သတင်းနှင့် လှုပ်ရှားမှုများ

   ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်း၊ အစိုးရအဖွဲ့ဝန်ကြီးများနှင့် အတူ ၂၀၂၅ ခုနှစ် အောက်တိုဘာလ ၂၅ ရက်နေ့ နေ့လယ်ပိုင်းက ကြံခင်းမြို့၊ မြို့မရပ်ကွက်၊ မက်သနော(လ်)လမ်းနှင့်လမ်းမတော်လမ်းဆုံတွင်ဆောက်လုပ်ထားသည့်ဗုဒ္ဓတစ်ထောင်အကောက်တောင် မုခ်ဦးဖွင့်ပွဲအခမ်းအနားအား တက်ရောက် ချီးမြှင့် ဖွင့်လှစ်ကြသည်။

    ရှေးဦးစွာ အ.ထ.က(၁)ဘင်ခရာအဖွဲ့မှ ဧရာဝတီတိုင်းဒေသကြီး ဝန်ကြီးချုပ် ဦးတင်မောင်ဝင်း အား ဂုဏ်ပြုအလေးပြုကြပြီး၊ မုခ်ဦးဖွင့်ပွဲအခမ်းအနားကို ကျင်းပခဲ့ရာ ဧရာဝတီတိုင်းဒေသကြီး ဦးတင်မောင်ဝင်း၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ခန့်မွန်ဆွေ၊ သယံဇာတရေးရာ ဝန်ကြီး ဦးအုန်းမြင့်၊ လမ်းပန်းဆက်သွယ်ရေးဝန်ကြီး ဦးအောင်ဆန်းချစ်နှင့် တိုင်းရင်းသားရေးရာ ဝန်ကြီး ဦးစောလင်းခယ် တို့က ဗုဒ္ဓတစ်ထောင်အကောက်တောင်မုခ်ဦးအား ဖဲကြိုးဖြတ်ဖွင့်လှစ်ပေး ကြပြီးနောက် စုပေါင်းမှတ်တမ်းတင် ဓာတ်ပုံရိုက်ကူးခဲ့ကြသည်။ ထို့နောက် မုခ်ဦးနှင့် ကြံခင်းမြို့ရိုးရာ ကျွဲဝိုင်းအဖွဲ့၊ ဘင်ခရာအဖွဲ့တို့၏ ကပြဖျော်ဖြေမှုများအား ဧရာဝတီတိုင်းဒေသကြီးဝန်ကြီးချုပ်နှင့် တိုင်းဒေသကြီးအစိုးအရအဖွဲ့ဝင်များ၊ တာဝန်ရှိသူများက လှည့်လည်ကြည့်ရှု အားပေးကြသည်။ ဆက်လက်၍ ဖွင့်ပွဲအခမ်းအနားတွင် ပါဝင်ကူညီခဲ့ကြသော ခတ်သစ်မောင်ကျွဲဝိုင်းအဖွဲ့၊ အ.ထ.က(၁) ဘင်ခရာအဖွဲ့၊ ပန်ဖွားအကအဖွဲ့များအား ဂုဏ်ပြုချီးမြှင့် ငွေများပေးအပ်ခဲ့သည်။

   အဆိုပါ ဗုဒ္ဓတစ်ထောင်အကောက်တောင်မုခ်ဦးဖွင့်ပွဲ အခမ်းအနားအား ဧရာဝတီုင်းဒေသကြီး အစိုးရအဖွဲ့ဝန်ကြီးချုပ် ဦးတင်မောင်ဝင်းနှင့် အစိုးရအဖွဲ့ဝန်ကြီးများ၊ ခရိုင်/မြို့နယ် စီမံခန့်ခွဲရေးနှင့် အုပ်ရေးကော်မတီဥက္ကဋ္ဌနှင့်အဖွဲ့ဝင်များ၊ မြို့နယ်အဆင့်ဌာနဆိုင်ရာများ၊ မြို့မိ၊ မြို့ဖများ၊ အကောင် တောင် ဘုရားဂေါပကဥက္ကဋ္ဌနှင့်အဖွဲ့ဝင်များ၊ လူမှုရေးအသင်းအဖွဲ့များ၊ ကျောင်းသား/ကျောင်းသူများ နှင့် ချင်းတိုင်းရင်းသားများ စုစုပေါင်း ၃၀၀ ကျော်ခန့် တက်ရောက်ခဲ့ကြသည်။  ဘုရားဖူးခရီးသွား ပြည်သူများ အဆင်ပြေချောမွေ့စွာ သွားရောက်ဖူးမျှော်ကြည်ညိုနိုင်ရေး၊ ကြိုဆိုရေး အထိမ်း အမှတ် ဖြစ် မုခ်ဦးကြီးအား (၇.၁၂.၂၀၂၄) တွင် တည်ဆောက်ရေးလုပ်ငန်းများစတင်ခဲ့ပြီး (၂၃.၁၀.၂၅) ရက်နေ့ တွင် ဖွင့်လှစ်နိုင်ခဲ့ရာ မုဒ်အကျယ် (၄၀)ပေ၊  အမြင့် (၃၈) ပေ၊ ယာဥ်ဝင်အမြင့် (၂၄) ပေခန့်ရှိသည်။ ထိုသို့ ဆောက်လုပ်ရာတွင် ဗုဒ္ဓတစ်ထောင်အကောက်တောင်ဘုရားဂေါပကများမှ မတည်လှူဒါန်းခဲ့ ပြီး ကြံခင်းမြို့ဌာနဆိုင်ရာများ၊ ကြံခင်းမြို့နယ်ရှိ ကျေးရွာ/အုပ်စု (၃၅)စုမှ အလှူရှင်(၇)ရက်သား သမီးများ စုပေါင်းထည့်ဝင်လှူဒါန်းငွေ သိန်း(၁၀၀၀)ကျော်ခန့် ကုန်ကျခဲ့ပါကြောင်း မုခ်ဦးတည် ဆောက်ရေး ကော်မတီထံမှ သတင်းရရှီပါသည်။

DOCA(ဧရာဝတီ)

         စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၂)ဦးတို့သည် (၃၀.၁၀.၂၀၂၅)ရက်နေ့ နေ့လယ် (၁၃:၀၀) နာရီအချိန်တွင် မင်္ဂလာဒုံမြို့နယ်၊ ထောက်ကြန့် ရတနာဈေးရှိ ရုံ(ခ)၊ အမှတ်(၇၇/၇၈)ရှိ ဦးဇော်ဇော်စားအုန်းဆီအရောင်းဆိုင်သို့ ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ကြောင်း သိရသည်။

        ထိုသို့ဆောင်ရွက်ခဲ့ရာတွင် ထောက်ကြန့်ရတနာဈေးစည်ပင်များမှ ပူးပေါင်းပါဝင်လျက် မိမိရရှိသောခွဲတမ်းကို စာအုပ်စနစ်ဖြင့် အိမ်ထောင်စုတစ်စုလျှင် (၅၀)ကျပ်သားနှုန်းဖြင့် တစ်လကို (၂)ပိသာနှုန်းပေးပါကြောင်း၊ နေ့စဉ်ရပ်ကွက်အပိုင်းအလိုက် ရောင်းပေးလျက်ရှိပါကြောင်း၊ သတ်မှတ်ဈေးနှုန်းအတိုင်း ရောင်းချပေးလျက်ရှိပြီး ဈေးနှုန်းမြှင့်တင်ရောင်းချခြင်းလည်းမရှိပါကြောင်း လက်ကျန်များလည်း မထားရှိဘဲ တစ်နေ့စာတစ်နေ့ကုန်အောင် ရောင်းချပေးပါကြောင်းနှင့် မိမိတို့ ဌာနမှလည်း သတ်မှတ်စည်းကမ်းချက်များအား လိုက်နာဆောင်ရွက်မှုမရှိခဲ့လျှင် အရေးယူဆောင်ရွက်သွားမည်ဖြစ်ကြောင်း ကွင်းဆင်းစစ်ဆေးချက်အရ သိရှိရပါသည်။

DOCA (ရန်ကုန်)

       (၃၀.၁၀.၂၀၂၅)ရက်နေ့ နေ့လယ် (၁၄:၀၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိများသည် မင်္ဂလာဒုံမြို့နယ်အတွင်းရှိ Modern Mart များနှင့်ဈေးများတွင် စားသောက်ကုန်၊ လူသုံးကုန်ပစ္စည်းများ ရောင်းချနေသည့်ဈေး နှုန်းဈေးကွက်အခြေအနေနှင့် ပစ္စည်းပြတ်လပ်မှုရှိ/ မရှိအား ဈေးကွက်စောင့်ကြည့်ကွင်းဆင်း စစ်ဆေးခြင်းများ ဆောင်ရွက်ခဲ့ကြောင်း သိရသည်။

       ထိုသို့ကွင်းဆင်းစစ်ဆေးခဲ့ရာတွင် ထိုင်းနိုင်ငံထုတ်စားသောက်ကုန်နှင့် လူသုံးကုန်ပစ္စည်းများ ရောင်းချနေသည့်ဆိုင်များအား ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် သတ်မှတ်ထားသည့်ဥပဒေ ညွှန်ကြားချက်များအား လိုက်နာဆောင်ရွက်ရန်၊ ဈေးကွက်အတွင်း ရောင်းချနေသော ကုန်စည်များတွင် ကုန်အညွှန်းအမှတ်အသားဖော်ပြချက်ပြည့်စုံမှုရှိ/ မရှိအား ဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက်သွားမည်ဖြစ်ကြောင်း၊ ပစ္စည်းများပြတ်လပ်မှုရှိ/ မရှိနှင့် ယခင်အပတ်ဈေးနှုန်းနှင့် ယခုအပတ်ဈေးနှုန်းများကောက်ခံ၍ ဈေးကွက် စောင့်ကြည့်စစ်ဆေးခဲ့ပါကြောင်း သိရှိရပါသည်။

DOCA (ရန်ကုန်)

        စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးနှင့် ဝန်ထမ်းများသည် (၃၀.၁၀.၂၀၂၅)ရက်နေ့ နံနက်(၁၀:၃၀) နာရီခွဲအချိန်တွင် အင်းစိန်မြို့နယ်အတွင်းရှိ အင်းစိန်ဈေးနှင့် ဘိုကုန်းဈေးတို့တွင် ထိုင်းနိုင်ငံထုတ်စားသောက်ကုန်၊ လူသုံးကုန်ပစ္စည်းများ၊ ဈေးနှုန်းဈေးကွက် အခြေအနေအား မြေပြင်ကွင်းဆင်းစစ်ဆေးခဲ့ကြောင်း သိရသည်။

        ထိုသို့ကွင်းဆင်းစစ်ဆေးဆောင်ရွက်ရာတွင် ထိုင်းနိုင်ငံထုတ်ကုန်ပစ္စည်းများ၏ ယခင်အပတ်၊ ယခုအပတ်တွင် ရောင်းချနေသော ဈေးနှုန်းကောက်ခံခြင်းနှင့် ကုန်ပစ္စည်းများတွင် ကုန်အညွှန်းအမှတ် အသားဖော်ပြခြင်း ပြည့်စုံမှုရှိ/ မရှိ စစ်ဆေးခဲ့ပြီး ဒေါ်နီလာဝင်း၊ ဦးစီးမှူးက လုပ်ငန်းရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ တွင် အခန်း(၁၈)ပါ ကုန်အညွှန်းအမှတ်အသားဖော်ပြရာတွင် မည်သည့်စီးပွားရေးလုပ်ငန်းရှင်မဆို ပုဒ်မခွဲ(ခ)နှင့် (ဆ)တို့ပါ အချက်များကို မြန်မာဘာသာ  ဖြင့်ဖြစ်စေ၊ မြန်မာဘာသာနှင့်အခြားဘာ သာတစ်ခု(သို့)တစ်ခုထက်ပို၍ တွဲလျက်ဖြစ်စေရေးသား ဖော်ပြရမည်ဖြစ်ကြောင်း အသိပညာပေး ပြောကြားခဲ့ကြောင်း သိရှိရပါသည်။

DOCA (ရန်ကုန်)

        ပဲခူးတိုင်းဒေသကြီး၊ ဇီးကုန်းမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ ကျောင်းသား/ ကျောင်းသူများ အသိပညာဗဟုသုတတိုးပွားလာစေရန်နှင့် စားသုံးသူကာကွယ်ရေးလုပ်ငန်းများ သိရှိလိုက်နာလာစေရန် အသိပညာပေး ကွင်းဆင်းဆောင် ရွက်ခြင်းအား (၁၄.၁၀.၂၀၂၅)ရက်၊နေ့လယ်  (၁၃:၀၀)နာရီတွင် ဝက်ကော် အခြေခံပညာအလယ် တန်းကျောင်း(ခွဲ) ၌ ကျင်းပခဲ့ပါသည်။

          ရှေးဦးစွာ ကျောင်းအုပ်ဆရာကြီး ဦးမြင့်ဆွေက  အဖွင့်အမှာစကား ပြောကြားပြီး စားသုံးသူ ရေးရာ ဦးစီးဌာနမြို့နယ်တာဝန်ခံ  ဒေါ်မြင့်မြင့်ခင်က စားသုံသူကာကွယ်ရေးဆိုင်ရာ  စားသုံးသူ အခွင့်အရေးနှင့် တာဝန်များ၊ ကုန်အညွှန်းအမှတ်အသားများအား ကုန်စည်တိုင်းတွင် ပြည့်စုံစွာဖော်ပြ ပါရှိရေး စားသုံးရန်မသင့်သောအစားအစာများ သတင်းအချက်အလက်များကိုလေ့လာ၍ ရွေးချယ်  ဝယ်ယူစားသောက်နိုင်ရန် အသိပညာပေးဟောပြောခဲ့ပါသည်။ ဆက်လက်၍ မြို့နယ် ပြန်ကြားရေး   နှင့် ပြန်ကြားရေးဦးစီးဌာန ဦးစီးအရာရှိ ဒေါ်မာမာဦးက စာဖတ်ခြင်းဖြင့်ရရှိမည့် အကျိုးကျေးဇူးများ   ကိုလည်းကောင်း ၊ ဒုဦးစီးမှူး ဒေါ်ရီရီမြင့်မှ ပုံပြင်စာအုပ်များဖတ်ပြခြင်းဖြင့် ကလေးငယ်များ စိတ်ပျော်ရွင်မှု ရင်းနှီးရိုင်းပင်းစွာ နေထိုင်နိုင်မှု များရရှိလာစေရန်ပြောကြားခဲ့ပါသည်။

          ထိုနောက် ကျောင်းသူ၊ ကျောင်းသားများအား နံရံကပ်စာစောင်များဖြင့် စာအုပ်စာပေ ဖတ်ကြစို့ခေါင်းစဉ်ဖြင့်  ပြန်ကြားရေးနှင့်ပြည်သူ့ဆက်ဆံရေးဌာနမှ ပြသဖတ်ရူစေ၍ အသိပညာပေး    ဟောပြောမှုအား ပူးပေါင်းဆောင်ရွက်ခဲ့ပါသည်။

DOCA (ပဲခူး)