ဆန်စက်များသို့ ကွင်းဆင်းစစ်ဆေးခြင်းများဆောင်ရွက်ခြင်း
(၆-၅-၂၀၂၆) ရက်နေ့၊ နံနက်(၁၀း၃၀) နာရီအချိန်တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ ဒုတိယတိုင်းဦးစီးမှူး ဦးသန့်စင်၊ အရှေ့ပိုင်းခရိုင်ဦးစီးမှူးရုံးမှ ဦးဇော်မင်းလတ်(ခရိုင်ဦးစီးမှူး)နှင့် ဝန်ထမ်းများသည် အမှတ် (၁၄)၊ မြို့ပတ်လမ်း၊ သင်္ဘောကျင်း ရပ်ကွက်၊ ဒေါပုံမြို့နယ်ရှိ ရွှေသိန်းဆန်စက်နှင့်ဒဂုံဆိပ်ကမ်းမြို့နယ်၊ ဒဂုံဆိပ်ကမ်းစက်မှုဇုန်ရှိ ပင်လယ်ကိုးသွယ်ဆန်စက်များအားသွားရောက်၍ ဆန်ဖြန့်ဖြူးရောင်းချနေမှုအခြေအနေများကို ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးရာတွင် ဆန်စက်များတွင် ဆန်/ဆန်ကွဲအရည်အသွေးများကြည့် ရှုစစ်ဆေးခြင်း၊ သိုလှောင်ရုံပမာဏသတ်မှတ်ချက်များ ကိုက်ညီမှုရှိ/ မရှိစစ်ဆေးခြင်း၊ ဆန်ကွဲသို လှောင်ထားမှုအခြေအနေများကို ကြည့်ရှုစစ်ဆေးခြင်း၊ စပါး၊ ဆန်၊ ဆန်ကွဲ မြေပြင်လက်ကျန် စာရင်းကောက်ယူခြင်းများဆောင်ရွက်ခဲ့ပြီး မြန်မာနိုင်ငံဆန်၊ စပါးအသင်းချုပ်(MRF)မှ ထုတ်ပြန်ထားသော ရည်ညွှန်းဈေးနှုန်းဖြင့်သာရောင်းချကြရန်၊ ဆန်စက်များအနေဖြင့် ဈေးနှုန်းမြင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်းများစစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်းရှင်း လင်းပြောကြားခဲ့ကြောင်း သိရှိပါသည်။ ထို့နောက်စားသုံးသူရေးရာဦးစီးဌာနမှ ဆန်သတ်မှတ်ရည်ညွှန်းစျေးများအား လစဉ်ထုတ်ပြန်ပေးလျက်ရှိကြောင်း၊ ဆန်တန်ချိန် (၂၅) တန်အထက်သိုလှောင်ပါက မြန်မာ့ဆန်စပါးအွန်လိုင်း (Myanmar Rice Online) တွင် မဖြစ်မနေမှတ်ပုံတင်ရမည်ဖြစ်ကြောင်း အသိပညာပေးပြောကြားခဲ့ကြကြောင်း သိရှိရပါသည်။
DOCA(ရန်ကုန်)
