စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်းဒေသကြီး ဦးစီးမှူးရုံးနှင့် စစ်ကိုင်းတိုင်းဒေသကြီးဦးစီးမှူးရုံးတို့မှ ပူးပေါင်းကျင်းပသည့် "Thursday Talk " အခမ်းအနားကို ၂၁-၅-၂၀၂၆ ရက်နေ့ နံနက် ၁၀:၃၀ အချိန်တွင် ကျင်းပပြုလုပ်ခဲ့ပါသည်။ အဆိုပါ အခမ်းအနားတွင် မန္တလေးတိုင်းဒေသကြီးဦးစီးမှူး ဦးဇေယျာဆွေ၊ ညွှန်ကြားရေးမှူးက အဖွင့်အမှာ စကားပြောကြားရာတွင် "Thursday Talk " ကျင်းပပြုလုပ်ရခြင်း၏ ရည်ရွယ်ချက်မှ ဝန်ထမ်းများ စွမ်းဆောင်ရည်မြင့်မားစေရန်နှင့်တိုင်းဒေသကြီးနှစ်ခု၏ပြည်တွင်းကုန်သွယ်မှုကဏ္ဍများ အပြန်အလှန် ဆွေးနွေးခြင်းဖြင့် ဝန်ထမ်းများ ဗဟုသုတတိုးပွားစေရန် ရည်ရွယ်ကျင်းပရခြင်းဖြစ်ပါသည်။ မန္တလေး တိုင်းဒေသကြီးဦးစီးမှူးရုံးမှ အရာထမ်း၊ အမှုထမ်းများ တက်ရောက်ခဲ့ကြပြီး ကျောက်ဆည်ခရိုင်၊ မိတ္ထီလာခရိုင်၊ မြင်းခြံခရိုင်၊ ပြင်ဦးလွင်ခရိုင်နှင့် ညောင်ဦးခရိုင်ရုံးများမှ အရာထမ်း၊ အမှုထမ်းများ၊ စစ်ကိုင်းတိုင်းဒေသကြီးဦးစီးမှူးရုံးမှ အရာထမ်း၊ အမှုထမ်းများက Zoom Meeting ဖြင့် တက်ရောက် ခဲ့ကြပါသည်။

           အဆိုပါအခမ်းအနားတွင်စစ်ကိုင်းတိုင်းဒေသကြီး၊ကလေးခရိုင်ဦးစီးမှူးရုံးမှ ဒေါ်သန်းသန်းဝင်း၊ ဦးစီးအရာရှိက "ချင်းရိုးရာအသစ်အဆန်း ဘိုးဘွားအမွေလက်ယက္ကန်း" ခေါင်းစဉ်ဖြင့် လည်းကောင်း၊ မန္တလေးတိုင်း ဒေသကြီးဦးစီးမှူးရုံး၊ ထုတ်ကုန်လုံခြုံစိတ်ချရမှုဌာနခွဲမှ ဦးမျိုးထွန်း၊ ဦးစီးအရာရှိက "စားသုံးသူကာကွယ်ရေးဥပဒေပါ စစ်ဆေးရေးအရာရှိ၏ တာဝန်၊ နည်းဥပဒေများပါ အခန်းကဏ္ဍနှင့် အသုံးပြုရမည့်ပုံစံများ" ခေါင်းစဉ်ဖြင့်လည်းကောင်း ဟောပြောဆွေးနွေးခဲ့ကြရာ ဟောပြောဆွေးနွေး ချက်များအပေါ် မန္တလေးတိုင်းဒေသကြီးဦးစီးမှူး၊ စစ်ကိုင်းတိုင်းဒေသကြီးမှ ဦးထက်ဝင်းအောင်၊ ဒုတိယညွှန်ကြားရေးမှူး၊ မြင်းခြံခရိုင်မှ ဦးသန်းစိုး၊ လက်ထောက်ညွှန်ကြားရေးမှူး၊ ကျောက်ဆည် ခရိုင်မှ ဦးဇော်မင်းလတ်၊ ဦးစီးအရာရှိနှင့် မိတ္ထီလာခရိုင်မှ ဒေါ်မြို့ရီ၊ ဦးစီးအရာရှိ၊ တို့မှအပြန်အလှန် ဆွေးနွေးပေးခဲ့ကြပြီး မန္တလေးတိုင်းဒေသကြီးဦးစီးမှူးမှနိဂုံးချုပ်အမှာစကား ပြောကြားခဲ့ပါသည်။

DOCA(မန္တလေး)

          ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်ကိုနှင့် ဝန်ထမ်းတို့သည် ၂၀၂၆ ခုနှစ်၊ မေလ (၁၅) ရက်နေ့၊ နေ့လယ် (၁၅:၀၀) နာရီအချိန်တွင် ကျောင်းကုန်းမြို့နယ် အမှတ်(၁)ရပ်ကွက်ရှိ အောင်သုခဆန်စက်အား ကွင်းဆင်းဆွေးနွေးခဲ့ကြောင်း သိရပါသည်။

          သို့ဖြစ်ပါ၍ အောင်သုခဆန်စက် လုပ်ငန်းရှင် ဦးခင်ဝင်းနှင့် ဆွေးနွေးသည်မှာ ယခုနှစ်ဆန်ဈေးပုံမှန်သာရှိပြီး အရောင်းအဝယ်အေးကြောင်း သိရသည်။ ရန်ကုန်ဈေးကွက်သို့ မည်သို့တင်ပို့ရောင်းချကြောင်းနှင့် ဆန်အရောင်းအဝယ်ပြုလုပ်ရာတွင် ဆန်အမျိုးအစားအလိုက် ရောင်းချသည့် ဈေးနှုန်း၊ ဆန်ဈေးကွက် ပုံမှန်ဖြစ်သောကြောင့် သတ်မှတ်ထားသော ဆန်အမျိုးအစား၊ အရည်အသွေးအလိုက် ရောင်းချကြောင်း၊ MyRo သိုလှောင်ရုံ ဆန်/စပါးလက်ကျန်စာရင်းအား ပုံမှန်ပေးသွင်းရန်တို့ကို ဆွေးနွေးခဲ့ကြောင်း သတင်းရရှိပါသည်။

DOCA (ဧရာဝတီ)

           ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနမှ တာဝန်ခံနှင့် ဝန်ထမ်းတို့သည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ၂၀၂၆ ခုနှစ်၊ မေလ (၁၆) ရက်နေ့၊ နံနက် (၁၀:၀၀) နာရီအချိန်တွင် ကျောင်းကုန်းမြို့နယ် အမှတ်(၂)ရပ်ကွက်အတွင်းရှိ ကုန်စုံဆိုင်များသို့ ကွင်းဆင်းဆွေးနွေးခဲ့ကြောင်း သိရသည်။

          အဆိုပါ ကွင်းဆင်းရာတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်ကိုသည် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်နှင့် တားမြစ်ချက်များအကြောင်း၊ စံချိန်စံညွှန်း အရည်အသွေးမှီ ကုန်ပစ္စည်းများ ထုတ်လုပ်နိူင်ရန်နှင့် အသေးစားကုန်ထုတ်လုပ်ငန်းများ ဖွံ့ဖြိုးတိုးတက်ရေးနှင့် အခန်း(၁၈) ပါ ကုန်အညွှန်းအမှတ်အသားနှင့် ပက်သက်၍ မြန်မာဘာသာဖြင့် ရေးသားဖော်ပြထားသော ကုန်စည်များကိုသာ ရွေးချယ်ဝယ်ယူစားသုံးရန်နှင့် ကုန်စည်နှင့် ဝန်ဆောင်မှုများကြောင့် စားသုံးသူများ နစ်နာဆုံးရှုံးမှုဖြစ်ပေါ်လာပါက အရေးဆိုတိုင်ကြားနိုင်သည့် စင်တာများ တိုင်း/ခရိုင်/ရုံးချုပ်တို့တွင် ဖွင့်လှစ်ထားရှိကြောင်းနှင့် Call Centre 1535 သို့ ဆက်သွယ် တိုင်ကြားနိုင်ကြောင်း အသိပညာပေး ကွင်းဆင်းခဲ့သည်ကို သတင်းရရှိပါသည်။

DOCA (ဧရာဝတီ)

          ၂၀၂၆  ခုနှစ် ၊ မေလ ၂၂ ရက်နေ့၊ နံနက် (၁၀း၀၀) နာရီအချိန်တွင် တနင်္သာရီတိုင်းဒေသကြီး၊ စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် ခရိုင်ကုန် စျေးနှုန်းတည်ငြိမ်‌‌‌ရေးအဖွဲ့ဝင်ဌာနဆိုင်ရာများဖြစ်ကြသော အထူးစုံစမ်းစစ်ဆေးရေးဦးစီးဌာန၊ ပြည်သူ့ ကျန်းမာရေးဦးစီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ စီမံကိန်းဦးစီးဌာန၊ ဗဟိုစာရင်း အင်းအဖွဲ့၊ စည်ပင်သာယာရေးအဖွဲ့တို့နှင့်ပူးပေါင်း၍ မြိတ်မြို့၊ ရှမ်းချောင်းလမ်းမကြီးပေါ်ရှိ အိမ် ဆောက်ပစ္စည်းအရောင်းဆိုင်များသို့သွားရောက်၍ ဘိလပ်မြေစျေးနှုန်းများနှင့် လက်ကျန်အခြေအနေ များအား ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

     ထိုသို့ပူးပေါင်းအဖွဲ့ဖြင့်စစ်ဆေးရာတွင် ဘိလပ်မြေစျေးနှုန်းများ‌နှင့် ဘိလပ်မြေရရှိမှုအခြေ အနေများ၊ လက်ကျန်အခြေအနေများ စုံစမ်းစစ်ဆေးခြင်းနှင့် ဘိလပ်မြေများအား ဝိသမလောဘဖြင့် ‌‌စျေးကစားရန်ရည်ရွယ်၍ သိုလှောင်ထားရှိမှုများ ရှိ/မရှိ  စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

     စားသုံးသူရေးရာဦးစီးဌာနသည် ဒေသတွင်း စားသုံးဆီများဖူလုံစေရေး ဆောင်ရွက်လျက်ရှိပြီး နိုင်ငံတော်မှ စားအုန်းဆီသတ်မှတ်ရည်ညွှန်းဈေးနှုန်းများချမှတ်ပေးလျက်ရှိရာ ၂၀၂၆ ခုနှစ်၊ မေလ၊ ၂၂ ရက်နေ့၊ နံနက် ၉း၃၀ နာရီအချိန်တွင် စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် အထူးစုံစမ်းစစ်ဆေးရေးဦးစီးဌာန၊ ဗဟိုစာရင်းအင်းအဖွဲ့၊ စည်ပင်သာယာရေးအဖွဲ့၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် စီမံကိန်းရေးဆွဲရေးဦးစီးဌာနတို့သည် ရှမ်းချောင်း လမ်းမကြီး၊ မြိတ်မြို့ရှိစားအုန်းဆီအရောင်းဆိုင်များသို့သွားရောက်၍ စားအုန်းဆီများသတ်မှတ်ရည်ညွှန်း ဈေးနှုန်းများအတိုင်း ရောင်းချနေခြင်းရှိ/မရှိ ကွင်းဆင်းစစ်ဆေးခြင်း များဆောင်ရွက်ခဲ့ကြောင်း သိရှိရပါ သည်။

      ကွင်းဆင်းစစ်ဆေးရာတွင် မြိတ်မြို့အတွင်း စားအုန်းဆီရောင်းချနေသော အရောင်းဆိုင်များ၌ သတ်မှတ်ရည်ညွှန်းဈေးနှုန်းဖြင့် ဗီနှိုင်းများကပ်၍ ရောင်းချနေကြောင်းသိရှိရပြီး လက်ကား ကိုယ်စား လှယ်များမှ ရရှိကြောင်း၊ မြိတ်မြို့တွင်သယ်ယူပို့ဆောင်စရိတ်နှင့် ၂ ရာခိုင်နှုန်းပေါင်း၍ ရောင်းချကြောင်း သိရှိရပြီး ဒေသတွင်းဖြစ်သင့်ဖြစ်ထိုက်သော ဈေးနှုန်းများဖြင့်ရောင်းချရန်နှင့် ဈေးကစားရန် ရည်ရွယ် ချက်ဖြင့် သိုလှောင်ထားခြင်းမျိုးမဖြစ်ပေါ်စေရေး ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(တနင်္သာရီ)