သတင်းနှင့် လှုပ်ရှားမှုများ

      (၂၂.၁၀.၂၀၂၅)ရက်နေ့ နေ့လည်(၁:၀၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိများသည် အမှတ်(၂၄၆)၊ မက္ခရာမင်းသားကြီး မောင်ပျိုလမ်း၊ စက်မှုဇုန်(၂)၊ လှိုင်သာယာမြို့နယ်ရှိ Ocean Supermarket တွင် ရောင်းချလျက်ရှိ သော လူသုံးကုန်နှင့်စားသောက်ကုန်ပစ္စည်းများအား ဈေးကွက်စောင့်ကြည့်စစ်ဆေးခြင်း လုပ်ငန်းများ ဆောင်ရွက်ခဲ့ပါသည်။

      ကွင်းဆင်းစစ်ဆေးရာတွင် Ocean Supermarket တွင် ရောင်းချနေသော လူသုံးကုန်နှင့်စား သောက်ကုန်ပစ္စည်းများနှင့်ပတ်သက်၍ ဈေးနှုန်းမြှင့်တက်မှုရှိ/မရှိ၊ ကုန်ပစ္စည်းကန့်သတ်ရောင်းချခြင်း ရှိ/မရှိ၊ ပစ္စည်းပြတ်လပ်မှုရှိ/မရှိနှင့် သက်ဆိုင်ရာဌာနများ၏ ထောက်ခံချက်များ ပြည့်စုံစွာဖော်ပြထား ခြင်းရှိ/မရှိ စစ်ဆေးခဲ့ပြီး ယခင်အပတ်ဈေးနှုန်းနှင့်ယခုအပတ်တွင် ရောင်းချနေသော ဈေးနှုန်းများ ကောက်ယူခဲ့ပြီး ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

  DOCA (ရန်ကုန်)

       ၂၂.၁၀.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးနှင့် ဝန်ထမ်းများသည် မြန်မာ့စီးပွားရေးဘဏ် (၁)နှင့် ဘဏ်(၂)၌ ပင်စင်လစာ လာရောက်ထုတ်ယူ ကြသော အငြိမ်းစားနိုင်ငံ့ဝန်ထမ်းများအား သက်သာသောဈေးနှုန်းဖြင့် စားအုန်းဆီနှင့် ကြက်သွန်နီများ ရောင်းချရာတွင် ကြီးကြပ်ဆောင်ရွက်ခဲ့သည်။

          ထိုသို့ ဆောင်ရွက်ရာတွင် စားအုန်းဆီ တစ်ပိဿာ (ဗူးခွံပါ) (၈၀၁၁) ကျပ်၊ ကြက်သွန်နီ တစ်ပိဿာလျှင် (၁၅၀၀) ကျပ်နှုန်းဖြင့် လူတစ်ဦးလျှင် စားအုန်းဆီ တစ်ပိဿာ၊ ကြက်သွန်နီ တစ်ပိဿာစီဖြင့် စားအုန်းဆီ (၈၈၀) ပိဿာ၊ ကြက်သွန်နီ (၁၀၀၀) ပိဿာ ရောင်းချပေးခဲ့ ကြောင်း သိရှိရပါသည်။

DOCA (မွန်)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်တာဝန်ခံရုံးမှ ဝန်ထမ်းများ သည်(၂၁.၁၀.၂၀၂၅)ရက်နေ့၊ နံနက်(၁၀:၀၀) နာရီအချိန်တွင် သရက်မြို့၊ ပြည်တော်အေးရပ်ကွက် (၅)လမ်းရှိ T Link အင်တာနက် Service Center ရုံးသို့ သွားရောက်၍ အင်တာနက် ဝန်ဆောင်မှု နှင့်စပ်လျဥ်း၍ အသိပညာပေးဆွေးနွေးခြင်းများ ဆောင်ရွက်ခဲ့ကြောင်း သိရသည်။

ထိုသို့ အသိပညာပေးရာတွင် အင်တာနက်လိုင်းများ ပြတ်တောက်မှုရှိပါကသုံးစွဲသူများစိတ် ကျေနပ်မှုရရှိစေရေး ဆောင်ရွက်ပေးရန်၊ ဈေးနှုန်းများပြောင်းလဲပါက သုံးစွဲသူများသို့ ကြိုတင် အသိပေးရန်နှင့် Wifi တပ်ဆင်သုံးစွဲရန် စာချုပ်ချုပ်ဆိုရာတွင် ပွင့်လင်းမြင်သာမှုရှိစေရန် အသိပညာ ပေးဆွေးနွေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(မကွေး)

        စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၃)ဦးတို့ သည် (၂၂.၁၀.၂၀၂၅)ရက်နေ့ နံနက်(၁၀:၀၀)နာရီအချိန်တွင် အမှတ်(၁၃)၊ ၁-ခ (၃၉၉-က) အောက်မင်္ဂလာဒုံလမ်းမကြီး၊ အင်းစိန်မြို့နယ်ရှိ City Mart Super Market တွင် ရောင်းချလျက်ရှိသော လူသုံးကုန်၊ စားသောက်ကုန်ဈေးနှုန်းများ၏ အခြေအနေအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

         ထိုသို့စစ်ဆေးခဲ့ရာတွင် City Mart Super Market တာဝန်ခံ ဒေါ်မေပြည့်စုံအောင်မှ ပူးပေါင်း ပါဝင်လျက် ဒေါ်နီလာဝင်း၊ ဦးစီးမှူးက ကုန်စည်အမျိုးအစားအလိုက် သတ်မှတ်ထားသည့်ဥပဒေ ညွှန်ကြားချက်များအား လိုက်နာဆောင်ရွက် အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ဈေးကွက်အတွင်းရောင်းချနေသော ကုန်စည်များတွင် ကုန်အညွှန်းအမှတ်အသား ဖော်ပြ ချက်ပြည့်စုံမှုရှိ/မရှိအား ဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင် ရွက်သွားမည်ဖြစ်ကြောင်း၊ ထိုင်းနိုင်ငံမှ တင်သွင်းသည့်လူသုံးကုန်၊ စားသောက်ကုန်ပစ္စည်းများနှင့် ပတ်သက်၍ ဈေးနှုန်းမြှင့်တင်မှုရှိ/မရှိနှင့် ပစ္စည်းများပြတ်လပ်မှုရှိ/မရှိ စစ်ဆေးခဲ့ပြီး ယခင်အပတ် ဈေးနှုန်းနှင့် ယခုအပတ်တွင် ရောင်းချနေသော ဈေးနှုန်းများကောက်ခံ၍ ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

DOCA (ရန်ကုန်)

   မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တွင် အခြေခံပညာဦးစီးဌာနနှင့် ဌာနဆိုင်ရာများပူးပေါင်း၍ လူငယ်ရေးရာအသိပညာပေးဟောပြောပွဲကို (၂၂.၁၀.၂၀၂၅)ရက်နေ့၊ နံနက် (၁၀:၀၀) အချိန်တွင် အမှတ်(၁)၊ အခြေခံပညာအထက်တန်းကျောင်းမြရိပ်ညိုခန်းမ၌ ကျင်းပခဲ့ကြောင်း သိရသည်။

          ဦးစွာ လူငယ်အသိပညာပေးဟောပြောပွဲတွင် မြို့နယ်ပညာရေးမှူး ဦးသန်းမြိုင်က အဖွင့်အမှာ စကားပြောကြားပြီး မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြတ်မြတ်မိုးက “စားသုံးရန် မသင့်သော အစားအစာများနှင့် စားသုံးသူအခွင့်အရေးများ” အကြောင်းကိုလည်းကောင်း၊ မြိုနယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်သိမ့်ဝါက “လူငယ်နှင့်စာရိတ္တမဏ္ဍိုင်” ခေါင်းစဉ်ဖြင့်လည်းကောင်း၊ မြို့နယ်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန လက်ထောက်ညွှန်ကြား ရေးမှူး ဦးစောမြဖောင်းက “သဘာဝဘေးအန္တရာယ်ဆိုင်ရာသိကောင်းစရာများ” အကြောင်းကိုလည်း ကောင်း၊ မြို့နယ်သစ်တောဦးစီးဌာန၊ မြို့နယ်ဦးစီးမှူး ဦးလှိုင်ဝင်းအောင်က “မီးခိုးမြူငွေ့ကင်းစင်ရေး” အကြောင်းကိုလည်းကောင်း၊ မြို့နယ်အားကစားနှင့်ကာယပညာဦးစီးဌာန၊ မြို့နယ်အားကစားမှူး ဦးဇော်လင်းအောင်က လူငယ်နှင့်အားကစားအကြောင်းကိုလည်းကောင်း အသီးသီးဟောပြောခဲ့ကြ သည်။

          ဆက်လက်၍ မြို့နယ်အားကစားမှူး ဦး‌ဇော်လင်းအောင်က ကျောင်းအတွက် အားကစားပစ္စည်း များပေးအပ်ခဲ့ရာ ကျောင်းအုပ်ဆရာကြီး ဦးခင်မောင်လွင်က လက်ခံရယူခဲ့ပြီး ကျောင်းအုပ် ဆရာကြီး ဦးခင်မောင်လွင်က ကျေးဇူးတင်စကားပြန်လည်ပြောကြားခဲ့ပါသည်။ ထို့နောက်ဟောပြောပွဲအပြီးတွင် ဌာနဆိုင်ရာများက မိမိတို့ သက်ဆိုင်ရာဌာနအလိုက် ကျောင်းသား/ ကျောင်းသူများအား အသိပညာပေး လက်ကမ်းစာစောင်များ ဖြန့်ဝေပေးခဲ့သည်။ အဆိုပါ အသိပညာပေး ဟောပြောပွဲတွင် ကျောင်းအုပ် ဆရာကြီးနှင့် ဆရာ/ဆရာမ၊ ကျောင်းသား/ ကျောင်းသူ၊ စုစပေါင်း (၂၅၀)ဦး တက်ရောက်ခဲ့ကြောင်း သိရသည်။

DOCA(မကွေး)