သတင်းနှင့် လှုပ်ရှားမှုများ

     ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်ရှိ Orange Super Market တွင် အသင့်စားစည်သွပ် အစားအစာအမျိုးမျိုးတို့နှင့် ပတ်သတ်၍ ကုန်စည်ပေါ်၌ ကုန်အညွှန်းအမှတ် အသားပြည့်စုံစွာ ဖော်ပြထားခြင်းရှိ/မရှိ၊ ဈေးကွက်စောင့်ကြည့် စစ်ဆေးခြင်းအား ၂၀၂၅ခုနှစ်၊ ဧပြီလ (၄)ရက်နေ့၊ နံနက် (၁၀:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရသည်။

          ထိုသို့ ကွင်းဆင်းစစ်ဆေးခြင်းနှင့် ပတ်သတ်၍ စားသုံးသူရေးရာဦးစီးဌာန၊ သန်လျင်မြို့နယ်မှ ဒေါ်ငြိမ်းငြိမ်းဝင်း (ဦးစီးမှူး)နှင့် ဝန်ထမ်းများသည် ကျိုက်ခေါက်ဘုရားလမ်း၊ အောင်ချမ်းသာ ရပ်ကွက်ရှိ Orange Super Market သို့သွားရောက်ပြီး မန်နေဂျာနှင့်တွေ့ဆုံ၍ အသင့်စား စည်သွပ် အစားအစားများအား ဝယ်ယူစားသုံးသူများ ဘေးအန္တရာယ်ကင်းရှင်းစွာ သုံးစွဲနိုင်ရန်အလို့ဌာ ကုန်စည်အပေါ်၌ ကုန်အညွှန်းအမှတ် အသားများအား မြန်မာဘာသာဖြင့်လည်းကောင်း၊ မြန်မာ ဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက်သော်လည်းကောင်း၊ ဖော်ပြ ရန် မဖြစ်မနေဖော်ပြရမည့်အချက်များ ပါဝင်မှုရှိ/မရှိ ဈေးကွက်စောင့်ကြည့် စစ်ဆေးခြင်းနှင့် ကုန်အညွှန်းအမှတ်အသား ပြည့်စုံစွာ ဖော်ပြခြင်းမရှိသည့် ကုန်စည်များအား ဈေးကွက်အတွင်း ရောင်းချခြင်း မပြုလုပ်ကြရန် အသိပညာပေး ကွင်းဆင်းစစ်ဆေးခဲ့ကြောင်း သိရှိရသည်။

DOCA(ရန်ကုန်)

    (၂-၄-၂၀၂၅) ရက်နေ့တွင် ကော့သောင်းမြို့နယ်မှ ရန်ကုန်မြို့၊ ရွှေမဲဆိပ်ကမ်းသို့ ရောက်ရှိလာသော MV MCL(14) သင်္ဘောအား အဖွဲ့စုံဖြင့် စစ်ဆေးခဲ့ကြောင်း သိရှိရပါသည်။

    အဆိုပါ စစ်ဆေးမှုများကို အကောက်ခွန်ဦးစီးဌာနမှ ဦးစီးအရာရှိဦးချမ်းမြေ့အောင်၊  အရှေ့ပိုင်း ခရိုင်စားသုံးသူရေးရာဦးစီးဌာနမှ ခရိုင်မှူးဦးလှစိုး၊ မူးယစ်ရဲတပ်ဖွဲ့မှဒုရဲအုပ် ကျော်ဇင်မင်း၊ အမှတ်(၃) ရေကြောင်းရဲကွပ်ကဲမှုအဖွဲ့ခွဲ့မှ ရဲမှူး အောင်ကျော်ထူး ၊ မြန်မာ့ဆိပ်ကမ်းအာဏာပိုင်မှ လက်ထောက် မန်နေဂျာ အင်းစိန်မြို့နယ်ရဲတပ်ဖွဲ့မှူးရဲမှူးသန့်ဇင်၊ စသည့်ပူးပေါင်းအဖွဲ့များမှ စစ်ဆေးခဲ့ကြရာ Air Conditionerr များကို သက်ဆိုင်ရာဌာနများ၏ထောက်ခံချက်များဖြင့်တင်သွင်းလာခြင်းဖြစ်ကြောင်း၊ အထောက်အထားမပြနိုင်သော ကုန်စည်များကို တွေ့ရှိပါက ပင်လယ်ရေကြောင်းအကောက်ခွန် အက်ဥပဒေတို့အရ အရေးယူဆောင်ရွက်မှာဖြစ်ကြောင်းနှင့် နိုင်ငံတော်မှတားဆီးပိတ်ပင်ထားသော ကုန်စည်များကို စစ်ဆေးတွေ့ရှိပါက စားသုံးသူရေးရာဦးစီးဌာန၏ အရေးကြီးကုန်စည်နှင့်ဝန် ဆောင်မှုဥပဒေအရ အရေးယူခံရမှာဖြစ်ကြောင်း အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

    ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်ချက်အရ ဗိုလ်တထောင်ခရိုင်၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့သည် ၃.၄.၂၀၂၅ ရက်နေ့ (၁၀:၀၀ မှ ၁၁:၀ဝ) နာရီအချိန်တွင် ကမ်းရိုးတန်းသွားရေယာဉ်များဆိုက်ကပ်သည့်  သာကေတ ဆိပ်ကမ်းတွင် ကုန်တင်/ကုန်ချပြုလုပ်နေသော  MT ယုဇနမရိန်းအေ့စ်  သင်္ဘောရေယာဉ်အား တရားမဝင်ကုန်ပစ္စည်းများတင်‌ဆောင်ခြင်း ရှိ/မရှိ၊  လက်နက်ခဲယမ်းများ သိုဝှက်သယ်ဆောင်ခြင်းများ မရှိစေရေးတို့အတွက် ဌာနဆိုင်ရာအဖွဲ့များဖြင့် ဝင်ရောက်စစ်ဆေးခဲ့ကြပါ သည်။

     ထိုသို့စစ်ဆေးရာတွင်  (ကော့သောင်းမှ ရန်ကုန် )သို့ ထွက်ခွာလာသည့် သင်္ဘောတွင် ဆီအုန်းနှင့်ဆီကြမ်း စသည့်ကုန်ပစ္စည်းများ တန်ချိန် (၁၂၀၀)တန် ကိုတင်ဆောင်ထားကြောင်း စစ်ဆေးတွေ့ရှိပြီး  တရားမဝင်ကုန်ပစ္စည်းများနှင့် လက်နက်ခဲယမ်းများ  သိုဝှက်သယ်ဆောင်ခြင်း မရှိပါကြောင်း စစ်ဆေးတွေ့ရှိခဲ့ပြီး ပြည်တွင်းကုန်သွယ်မှုလုပ်ငန်းမှားပုံမှန် ဝင်/ထွက်မှုရှိကြောင်း သိရှိရပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဝင်းနိုင်(ဦးစီးအရာရှိ) နှင့် ဝန်ထမ်းများသည်  မြို့နယ်အထွေထွေအုပ်ချုပ်ရေးဦးစီးဌာန၊ အထူးစုံစမ်းစစ်ဆေးရေး အဖွဲ့တို့နှင့် ပူးပေါင်း၍ (၂-၄-၂၀၂၅) ရက်နေ့ ၊  (၁၀:၀၀)နာရီအချိန်တွင် အမှတ်(၁၂၄)၊ သမိန်ဗရမ်းလမ်း၊ တာမွေကြီး (ခ) ရပ်ကွက်ရှိ စားအုန်းဆီရောင်းချနေသော ဒေါ်အေးမြတ်မွန် (ဆင်ဖြူတော်) ဆီဆိုင်အား သွားရောက်၍ စားအုန်းဆီရောင်းချမှု အခြေအနေအား စစ်ဆေး ဆောင်ရွက်ခဲ့ပါသည်။

      ထိုသို့ စစ်ဆေးခဲ့ရာတွင် ရပ်ကွက်နေ ပြည်သူများကို တစ်ပတ်လျှင် ၁ပိဿာနှုန်းဖြင့်လည်းကောင်း၊ စားသောက်ဆိုင်များကို ၁ပိဿာမှ ၅ပိဿာနှုန်းဖြင့်ရောင်းချပေးလျက်ရှိကြောင်း၊ စားသုံးသူရေးရာဦးစီးဌာနမှ ဦးဝင်းနိုင်က မြို့နယ်အတွင်းရရှိသော စားသုံးသူပြည်များ အခက်အခဲမရှိ လက်ဝယ်ရောက်ရှိအောင် ဝယ်ယူစားသုံးနိုင်ရေးနှင့် သတ်မှတ်ဈေးနှုန်းဖြင့် ဖြန့်ဖြူးရောင်းချပေးကြရန်၊ သိုလှောင်ထားခြင်းများမပြုလုပ်ကြရန် အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

    စားသုံးသူရေးရာဦးစီးဌာန၊ ရန်ကုန်အနောက်ပိုင်းခရိုင်ဦးစီးမှူးရုံးမှ ဦးစီးမှူး ဦးကျော်ခိုင်နှင့် ဝန်ထမ်းများသည် ၁.၄.၂၀၂၅ ရက်နေ့တွင် မရမ်းကုန်းမြို့နယ် ဘုရင့်နောင်ပွဲရုံဝင်းအတွင်းရှိ ဆ-၅၇(က)၊ ပိတောက်လမ်းရှိ နေခြည်ဆန်ပွဲရုံနှင့် ဆ-၅၃၊ ပိတောက်လမ်းရှိ အောင်မြတ်ကျော်ဆန်ပွဲရုံ တို့အား (၁၀:၀၀) အချိန်တွင် ဘုရင့်နောင်ဈေးစည်ပင်မှ ဦးနန္ဒအောင်နှင့် အမှတ်(၁) ရပ်ကွက် အုပ်ချုပ်ရေးမှူးရုံးမှ ဦးကျော်မင်းနိုင်နှင့် ပူးပေါင်းပြီး ဆန်ရောင်းချမှု အခြေအနေများကို ကွင်းဆင်း စစ်ဆေး အသိ ပညာပေး မှုများအား ဆောင်ရွက်ခဲ့ကြောင်း သိရှိရပါသည်။

    ထိုသို့  ကွင်းဆင်းအသိပညာပေးရာတွင် ဆန်ဆိုင်များရှိ ရောင်းချနေသော ဆန်များသည် မြန်မာနိုင်ငံဆန်စပါးအသင်းချုပ်မှ သတ်မှတ်ထားသော ရည်ညွှန်းဈေးနှုန်းများအတိုင်း ရောင်းချခြင်းရှိ/မရှိနှင့် ဆန်ဈေးနှုန်းကြီးမြင့်မှု မဖြစ်ပေါ်စေရေးအတွက် ဈေးကစားရန်အလို့ငှာ ဆန်များသိုလှောင် ထားခြင်းရှိ/မရှိတို့ကို စစ်ဆေးခဲ့ကြပြီး လိုက်နာမှုမရှိသော လုပ်ငန်းရှင်များကို အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပညာပေးဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)