HighLight News

        ကျိုက်လတ်မြို့နယ်တာဝန်ခံနှင့် ဝန်ထမ်းတို့သည် ( ၁၁. ၂. ၂၀၂၆)ရက်နေ့(၁၁ : ၂၀)နာရီအချိန်တွင် ဆီကုန်သည်နှင့် ဆီလုပ်ငန်းရှင်အသင်း၊ စည်ပင်သာယာရေးအဖွဲ့တို့ ပါဝင်သော ပူးပေါင်းအဖွဲ့ဖြင့် ကျိုက်လတ်မြို့ မြို့မဈေးကြီးအတွင်းရှိ “ဖူးပွင့်ဝေ” “မောင်မောင်” “ထူးအောင်” ကုန်စုံဆိုင်တွင် ရောင်းချနေသော စားအုန်းဆီများကို သတ်မှတ်ထားသော ရည်ညွှန်းဈေးဖြင့် ရောင်းချခြင်းရှိ/ မရှိ ကွင်းဆင်းစိစစ်ခဲ့ကြပါသည်။

      ထိုသို့ကွင်းဆင်းစိစစ်ရာတွင် ကျိုက်လတ်မြို့ မြို့မဈေးကြီးအတွင်းရှိ စားအုန်းဆီအရောင်းဆိုင်များတွင် သတ်မှတ်ထားသော ရည်ညွှန်းဈေးနှုန်းအတိုင်း ဗီနိုင်းများ ချိတ်ဆွဲ၍ ရောင်းချခြင်း၊ အလေးအချိန်မှန်ကန်စွာ ရောင်းချနေပြီး အရေးယူဆောင်ရွက်ထားရှိမှုများ မရှိပါကြောင်း သတင်းရရှိပါသည်။

 DOCA(ဧရာဝတီ)

     ရန်ကုန်တိုင်းဒေသကြီး၊ စားသုံးသူရေးရာဦးစီးဌာနမှ ဒုတိယညွှန်ကြားရေးမှူး ဦးတင်မိုး အောင် ဦးဆောင်၍ အနောက်ပိုင်းခရိုင်ဦးစီးမှူးနှင့် မြောက်ပိုင်းခရိုင်ဦးစီးမှူး၊ အထွေထွေ အုပ်ချုပ် ရေးဦးစီးဌာနနှင့် ဆန်စပါးလုပ်ငန်းရှင်များအသင်းတို့ ပူးပေါင်းပါဝင်၍ (၅.၂.၂၀၂၆) ရက်နေ့ နံနက် (၁၀:၀၀) နာရီအချိန်တွင် မရမ်းကုန်းမြို့နယ်၊ ဘုရင့်နောင်ပွဲရုံအတွင်းရှိ ဆန်သိုလှောင်ရုံများ၊ ဆန်ပွဲရုံများသို့ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

        ထိုသို့ကွင်းဆင်းစစ်ဆေးရာတွင် ဆန်ပြတ်လပ်မှုမရှိစေရေး၊ ဈေးနှုန်းကြီးမြှင့်မှုမရှိစေရေးနှင့် ကုန်ဈေးနှုန်းများ တည်ငြိမ်စေရေးအတွက် ကြပ်မတ်ဆောင်ရွက်လျက်ရှိရာ ဆန်လက်လီ/ လက်ကား ရောင်းချသူများအား ဆန်များကိုသင့်တင့်မျှတသော နှုန်းထားများဖြင့် ရောင်းချရန်၊ ဈေးကစားရန်ရည်ရွယ်ချက်ဖြင့် သိုလှောင်ရောင်းချခြင်းများမပြုလုပ်ရန်၊ ဆန်အမျိုးအစားအလိုက် ဆန်များကို ဈေးနှုန်းမြှင့်တင်ရောင်းချခြင်းများ မပြုလုပ်ရန်နှင့် ဆန်သိုလှောင်ရောင်းချပါ က ဆန်စပါးသိုလှောင်ရုံများ မြန်မာ့ဆန်စပါးအွန်လိုင်း (MyRo) တွင် မှတ်ပုံတင်ရန် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာနနှင့်ချိတ်ဆက်ပြီး ဆောင်ရွက်သွားရန်လိုအပ်ကြောင်း ကွင်းဆင်းစစ်ဆေးဆွေးနွေးခဲ့ကြောင်း သိရှိရပါသည်။

DOCA (ရန်ကုန်)

          ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနအနေဖြင့် ကုန်စည်အမျိုးအစားအလိုက် လစဉ်ဈေးကွက်စောင့်ကြည့်စစ်ဆေးခြင်းများကို ဆောင်ရွက်လျက်ရှိရာ စားသုံးသူရေးရာဦးစီးဌာန ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့် အညီ ယခုလအတွင်း စစ်ဆေးရမည့် သွားတိုက်ဆေးအမျိုးမျိုးတို့အား ဖေဖော်ဝါရီလ (၆) ရက် နေ့၊ နံနက် (၀၉:၀၀) နာရီအချိန်တွင် ဆက်စပ်ဌာနများနှင့် ပူးပေါင်း၍ ကွင်းဆင်းစစ်ဆေးခဲ့ ကြောင်းသိရသည်။

           ထိုသို့ ဈေးကွက်စောင့်ကြည့်စစ်ဆေးရာတွင် ကွမ်းခြံကုန်းမြို့နယ် စည်ပင်သာယာရေးအဖွဲ့မှ ဈေးတာဝန်ခံ ဦးဇော်အေးမင်း၊ ကျန်းမာရေးမှူး-၃ ဦးထွန်းထွန်း၊ စားသုံးသူရေးရာဦးစီးဌာန မြို့ နယ်တာဝန်ခံ ဒေါ်နွယ်နွယ်အေး၊ ဌာနခွဲစာရေး ဦးတင်ထွန်းဦးတို့ ပူးပေါင်းဆောင်ရွက်ခဲ့ကြပြီး ကွမ်းခြံကုန်းမြို့နယ် မြို့မဈေးအတွင်း သွားတိုက်ဆေးအမျိုးမျိုး ရောင်းချသည့်ဆိုင်များဖြစ်သည့် နွေးနွေး (အလှကုန်နှင့်ကုန်မျိုးစုံရောင်းဝယ်ရေးဆိုင်)၊ ဦးလှရှိန် (ကုန်မျိုးစုံရောင်းဝယ်ရေးဆိုင်)၊ ဒေါ်ငြိမ်းငြိမ်းသူ (ကုန်မျိုးစုံရောင်းဝယ်‌ရေး)ဆိုင်တို့မှ Signal(ဆစ်ဂနယ်)သွားတိုက်ဆေး၊ 3D သွားတိုက်ဆေး၊ လေဆာသွားတိုက်ဆေး၊ Colgate သွားတိုက်ဆေးများတွင် ပါရှိရမည့် ကုန်အညွှန်း အမှတ်အသားများ ပြည့်စုံစွာပါဝင်မှုရှိ/ မရှိ စိစစ်ဆောင်ရွက်ခဲ့ကြသည်။

          အဆိုပါသွားတိုက်ဆေးအမျိုးမျိုးတို့တွင် ကုန်အညွှန်းအမှတ်အသားများပြည့်စုံမှုရှိကြောင်း တွေ့ရှိခဲ့ကြပြီး စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးက လူတိုင်းနေ့စဉ် သုံးစွဲနေရသော ကုန်စည်များတွင် သွားတိုက်ဆေးသည် သွားကျန်းမာရေးအတွက် အဓိကအရေးကြီး ကုန်စည်ဖြစ်သောကြောင့် သွားတိုက်ဆေးများကို ယခုကဲ့သို့ စစ်ဆေးရခြင်းဖြစ်ကြောင်းနှင့် အခြားကုန်စည်များတွင် ပါရှိရမည့် ကုန်အညွှန်းအမှတ်အသားများ ပြည့်စုံစွာပါရှိမှသာ စားသုံးသူများ ဘေးကင်းလုံခြုံစိတ်ချရမည်ဖြစ်ကြောင်း ပိုင်ရှင်လုပ်ငန်းရှင်များနှင့် တွေ့ဆုံဆွေးနွေး ကွင်းဆင်း စိစစ်ခဲ့ကြောင်း သိရှိရပါသည်။

DOCA(ရန်ကုန်)

       ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်အတွင်း ဖွင့်လှစ်ထားသော အေးမေတ္တာ အထူးကုဆေးဆိုင်သို့ အစားအသောက်နှင့်ဆေးဝါးကွပ်ကဲရေးအဖွဲ့ (ရန်ကုန်) မှ ဦးဆောင်၍ စားသုံးသူရေးရာဦးစီးဌာနမှ အဖွဲ့ဝင်အဖြစ်လိုက်ပါပြီး ဖေဖော်ဝါရီလ (၄)ရက်နေ့၊ နံနက် (၁၀:၀၀) နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

         ထိုသို့ ကွင်းဆင်းစစ်ဆေးရာတွင် အစားအသောက်နှင့်ဆေးဝါးကွပ်ကဲရေးဦးစီးဌာနမှ ဒုတိယညွှန်ကြားရေးမှူး ဒေါက်တာညီညီဝင်းနှင့် ဝန်ထမ်းများ ဦးဆောင်၍ မြို့နယ်ပြည်သူ့ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ မြို့နယ်စားသုံး သူရေးရာဦးစီးဌာနတို့ ပူးပေါင်း၍ အနော်ရထာလမ်း၊  အမှတ်(၁)ရပ်ကွက်တွင် ဖွင့်လှစ်ထားသော အေးမေတ္တာ အထူးကုဆေးခန်း၏ ဆေးဆိုင်သို့ ဆေးဝါးများစနစ်တကျရောင်းချမှုရှိ/မရှိ၊ ထိန်းချုပ် ဆေးဝါးများ ရောင်းချမှုရှိ/မရှိ၊ ဆေးဆိုင်လိုင်စင်ရှိ/မရှိနှင့် ထိန်းချုပ်ဆေးဝါးများအား သတ်မှတ်ချက်နှင့်အညီ လုံခြုံစွာထားသိုရောင်းချနိုင်ရန် စီစဉ်ထားရှိနိုင်ရေးနှင့် လိုအပ်သည်များမှာကြား ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

          ရန်ကုန်တိုင်းဒေကြီး၊ သန်လျင်ခရိုင်၊ ခရမ်းမြို့နယ်အတွင်းရှိ စားသုံးသူပြည်သူများ ဝယ်ယူ သုံးစွဲရာတွင် ဆန်ဈေးနှုုန်းကြီးမြင့်မှုမရှိစေရေးနှင့် ပစ္စည်းမှန်ဈေးနှုန်းမှန်ကန်မှုရှိပြီး ဝယ်ယူသည့် ကုန်စည်သည် ပေးချေလိုက်ရသည့်တန်ဖိုးနှင့်အညီ ရရှိစေရန်ရည်ရွယ်၍ စားသုံးသူရေးရာ ဦးစီးဌာန၊ ခရမ်းမြို့နယ်တာဝန်ခံနှင့်ဝန်ထမ်းများသည် မြို့နယ်စည်ပင်သာယာရေးအဖွဲ့ ဈေးတာဝန်ခံတို့နှင့် ပူးပေါင်း၍ ဖေဖော်ဝါရီလ(၅)ရက်နေ့၊ နံနက်(၀၉:၃၀)နာရီအချိန်တွင် ဆန်ဆိုင်များအား ကွင်းဆင်းစစ်ဆေးခဲ့ကြောင်း သိရှိရပါသည်။

          ထိုသို့ ကွင်းဆင်းစစ်ဆေးရာတွင် ကရင်ဆန်ဆိုင်၊ ပြည့်ဝဆန်ဆိုင်နှင့် ဒေါ်သောင်းသောင်း ဆန်ဆိုင်တို့တွင် ရောင်းချနေသောဆန်ချော၊ ဆန်ကြမ်းများ၏ (၁) အိတ်ဈေးနှုန်း၊ (၁) ပြည် ရောင်းချနေသော လက်လီဈေးနှုန်းများအား စစ်ဆေးခြင်း၊ ဆန်များအား ဝယ်ယူသည့် ဒေသ၊ နေရာများ၊ ဝယ်ယူဈေးနှုန်းများအား စစ်ဆေးခဲ့ကြပြီး ဆိုင်ရှင်များအား ဆန်များကို သိုလှောင်၍ ဈေးနှုန်းမြှင့်တင်ရောင်းချခြင်း၊ အလေးချိန်၊ အချိန်အတွယ် မှန်ကန်မှုမရှိဘဲ ရောင်းချခြင်းများ မပြုလုပ်ကြရန်နှင့် ထိုသို့ ရောင်းချနေမှုအား စစ်ဆေးတွေ့ရှိခဲ့ပါက အရေးကြီးကုန်စည်နှင့် ဝန်ဆောင်မှုဥပဒေ၊ စားသုံးသူကာကွယ်ရေး ဥပဒေများနှင့်အညီ အရေးယူဆောင်ရွက်မည်ဖြစ်ကြောင်း အသိပေးခဲ့ကြောင်း သိရှိရပါသည်။

DOCA(ရန်ကုန်)