သတင်းနှင့် လှုပ်ရှားမှုများ

       ၂၀၂၆ ခုနစ်၊ စက်တင်ဘာလ ( ၂၅ )ရက်နေ့၊ နေ့လည် ( ၁၅ : ၀၀ )နာရီအချိန်တွင် ဖျာပုံခရိုင်၊ ဖျာပုံမြို့နယ် ပြန်ကြားရေးနှှင့်ပြည်သူ့ဆက်ဆံရေးဦးစီးဌာနတွင် ဖျာပုံခရိုင်ဦးစီးမှူးရုံး၊ စားသုံးသူရေးရာဦးစီးဌာနမှ အကြီးတန်းစာရေး ဒေါ်ဇင်မေထက်မှ စားသုံးသူကာကွယ်ရေးအသိပညာပေး TALK SHOW ပြုလုပ်ခဲ့ပါသည်။

          အဆိုပါစားသုံးသူကာကွယ်‌ရေးအသိပညာပေး   TALK SHOW အစီအစဉ်တွင်  စားသုံးသူ ကာကွယ်ရေးဥပဒေပါအခန်း(၆)ပါ စစ်ဆေးရေးအရာရှိ၏ လုပ်ငန်းတာဝန်များအကြောင်း ရှင်းလင်း ပြောကြားရာတွင် ပြည်တွင်းမှထုတ်လုပ်သော ကုန်စည်များ၊ ပြည်ပမှတင်သွင်းသောကုန်စည်များနှင့် စပ်လျဉ်း၍ ဈေးကွက်မရောက်မီ သို့မဟုတ် ဈေးကွက်ရောက်ပြီးကုန်စည်ကို ဘေးအန္တရာယ်ရှိ/ မရှိ စောင့်ကြည့်စစ်ဆေးခြင်း၊ ကုန်အညွှန်းအမှတ်အသားတွင် ဖော်ပြရမည့်အချက်များ ပါဝင်မှုရှိ/မရှိ စောင့်ကြည့်စစ်ဆေးခြင်း၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးရန် သို့မဟုတ် အသုံးပြုရန်သင့် မသင့်နှင့် ဘေးအန္တရာယ်ရှိ/ မရှိ စောင့်ကြည့်စစ်ဆေးခြင်း အကြောင်းအရာများအား ပြည့်ပြည့်စုံစုံ ရှင်းလင်ပြောကြားဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

              (၅.၁၀.၂၀၂၆)ရက်နေ့၊ နံနက်(၁၀၀၀)နာရီမှစတင်၍ စားသုံးသူရေးရာဦးစီးဌာန၊ ကလောခရိုင် ဦးစီးမှူးရုံးမှ ခရိုင်ဦးစီးမှူး ဦးမြင့်နိုင်နှင့် ဝန်ထမ်းများသည် အမှတ်(၆)ရပ်ကွက်၊ ကလောမြို့ရှိ ဂျူးဂျူးစားသောက်ကုန် အွန်လိုင်းရောင်းဝယ်ရေးလုပ်ငန်းနှင့် လက်မပင်ရပ်ကွက်၊ အောင်ပန်းမြို့ရှိ ယမင်း လက်သည်းတုဖန်စီ အွန်လိုင်းရောင်းဝယ်ရေးလုပ်ငန်း (၂)ခုအား အွန်လိုင်းမှတ်ပုံတင်ခြင်းနှင့် စပ်လျဉ်း၍ မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

          ထိုသို့ကွင်းဆင်းစစ်ဆေးရာတွင် ခရိုင်ဦးစီးမှူး ဦးမြင့်နိုင်က အွန်လိုင်းစနစ်ဖြင့် ရောင်းချနေ သော လုပ်ငန်းများအား မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်းစစ် ဆေးခြင်းဆောင်ရွက်ရာတွင် လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအ မှန်တကယ်တည်ရှိခြင်း ရှိ/မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန်တင်ပြထား သော ကုန်စည်(သို့) ဝန်ဆောင်မှု အမျိုးအစားအတိုင်း မြေပြင်တွင် အမှန်တကယ် ရောင်းချနေသော ကုန်စည်များ ကိုက်ညီမှု ရှိ/မရှိတို့ကို စစ်ဆေးခဲ့ပြီး၊ အွန်လိုင်းရောင်းချသည့် လုပ်ငန်းရှင်နှင့်တွေ့ဆုံ၍ မှတ်ပုံတင်လက်မှတ်ရရှိသူ၏ တာဝန်များအကြောင်း၊ တရားမဝင်တင်သွင်းလာသော ကုန်ပစ္စည်းများအား ဝယ်ယူရောင်းချခြင်းမပြုရန်နှင့် အရေးကြီးကုန်စည်နှင့်ဝန်ဆောင်မှုဥပဒေပါပြစ်မှုူ၊ ပြစ်ဒဏ်များအကြောင်းကို အသိပညာပေးဆွေးနွေးခဲ့ကြောင်း သတင်းရရှိပါသည်။

 DOCA(ရှမ်း)

             ၂၀၂၆ ခုနှစ်၊ အောက်တိုဘာလ (၂)ရက်နေ့၊ နံနက်(၁၁:၀၀)နာရီအချိန်တွင် စားသုံးသူရေးရာ ဦးစီးဌာန၊ဒုတိယပြည်နယ်ဦးစီးမှူးရုံးမှ စစ်ဆေးရေးမှူး ဦးအောင်လင်းဦး(ဦးစီးမှူး)ဦးစီး၍ မြန်မာ့ ဆက်သွယ်ရေးလုပ်ငန်းနှင့်ပူးပေါင်းကာ ကျိုင်းတုံမြို့၊ စွန်မိုင်ရပ်၊ ရပ်ကွက် (၃)အတွင်းရှိ “Smart Link Internet” အင်တာနက်ဝန်ဆောင်မှုပေးသည့် ကုမ္ပဏီအား ဝန်ဆောင်မှုကိစ္စရပ်များ နှင့် ပတ်သက်၍ စားသုံးသူနစ်နာမှုမရှိစေရေး မြေပြင်ကွင်းဆင်းစစ်ဆေးခြင်းနှင့် အသိပညာပေးခြင်း ဆောင်ရွက်ခဲ့ပါ သည်။         

          ထိုသို့ ကွင်းဆင်းစစ်ဆေးရာ၌ တာဝန်ရှိသူများသည် “Smart Link Internet” အင်တာနက် ဝန်ဆောင်မှုပေးသည့် ကုမ္ပဏီအနေဖြင့် စားသုံးသူများအပေါ် ဝန်ဆောင်မှုပေးရာတွင် အရည်အသွေး ပြည့်မှီသော အင်တာနက်ဝန်ဆောင်မှုများရရှိစေရေးနှင့် သတင်းအချက်အလက်များအား စားသုံးသူ များသိရှိစေရန် ဗွီနှိုင်းပိုစတာများကပ်၍ ဆောင်ရွက်ထားရန်၊ အစဉ်မပြတ် ဆက်သွယ်၍ အကြောင်း ကြားရန်ပြောကြားခဲ့ပြီး စာချုပ်စာတမ်းများထားရှိရန်နှင့် ဖြစ်ပေါ်လာသော ပြဿနာများအား ဝန်ဆောင်မှုပြည့်ဝစွာပေး၍ ဖြေရှင်းဆောင်ရွက်ရန် Call Center များထားရှိမှု အခြေအနေများကို စစ်ဆေးခြင်း ဆောင်ရွက်ခဲ့ပါသည်။

DOCA(ရှမ်း)

           စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်းဒေသကြီး ဦးစီးမှူးရုံး၊ထုတ်ကုန်လုံခြုံစိတ်ချရမှုဌာနခွဲမှ ဒေါ်သင်းသင်းအေး၊ဒု-ဦးစီးမှူးသည်၂၈-၉-၂၀၂၆ရက်နေ့ နံနက် (၁၁:၂၀)နာရီ အချိန်တွင် “ရွှေဝက်ဝံ” အမှတ်တံဆိပ်ဖြင့် မက္ကာဒေးမီးယာ ထုတ်လုပ် ရောင်းချ သောလုပ်ငန်းရှင်အား စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးရှိ ထုတ်ကုန်လုံခြုံ စိတ်ချရမှုဌာနခွဲရုံးခန်းအတွင်း၌ အသိပညာပေးဆွေးနွေးခဲ့ပါသည်။ 

         ထိုသို့ အသိပညာပေးဆွေးနွေးဆောင်ရွက်ရာတွင် လုပ်ငန်းရှင်အား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ တားမြစ်ချက်များနှင့် အခန်း (၁၈) ပါကုန်ပစ္စည်းထုပ်ပိုးမှုပေါ်တွင် ကုန်အညွှန်းအမှတ်အသားဖော်ပြခြင်းဆိုင်ရာ အချက်အလက်များနှင့် မြန်မာနိုင်ငံစားသုံးသူကာကွယ်ရေး ကော်မရှင်၏ ညွှန်ကြားချက်အမှတ် (၂/၂၀၁၉) ပါ အချက်အလက်များအား အကျယ်တဝင့်ရှင်းလင်း ပြောကြားခဲ့ပြီး ဥပဒေပါပြဋ္ဌာန်းချက်များကိုလည်း သိရှိလိုက်နာဆောင်ရွက်ရန် လိုအပ်ကြောင်း အသိပညာပေးဆွေးနွေးခဲ့ကြောင်း သတင်းရရှိပါသည်။

DOCa(မန္တလေး)

        ( ၁.၁၀.၂၀၂၆ ) ရက်နေ့တွင် ဝန်ဆောင်မှုကဏ္ဍ ( ၃ ) ရပ်အနက် အင်တာနက်ဝန်ဆောင်မှုပေးသည့် လုပ်ငန်းဖြစ်သည့် 9 Plus အင်တာနက်ဝန်ဆောင်မှုလုပ်ငန်းအား စားသုံးသူရေးရာဦးစီးဌာနနှင့် စည်ပင်သာယာရေးကော်မတီတို့ ပူးပေါင်း၍ ကွင်းဆင်းစစ်ဆေးခဲ့ကြောင်း သိရသည်။

        ကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ ဒေါ်သိမ့်သိမ့်ထွန်း ( ဒု−ဦးစီးမှူး ) သည် ဆက်သွယ်ရေး ကုမ္ပဏီများအနေဖြင့် ဆက်သွယ်ရေးဝန်ဆောင်မှု (အင်တာနက်ဝန်ဆောင်မှု) များကို အသုံးပြုသူများအနေဖြင့် အဆင်ပြေချောမွေ့စွာ သုံးစွဲနိုင်စေရန် ရည်ရွယ်၍ ကွင်းဆင်းစစ်ဆေးဖြစ်ကြောင်း၊ အင်တာနက် ဝန်ဆောင်ခနှုန်းထားများအား ပွင့်လင်းမြင်သာစွာဖြင့် အများပြည်သူ လွယ်ကူစွာ သိရှိနိုင်စေရေးဖော်ပြထားမှု ရှိ/မရှိ စစ်ဆေးခဲ့ပြီး ဝန်ဆောင်ခနှုန်းထားများ ပြောင်းလဲမှုရှိပါက သုံးစွဲသူများကို ကြိုတင်အသိပေးရန်၊ လိုင်းများပျက်တောက်မှုများ ဖြစ်ပေါ်ပါကလည်း သုံးစွဲသူများ နစ်နာမှုမရှိစေရန်အတွက် ငွေပြန်အမ်းသည့် Refund Policy များ ချမှတ်ဆောင်ရွက်ရေးကိုလည်း စနစ်တကျဆောင်ရွက်ပေးနိုင်ရန်နှင့် အင်တာနက်ဝန်ဆောင်မှု အသုံးပြုသူ ( စားသုံးသူ ) များအနေဖြင့်လည်း စိတ်ကျေနပ်မှုစိတ်စေရန်အတွက် ဆောင်ရွက်မှသာလျှင် သုံးစွဲသူနှင့် ဝန်ဆောင်မှုပေးသူတို့အကြား အငြင်းပွားမှုများ ဖြစ်ပေါ်မှုလျော့နည်းလာကြမည်ဖြစ်ကြောင်း အသိပညာပေးခြင်းလုပ်ငန်းများ ဆောင်ရွက်ခဲ့ကြောင်း သိရှိရပါသည်။

DOCA(စစ်ကိုင်း)