(၁၃.၇.၂၀၂၆) ရက်နေ့ နံနက် (၁၂:၀၀) နာရီအချိန်တွင် ပန်းတနော်မြို့နယ်၊ အင်းမကျေးရွာအုပ်စု၊ အခြေခံပညာအထက်တန်းကျောင်း၌ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်စားသုံးသူရေးရာဦးစီးဌာနနှင့် မြို့နယ်ကျန်းမာရေးဦးစီးဌာနတို့ ပူးပေါင်း၍ ကျောင်းသား/သူ (၁၀၀)ဦးအား အသိပညာပေးဟောပြောခြင်းနှင့် ကျောင်းကျန်းမာရေး ဆောင်ရွက်မှုများကိုပြုလုပ်ခဲ့ကြောင်း သိရသည်။
အခမ်းအနားတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ စာဖတ်ရှိန်မြှင့်တင်ရေး၊ လူငယ်များ စာပေဖတ်ရှုလေ့ရှိစေရေးနှင့် အသိပညာဗဟုသုတ တိုးပွားရေးဆိုင်ရာ အကြောင်းအရာများကို ဟောပြောခဲ့ပြီး၊ မြို့နယ်စားသုံးသူရေးရာဦးစီးဌာနမှ ဦးအောင်ကျော်သက် က စားသုံးသူအခွင့်အရေးများ၊ ကုန်ပစ္စည်းရွေးချယ်ဝယ်ယူရာတွင် သတိပြုလိုက်နာရမည့်အချက်များ၊ စားသုံးသူကာကွယ်ရေးဥပဒေ၏ ရည်ရွယ်ချက်များ၊ အမည်နှင့် အဓိပ္ပာယ်ဖွင့် ဆိုချက်များကို ရှင်းလင်းပြောကြားခဲ့ပြီး စားသုံးသူများ၏ အခွင့်အရေးနှင့် အကျိုးစီးပွားကို ကာကွယ်မြှင့်တင်ပေးရေး၊ လုံခြုံစိတ်ချရသော ကုန်စည်နှင့် ဝန်ဆောင်မှုများကို ရွေးချယ်သုံးစွဲနိုင်ရေး၊ မှန်ကန်ပြည့်စုံသော ကုန်စည်အချက် အလက်များကို သိရှိခွင့်ရရှိရေးနှင့် တရားမျှတသော ဈေးကွက်ယှဉ်ပြိုင်မှု ဖြစ်ပေါ်စေရေးတို့ကို ဥပဒေ၏ အဓိကရည်ရွယ်ချက်များအဖြစ် ရှင်းလင်းအသိပညာပေးခဲ့ကြောင်း သိရသည်။
ထို့နောက် မြို့နယ်ကျန်းမာရေးဦးစီးဌာနမှ တစ်ကိုယ်ရေသန့်ရှင်းရေး၊ ကျောင်းကျန်းမာ ရေးစောင့်ရှောက်မှု၊ ရာသီအလိုက်ဖြစ်ပွားတတ်သော ရောဂါများကာကွယ်ရေးနှင့် ကျန်းမာရေးအသိပညာပေး ဟောပြောခြင်းများ ဆောင်ရွက်ခဲ့ပြီး ကျောင်းသား/ သူများအား ကျန်းမာရေး စစ်ဆေးခြင်းနှင့် လိုအပ်သည့် ကျောင်းကျန်းမာရေး ဝန်ဆောင်မှုများကို ဆောင်ရွက်ပေးခဲ့ကြောင်း သိရသည်။
အဆိုပါ အသိပညာပေးဟောပြောပွဲနှင့် ကျောင်းကျန်းမာရေးဆောင်ရွက်မှုသို့ ကျောင်းသား /ကျောင်းသူ (၁၀၀)ဦး တက်ရောက်ခဲ့ကြပြီး စိတ်ဝင်တစား နားထောင်လေ့လာခဲ့ကြကြောင်း သိရှိရပါသည်။
DOCA(ဧရာဝတီ)