HighLight News

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ အိမ်မဲမြို့နယ်တာဝန်ခံ ဒေါ်ဇင်မာသန်းနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၆.၈.၂၀၂၆) ရက်နေ့၊ နေ့လယ်(၁၃း၀၀)နာရီအချိန်တွင် အိမ်မဲမြို့နယ် အိမ်မဲကြီးရပ်ကွက်ရှိ မုန်မျိုးစုံဆိုင်များတွင်ရောင်းချနေသော အသင့်စားမုန့်ထုပ်များအား ကုန်အညွှန်းအမှတ်အသားပြည့်စုံမှုရှိ/ မရှိ ကွင်းဆင်းစစ်ဆေးခဲ့ကြောင်း သိရပါသည်။

          ထိုသို့ကွင်းဆင်းစစ်ဆေးဆောင်ရွက်ရာတွင် အိမ်မဲမြို့နယ်တာဝန်ခံမှအိမ်မဲမြို့နယ်၊ အိမ်မဲကြီးရပ်ကွက်အတွင်းရှိ မုန့်မျိုးစုံဆိုင်များတွင်ရောင်းချနေသော အသင့်စားမုန့်ထုပ်များအား ကုန်အညွှန်းအမှတ်အသားဖော်ပြခြင်း ပြည့်စုံမှု ရှိ/ မရှိ စစ်ဆေးခဲ့ပြီး ကုန်မျိုးစုံဆိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသောစားသုံးသူကာကွယ်ရေး ဥပဒေ ၂၀၁၉ပါ ပြဌာန်းချက်များမှ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြစ်စေ၊ မြန်မာဘာသာနှင့်အခြားဘာသာ တစ်ခု(သို့)တစ်ခုထက်ပို၍တွဲလျက်ဖြစ်စေ ရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်းကြားချက်များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်ညွှန်းအမှတ်အသားဖော်ပြချက်၊ ပြည့်စုံမှုရှိ/ မရှိအား ဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက်သွားပါမည်ဖြစ်ကြောင်း သတင်းရရှိပါသည်။

DOCA (ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မြို့နယ်တာဝန်ခံ ဦးအောင်မိုးနှင့် ဝန်ထမ််းများသည် မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ (၆.၈.၂၀၂၆)ရက်နေ့ နံနက်(၁၁း၀၀)နာရီအချိန်တွင် ဝါးခယ်မမြို့ပေါ်ရှိ ဆေးဆိုင်များတွင် အိမ်သုံးဆေးဝါးများဈေးနှုန်းမြင့်တင်ရောင်းချခြင်းရှိ/မရှိနှင့်  ဆေးဝါးပြတ်လပ်မှုမရှိစေရေး ကွင်းဆင်းစစ်ဆေးခဲ့ကြောင်း သိရပါသည်။

          ထို့သို့ကွင်းဆင်းစစ်ဆေးရာတွင် မြို့နယ်တာဝန်ခံမှ အိမ်သုံးဆေးအရောင်းဆိုင် ဆိုင်ရှင်များအား စားသုံးသူပြည်သူများ သက်သာသောဈေးနှုန်းဖြင့် ဝယ်ယူသုံးစွဲနိုင်ရေးအတွက် ဆေးဈေးနှုန်းများမြှင့်တင်ရောင်းချခြင်းမပြုရန် ဆေးဆိုင်များပုံမှန် ဖွင့်လှစ်ရောင်းချနိုင်ရေး ဆေးပြတ်လပ်မှုမဖြစ်ပေါ်စေရေး အဓိကထားဆောင်ရွက်ရန် ဈေးကွက်အတွင်း ယခင်လဈေးနှုန်းထက် အနည်းငယ်သာမြင့်တက်မှုရှိပြီး စားသုံးသူပြည်သူများအနေဖြင့် အခြေခံဆေးနှင့်ဆေးပစ္စည်းများဝယ်ယူရာတွင် အခက်အခဲမရှိ ဝယ်ယူရရှိနိုင်ပြီး သက်တမ်းလွန်ဆေးဝါးများနှင့် လိုင်စင်မဲ့ဆေးဝါးများ ရောင်းချခြင်းမပြုရန်၊ ဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်းများ စစ်ဆေး‌တွေ့ရှိပါက အရေးကြီးကုန်စည်နှင့် ဝန်ဆောင်မှု ဥပဒေများအရ အရေးယူဆောင်ရွက်သွားမည်ဖြစ်ကြောင်း သက်ဆိုင်ရာဌာနများ၏ အမိန့်ညွှန်ကြားချက်၊ ဥပဒေများ လိုက်နာဆောင်ရွက်ကြရန် အသိပေးစစ်ဆေးဆောင်ရွက်ခဲ့ကြောင်း သိရှိရပါသည်။

DOCA (ဧရာဝတီ)

         (၅-၈-၂၀၂၆) ရက်နေ့ နံနက် (၁၀:၀၀) နာရီအချိန်တွင် မအူပင်မြို့ပေါ်ရှိ ဓာတ်မြေဩဇာအရောင်းဆိုင်များသို့ မြို့နယ်အထွေထွေအုပ်ချုပ်ရေးဦးစီးဌာန၊ ကျေးလက်ဦးစီးဌာန၊ စိုက်ပျိုးရေးဦးစီးဌာနနှင့် စားသုံးသူရေးရာဦးစီးဌာနတို့မှ တာဝန်ရှိသူများ ပူးပေါင်း၍ ကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။

    အဆိုပါ ကွင်းဆင်းစစ်ဆေးမှုတွင် ဓာတ်မြေဩဇာများကို သတ်မှတ်ရောင်းဈေးနှုန်းထက် ပိုမိုရောင်းချမှုရှိ/ မရှိ၊ ကုန်ပစ္စည်းများ၏ အရည်အသွေးနှင့် အလေးချိန်များ မှန်ကန်မှုရှိ/ မရှိ၊ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြထားမှုရှိ/ မရှိတို့ကို စိစစ်ဆောင်ရွက်ခဲ့ကြောင်း သိရသည်။

        ထို့အပြင် လယ်ယာစိုက်ပျိုးရေးရာသီအတွင်း တောင်သူများအနေဖြင့် လိုအပ်သည့် စိုက်ပျိုးရေးသုံးပစ္စည်းများကို သတ်မှတ်ဈေးနှုန်းများနှင့်အညီ အလွယ်တကူဝယ်ယူရရှိနိုင်ရေး၊ အရည်အသွေးပြည့်မီပြီး အလေးချိန်မှန်ကန်သည့် ကုန်ပစ္စည်းများကို ရောင်းချပေးရေးနှင့် စားသုံးသူအခွင့်အရေးများ ထိခိုက်နစ်နာမှုမရှိစေရေးတို့ကို အလေးထားဆောင်ရွက်ရန် ဆိုင်ပိုင်ရှင်များအား အသိပညာပေးလမ်းညွှန်ခဲ့ကြောင်း သိရသည်။

        စိုက်ပျိုးရေးသုံးပစ္စည်းများ ဖြန့်ဖြူးရောင်းချရာတွင် တောင်သူများအပေါ် မျှတစွာဝန်ဆောင်မှုပေးနိုင်ရေး၊ ကုန်ပစ္စည်းအရည်အသွေးနှင့် အလေးချိန်ကို မှန်ကန်စွာရောင်းချရေး၊ ဈေးနှုန်းများကို ပွင့်လင်းမြင်သာစွာ ဖော်ပြပေးရေးတို့ကိုလည်း သက်ဆိုင်ရာဆိုင်ပိုင်ရှင်များအား ရှင်းလင်းပြောကြားခဲ့ကြောင်း သိရသည်။

        မအူပင်မြို့နယ်အတွင်း တောင်သူများ စိုက်ပျိုးရေးလုပ်ငန်းများကို အဆင်ပြေချောမွေ့စွာ ဆောင်ရွက်နိုင်ရေးနှင့် စားသုံးသူအခွင့်အရေးများ ကာကွယ်ပေးနိုင်ရေးအတွက် စိုက်ပျိုးရေးသုံး ပစ္စည်းများ၏ ဈေးနှုန်း၊ အရည်အသွေး၊ အလေးချိန်နှင့် ဖြန့်ဖြူးရောင်းချမှုအခြေအနေများကို သက်ဆိုင်ရာဌာနများက ဆက်လက်ပူးပေါင်းကြပ်မတ်ဆောင်ရွက်သွားမည်ဖြစ်ကြောင်း သိရှိရပါသည်။

DOCA(ဧရာဝတီ)

        (၆-၈-၂၀၂၆) ရက်နေ့ နေ့လယ် (၁၄:၀၀) နာရီအချိန်တွင် မအူပင်ခရိုင် စားသုံးသူရေးရာ ဦးစီးဌာနရုံး၌ စားအုန်းဆီလုပ်ငန်းရှင်များအား စားအုန်းဆီဖြန့်ဖြူးရောင်းချမှု မှတ်တမ်း (၆) မျိုး မှန်ကန်ပြည့်စုံစွာထားရှိ၍ “၆ မှန်၊ ၆ မှန်” စနစ်ဖြင့် စနစ်တကျ ဖြန့်ခွဲရောင်းချနိုင်ရေး အသိပညာပေး ဟောပြောဆွေးနွေးပွဲကို ကျင်းပပြုလုပ်ခဲ့ကြောင်း သိရသည်။

       အဆိုပါ ဟောပြောဆွေးနွေးပွဲတွင် ခရိုင်စားသုံးသူရေးရာဦးစီးဌာနမှ ဒုခရိုင်ဦးစီးမှူး ဦးအောင်ဇော်ဦးမှ မအူပင်ခရိုင်၊ မြို့နယ် စားအုန်းဆီလုပ်ငန်းရှင်များအနေဖြင့် စားအုန်းဆီ ရရှိမှုမှစ၍ သိုလှောင်ခြင်း၊ ခွဲဝေဖြန့်ဖြူးခြင်းနှင့် ပြန်လည်ရောင်းချခြင်းအထိ လုပ်ငန်းစဉ်တစ်လျှောက် စာရင်းဇယားများကို မှန်ကန်တိကျစွာ ပြုစုထားရှိရန်လိုအပ်ကြောင်း ရှင်းလင်းဆွေးနွေးခြင်း၊ ထို့အပြင် စားအုန်းဆီဖြန့်ဖြူးရောင်းချရာတွင် ရရှိသည့်ပမာဏ၊ ဖြန့်ဖြူးသည့်ပမာဏ၊ ရောင်းချသည့်ပမာဏနှင့် လက်ကျန်ပမာဏများအကြား စာရင်းကိုက်ညီမှုရှိစေရေး၊ သတ်မှတ်စည်းမျဉ်း စည်းကမ်းများနှင့် အညီဆောင်ရွက်ရေး၊ ပြည်သူများထံ မျှတစွာဖြန့်ဖြူးရောင်းချပေးနိုင်ရေးနှင့် စာရင်းမှတ်တမ်းများကို စစ်ဆေးရာတွင် လွယ်ကူစွာ တင်ပြနိုင်ရေးတို့ကို အသိပညာပေးရှင်းလင်းခဲ့ကြောင်း သိရသည်။

      မအူပင်ခရိုင် စားသုံးသူရေးရာဦးစီးဌာနအနေဖြင့် စားအုန်းဆီ ဖြန့်ဖြူးရောင်းချမှုလုပ်ငန်းများ စနစ်တကျဖြစ်စေရေး၊ စားသုံးသူများထံ သတ်မှတ်စနစ်ဖြင့် မျှတစွာရောက်ရှိစေရေးနှင့် ဈေးကွက်အတွင်း စားအုန်းဆီရောင်းဝယ်ဖြန့်ဖြူးမှု အခြေအနေများကို ပိုမိုထိရောက်စွာ ကြပ်မတ် နိုင်ရေးအတွက် လုပ်ငန်းရှင်များအား အသိပညာပေးခြင်းနှင့် လမ်းညွှန်ခြင်းများကို ဆက်လက်ဆောင်ရွက်သွားမည်ဖြစ်ကြောင်း သိရှိရပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊ လပွတ္တာမြို့နယ်တာဝန်ခံ  ဦးမြင့်ဌေးနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့်ပူးပေါင်း၍ (၇.၈.၂၀၂၆)ရက်နေ့ နေ့လယ် (၁၃:၀၀)နာရီအချိန်တွင်  လပွတ္တာမြို့နယ်၊ အမှတ်(၅)ရပ်ကွက်ရှိ မုန့်မျိုးစုံဆိုင်များတွင်ရောင်းချနေသော အချိုရည်များအားကုန် အညွှန်းအမှတ်အသားဖော်ပြချက်ပြည့်စုံမှု ရှိ/ မရှိ နယ်မြေဈေးကွက်စောင့်ကြည့် စစ်ဆေးခြင်းဆောင်ရွက်ခဲ့ကြောင်း သိရသည်။

      ထိုသို့ကွင်းဆင်းဆောင်ရွက်ရာတွင် မြို့နယ်တာဝန်ခံမှကုန်မျိုးစုံဆိုင်များတွင်ရောင်းချနေသောMaxPlus အချိုရည်ဘူးများ၊ Non-Stop အချိုရည်ဘူးများတွင် ကုန်အညွှန်းအမှတ်အသား ပြည့်စုံစွာဖော်ပြထားမှုရှိ/ မရှိ စစ်ဆေးခဲ့ပြီးဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော ၂၀၁၉ ပါဥပဒေပြဌာန်းချက်များမှ ဥပဒေအခန်း အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြစ်စေ၊ မြန်မာဘာသာနှင့်အခြားဘာသာတစ်ခု (သို့)တစ်ခု ထက်ပို၍ တွဲလျှက်ဖြစ်စေ၊ ရေးသားဖော်ပြရမည်ဖြစ်ကြောင်း၊ စီးပွားရေးလုပ်ငန်းရှင်များအနေဖြင့် ဌာနမှထုတ်ပြန်ထားသော  ဥပဒေညွှန်ကြားချက်များအား   လိုက်နာဆောင်ရွက်ကြရန်   ဈေးကွက်အတွင်း ရောင်းချနေသော ကုန်စည်အမျိုးအစားအလိုက် ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/ မရှိကိုလည်း ဌာနမှဈေးကွက်အတွင်း စဉ်ဆက်မပြတ်စောင့်ကြည့် စစ်ဆေးသွားမည်ဖြစ်ကြောင်း ဥပဒေညွှန်ကြားချက်များအား လိုက်နာဆောင်ရွက်မှုမရှိပါက ထုတ်ပြန်ထားသော ဥပဒေများအတိုင်း အရေးယူဆောင်ရွက်သွားမည်ဖြစ်ကြောင်း သိရှိရပါသည်။

DOCA (ဧရာဝတီ)