ပြောကြားခဲ့ပြီး တက်ရောက်လာကြသည့် ကျောင်းသား/ကျောင်းသူများမှ သိရှိလိုသည်များ မေးမြန်းခဲ့မှုအပေါ် ပြန်လည်ရှင်းလင်းပြောကြားခဲ့ပါသည်။     

DOCA(မန္တလေး)