သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန ၊ ဟင်္သာတမြို့နယ်တာဝန်ခံသည် (၁.၉.၂၀၂၅)ရက်နေ့ ၊နံနက် (၁၀:၀၀)နာရီအချိန်တွင် ဟင်္သာတမြို့နယ် ကျုံတုံးတိုက်နယ်ရှိ ကျေးလက်ပြည်သူများထံ ဆီဝယ်ယူ ခွင့် စာအုပ်များဖြင့် ရောင်းချပေးနေမှုအား ကွင်းဆင်းစစ်ဆေးခြင်းကို ဆောင်ရွက်ခဲ့ပါသည်။

          ထိုသို့စစ်ဆေးခဲ့ရာတွင် စားအုန်းဆီဖြန့်ဖြူးရောင်းချမှုနှင့်ပတ်သက်၍  ဟင်္သာတခရိုင် စားသုံး ဆီလက်ကားကိုယ်စားလှယ်များမှတဆင့် ကျေးရွာလက်လီကုန်စုံဆိုင်၊ ထိုမှတဆင့်စားသုံးသူသို့ ပြန်လည်ဖြန့်ဖြူးရောင်းချရာတွင် ဆီဝယ်ယူခွင့်စာအုပ်များဖြင့် ရောင်းချနေမှုအား  ဟင်္သာတခရိုင် ဆီကုန်သည်နှင့်ဆီလုပ်ငန်းရှင်အသင်းမှတာဝန်ရှိသူများနှင့် မြိုနယ်စားသုံးသူဦးစီးမှုးတို့ပူးပေါင်း၍ သတ်မှတ်ရည်ညွှန်းဈေးအတိုင်းရောင်းချခြင်း၊ ပြည်သူများလက်ဝယ်သို့ အမှန်တစ်ကယ်ရောက်ရှိ ခြင်း စစ်ဆေးခဲ့ပြီး၊ ထိုသို့ရောင်းချရာတွင်လည်း  အဆင့်အလိုက်(၂)% အမြတ်ထက်ကျော်လွန်၍ ရောင်းချမှု မရှိကြောင်း၊ ရောင်းချမှုလက်ခံ ဘောက်ချာများထားရှိခြင်း၊ သတ်မှတ်ရည်ညွှန်း ဈေးဖြင့်သာ ရောင်းချခြင်း၊ အခြားမသမာသော နည်းလမ်းများသုံး၍ ရောင်းချမှု မရှိခြင်းနှင့် ဈေးကစားရန် ရည်ရွယ်ပြီး သိုလှောင်ထားခြင်းများ မရှိကြောင်း ၊ ဆီဝယ်ယူခွင့် စာအုပ်များဖြင့် ပြည်သူများထံ ဖြန့်ဖြူး ရောင်းချလျက်ရှိကြောင်း သိရှိရပါသည်။

DOCA( ဧရာဝတီ)

  စားသုံးသူရေးရာဦးစီးဌာန၊   ဟင်္သာတမြို့နယ်ဦးစီးမှူးသည် ၂၀၂၅ ခုနှစ်၊ စက်တင်ဘာလ (၁)ရက်နေ့ နံနက်(၁၀:၃၀)အချိန်တွင် ဟင်္သာတမြို့နယ်၊ အမှတ်(၁)ရပ်ကွက်၊ ရုံးလမ်းရှိ မြို့နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျေးရွာအုပ်ချုပ်ရေးမှူးများနှင့် ကုန်စုံဆိုင် လုပ်ငန်းရှင်(၈၀)ဦးအား  အသိပညာပေးဟောပြောခြင်းကို ဆောင်ရွက်ခဲ့ပါသည်။

          ဟောပြောပွဲတွင် မြို့နယ်ဦးစီးမှူး ဦးမိုးကျော်က ဟင်္သာတမြို့နယ်အတွင်း ကုမ္ပဏီများမှ လက်လီ/လက်ကားကုန်မျိုးစုံဆိုင်များ၊ ၎င်းကုန်စုံဆိုင်များမှတဆင့် ပြည်သူထံသို့စားအုန်းဆီဖြန့်ဖြူး နေမှုအပေါ်ဆီဝယ်ယူခွင့်စာအုပ်များနှင့်ရောင်းချမှုရှိစေရေး၊သတ်မှတ်ရည်ညွှန်းစျေးအပေါ်၂%အမြတ်နှင့်သယ်ယူစရိတ်ပေါင်းရောင်းချမှုရှိစေရေး၊ဆီထုတ်ပေးသည့်အကြိမ်တိုင်း ခွဲတမ်းရရှိသည့် ဆီအရေ အတွက်အတိုင်း ပြည်သူကို အပြည့်အဝရောင်းချမှုရှိစေရေး စသည်တို့ကို ဆောင်ရွက်သွားရန် နှင့်မသမာသောနည်းလမ်းများသုံး၍ ရောင်းချမှုများမဖြစ်ပေါ်စေရေး သက်ဆိုင်ရာဌာနများပူးပေါင်း၍ ကြီးကြပ် စစ်ဆေးဆောင်ရွက်လျက်ရှိကြောင်း ရှင်းလင်းပြောကြားဆွေးနွေးခြင်း၊ ကျေးရွာအုပ်ချုပ် ရေးမှူးများ အနေဖြင့် မိမိတို့ကျေးရွာအတွင်း ကုန်စုံဆိုင်များမှတစ်ဆင့် ပြည်သူများထံ စားသုံးဆီ ဖြန့်ဖြူးရောင်းချ နေမှုအပေါ် မသမာသောနည်းလမ်းဖြင့် ပါဝင်ပတ်သတ် ရောင်းချခြင်းမပြုရန်၊ စားသုံးဆီဝယ်ယူခွင့် စာအုပ်များဖြင့် စနစ်တကျဖြန့်ဖြူးရောင်းချနိုင်ရေး ရှင်းလင်း ဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)

  စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ညောင်တုန်း မြို့နယ်ဦးစီးမှူးရုံးမှ မြို့နယ်ဦးစီးမှူး ဦးအောင်လွင် နှင့် ဝန်ထမ်းများ (၄.၉.၂၀၂၅)ရက်နေ့က ညောင်တုန်းမြို့နယ် စည်ပင်သာယာရေး ကော်မတီရုံးခန်းမတွင် ဆန်ကုန်သည် အသင်း လုပ်ငန်းရှင်များနှင့် တွေ့ဆုံ၍ စားသုံးသူ ကာကွယ်ရေး ဥပဒေအကြောင်း အသိပညာပေး ဟောပြောဆွေးနွေးခဲ့ကြပါသည်။

   အဆိုပါဟောပြောဆွေးနွေးပွဲသို့ လုပ်ငန်းရှင် (၅၀)ဦးတက်ရောက်ခဲ့ကြပြီးစားသုံးသူရေးရာဦးစီး ဌာနသည် ဌာန၏မျှော်မှန်းချက် ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေး လုပ်ငန်းများအပြင်စားသုံးသူကာကွယ်ရေး လုပ်ငန်းများကို ဆောင်ရွက်လျက်ရှိကြောင်း၊ ဆန်စက်လုပ်ငန်းရှင် များအားဆန်/စပါး ဈေးနှုန်းတည်ငြိမ်ရေးအတွက် လိုက်နာဆောင်ရွက်ရမည့်အချက်များ၊ လက်ရှိအခြေ အနေတွင် ဖြစ်ပေါ်နေသည့်အကြောင်းအရာများနှင့်  တွေ့ကြုံနေရသည့်အခက်အခဲများကို ဆွေးနွေးခဲ့ကြပြီး၊ လုပ်ငန်းရှင်များအား ဆန်များကို မြန်မာနိုင်ငံဆန်စပါးအသင်းချုပ်၏ (၁.၉.၂၀၂၅) ရက်နေ့တွင် ထုတ်ပြန် သော ဆန်စက်လုပ်ငန်းရှင်များ၊ ဆန်ကုန်သည်များ၊သိရှိလိုက်နာဆောင်ရွက်ရန် သတ်မှတ်သော ဈေးနှုန်းများ အတိုင်းရောင်းချရေးအတွက်လိုက်နာဆောင်ရွက်ကြရန်၊  လုပ်ငန်းရှင် များမှ သိရှိလိုသည် များနှင့်လုပ်ငန်း အခက်အခဲများကို တင်ပြဆွေးနွေးခဲ့ကြပါသည်။

ဆက်လက်၍ စားသုံးသူကာ ကွယ်ရေးဥပဒေအရ ဥပဒေ၏ စီးပွားရေးလုပ်ငန်းရှင်၏ တာဝန်များအကြောင်း၊ အခန်း(၂၃)ပါ တားမြစ်ချက်ဖြစ်သည့် မည်သူမျှ စားသုံးသူ သို့မဟုတ် စီးပွားရေးလုပ်ငန်းရှင် တစ်ဦးဦးကို ထိခိုက်နစ်နာစေရန်မရိုး မဖြောင့်သော သဘောဖြင့် မပြုလုပ်ရန် ကာကွယ်ပေးထားသည့် အချက်(၄)ချက်အကြောင်းကို လည်းကောင်း၊ ဆန်စက်များမှ လစဉ် လဆန်းရက်များတွင် မိမိတို့ ဆန်စက်မှ ဆန်/စပါးလက်ကျန်စာရင်းများကို Update စာရင်းများ MyRoတွင် လုပ်ငန်းရှင်ကိုယ်တိုင်ရေးသွင်းဆောင်ရွက်ရန် အသိပညာပေးခဲ့ကြောင်း သိရသည်။

DOCA(ဧရာဝတီ)      

   ဧရာဝတီတိုင်းဒေသကြီး မအူပင်ခရိုင်၊ ဓနုဖြူမြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူး ရုံးက ဦးခိုင်လွမ်းမိုးနှင့် ဝန်ထမ်းများ၊ မိတ်ဖက်အဖွဲ့များနှင့်အတူ စတိုးဆိုင်များတွင်ဖြန့်ဖြူး ရောင်းချ လျက်ရှိသည့် ကလေးအဟာရအမျိုးမျိုးနှင့်စပ်လျဉ်း၍ စားသုံးသူကာကွယ်ရေး ဥပဒေပါ  ကုန်စည်များ၌ ကုန်အညွှန်းအမှတ် ပြည့်စုံစွာပါရှိ/မရှိ ကွင်းဆင်းစစ်ဆေးခြင်းကို (၄.၉.၂၀၂၃) ရက်နေ့နံနက်  (၀၉၃၀) နာရီခွဲအချိန်က စစ်ဆေးခဲ့ကြောင်းသိ ရသည်။

   ဓနုဖြူမြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူးရုံးက ဦးခိုင်လွမ်းမိုး နှင့် ဝန်ထမ်းများ၊ မြို့နယ်အထွေထွေအုပ်ချုပ်ရေးဦးစီးဌာန၊ ကျန်းမာရေးနှင့်ကုသရေးဦးစီးဌာန၊ မြို့နယ်စည်ပင်သာယာ ရေးအဖွဲ့တို့မှ တာဝန်ရှိသူတို့က မြို့မဈေးနှင့် ရပ်ကွက်များအတွင်း ကုန်စုံ ဆိုင်များရှိ ကလေးအာဟာရ ဖြည့်စွက်စာအမျိုးမျိုးတို့တွင် စားသုံးသူရေးရာ ဦးစီးဌာန ၏ စားသုံးသူကာကွယ်ရေးဥပဒေ (၂၀၁၉)၊ အခန်း (၁၈)၊ ပုဒ်မ (၄၁)၊ ကုန်အညွှန်း အမှတ်အသား ဖော်ပြချက်နှင့် ကိုက်ညီမှု ရှိ/မရှိ၊ ညွှန်ကြားချက် အမိန့်အမှတ် (၂/၂၀၁၉)ဖြင့် ထုတ်ပြန်ထားသော ကုန်စည်များတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာ တစ်ခု (သို့မဟုတ်) တစ်ခုထက်ပို၍ဖြစ်စေ ဖော်ပြရာ၌ စီးပွားရေးလုပ်ငန်းရှင်များ လိုက်နာဆောင်ရွက်ရန် ညွှန်ကြားချက်နှင့် ကိုက်ညီမှု ရှိ/မရှိနှင့် ကျန်းမာရေးဝန်ကြီးဌာနမှ ထုတ်ပြန်ထားသည့် နို့စို့ကလေးနှင့် ကလေးငယ်များအတွက် ဖော်စပ်ထုတ်လုပ်ထားသော အစားအသောက်များ ဈေးကွက် တင်ခြင်းဆိုင်ရာ အမိန့်ဖော်ပြထားခြင်းနှင့် ကိုက်ညီမှု ရှိ/မရှိတို့ကို ဈေးကွက်စောင့်ကြည့် စစ်ဆေးရေး ပူးပေါင်းအဖွဲ့မှ ကွင်းဆင်းစစ်ဆေးကြကြောင်း သိရသည်။  

DOCA(ဧရာဝတီ)      

  စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် ညောင်တုန်း မြို့နယ်အတွင်း ကုန်မျိုးစုံအရောင်းဆိုင်များတွင် ရောင်းချနေသော စားသုံးဆီများအား မိတ်ဖက်အဖွဲ့များနှင့်အတူ (၃.၉.၂၀၂၃)ရက်နေ့ နံနက်(၀၉၃၀)အချိန်က ဈေးကွက် စောင့်ကြည့်စစ်‌ဆးခဲ့ကြပါသည်။

  ကွင်းဆင်းစစ်ဆေးဆောင်ရွက်မှုတွင် ဆိုင်ရှင်များအား စစ်ဆေးသူတာဝန်ရှိသူများမှ ညောင်တုန်းမြို့နယ်အတွင်း ရောင်းချနေသော စားသုံးဆီများကို စားသုံးသူပြည်သူများအတွက် ဘေးအန္တရာယ်ကင်းရှင်းစွာ အသုံးပြုနိုင်ရန်နှင့် စားသုံးသူကာကွယ်ရေးဉပဒေပါ အခန်း(၁၈)အရ ဖော်ပြပါ ကုန်အညွှန်းအမှတ်အသားများ ပြည့်စုံစွာ ဖော်ပြထားခြင်းရှိ/မရှိအား ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ပါသည်။ လုပ်ငန်းရှင်များကို ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ ပြည့်စုံမှန်ကန်စွာ ဖော်ပြထားသော ကုန်စည်များကိုသာ ဦးစားပေးရောင်းချကြရန် ၊ စားသုံးသူပြည်သူများ နစ်နာဆုံးရှုံးမှု ဖြစ်စေမည့် ကုန်စည်များ ၊ သက်တမ်းလွန် ကုန်စည်များအား  ရောင်းချခြင်းများ ရှောင်ကြဉ်ကြရန် လုပ်ငန်းရှင်များသို့ အသိပေးပြောကြားခဲ့ကြောင်း သတင်းရရှိပါသည်။

DOCA(ဧရာဝတီ)