များစွာသောအင်ဒိုနီးရှားဘဏ္ဍာရေးအဖွဲ့အစည်းများနှင့် သဘောတူညီချက်များလက်မှတ် ရေးထိုးခဲ့သည့် VinFast
ဗီယက်နမ်လျှပ်စစ်ကားထုတ်လုပ်သူ VinFast သည် အင်ဒိုနီးရှား၏အစိမ်းရောင်ရွေ့လျားမှု အသွင်ကူးပြောင်းမှုမြှင့်တင်ခြင်းတွင် ပူးပေါင်းဆောင်ရွက်မှုအားကောင်းရန်အတွက် အင်ဒိုနီးရှား ၏ ထိပ်တန်းဘဏ္ဍာရေးအသင်းများနှင့် MoU များလက်မှတ်ရေးထိုးခဲ့ကြောင်း သိရပါသည်။ ထို MoU များသည် အင်ဒိုနီးရှားတွင် ကုမ္ပဏီ၏ဈေးကွက်တိုးချဲ့မှုမဟာဗျူဟာတွင် သိသာထင်ရှား သောမှတ်တိုင်တစ်ခုဖြစ်ခဲ့ကြောင်း သိရပါသည်။ MoU အောက်တွင် VinFast နှင့် ၎င်း၏ဘဏ္ဍာ ရေး မိတ်ဖက်များသည် များစွာသောဧရိယာများတစ်လျောက် ဗျူဟာမြောက်ပူးပေါင်း ဆောင် ရွက်မှုများ မြှင့်တင်သွားမည်ဟု သိရပါသည်။ ကနဦးအနေဖြင့် ၎င်းတို့သည် ဆက်သွယ်ရေးနှင့် ဈေးကွက် ရှာဖွေရေးတို့တွင် အနီးကပ်အတူတကွလုပ်ဆောင်သွားမည်ဟု သိရပါသည်။ ထိုအချက် သည် ငွေပေးချေမှုနှင့် လုပ်ငန်းစဉ်များခွင့်ပြုမှုလွယ်ကူမြန်ဆန်စေရန်နှင့် ပိုမိုချောမွေ့ထိရောက် သော အတွေ့အကြုံကို ဝယ်ယူသူများ ရရှိစေရန်ကူညီပေးနိုင်မည်ဟု သိရပါသည်။ ပူးပေါင်း ဆောင်ရွက်မှု၏ အခြားအဓိကထားသည့်အချက်မှာ ကားဝယ်ယူသူများအတွက် ဘဏ္ဍာရေး အတားအဆီးများကို ဖယ်ရှားပြီး လျှပ်စစ်မော်တော်ကားပိုင်ဆိုင်မှုမှာ အင်ဒိုနီးရှားစားသုံးသူများ အတွက် ပိုမိုလွယ်ကူ စေရန်ဖြစ်ကြောင်း သိရပါသည်။ မိတ်ဖက်ဘဏ္ဍာရေး ကုမ္ပဏီများသည် လည်း ယှဉ်ပြိုင်နိုင်စွမ်းရှိ သောအတိုးနှုန်းများဖြင့် ငွေချေးပရိုဂရမ်များဖန်တီးရန်နှင့် လက်ငင်းငွေ ချေသူများအတွက် ဈေးနှုန်းလျှော့ချရန် ကတိကဝတ်ပြုထားကြောင်း သိရပါသည်။ ထိုဆောင်ရွက် မှုများသည် လာမည့်ကာလအတွင်း VinFast ၏ရောင်းချမှုကြီးထွားနှုန်းကို ပံ့ပိုးပေးနိုင်ရန် မျှော် မှန်းရကြောင်း သိရပါသည်။ အင်ဒိုနီးရှားဈေးကွက်သို့စတင်ဝင်ရောက်ချိန်မှစ၍ VinFast သည် နိုင်ငံ၏ EV ကဏ္ဍ တွင် ဦးဆောင်သူအဖြစ်ရပ်တည်ခဲ့ကြောင်း သိရပါသည်။ ကုမ္ပဏီသည် ကြီးထွားလာသော ဈေးကွက်ဝယ်လိုအားကိုဖြည့်စည်းရန်နှင့် ပြည်တွင်းထုတ်လုပ်နိုင်စွမ်းအား ကောင်းရန်အတွက် အင်ဒိုနီးရှားရှိ ၎င်းတို့၏ Subang စက်ရုံတွင် လည်ပတ်မှုများစတင်ရန် ပြင်ဆင်နေကြောင်း သိရပါ သည်။ တစ်ချိန်တည်းမှာပင် VinFast သည် ၎င်းတို့၏အရောင်း ကိုယ်စားလှယ်များ၊ ဝန်ဆောင်မှု စင်တာများနှင့် ဘဏ္ဍာရေးမိတ်ဖက်များကွန်ယက်ကို ဆက်လက် တိုးချဲ့သွားမည်ဖြစ်ကြောင်း သိရပါသည်။
DOCA (ရန်ကုန်)
