သတင်းနှင့် လှုပ်ရှားမှုများ

        ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၆ ခုနှစ်၊ ဖေဖော်ဝါရီလ(၂၄) ရက်နေ့၊ နေ့လယ် (၁၄:၀၀) နာရီအချိန်တွင် ဒေးဒရဲမြို့မဈေးအတွင်းရောင်းချနေသော ကုန်မျိုးစုံဆိုင်များရှိ ဟင်းခတ်အမွှေးအကြိုင်ပစ္စည်းများတွင် ကုန်အညွှန်းအမှတ်အသား ပြည့်စုံမှုရှိ/ မရှိ ကွင်းဆင်းစစ်ဆေးခဲ့ကြပါသည်။

          အဆိုပါ စစ်ဆေးရာတွင် မြို့မဈေးရှိ ကုန်စုံဆိုင်ကြီးများတွင် ရောင်းချနေသော မြန်မာရနံ့ငြုပ်ကောင်းမှုန့်၊ အများကြိုက် မဆလာ၊ AJT-NO-MOTO Shark ငါးသေတ္တာတို့တွင်  FDA ထောက်ခံချက်များ ပြည့်စုံစွာ ပါဝင်မှုရှိ/ မရှိနှင့် ပါဝင်ပစ္စည်းပြည့်စုံစွာ ဖော်ပြထားခြင်းရှိ/ မရှိ၊ သက်တမ်းကုန်ဆုံးရက်နှင့် ထုတ်လုပ်သည့်ရက်စွဲများ ဖော်ပြထားရှိမှုအခြေအနေ၊ ကုန်အညွှန်းအမှတ် အသားဖော်ပြထားရှိမှုအခြေအနေ၊ အလေးချိန် အချိန်အတွယ်နှင့် ဓာတ်မတည့်ကြောင်း ဖော်ပြချက်များ ပါဝင်မှုရှိ/ မရှိတို့ကို ကွင်းဆင်းစစ်ဆေးခဲ့ရာ ပြည့်စုံမှုရှိကြောင်းတွေ့ရှိရပြီး ကုန်အညွှန်းအမှတ်အသား မပြည့်စုံသော ကုန်စည်များ ရောင်းချခြင်းမပြုရန် သတိပေးအကြံပြုခဲ့ကြောင်း သတင်းရရှိပါသည်။

DOCA(ဧရာဝတီ)

           ကျုံပျော်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံသည် ၂၀.၂.၂၀၂၆ ရက်နေ့ နံနက် (၁၀:၃၀) နာရီအချိန်တွင် စားသုံးသူရေးရာဦးစီးဌာန၊ မြို့နယ်တာဝန်ခံရုံးတွင် မြို့နယ်ဆန်စက်လုပ်ငန်းရှင်များအသင်းဥက္ကဌ၊ အတွင်းရေးမှူး၊ ဆန်စက်လုပ်ငန်းရှင်များနှင့်တွေ့ဆုံပြီး ကျုံပျော်မြို့နယ်အနေဖြင့် မြေပြင်အမှန်သိုလှောင်ကြိတ်ခွဲလျှက်ရှိသော ဆန်စက်လုပ်ငန်းရှင်များအားလုံး MyRO မှတ်ပုံတင်ထားရှိပြီး ဖြစ်ပါ ကြောင်းနှင့် အားလုံးမှလည်း သက်တမ်းတိုး ဆောင်ရွက်ထားရှိပြီးဖြစ်ပါကြောင်း ကနဦးဆွေးနွေးပါသည်။

            ဆက်လက်၍ မြို့နယ်တာဝန်ခံမှ လုပ်ငန်းရှင်များ လစဉ် MyRO ၏ သိုလှောင်ရုံလုပ်ငန်းစဉ်သို့ ဝင်ရောက်၍ ကုန်ရ၊ ကုန်ထုတ်၊ ကုန်လက်ကျန် ဖြည့်သွင်းပေးပါရန် လူကြီးမင်းတို့၏ဖုန်းများသို့ MyRO မှ နှိုးဆော်သကဲ့သို့ ကျုံပျော်မြို့နယ်၊ စားသုံးသူရေးရာ ဦးစီးဌာနမှ ကျုံပျော်၊ MyRO viber group ဖွဲ့ထားပြီး လစဉ် လဆန်း(၁)ရက်နေ့တိုင်းလည်း ကန့်သတ်ရက်အတွင်း ဖြေကြားပေးနိုင်ပါရန် viber group  မှ နှိုးဆော်ပေးပါကြောင်း၊ လစဉ် ဖြေကြားမှုများကို group တွင်တင်ပြမှုအရသိရှိရပြီး  အချို့မှာ ရုံးတွင်လစဉ်လာရောက် ဖြည့်သွင်းကြပါကြောင်း၊ သို့ဖြစ်ပါ၍ အခက်အခဲရှိပါက ဌာနနှင့် ဆက်သွယ်ဆောင်ရွက်စေလိုပါကြောင်းနှင့် မြေပြင်နှင့် ကိုက်ညီသော လက်ကျန်စာရင်းများကို ဖြည့်သွင်းရန် ဖြစ်ပါကြောင်း ဆွေးနွေးခဲ့ပါသည်။

          ၎င်းအပြင် ကျုံပျော်မှ ရန်ကုန်တိုင်းဒေသကြီးသို့ ဆန်တင်ပို့မှုအတွက် ဆန်စက်လုပ်ငန်းရှင်များ အသင်းဥက္ကဌမှ လက်မှတ်ရေးထိုး၍ ကုန်ပို့လွှာဖြင့် တင်ပို့လျက်ရှိသည်ကို သိရှိရပါကြောင်း၊ လုပ်ငန်းရှင်များမှ တိုင်းကျော် ဆန်၊ ဆန်ထွက်ပစ္စည်းတင်ပို့မှုများအတွက် မြို့နယ် ဆန်၊ စပါးဝယ်ယူရေးကြီးကြပ်အဖွဲ့ထံသို့ စာရင်းပေးပို့ရန်ကိစ္စများ ဆွေးနွေးဆောင်ရွက်ခဲ့ပါကြောင်း သတင်းရရှိပါသည်။

DOCA (ဧရာဝတီ)

          ဖျာပုံခရိုင်၊ ဘိုကလေးမြို့နယ်တာဝန်ခံနှင့် ဝန်ထမ်း ပူးပေါင်းအဖွဲ့နှင့်အတူ (၁၈.၂.၂၀၂၆) နေ့၊ (၁၁:၀၀) နာရီအချိန်တွင် ဘိုကလေးမြို့ မြို့မ (၇) ရပ်ကွက်ရှိ မြတ်မွန် (ကုန်မျိုးစုံ ) ဆိုင်သို့ စားအုန်းဆီများတွင် ညွှန်ကြားထားသည့်အတိုင်း အရည်အသွေးပြည့်ဝသည့် သတ်မှတ်ရည်ညွှန်း ဈေးဖြင့်ရောင်းချခြင်းရှိ /မရှိ ဈေးကွက်စောင့်ကြည့် ကွင်းဆင်းစိစစ်ခဲ့ကြပါသည်။

          ထိုသို့ ကွင်းဆင်းစိစစ်ရာတွင်  မိမိ ခွဲတမ်းရရှိလာမှုအပေါ် မှန်မှန်ကန်ကန်ရောင်းချပေးရန် အသင်းမှသတ်မှတ်ထားသော စည်းကမ်းများအား တိတိကျကျလိုက်နာရန်နှင့် ဆီဆိုင်များမှလည်း သတ်မှတ်ထားသောရည်ညွှန်းဈေးအတိုင်း ဗွီနိုင်းများချိတ်ဆွဲ၍ အရည်အသွေးပြည့်ဝပြီး အလေးချိန်ခွင် မှန်ကန်စွာရောင်းချနေမှု ရှိ/ မရှိနှင့် အိမ်ထောင်စုတစ်ဦးချင်း၏ ဆီစာအုပ်များတွင် မှတ်တမ်းမှတ်ရာများတိကျစွာ ရေးသွင်းထားခြင်းရှိ/ မရှိကို ‌ဈေးကွက်စောင့်ကြည့် ကွင်းဆင်းစိစစ်ခဲ့မှုအပေါ် သတင်းရရှိခဲ့ပါသည်။

DOCA(ဧရာဝတီ)

          ဘိုကလေးမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းတို့သည် (၁၈.၂.၂၀၂၆) နေ့ နံနက် (၁၀:၀၀) နာရီအချိန်တွင် မြို့မ(၄) ရပ်ကွက်ရှိ ကုန်မျိုးစုံဆိုင်၂ ဆိုင်မှ လူသုံးကုန်ပစ္စည်းများအား ဈေးကွက်စောင့်ကြည့် ကွင်းဆင်းစိစစ်ခဲ့ပါသည်။

          ထိုသို့ကွင်းဆင်းစိစစ်ရာတွင် (၄) ရပ်ကွက်ရှိ ဒေါ်အေးအေးခိုင်ကုန်မျိုးစုံဆိုင်မှ လူသုံးကုန်ပစ္စည်းများဖြစ်သော Fuji (ဆပ်ပြာခရင်ခ်) ၊ Oki (ဆပ်ပြာခရင်ခ်)၊ Family (ဆပ်ပြာ) ၊ ရွှေပြည်နန်း (သဘာဝသနပ်ခါး)များတွင် ကုန်အညွှန်းအမှတ်အသား ပြည့်စုံစွာပါရှိကြောင်း တွေ့ရှိရပြီး လူသုံးကုန်ပစ္စည်းများတွင် သက်တမ်းကုန်ဆုံးနေသော ပစ္စည်းများမရောင်းချစေရေး သက်ဆိုင်ရာဌာနများ၏ ထောက်ခံချက်များပါရှိသော ပစ္စည်းများရောင်းချစေရေးနှင့် လိုအပ်သည်များမှာကြားခဲ့ကြောင်း သတင်းရရှိပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် အမှတ်(၂) ရပ်ကွက်၊ (၂) လမ်းရှိ ဦးခင်မောင်မြင့်  ပိုင်ဆိုင်သော “ထွန်း” စက်မှုလက်မှုလုပ်ငန်းသို့ မီးသတ်ဦးစီးဌာနနှင့် ပူးပေါင်း၍ ကွင်းဆင်းစိစစ်ခဲ့ကြပါသည်။

          ထိုသို့ ကွင်းဆင်းဆောင်ရွက်ရာတွင် MSMEs လုပ်ငန်းအနေဖြင့် အကျွံခံဘိန်းများကို လယ်ယာလုပ်ငန်းအတွက် ထုတ်လုပ်လျက်ရှိပါသည်။ အကျွံခံဘိန်း အသေးဈေးနှုန်းမှာ (၅) သိန်းဝန်းကျင်နှင့် အကြီးဈေးနှုန်းမှာ (၆) သိန်း ဝန်းကျင်ခန့်ရှိကြောင်း သိရသည်။

          စက်မှုလက်မှုလုပ်ငန်းမှ ထုတ်လုပ်လျက်ရှိသော ခြွေလှေ့စက်၊ ရေတင်စက်၊ သာမန်လှေ၊ လယ်ယာသုံးစက်ကိရိယာအမျိုးမျိူးနှင့် အနိမ့်တင်ရေလိုက် အကျွံခံဘိန်းများ ထုတ်လုပ်မှု၊ ဖြန့်ဖြူးမှု ဈေးနှုန်းဈေးကွက် အခြေအနေများအား ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)