သတင်းနှင့် လှုပ်ရှားမှုများ

     ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် အထွေထွေအုပ်ချုပ်ရေးမှူးဦးစီး ဌာနရုံး အစည်းအဝေးအခန်းမ၌ ဇွန်လ(၂၅)ရက်နေ့၊ နေ့လယ်(၁၂:၃၀)အချိန်တွင် ပြည်တော်သာ ရပ်ကွက် အခြေခံမူလတန်းကျောင်းရှေ့တွင် ဈေးရောင်းသူများနှင့် တွေ့ဆုံလုပ်ငန်းညှိနှိုင်း အစည်းအဝေး ကျင်းပပြုလုပ်ခဲ့ကြောင်း သိရှိရသည်။

          အဆိုပါ အစည်းအဝေးတွင် ကော့မှူးမြို့နယ် စီမံအုပ်ချုပ်ရေးအဖွဲ့ ဥက္ကဌ ဦးမျိုးမင်းက ဈေးရောင်းချနေသော ဈေးသူ/ဈေးသားများ အနေဖြင့် မိမိတို့ ရောင်းချလျက်ရှိသော နေရာသည် ပြည်တော်သာရပ်ကွက်၏ အခြေခံပညာ မူလတန်းကျောင်းရှေ့ မျက်စာနှင့် ရပ်ကွက်ဓမ္မာရုံနှစ်ခု ကြား ပြည်တော်သာ (၁)လမ်းမ၏ ဘေးဝဲယာတွင် ဖြစ်နေသောကြောင့် ယခုအချိန်အခါသည် ကော့မှူးမြို့နယ် ရပ်ကွက်/ကျေးရွာ(၆၂)အုပ်စုရှိ စာသင်ကျောင်းများအားလုံး ဥပဓိရုပ် ကောင်းမွန်စေရေးနှင့် သန့်ရှင်းသာယာလှပစေရေးတို့အတွက် မြို့နယ်ဌာနဆိုင်ရာ တာဝန်ရှိသူ များအား အဖွဲ့များဖွဲ့စည်း၍ တာဝန်ပေးအပ်ထားပြီး သက်ဆိုင်ရာ စာသင်ကျောင်းများသို့ ကွင်းဆင်းဆောင်ရွက်လျက်ရှိကြောင်း၊ ရပ်ကွက်ဓမ္မာရုံ အနေဖြင့်လည်း ဝါတွင်းကာလတွင် သံဃာဆွမ်းလောင်းလှူတန်းမှုများ ဆောင်ရွက်ကြတော့မည် ဖြစ်သောကြောင့် စာသင်ကျောင်း ဥပဓိရုပ်ကောင်းမွန်စေရေး၊ သန့်ရှင်းသာယာလှပစေရေး၊ ဆရာ/ဆရာမများ၊ ကျောင်းသား/ ကျောင်းသူများ၊ သံဃာတော်များ ဆွမ်းလောင်းလှူတန်းမည့် အလှူရှင်များ၊ ရပ်ကွက်နေ ပြည်သူ များ အဆင်ပြေစွာ ဖြတ်သန်းနိုင်စေရေးတို့အတွက် ဈေးရောင်းချသူများ အနေဖြင့် သက်ဆိုင်ရာ ဌာနများ၊ ရပ်ကွက်အုပ်ချုပ်ရေးမှူးနှင့် ရပ်မိရပ်ဖများမှ စီစဉ်ပေးထားသော နေရာတွင် ပြောင်း ရွှေ့ပြီး ပျံကျဈေးတန်း ဖွင့်လှစ်ရောင်းချပေးကြရန် ဆွေးနွေးပြောကြားခဲ့ပြီး အစည်းအဝေး တက်ရောက်လာသူများ၏ မေးမြန်းချက်များအား သက်ဆိုင်ရာဌာနများမှ တာဝန်ရှိသူများ အပြန် အလှန် ဖြေရှင်းပေးခဲ့ကြောင်း သိရှိရပါသည်။

DOCA(ရန်ကုန်)

      ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေး အတွင်း/အပြင်ရှိ စားသုံးသူပြည်သူများ၏ နေ့စဉ်အဓိကစားကုန်ဖြစ်သော ဆန်ဆိုင်များသို့ ဇွန်လ(၂၄)ရက်နေ့၊ နံနက်(၀၈:၃၀)အချိန်တွင် ဖြန့်ဖြူးရောင်းချလျှက်ရှိသော ဆန်အမျိုးအစား အလိုက် ဈေးနှုန်းအခြေအနေတို့အား ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ဈေးကွက်အတွင်း ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းနှင့် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်တို့သည် စည်ပင်သာယာမြို့မဈေးအတွင်းရှိ ပေါ်မူဆန်ဆိုင်၊ ပေါ်မွှေကြူဆန်ဆိုင်၊ မိဘရိပ်ဆန်ဆိုင်၊ ဦးမြင့်ထူးဆန်ဆိုင်နှင့်စည်ပင်သာယာမြို့မဈေးအပြင်တန်းရှိ ဦးချမ်းသာကြီး ဆန်ဆိုင်၊ ဒေါ်လုံးလုံးဆန်ဆိုင်များမှ ဆိုင်ပိုင်ရှင် စီးပွားရေးလုပ်ငန်းရှင်များနှင့် တွေ့ဆုံ၍ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနမှ လစဉ်ထုတ်ပြန်ပေးလျက်ရှိသည့် တင့်သင့်မျှတသော ဈေးကွက်ဈေးနှုန်း သတ်မှတ်ရည်ညွှန်းဈေးများအပေါ်(၈) ရာခိုင်နှုန်းထက်ပို၍ ရောင်းချခြင်းများမပြုလုပ်ကြရန်နှင့် တင့်သင့်မျှတသောဈေးနှုန်း တွက်ချက်မှုများမှာ စိုက်ပျိုးသူတောင်သူများ၊ ဆန်စက်လုပ်ငန်းများ၊ သိုလှောင်ဖြန့်ဖြူးရောင်းချသူများနှင့် စားသုံးသူပြည်သူများအတွက် တင့်သင့်မျှတသော ဆန်ဈေးနှုန်းဖြစ်စေရန် ထည့်သွင်းစဉ်းစားမှု၊ ယခင်နှစ်ဈေးနှုန်းများ၊ နိုင်ငံတကာဈေးနှုန်းများ၊ ပြည်တွင်းဈေးကွက်ရှိ အခြားကုန်ဈေးနှုန်းများနှင့် ချင့်ချိန်ဆက်စပ် တွက်ချက်မှုများအပေါ် အခြေခံ၍ ညှိနှိုင်းတွက်ချက်ထားခြင်းဖြစ်ကြောင်း စားသုံးသူကာကွယ်ရေး အသိပညာပေးပြောကြားခဲ့ပြီး ဆန်အမျိုးအစားအလိုက် ဖြန့်ဖြူး ရောင်းချနေမှုအခြေအနေအား ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနအနေဖြင့် ဆက်စပ်ဌာနများနှင့် ပူးပေါင်းဆောင်ရွက်ရန် တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ ဇွန်လ(၂၄)ရက်နေ့၊ နေ့လယ် (၁၁:၃၀)နာရီအချိန်တွင် စိုက်ပျိုးရေးဦးစီးဌာန ဦးဆောင်သော ပူးပေါင်းအဖွဲ့ဖြင့် ကွမ်းခြံကုန်းမြို့နယ်အတွင်း ဓာတ်မြေဩဇာရောင်းချသော ဆိုင်များသို့ ကွင်းဆင်းစစ်ဆေးခဲ့ကြောင်း သိရှိရပါသည်။

    ထိုသို့ကွင်းဆင်းစိစစ်ခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာန ဒုတိယဦးစီးမှူး ဦးအောင်ပြည်စိုး၊ မြို့နယ်စိုက်ပျိုးရေးဦးစီးဌာန ဦးစီးအရာရှိ ဦးကြည်စိန်နှင့်ဝန်ထမ်းများ၊ မြို့နယ် ကျေးလက်ဖွံ့ဖြိုးရေးဦးစီးဌာနဦးစီးမှူး ဦးလမင်းချစ်ကို၊ မြို့နယ်သမဦးစီးဌာန မြို့နယ်ဦးစီးမှူး ဒေါ်စန်းယုမွန်နှင့် စားသုံးသူရေးရားဦးစီးဌာန မြို့နယ်တာဝန်ခံ ဒေါ်နွယ်နွယ်အေးတို့ ပါဝင်သော ပူးပေါင်းအဖွဲ့သည်  ကွမ်းခြံကုန်းမြို့နယ် ဈေးပိုင်းရပ်ကွက် ရတနာပုံ (၁)လမ်းရှိ ဒေါ်လာဝင်း (ဓါတ်မြေဩဇာအရောင်းဆိုင်)၊ စန်းသော်တာ (စိုက်ပျိုးရေး ဓါတ်မြေဩဇာနှင့်မျိုးစေ့ အရောင်း ဆိုင်)၊ ကမ်းနားလမ်းရှိ ကိုကျော်မင်းသူ+မသုန်သုန်ဖြိုး (ဓါတ်မြေဩဇာ၊ပိုးသတ်ဆေးနှင့် စိုက်ပျိုး ရေးပစ္စည်း အမျိုးမျိုးအရောင်းဆိုင်) တို့တွင် ယူရီယားဓါတ်မြေဩဇာ၊ တီစူပါ(သံလွင်) ဓါတ်မြေ ဩဇာ၊ ပိုတက်ဓါတ်မြေဩဇာနှင့် ကွန်ပေါင်းဓါတ်မြေဩဇာများ၏ ရောင်းချသည့် ဈေးနှုန်း မြင့်တက်မှု ရှိ/မရှိ ၊ အလေးချိန်ပြည့်ဝမှု ရှိ/မရှိ ကွင်းဆင်းစစ်ဆေးခဲ့ကြောင်း သိရှိရသည်။

   ထို့နောက် စားသုံးသူရေးရာဦးစီးဌာန မြို့နယ်တာဝန်ခံဒေါ်နွယ်နွယ်အေးက တောင်သူများအတွက် မရှိမဖြစ်လိုအပ်သော ဓာတ်မြေဩဇာများကို  ဈေးနှုန်းမြှင့်တင် ရောင်းချခြင်းမပြု ရန်၊ အလေးချိန်ပြည့်ဝသော ဓာတ်မြေဩဇာများကိုသာ ရောင်းချကြရန် ဆိုင်ရှင်လုပ်ငန်းရှင်များ နှင့်တွေ့ဆုံဆွေးနွေး ကွင်းဆင်းစိစစ်ခဲ့ကြောင်း သိရှိရပါသည်။

DOCA(ရန်ကုန်)

       ရန်ကုန်တိုင်းဒေသကြီး စားအုန်းဆီအိမ်တိုင်ရာရောက်ဖြန့်ဖြူးရောင်းချရေးကော်မတီ၏ စီစဉ်ကြီးကြပ်မှုဖြင့် နိုင်ငံ့ဝန်ထမ်း၊ ပင်စင်စားအငြိမ်းစားများအား စားအုန်းဆီများကို ရောင်းချပေးလျက်ရှိရာ ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်ရှိ ပင်စင်စားအငြိမ်းစားဝန်ထမ်းများအား ၂၅.၆.၂၀၂၅ ရက်နေ့၊ နံနက်(၆:၃၀)နာရီအချိန်မှစ၍ စားအုန်းဆီများ ဖြန့်ဖြူးရောင်းချပေးခဲ့ကြောင်း သိရှိရပါသည်။

     ထိုသို့ စားအုန်းဆီများ ရောင်းချပေးရာတွင် နိုင်ငံ့ဝန်ထမ်း၊ ပင်စင်စားအငြိမ်းစား ဝန်ထမ်း (၁)ဦးလျှင် ဆီ(၂.၇၅)ပိဿာ၊ (၁)ဗူးစီ ရောင်းချပေးပြီး ဆီဗူးပေါင်း (၁၁၂၀)ဗူးခန့်ကို မြန်မာနိုင်ငံဆီကုန်သည်ကြီးများအသင်းအဖွဲ့ဝင်ကိုယ်စားလှယ်များက လာရောက် ရောင်းချပေးခဲ့ကြောင်း သိရှိရပါသည်။

DOCA (ရန်ကုန်)

     ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်တွင် စားသုံးသူပြည်သူများ ဘေးအန္တရာယ်ကင်းရှင်းစေရန်နှင့် ကုန်စည်အတုများ ရောင်းချမှုမရှိစေရေးအတွက် စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ ၂၃.၆.၂၀၂၅ ရက်နေ့၊ နေ့လယ် (၁၃:၀၀)နာရီအချိန်တွင် စည်ပင်သာယာမြို့မဈေးအတွင်းရှိ သွားတိုက်ဆေးရောင်းချသော ကုန်စုံဆိုင်များနှင့် အလှကုန်၊ ကုန်မျိုးစုံရောင်းချသော ဈေးဆိုင်များရှိ Signal အမှတ်တံဆိပ်သွားတိုက်ဆေး Signal Cavity Fighter Toothpaste 150g နှင့်စပ်လျဉ်း၍ ကုန်စည်အတုများရောင်းချခြင်း ရှိ/မရှိအား ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

          ထိုသို့ ဈေးကွက်စောင့်ကြည့်စစ်ဆေးရာတွင် ဒေါ်ဖြူ၊ ဒေါ်မြသန်း၊ ဦးစိုးသိန်း၊ ဦးမြင့်သိန်းတို့၏ ကုန်မျိုးစုံဆိုင်နှင့် ဦးရဲလှဝင်း၊ ဦးစိန်ညွန့်တို့၏ အလှကုန်နှင့် ကုန်မျိုးစုံအရောင်း ဆိုင်များတွင် ရောင်းချလျက်ရှိသော Signal အမှတ်တံဆိပ် သွားတိုက်ဆေးများတွင် ကုန်ပစ္စည်းအစစ်နှင့် ကုန်ပစ္စည်းအတု၏ အသေးစိတ်အချက်အလက်များဖြင့် တိုက်ဆိုင်စစ်ဆေးခဲ့ရာတွင် ကုန်ပစ္စည်းအတုတွင်ပါဝင်သော အချက်များမတွေ့ရှိရဘဲ ကုန်ပစ္စည်းအစစ်များသာ ရောင်းချလျက်ရှိပြီး ဈေးဆိုင်ရှင်များအား ကုန်ပစ္စည်းအတုတွင် ပါဝင်သော အချက်များအား ရှင်းလင်းပြသခဲ့ပြီး ထိုအချက်များပါရှိသော ကုန်စည်အတုများအား ရောင်းချခြင်းမပြုကြရန် အသိပညာပေးပြောကြားခဲ့ကြောင်း သိရှိရပါသည်။

DOCA (ရန်ကုန်)