ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဟင်္သာတခရိုင်၊ လေးမျက်နှာမြို့နယ် တာဝန်ခံနှင့်အဖွဲ့သည်(၅-၁၀-၂၀၂၆)ရက်နေ့ နံနက်(၁၀:၀၀)နာရီ အချိန်တွင် လေးမျက်နှာမြို့နယ် ၊
ခတ္တူအုပ်စု၊ အလယ်ရွာကျေးရွာရှိ အိမ်ထောင်စုများအား ဆီဝယ်ယူခွင့်စာအုပ်များဖြင့် စားသုံးသူ ပြည်သူများထံသို့ ဆီရောင်းချပေးမှုအခြေအနေများ၊ သတ်မှတ်ရည်ညွှန်းဈေးထက်ဈေးနှုန်းမြှင့်တင် ရောင်းချမှု မရှိစေရေး၊ ဆီဖြန့်ဖြူးရောင်းချရာတွင်အိမ်ထောင်စုများသို့ ကျယ်ကျယ်ပြန့်ပြန့်လွှမ်းခြုံမှု အားကောင်းစေရေး၊ သတ်မှတ်ကာလအတွင်း သတ်မှတ်ပမာဏကို သတ်မှတ်ဈေးနှုန်းများဖြင့် အရေအတွက်၊ အရည်အသွေး၊ အလေးချိန်ပြည့်ဝစွာဖြင့် ပြည်သူများသို့ ဖြန့်ဖြူးရောင်းချပေးနေမှုတို့ကို ကွင်းဆင်းစစ် ဆေးခြင်းများ ဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးရာတွင် ဆီစာအုပ်ဖြင့်ဝယ်ယူနေသော အိမ်ထောင်စုများအား တစ်လ အတွင်း ဆီရရှိမှုအကြိမ်အရေအတွက်နှင့် လေးမျက်နှာမြို့နယ်၊ ခတ္တူအုပ်စု ၊ အလယ်ရွာကျေးရွာ၊ လက်လီအရောင်း ဦးထွန်းထွန်းကျော်မှ မိမိကျေးရွာရှိ အိမ်ထောင်စု ( ၆၄ )စုအား စားအုန်းဆီ ဝယ်ယူ ခွင့်စာအုပ်ဖြင့် ဆီရောင်းချနေမှုကိုသတ်မှတ်ရည်ညွန်းဈေးဖြင့်ရောင်းချခြင်း၊ ဈေးနှုန်းမြှင့်တင်ရောင်း ချမှုမရှိဘဲ ဆီအရောင်းစာအုပ်များနှင့် စျေးနှုန်းမှန်ကန်စွာ ရောင်းချရေး အရေအတွက် အချင်အတွယ် မှန်ကန်စွာ ရောင်းချပေးရေး စိစစ်ခဲ့ကြောင်း သတင်းရရှိပါသည်။
DOCA ဧရာဝတီ