HighLight News

            မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ခရိုင်အစား အသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည် ပင်သာယာရေးအဖွဲ့၊ မြို့နယ်ကျန်းမာရေးဦးစီးဌာန၊ မြို့နယ်စားသုံးသူရေးရာဦးစီးဌာနနှင့် မြန်မာနိုင်ငံ ရဲတပ်ဖွဲ့တို့ ပူးပေါင်း၍ မြို့ပေါ်ရှိ ဆေးဆိုင်များသို့ ၂၀၂၅ ခုနှစ်၊ ဇွန်လ(၁၂)ရက်နေ့၊ နံနက် ၀၉:၀၀ နာရီအချိန်တွင် ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြပါသည်။

          အဆိုပါ ဈေးကွက်စောင့်ကြည့်စစ်ဆေးရေးအဖွဲ့သည် ကျောက်ပန်းတောင်းမြို့ပေါ်ရှိ “လူတော်”ဆေးအရောင်းဆိုင်များသို့ မြေပြင်ကွင်းဆင်း၍ စံမညီဆေးဝါးများ မြန်မာနိုင်ငံဆေးဝါး ထောက်ခံချက် အမှတ်မပါရှိသော ဆေးဝါးများ၊ သက်တမ်းလွန်ဆေးဝါးများ ရောင်းချမှုမရှိစေရေး ဆေးဝါးများအား သတ်မှတ်ချက်များ၊ ညွှန်ကြားချက်များနှင့်အညီ ထားသိုသိမ်းဆည်းမှုမှန်ကန် စေရေး၊ ဆရာဝန်ညွှန်ကြားချက်မလို‌သော ဆေးဝါးများအား သက်ဆိုင်ရာဌာနများ၏ သတ်မှတ်ချက် ဥပဒေ၊ အမိန့်၊ ညွှန်ကြားချက်များနှင့် အညီရောင်းချမှုရှိစေရေး၊ အခန်းအပူချိန်နှင့် တပြေးညီထုတ် ပြန်စေရေး၊ ဆေးဝါးများကို ခွဲခြမ်းထုပ်ပိုးရောင်းချမည်ဆိုပါက သက်ဆိုင်ရာဌာနများ၏ သတ်မှတ် လမ်းညွှန်ချက်များနှင့်အညီ ထုပ်ပိုးရောင်းချမှုရှိစေရေး စသည်တို့ကို စစ်ဆေးခဲ့ကြပြီး စားသုံးသူကာ ကွယ်ရေးဥပဒေပါ အခန်း(၁၈)ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ စီးပွားရေးလုပ် ငန်းရှင်များက ကုန်စည်၏တံဆိပ်အမှတ်အသား၊ အမျိုးအမည်၊ အရွယ်အစား၊ အရေအတွက်၊ အသား တင်ပမာဏ၊ သုံးစွဲပုံနည်းလမ်း၊ ဘေးထွက်ဆိုးကျိုး၊ ထားသိုသိမ်းဆည်းပုံအညွှန်း၊ ကြိုတင်သတိပေး ချက်တို့ကို မြန်မာဘာသာနှင့် တွဲဖက်ဖော်ပြရမည်ဖြစ်သလို ထုတ်လုပ်သည့် ရက်စွဲနှင့် သက်တမ်း ကုန်ဆုံးသည့်ရက်စွဲ၊ ကုန်ကြမ်းပစ္စည်းအမျိုးအမည်နှင့်ပါဝင်မှုအချိုးအစား၊ ထုတ်လုပ်မှုအမှတ်စဉ်နှင့် သက်ဆိုင်ရာဌာနများမှ ဖော်ပြရန်သတ်မှတ်ထားသောအချက်များ ဖော်ပြရမည်ဖြစ်သလို ဖြန့်ဖြူး ရောင်းချသူများသည်လည်း အဆိုပါသတ်မှတ်ချက်များနှင့် ကိုက်ညီသောဆေးဝါးများ ဖြည့်စွက်စာများကိုသာ ဆက်လက်ရောင်းချစေလိုကြောင်း၊ သက်တမ်းလွန်ဆေးဝါးများကိုလည်း စနစ်တကျ စွန့်ပစ်ရန်လိုအပ်ကြောင်း သက်ဆိုင်ရာဌာနများ၏ ဥပဒေ၊ အမိန့်၊ ညွှန်ကြားချက်များနှင့်အညီ လိုက်နာဖြန့်ဖြူး ရောင်းချကြရန် အသိပညာပေးခဲ့ကြပြီး နံနက်( ၁၁:၀၀) နာရီအချိန်တွင် ကွင်းဆင်းစစ်ဆေးမှု ပြီးစီးခဲ့ကြောင်း သိရှိရပါသည်။

DOCA(မန္တလေး)

            စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်းဒေသကြီး ဦးစီးမှူးရုံးမှ ဝန်ထမ်းများသည်  ၁၁-၆-၂၀၂၅ ရက် ဗုဒ္ဓဟူးနေ့  နံနက် ၁၀:၀၀ နာရီအချိန်မှ စ၍ ကုန်သွယ်မှုနှင့် ကုန်စည်စီးဆင်မှုများ မှန်ကန်မြန်ဆန်ရေး ဗဟိုကော်မတီက ပေပို့ထားသော ၂၀၁၆ ခုနှစ်မှ ၂၀၂၃ ခုနှစ်၊ မေလအထိ ပို့ကုန်တင်ပို့ခဲ့ပြီး ပို့ကုန်ရ‌ငွေ ပြန်လည်ဝင်ရောက်ရန် ကျန်ရှိသည့် မန္တလေးတိုင်းဒေသကြီးအတွင်းရှိ ကုမ္ပဏီများအား မြေပြင်ကွင်ဆင်းစစ်ဆေးခြင်း ဆောင်ရွက်ခဲ့ပြီး လိုအပ်သောအချက်အလက်များ ကောက်ယူစစ်ဆေးခြင်း ဆောင်ရွက်ခဲ့ကြောင်းသတင်းရရှိပါသည်။

DOCA(မန္တလေး)

             စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်း ဒေသကြီးဦးစီးမှူးရုံး၊ အစည်းအဝေးခန်းမ၌ ၂၀၂၅ခုနှစ်ဇွန်လ ၁၆ ရက်နေ့နံနက်(၁၀း၀၀)နာရီအချိန်တွင် ဝန်ထမ်း စွမ်းဆောင်ရည်မြှင့်တင်ရေးသင်တန်းဖွင့်ပွဲအခမ်းအနားတစ်ရပ်ကျင်းပခဲ့ပါသည်။

          အဆိုပါဝန်ထမ်းစွမ်းဆောင်ရည်မြှင့်တင်ရေးသင်တန်းဖွင့်ပွဲအခမ်းအနားတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ညွှန်ကြားရေးမှူးချုပ်ဦးခင်မောင်လှိုင်မှ အဖွင့်အမှာစကား ပြောကြားရာ သင်တန်းသားများအနေဖြင့်  (၂၀၂၂)ခုနှစ်တွင် ထုတ်ပြန်ခဲ့သည့် နိုင်ငံ့ဝန်ထမ်း ကျင့်ဝတ်(၃၀)နှင့်အညီ လိုက်နာကျင့်သုံးကြရန်နှင့် ဝန်ထမ်းများစွမ်းဆောင်ရည်မြှင့်တင်ရေးအတွက် ယခုကဲ့သို့ သင်တန်းများတွင် ဖွင့်လှစ်၍ လေ့ကျင့်သင်ကြားဖို့လိုကြောင်း၊ မိမိတို့ဦးစီးဌာန၏ မျှော်မှန်း ချက်၊ရည်မှန်းချက်များနှင့်အညီ ဌာနခွဲများအလိုက် အကောင်အထည်ဖော်ဆောင်ရွက်ရမည့် လုပ်ငန်း တာဝန်များသိရှိမှသာ  လုပ်ငန်းများအကောင်အထည်ဖော်ဆောင်ရွက်ရာတွင် အောင်မြင်နိုင် မည်ဖြစ်ကြောင်း၊မိမိတို့ဌာနအနေဖြင့်  ကုန်စည်၊ ဝန်ဆောင်မှုများ နှင့်ပတ်သက်၍ စားသုံးသူအခွင့်အရေး ဆိုင်ရာရှု့ထောင့်မှကုန်စည်ထုတ်လုပ်သူများအား လုံခြုံစိတ်ချရမှုဖြစ်စေသည့်လုပ်ငန်းစဉ်အလိုက် ဆောင်ရွက်မှုရှိမရှိ၊မှန်ကန်မှုရှိမရှိ စောင့်ကြည့်စစ်ဆေးသည့်လုပ်ငန်းစဉ်များ၊ကုန်သွယ်ရေးဦးစီးဌာန၊ မူပိုင်ခွင့်ဦးစီးဌာနနှင့် မြန်မာကုန်သွယ်မှုမြှင့်တင်ရေးအဖွဲ့တို့၏အခြေခံသိသင့်သိထိုက်သောအချက်များ ပို့ချဖို့လိုကြောင်း၊ သင်တန်းတက်ရောက်သူများအနေဖြင့် ဘာသာရပ်များအလိုက် စနစ်တကျ မှတ်သားဆောင်ရွက်သွားရန် တိုက်တွန်းပြောကြားခဲ့ကြောင်းသိရှိရပါသည်။

          ဆက်လက်၍ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူး၊ ညွှန်ကြားရေးမှူး ဦးဇေယျာဆွေမှ သင်တန်းကာလအား ၂၀၂၅ ခုနှစ်ဇွန်လ ၁၆ ရက်နေ့မှစ၍ ရက်သတ္တပတ်(၅) ပတ် ကျင်းပသွားမည်ဖြစ်ကြောင်း၊သင်တန်း သား/ သင်တန်းသူ(၂၀)ဦးအား စာတွေ့/လက်တွေ့ သင်ကြား ပေးမည်ဖြစ်ပါကြောင်း၊ ဝန်ထမ်းကျင့်ဝတ်ဆိုင်ရာသိကောင်းစရာများ၊စီမံရေးရာဌာနခွဲဆိုင်ရာ လုပ်ငန်း များ၊ ငွေစာရင်းဌာနခွဲဆိုင်ရာလုပ်ငန်းများ၊ စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးဆိုင်ရာကိစ္စများ၊ထုတ်ကုန်လုံခြုံစိတ်ချရမှုဆိုင်ရာလုပ်ငန်းများ၊ ပြည်တွင်း ကုန်သွယ် ရေးဖွံ့ဖြိုးမှုဆိုင်ရာလုပ်ငန်းများ၊ မူဝါဒဌာနဆိုင်ရာလုပ်ငန်းများ၊သတင်းအချက်နည်း ပညာနှင့် အရည် အသွေး စီမံခန့်ခွဲမှုဆိုင်ရာလုပ်ငန်းများ၊ ကုန်သွယ်ရေးဦးစီးဌာန၏လုပ်ငန်းများ၊ မူပိုင်ခွင့် ဦးစီးဌာန၏ လုပ်ငန်းများ၊မြန်မာကုန်သွယ်မှုမြှင့်တင်ရေးအဖွဲ့၏လုပ်ငန်းများ၊ပြန်ကြားရေးနှင့်ပြည်သူ့ဆက်ဆံရေး ဦးစီးဌာနမှ Short  Video ပြုလုပ်နည်းဆိုင်ရာဘာသာရပ်များ သင်ကြားပို့ချသွားမည်ဖြစ်ကြောင်း တင်ပြခဲ့ပြီးနောက် သင်တန်းဖွင့်ပွဲအခမ်းအနားအား  နံနက်(၁၀:၃၀) နာရီအချိန်တွင် ရုတ်သိမ်းခဲ့ကြောင်း သိရှိရပါသည်။

DOCA(မန္တလေး)

            မန္တလေးတိုင်း‌ဒေသကြီး၊ ကျောက်ဆည်ခရိုင်၊ စားသုံးသူရေးရာဦးစီးဌာနမှ စစ်ဆေးရေး အရာရှိများသည်  ဇွန်လ (၁၂)ရက်နေ့တွင်  မြို့နယ်စည်ပင်သာယာရေးအဖွဲ့ နှင့် ပူးပေါင်းပြီး မြစ်သားမြို့နှင့် ကူမဲမြို့ပေါ်ရှိ ကုန်စုံဆိုင်များသို့သွားရောက်၍ အသင့်စားခေါက်ဆွဲခြောက်ထုပ် အမျိုးမျိုးအား ကုန်အညွှန်းအမှတ်အသား ပြည့်စုံမှုရှိ/မရှိ ဈေးကွက်စောင့်ကြည့် စစ်ဆေးခဲ့ပါသည် ။ ကုန်စုံဆိုင်ရောင်းချသည့် စီးပွားရေးလုပ်ငန်းရှင်များအား စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များမှ  အခန်း(၁၈)ပါ  ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့် စီးပွားရေး လုပ်ငန်းရှင် မဆိုကုန်ပစ္စည်းများအပေါ်၌ ကုန်အညွှန်းအမှတ်အသားဖော်ပြရာတွင် မြန်မာ ဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ဖြစ်စေ ဖော်ပြရမည်ဖြစ်ပြီး စီးပွားရေးလုပ်ငန်းရှင်များဘက်မှလည်း ကုန်စည်အမျိုးအစားအလိုက် သတ်မှတ်ထားသည့် ဥပဒေ ညွှန်ကြားချက်များအား အထူးအလေးထား လိုက်နာဆောင်ရွက်သွားကြရန် ပြောကြားခဲ့ကြောင်း သတင်းရရှိပါသည်။

DOCA(မန္တလေး)

           စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး၏ လမ်းညွှန်မှုဖြင့်  သာစည်မြို့နယ်တာဝန်ခံနှင့် ဝန်ထမ်းများသည် ၂၀၂၅ ခုနှစ်၊ ဇွန်လ ၁၂ ရက်နေ့တွင်  အထွေထွေအုပ်ချုပ်ရေးဦးစီးဌဦန၊ မြို့နယ်စည်ပင်သာယာရေးအဖွဲ့နှင့်ပူးပေါင်း၍ သာစည်မြို့ရှိ Mobile Phone၊  ကြိုးဖုန်း၊ TV နှင့် Laptop အရောင်းဆိုင်များအားကွင်းဆင်းစစ်ဆေးခဲ့ပါသည်။

          ထိုသို့ကွင်းဆင်းစစ်ဆေးရာတွင် Mobile Phone၊  ကြိုးဖုန်း၊ TV နှင့် Laptop အရောင်းဆိုင်တွင် ရောင်းချသောပစ္စည်းများမှာ ဖော်ပြရမည့် သတင်းအချက်အလက်များ၊ အာမခံပေးထားသည့်ကာလ (သို့မဟုတ်) အသုံးပြုနိုင်မည့်ကာလအတွင်း အပိုပစ္စည်းရရှိနိုင်ခြင်း၊ ပြန်လည်ပြုပြင်နိုင်ခြင်း (သို့) လဲလှယ်နိုင်ခြင်း၊ စားသုံးသူလက်ခံသုံးစွဲနိုင်သော အရည်အသွေးများဖော်ပြခြင်း၊ ကုန်အညွှန်းအမှတ် အသားပါ အချက်အလက်၊ ကြော်ငြာကမ်းလှမ်းချက်၊ အရောင်းမြှင့်တင်ခြင်းတွင် ပါဝင်သောဖော်ပြချက် နှင့် ကိုက်ညီမှုရှိကြောင်း စိစစ်တွေ့ရှိခဲ့ပြီး၊ အရောင်းဆိုင်ပိုင်ရှင်များနှင့် တာဝန်ခံများအနေဖြင့် ရောင်းချ‌ သော ကုန်စည်များနှင့်စပ်လျဉ်း၍ မှန်ကန်သောသတင်းအချက်အလက်၊ ပြည်စုံသောဝန်ဆောင်မှု အဆင့်အတန်းနှင့်အညီပြည့်ဝစွာပေးခြင်း၊ အာမခံထားသောအချိန်ကာလအတွင်း ပြီးမြောက်အောင် ဆောင်ရွက်ပေးခြင်း၊ သုံးစွဲသူနှင့်သဘောတူညီထားသည့်အတိုင်း ပြန်လည်ပေးအပ်စေခြင်းနှင့် လိုက်နာဆောင်ရွက်မည့် အချက်အလက်များအား အသိပညာပေးဆွေးနွေးခြင်း ဆောင်ရွက်ခဲ့ကြောင်း သိရှိရပါသည်။

DOCA(မန္တလေး)