သတင်းနှင့် လှုပ်ရှားမှုများ

     ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် သမင်ခြံကျေးရွာအုပ်စုရှိ ကုန်ထုတ်လမ်းတစ်လျှောက် လမ်းဘေးဝဲ/ယာတွင် သစ်ပင်စိုက်ပျိုးပွဲအခမ်းအနားအား ဇွန်လ(၂၇) ရက်နေ့၊ နံနက်(၀၉:၀၀)နာရီအချိန်တွင် ကျင်းပပြုလုပ်ခဲ့ကြောင်း သိရသည်။

    ရှေးဦးစွာ ကော့မှူးမြို့နယ်စီမံအုပ်ချုပ်ရေးအဖွဲ့ ဥက္ကဌ ဦးမျိုးမင်းက ၂၀၂၅ ခုနှစ်၊ ဇူလိုင်လ (၃)ရက်နေ့တွင် ကျရောက်မည့် မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် ယခုလို ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၊ သမင်ခြံကျေးရွာအုပ်စုရှိ ကုန်ထုတ်လမ်း တစ်လျှောက် လမ်းဘေးဝဲ/ယာတွင် သစ်ပင်စိုက်ပျိုးပွဲ အခမ်းအနားအား ကျင်းပပြုလုပ်ရခြင်းဖြစ်ကြောင်း နိုင်ငံတော်အနေဖြင့် နှစ်စဉ်အရိပ်ရ သစ်ပင်စိုက်ပျိုး၍ သဘာဝပတ်ဝန်းကျင် ထိန်းသိမ်း ရေးအတွက် ကြိုးပမ်းဆောင်ရွက်လျက်ရှိကြောင်း၊ ယခုလိုသစ်ပင် စိုက်ပျိုးမှုမှ အရိပ်ရပင်များတိုးပွားလာခြင်း၊ လေထုအရည်အသွေးကို မြှင့်တင်ပေးနိုင်ခြင်းနှင့် ဖန်လုံအိမ်ဓာတ်ငွေ့ကို လျော့ချစေနိုင်ခြင်း စသည့် သစ်ပင်စိုက်ပျိုးခြင်း၏ အကျိုးကျေးဇူးများအား ပြောကြားခဲ့ပြီး ကော့မှူးမြို့ နယ်သစ်တောဦးစီးဌာနမှ မြို့နယ်ဦးစီးမှူး ဦးလူမင်းက ယခုလို သမင်ခြံကျေးရွာ သစ်ပင်စိုက်ပျိုး ပွဲ အခမ်းအနားသို့ တက်ရောက်ပေးပါသော ခရိုင်စီမံအုပ်ချုပ်ရေးအဖွဲ့မှ အဖွဲ့ဝင်(၂) ဦးဝင်းထွန်းနိုင်၊ မြို့နယ်စီမံအုပ်ချုပ်ရေးအဖွဲ့ဥက္ကဌ ဦးမျိုးမင်း၊ မြို့နယ်အဆင့်ဌာနဆိုင်ရာများ၊ ကျေးရွာအုပ် ချုပ်ရေးမှူးများ၊ ကျေးရွာမှ ဆရာ/ဆရာမများနှင့် ကျောင်းသား/ကျောင်းသူများ၊ ကျေးရွာရှိ ပြည်သူများအား အထူးပင်ကျေးဇူးတင်ရှိပါကြောင်း ယခုလို မြစ်ဘေးချောင်းဘေးရှိ ကျေးရွာများ အနေဖြင့် သစ်ပင်စိုက်ပျိုးခြင်းကြောင့် သဘာဝဘေးအန္တရာယ်နှင့် ရာသီဥတုပြောင်းလဲမှု ဖြစ်စဉ် များကိုလည်း လျော့ကျစေနိုင်ခြင်း စသည့် အကျိုးကျေးဇူးများအား ပြောကြားခဲ့ပြီး တက်ရောက် လာသောဌာနဆိုင်ရာ အကြီးအကဲများအား ကျေးရွာအုပ်ချုပ်ရေးမှူးများထံသို့ သစ်ပင်များလွှဲ ပြောင်းပေးအပ်ခဲ့ပြီး သတ်မှတ်နေရာများတွင် စုပေါင်းသစ်ပင်စိုက်ပျိုးခဲ့ကြောင်း သိရှိရပါသည်။

DOCA(ရန်ကုန်)

၂၀၂၅ ခုနှစ်၊ ဇွန်လ ၂၄ ရက်နေ့၊ နေ့လယ် (၁၄း၀၀)နာရီအချိန်တွင် ရှမ်းပြည်နယ် စားသုံးသူရေးရာဦးစီးဌာန၊ တောင်ကြီးမြို့မှ စစ်ဆေးရေးအရာရှိနှင့် ဝန်ထမ်းများသည် တောင်ကြီး မြို့ပေါ်ရှိ ကုန်စုံဆိုင်များဖြစ်သော ဇွန် မီနီမတ်နှင့် သန်းကြွယ်စတိုးတို့တွင် Signal သွားတိုက် ဆေးအတုများ ရောင်းချနေမှုများရှိ/ မရှိ ဈေးကွက်စောင့်ကြည့်စစ်ဆေးခဲ့ပါသည်။
အဆိုပါ စျေးကွက်စောင့်ကြည့်စစ်ဆေးရာတွင် စားသုံးသူပြည်သူများ‌ ဘေးအန္တရာယ်ကင်းရှင်းစွာ ဝယ်ယူသုံးစွဲနိုင်စေရေးအတွက် ရုံးချုပ်၏ညွှန်ကြားချက်အရ စျေးကွက်အတွင်းဝင်‌ရောက်လာသော တရားမဝင် Signal သွားတိုက်ဆေးအတုများ ရောင်းချနေမှုရှိ/ မရှိ၊ မြန်မာဘာသာနှင့်ဖြစ်စေ၊ အခြားဘာသာတစ်ခုခုနှင့်ဖြစ်စေ တွဲလျက်ဖော်ပြထားသော ကုန်အညွှန်းအမှတ်အသားများ ပြည့်စုံမှန်ကန်စွာပါရှိမှုရှိ/ မရှိ စစ်ဆေးခြင်း၊ လုပ်ငန်းရှင်များအား တရားမဝင်အတုအပပစ္စည်းများ ရောင်းချခြင်းများ မပြုလုပ်ရေး ပြောကြားခဲ့ကြောင်း သိရှိရပါသည်။
DOCA(ရှမ်း)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသ ကြီး၊ ရွှေဘိုခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်း အမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/မရှိနှင့် အထက်ဌာန၏ လမ်းညွှန်ချက်များအရ ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိပါသည်။ ဈေးကွက်စောင့်ကြည့်စစ်ဆေးခြင်း များဆောင်ရွက်ရာတွင် မိတ်ဘက်ဌာနဆိုင်ရာများနှင့်ပူးပေါင်း၍ သော်လည်းကောင်း၊ စားသုံးသူ ကာကွယ်ရေးဥပဒေအရ ခန့်အပ်ထားသော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက်လျက်ရှိပါသည်။
ရွှေဘိုခရိုင်အနေဖြင့်(၆/၂၀၂၅)လအတွင်း ဒု-ခရိုင်ဦးစီးမှူး၊ ရွှေဘိုမြို့နယ်တာဝန်ခံ၊ စားသုံးသူရေးရာ ဌာနခွဲတာဝန်ခံနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံတို့သည် မြို့နယ်ပြည်သူ့ကျန်းမာရေးဦးစီးဌာန၊ ပြည်တွင်းအခွန်များဦးစီးဌာန၊ မြို့နယ်စည်ပင်သာယာရေးကော်မတီတို့နှင့်ပူးပေါင်း၍ ရွှေဘိုမြို့၊ အမှတ်(၅) ရပ်ကွက်ရှိ အောင်မေတ္တာ(ကုန်စုံဆိုင်)အားလည်းကောင်း၊ အမှတ်(၄)ရပ်ကွက်ရှိ အောင်မင်္ဂလာ(ကုန်စုံဆိုင်) အားလည်းကောင်း၊ အမှတ်(၂)ရပ်ကွက်ရှိ မြတ်ခိုင်(ဆေးဆိုင်)အားလည်းကောင်း၊ အမှတ်(၇)ရပ်ကွက်ရှိ ဖြိုးအမှတ်တံဆိပ် သနပ်ခါးအလှကုန် ထုတ်လုပ်ဖြန့်ဖြူးရောင်းချသည့်လုပ်ငန်းအား ဈေးကွက် စောင့်ကြည့်စစ်ဆေးခြင်းနှင့် ယခုလအတွင်းအထက်ဌာန၏ ညွှန်ကြားချက်အရ Singnal အမှတ်တံဆိပ် သွားတိုက်ဆေးအတုများ ရောင်းချခြင်းရှိ/မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြပြီး ဌာန၏ဥပဒေ၊ အမိန့်နှင့်ညွှန်ကြားချက်ပါအကြောင်းများကို အသိပညာပေးဆွေးနွေးခြင်းများ ဆောင်ရွက် ခဲ့ကြကြောင်း သတင်းရရှိပါသည်။
DOCA(စစ်ကိုင်း)

၂၀၂၅ ခုနှစ် ဇွန် လ ၂၅ ရက်နေ့ ရှမ်းပြည်နယ်တောင်ကြီးမြို့ ပြည်သူ့အားကစားကွင်း မိုးလုံ လေလုံအားကစားခန်းမတွင် ရှမ်းပြည်နယ် အစိုးရအဖွဲ့မှ အငြိမ်းစားနိုင်ငံ့ဝန်ထမ်းများအား ကျန်းမာ ရေးစောင့်ရှောက်မှုပေးခြင်းနှင့် ထောက်ပံ့မှုပေးခြင်း အခမ်းအနားကျင်းပခဲ့ကြောင်း သိရပါသည်။
ရှမ်းပြည်နယ် အစိုးရအဖွဲ့၏ စီစဉ်ကြီးကြပ်မှုအရ အငြိမ်းစားနိုင်ငံ့ဝန်ထမ်း (၁၅၂၀) ဦးအား ကိုဗစ်ရောဂါကာကွယ်ဆေးထိုးပေးခြင်း၊ အခြားကျန်းမာရေးစောင့်ရှောက်မှုအဖြစ် ရောဂါအမျိုးမျိုးကို စစ်ဆေးပေးခြင်း ကုသပေးခြင်းတို့ကို ကျန်းမာရေးဝန်ထမ်းများမှ ဝန်ဆောင်မှုပေးခဲ့ပြီး Smart Card ပြုလုပ်ရာတွင် လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာနမှ ဝန်ဆောင်မှုပေးခဲ့ပါသည်။
နံနက် (၀၉း၃၀) နာရီမှ ညနေ (၀၃း၀၀) နာရီအချိန်ထိ အငြိမ်းစားဝန်ထမ်း ၁၅၂၀ ဦး အားစားသုံးသူရေးရာ ဦးစီးဌာနနှင့် တိရိစ္ဆာန်မွေးမြူရေးနှင့် ကုသရေးဦးစီးဌာနတို့မှ ဆီ ၆၇၀ ပိသာ နှင့် ကြက်ဥ ၃၀၄၀၀ လုံး တို့ကို ပြည်နယ်အစိုးရ၏ ထောက်ပံ့မှုကို ကုန်စည်နှင့်ဝန်ဆောင်မှု ပေးခဲ့ကြောင်းသိရှိရပါသည်။