သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မအူပင်ခရိုင်၊ညောင်တုန်းမြို့နယ်ဦးစီးမှူးရုံးမှ ဦး‌အောင်လွင် (ဦးစီးအရာရှိ) သည် ၂၃.၁.၂၀၂၆  ရက်နေ့ တွင် ညောင်တုန်းမြို့ရှိ စအွန်လိုင်းမှတ်ပုံတင် လျှောက်ထားပြီး လုပ်ငန်းရှင် များအား ဦးတို့အား မြို့နယ်ဦးစီးမှူးရုံး၌ တွေ့ဆုံ၍  အသိပညာပေးဟောပြောပွဲ ပြုလုပ် ဆောင်ရွက်ခဲ့ပါ သည်။

          ထိုသို့ ဟောပြောရာတွင် ညောင်တုန်းမြို့နယ်ဦးစီးမှူး ဦးအောင်လွင်က အွန်လိုင်း စနစ် ဖြင့် ရောင်းချခြင်း လုပ်ငန်း၏ အမည်နှင့် အဓိပ္ပာယ်ဖွင့်ဆိုချက်၊ စားသုံးသူအခွင့်အရေးနှင့် တာဝန်များ၊ စီးပွားရေး လုပ်ငန်းရှင်၏ တာဝန်များ၊ အွန်လိုင်းမှ ဈေးဝယ်ယူခြင်း၏ အားသာချက်၊ အားနည်းချက်၊ အွန်လိုင်းမှ လိမ်လည်မှုပုံစံ (၂) မျိုး၊ အွန်လိုင်းရောင်းချမှု လုပ်ငန်းများနှင့် စပ်လျဉ်း၍ စိစစ်သင့်သည့် အချက်များ အကြောင်း ကိုလည်းကောင်း စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန ၏ အမိန့်ကြော်ငြာ စာအမှတ် ၅၀/၂၀၂၃ အရ အွန်လိုင်းစနစ်ဖြင့် ရောင်းချ ခြင်းလုပ်ငန်းကို အရေးကြီးဝန်ဆောင်မှု လုပ်ငန်း အဖြစ် သတ်မှတ်ထားရှိမှု အခြေအနေ၊ အွန်လိုင်းစနစ် ဖြင့် ရောင်းချခြင်း လုပ်ငန်းမှတ်ပုံတင်ခြင်း ဆိုင် ရာ အမိန့်ကြော်ငြာစာအမှတ် ၅၁/၂၀၂၃ အား လိုက်နာ ဆောင်ရွက်ရန်၊ ကုန်သွယ်ရေးဦးစီးဌာန၏ eComReg System ၏ Report နှင့် ပတ်သက်သည့် အသုံးပြုရန်နည်းလမ်း များ၊ တရားမဝင်တင်သွင်း လာ သည့် ကုန်ပစ္စည်းများအား အွန်လိုင်းစနစ်ဖြင့် ရောင်းချခြင်းလုပ်ငန်းများ ဆောင်ရွက်ခြင်းမပြုရန်၊ အွန်လိုင်းအသုံးပြု၍ ရောင်းချနေသည့် လုပ်ငန်းရှင်အနေဖြင့် ဝန်ဆောင်မှုနှင့်စပ်လျဉ်း၍ အာမခံချက်ပေးရမည့် အချက်များ၊ ဝန်ဆောင်မှုလုပ်ငန်းများနှင့်စပ်လျဉ်း၍ စားသုံးသူက တောင်းဆိုနိုင်သည့်အခွင့်အရေးများ၊ ကုန်စည် သို့မဟုတ် ဝန်ဆောင်မှုအပေါ်တာဝန်ရှိမှု အခြေအနေများ၊အရေးကြီး ကုန်စည်နှင့် ဝန်ဆောင်မှု ဥပဒေပါ ပြစ်မှု ပြစ်ဒဏ်များ အကြောင်း တက် ရောက်လာသော စားသုံးသူများအား 1535 Consumer Call Center လိုင်းခွဲ (1) သို့ လက်တွေ့ခေါ်ဆို၍ တိုင်ကြားရမည့်နည်းလမ်းအား အသိပညာပေးဆွေးနွေးခဲ့ပါသည်။ 

DOCA (ဧရာဝတီ)

     ၂၃-၁ ၂၀၂၆နေ့ နံနက် (၁၀)နာရီအချိန် က မအူပင်ခရိုင် မအူပင်မြို့နယ်အတွင်းရှိ ငါးမွေးမြူရေးကန်များအား ခရိုင်အုပ်ချုပ်ရေးမူးနှင့် အဖွဲ့၊ ခရိုင်စိုက်တိုးမြင့်အဖွဲ့နှင့် သက်ဆိုင်ရာဌာနဆိုင်ရာများလိုက်ပါ၍ ကွင်းဆင်းစစ်ဆေးဆောင် ရွက်ခဲ့ကြောင်း သိရသည်။

     ကွင်းဆင်းစစ်ဆေးဆောင်ရွက်ရာတွင် မအူပင်မြို့နယ်အတွင်း ငါးမွေးမြူရေးလုပ်ငန်း ငါးကန်းပိုင်ရှင်များနှင့်တွေ့ဆုံ၍ ငါးကန်လုပ်ငန်း အခက်အခဲများကို  မေးမြန်းဆောင်ရွက်ခဲ့ကြပြီး  ပြည်တွင်းစားသုံးရန်ရောင်းချခြင်းနှင့် ပြည်ပတင်ပို့ရောင်းချ လျှက်ရှိပါသည်။ ငါးကန်များမှ ငါးကန်ဖော်ချိန်တွင် ရန်ကုန်ဈေးကွက်သို့ ကုန်ချိန်ပျမ်းမျှပိဿာ နှစ်စဉ် ခုနှစ်သောင်းခွဲခန့် ပေးပို့ လျှက်ရှိကြောင်း လေ့လာသိရှိရပြီး မအူပင်ခရိုင်အနေဖြင့် ရေထွက်ပစ္စည်းများပေါများသဖြင့် ပြည်ပဝင်ငွေများစွာရရှိသည့် လုပ်ငန်းများ လုပ်ကိုင်နိုင်ပြီး စီးပွားဖြစ်ထွန်းရေးအတွက် ခရိုင်စိုက်တိုးမြှင့်အဖွဲက လုပ်ငန်းရှင်များဖြင့် ဆွေးနွေးခဲ့ကြောင်း သတင်း ရရှိပါသည်။

          မအူပင်ခရိုင်တွင် ငါးမွေးမြူရေးကန်းများ ရှိပြီး ငါးပုဇွန်မွေးမြူသူဦးရေမှာ ငါး ကန်ပိုင်ရှင်ဦးရေ (၂၄၁၅)ရှိပြီး  ငါးမွေးမြူရေးလုပ်ငန်းကို နှစ်စဉ် တိုးတက်မွေးမြူ လျှက်ရှိကြောင်း သိရှိရပါသည်။ မအူပင်ခရိုင်အတွင်းရှိ ငါးလုပ်ငန်းစခန်း (၄)ခုသို့ သွားရောက်၍ စခန်းတာဝန်ခံများနှင့် တွေ့ဆုံကာ ငါးမွေးမြူရေလုပ်ငန်း ဖွဲ့ဖြိုးတိုးတက်စေရေးနှင့် ငါးထွက်ရှိ တင်ပို့မှု ကိစ္စရပ်များကို ဆွေးနွေးခဲ့ကြောင်း သိရသည်။

DOCA(ဧရာဝတီ)

     စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးနှင့်ဝန်ထမ်းများသည် ခရိုင် FDA ဦး ဆောင်သောအဖွဲ့နှင့်အတူ (၂၀.၁.၂၀၂၆)ရက်နေ့၊ နံနက်(၀၈:၀၀)အချိန်တွင် မြန်အောင်မြို့နယ်၊ အင်ပင်မြို့မဈေးအတွင်းရှိ ဆိုင်များတွင် ရောင်းချသော အစားအသောက်များတွင် ဓါတုဆိုးဆေး/ ဖော်မလင် ပါဝင်မူ ရှိ/မရှိ၊ Dateလွန် အစားအသောက်များရောင်းချမူရှိ/မရှိ ရှောင်တခင်  ကွင်းဆင်း စစ်ဆေးခြင်းကို ဆောင်ရွက်ခဲ့ပါသည်။

          ထိုသို့ကွင်းဆင်းရာတွင် ပူးပေါင်းအဖွဲ့သည် အင်ပင်မြို့မဈေးအတွင်းရှိ ဆိုင်များတွင် ရောင်းချ သော အစားအသောက်များ၊ ငရုတ်သီးမှုန့်၊ ပဲပြား၊ မုန့်ဖတ်များနှင့် ပြန်လည်ပြုပြင်ထုတ်ပိုးထားသော ကုန်စည်များတွင်  ဓါတုဆိုးဆေးသုံးစွဲထားမှု ရှိ/မရှိ၊  Date လွန်ကုန်စည်များ ရောင်းချမှု ရှိ/မရှိ စစ် ဆေးခဲ့ပြီး၊ အစားအသောက်နှင့်ဆေးဝါးကွပ်ကဲရေးဦးစီးဌာန၏ ဓါတ်ခွဲစစ်ဆေးတွေ့ရှိချက်အရ အင်ပင်မြို့မဈေးအတွင်း တချို့သော ကုန်စုံဆိုင်များတွင် အများပြည်သူများ စာသုံးရန် မသင့်သော ဒေါ်သိန်းခင် ငံပြာရည်ပုလင်းများတွေ့ရှိခဲ့ပြီး မြို့နယ်အစားအသောက်နှင့် ဆေးဝါး ကြီးကြပ်ကွပ်ကဲ ရေးကော်မတီမှ ပြန်လည်သိမ်းဆည်းဖျက်ဆီးဆောင်ရွက်မှုတွင် ပါဝင်ပူးပေါင်း ဆောင်ရွက်ခဲ့ပြီး၊ အသင့်စားသောက်ကုန်စည်များတွင်လည်း မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန် ကြော်ငြာထားသော ညွှန်ကြားချက်အမှတ်(၂/၂၀၁၉)နှင့်အညီ မြန်မာဘာသာဖြင့် ပြည်စုံစွာဖော်ပြ ထားသော ကုန်စည်များကိုသာ ရောင်းချရန် အသိပညာပေး မှာကြားခဲ့ကြောင်း သတင်းရရှိပါသည်။

 (DOCA ဧရာဝတီ)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် ၊မြောင်းမြမြို့နယ်ဦးစီးမှူး ဦးလှထွဠ်ဦး နှင့်ဝန်ထမ်းများသည် အထွေထွေစီမံအုပ်ချုပ်ရေးဦးစီးဌာန ၊မြို့နယ်မီးသတ်ဦးစီးဌာနနှင့် ပူးပေါင်း၍ (၂၂.၁.၂၀၂၆) ရက်   နေ့လယ် (၁၃:၃၀)နာရီအချိန်တွင် မြို့ပေါ်ရှိ စက်သုံးဆီရောင်းချနေသောဆိုင်များတွင်  သတ်မှတ်ရည်ညွှန်း ဈေးနှုန်းဖြင့်    ရောင်းချပေးနေခြင်း  ရှိ/ မရှိ ကွင်းဆင်းစစ်ဆေးခဲ့ပါသည်။

    ထိုသို့ကွင်းဆင်းစစ်ဆေးဆောင်ရွက်ရာတွင်  မြောင်းမြမြို့နယ်ဦးစီးမှူးမှ မြို့ပေါ်ရှိ စက်သုံးဆီရောင်းချ နေသော ဆိုင်များအား  စက်သုံးဆီများကို လက်လီ/လက္ကား ရောင်းချနေမှုအပေါ် သတ်မှတ်ရည်ညွှန်းဈေးဖြင့် ရောင်းချရန်၊ ဈေးနှုန်းမြှင့်တင်ရောင်းချမှုမရှိစေရန်၊ အလေးချိန်ပြည့်ဝမှန်ကန်စွာရောင်းချကြရန်၊ စည်းမျဉ်းစည်းကမ်း များနှင့်အညီ စနစ်တကျဖြန့်ဖြူးရောင်းချကြရန် ရှင်းလင်းပြောကြားခဲ့ပြီး စက်သုံးဆီရောင်းချနေသောဆိုင်ပိုင်အား စက်သုံးဆီ ရောင်းချမှုအခြေအနေနှင့် လက်ရှိဖြစ်ပေါ်နေသော စက်သုံးဆီဈေးနှုန်းကြီးမြင့်နေမှုကို မိမိတို့ဆိုင်များ အနေဖြင့် ပြည်သူများအားဈေးနှုန်းမြှင့်တင်ရောင်းချခြင်းမပြုရန်၊သတ်မှတ်ဈေးနှုန်းဖြင့်သာ ရောင်းချရန်၊ ဈေးနှုန်း မြှင့်တင် ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်းများတွေ့ရှိပါက အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း စက်သုံးဆီဆိုင်ပိုင်ရှင်အား ရှင်းလင်းဆွေးနွေး ပြောကြားခဲ့ကြောင်း သိရှိရပါသည်။

(DOCA ဧရာဝတီ)

    ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် သည် ဆန်/စပါး ကို အဓိကထား စိုက်ပျိုးထုတ်လုပ်ပြီး အခြားတိုင်းဒေသကြီးများသို့ တင်ပို့ရောင်းချခြင်း လုပ်ငန်းများ ဆောင်ရွက်လျက်ရှိရာ ၂၀၂၆ ခုနှစ်၊ ဇန်နဝါရီ လ(၂၁) ရက်နေ့၊ ညနေ (၁၆:၃၀) နာရီအချိန်တွင် ကျိုက်လတ်မြို့နယ်မှ မြိတ်မြို့သို့ တင်ပို့မည့် ဆန်တင်ရေယာဉ်အားကွင်းဆင်းစိစစ်ခဲ့ကြပါသည်။

          အဆိုပါ ကွင်းဆင်းစိစစ်ခြင်းကို ခရိုင်/မြို့နယ် စီမံခန့်ခွဲရေးနှင့် အုပ်ချုပ်ရေး ကော်မတီ မှ ဦးဆောင်၍ ခရိုင်/မြို့နယ် စားသုံးသူရေးရာဦးစီးဌာန၊ မီးသတ်ဦးစီးဌာန၊ လ.ဝ.က ဦးစီးဌာန၊ အခွန်ဦးစီးဌာန၊ ရေကြောင်းပို့ဆောင်ရေး ဦးစီးဌာန၊ ဆန်စက်ပိုင်ရှင်အသင်းတို့ပါဝင်သော ပူးပေါင်းအဖွဲ့ဖြင့် MV-အောင်တက်တိုး ရေယာဉ်နှင့် MV-မြမြမွန် ရေယာဉ်ပေါ်တွင် ပေါ်ဆန်း၊ဧည့်မထ ဆန်အိတ်များ တင်ဆောင်ထားရှိမှု အခြေအနေ၊ သယ်ဆောင်ရာတွင် ဥပဒေနှင့် မလွတ်ကင်းသည့် ကုန်ပစ္စည်းများ တင်ဆောင်မှုမရှိစေရေး၊တရားဥပဒေနှင့် ညီညွတ်မှုမရှိသည့် ကိစ္စရပ်များ ဖြစ်ပွားမှုမရှိစေရေးတို့ကို ကွင်းဆင်းစိစစ်ခဲ့ကြောင်း သတင်းရရှိပါသည်။

(Doca ဧရာဝတီ)