ပြည်ပကုန်သွယ်မှုသတင်းများ

      ဗီယက်နမ်နိုင်ငံတွင် စိုက်ပျိုးရေးနှင့် ပတ်ဝန်းကျင်ရေးရာ ဝန်ကြီးဌာနသည် လယ်ယာ၊ သစ် တောနှင့် ရေထွက်ကုန်ပစ္စည်းများအတွက် ကုန်ထုတ်လုပ်မှု နောက်ကြောင်းခြေရာခံစနစ်ကို ရှေ့လာ မည့် ဇူလိုင်လ ၁ ရက်နေ့မှ စတင်၍ တရားဝင်ကျင့်သုံးနိုင်ရေး အပြီးသတ်ပြင်ဆင်မှုများကို လုပ်ဆောင် လျက်ရှိရာ ဈေးကွက်လိုအပ်ချက်ကို ဖြည့်ဆည်းပေးမှုနှင့်အတူ ပွင့်လင်းမြင်သာရှိမှုနှင့် အုပ်ချုပ်မှု ဆိုင်ရာ စွမ်းဆောင်နိုင်စွမ်းကို မြှင့်တင်ပေးမည့် သိသာထင်ရှားသော အဆင့်တစ်ရပ်သို့ ဦးတည် ရောက်ရှိလာပြီဖြစ်ကြောင်း VNA သတင်းဌာနက ဖော်ပြထားသည်။

      ဟနွိုင်မြို့တွင် ဇွန်လ ၂၂ ရက်နေ့၌ စိုက်ပျိုးရေးနှင့် ပတ်ဝန်းကျင်ရေးရာဝန်ကြီးဌာန၊ ဒုတိယ ဝန်ကြီး Hoang Trung ဦးဆောင်၍ ကျင်းပခဲ့သော အဆိုပါစနစ် ထူထောင်ရေး ပြင်ဆင်ဆောင်ရွက် မှုဆိုင်ရာ အစည်းအဝေးတွင် သိပ္ပံနှင့် နည်းပညာဦးစီးဌာနမှ ညွှန်ကြားရေးမှူး Nguyen Van Long က ဥပဒေမူဘောင် တိုးတက်ကောင်းမွန်ရေး၊ နည်းပညာဆိုင်ရာ အခြေခံ အဆောက်အအုံ ထူထောင်ရေး နှင့် သတင်းအချက်အလက် ပေါင်းစပ်စုစည်းမှုနှင့် ကနဦးလုပ်ငန်း အစီအမံများ လုပ်ဆောင်ရေးဟူ၍ အဓိကနယ်ပယ် သုံးရပ်အပေါ် အလေးပေး ပြင်ဆင်လုပ်ကိုင်လျက်ရှိကြောင်း ပြောဆိုခဲ့သည်။

       ဗီယက်နမ် စိုက်ပျိုးရေးနှင့် ပတ်ဝန်းကျင်ရေးရာ ဝန်ကြီးဌာနသည် လက်ရှိတည်ဆဲ ဥပဒေ လုပ်ထုံးလုပ်နည်းများကို ပြန်လည်သုံးသပ်ခြင်းနှင့် တညီတညွတ်တည်းရှိသော ဥပဒေမူဘောင် တစ်ရပ် ထူထောင်လျက် ကုန်စည်ခြေရာခံစနစ်လုပ်ဆောင်မည့် လှည့်လည်စာ မူကြမ်းတစ်စောင် ရေးဆွဲပြုစုခြင်းတို့ကို ဆောင်ရွက်လျက်ရှိသည်။ ထို့အပြင် ၎င်းခြေရာခံစနစ် အကောင်အထည်ဖော် ဆောင်မှုနှင့် စီမံခန့်ခွဲမှုတို့ကို လိုက်လျောညီထွေရှိ‌စေရေး အမိန့်တစ်ရပ် ထုတ်ပြန်နိုင်ရန် သက်ဆိုင် သည့် ဌာနများနှင့်လည်း ပေါင်းစပ်ညှိနှိုင်းလျက်ရှိသည်။

       ကုန်စည်ခြေရာခံစနစ် လွှင့်တင်လုပ်ဆောင်မည့် နည်းပညာစင်္ကြန် (technical platform)  ကို Netacom ကုမ္ပဏီက ၂၀၂၅ ခုနှစ် နှောင်းပိုင်းကပင် ထူထောင်ထားရှိခဲ့ပြီး ၎င်းကို ဆက်လက် အဆင့်မြှင့်တင်မှု လုပ်ဆောင်မည်ဖြစ်သည်။ အဆိုပါ ဝန်ကြီးဌာနရှိ ဒီဂျစ်တယ် အသွင်ကူးပြောင်းရေး ဦးစီးဌာနသည် လိုအပ်သော သတင်းအချက်အလက်နည်းပညာဆိုင်ရာ အခြေခံအဆောက်အအုံများ ကို တည်ထောင်ထားပြီး လုပ်ငန်းဆောင်ရွက်မှု တည်ငြိမ်ရေးနှင့် လုံခြုံမှုရှိစေရေးအတွက် ဆိုင်ဘာ လုံခြုံမှု ဆန်းစစ်ချက်များ လုပ်ဆောင်ခြင်း၊ ဖြစ်ပေါ်လာနိုင်မည့် ထိခိုက်နိုင်ခြေရှိသည်များကို ကိုင်တွယ် ဖြေရှင်းခြင်းများ ဆောင်ရွက်မည်ဖြစ်သည်။

       သတင်းအချက်အလက်စုစည်းရာတွင် သက်ဆိုင်ရာအစိုးရအေဂျင်စီများ၊ ဒေသအာဏာပိုင် များနှင့် စီးပွားရေးလုပ်ငန်းများအား စိုက်ပျိုးထုတ်လုပ်သည့် နယ်မြေဧရိယာ သင်္ကေတအမှတ်များ၊ ကုန်ပစ္စည်းထုပ်ပိုးမှု အချက်အလက်များနှင့် စစ်ဆေးစမ်းသပ်ချက် ရလဒ်များအပါအဝင် အဓိက အရေး ကြီးသော အချက်အလက်များကို မျှဝေပံ့ပိုးရန် ညွှန်ကြားထားပြီးဖြစ်သည်။

       အဆိုပါစနစ်ကို စမ်းသပ်လုပ်ဆောင်ရာတွင် အများစုသော နည်းပညာဆိုင်ရာပံ့ပိုးသူများ သည် စနစ်၌ပေါင်းစည်းလုပ်ကိုင်မှုကို ပြီးမြောက်ခဲ့ကြပြီဖြစ်ပြီး နောက်ဆုံးအဆင့် ချိတ်ဆက်မှုများ မှာ ဇွန် ၃၀ ရက်နေ့မတိုင်မီ ပြီးစီးဖွယ်ရာရှိသည်။ လက်ရှိကာလတွင် အဆိုပါ နည်းပညာစင်္ကြန်၌ ပြည်နယ် ပေါင်း ၂၆ ခုနှင့် မြို့ကြီးများရှိ ကုမ္ပဏီ ၁၄၉ ခုထံမှ ကုန်စည်အမျိုးအမည်ပေါင်း ၁၈၀၀၀ ကျော်ကို လက်ခံထားပြီးဖြစ်ရာ တရားဝင်လွှင့်တင်မှု လုပ်ဆောင်ရန် အသင့်ရှိနေပြီဖြစ်သည်ကို ဖော်ပြလျက် ရှိသည်။

      ကုန်ထုတ်လုပ်မှု နောက်ကြောင်းခြေရာခံစနစ် ကနဦးစမ်းသပ် အကောင်အထည်ဖော်ခြင်း ကို အဓိကပို့ကုန်များ အထူးသဖြင့် ဒူးရင်းသီးအတွက် ဆောင်ရွက်ခဲ့ပြီးဖြစ်သည်။ စစ်ဆေးတွေ့ရှိချက်များ အရ ၎င်းစနစ်သည် ပို့ကုန်များ နောက်ကြောင်းခြေရာခံခြင်းကို ထိရောက်စွာ ပံ့ပိုးပေးနိုင်ပြီး ပွင့်လင်း မြင်သာရှိမှုကို တိုးတက်ကောင်းမွန်စေလျက် စီးပွားရေးလုပ်ငန်းများအတွက် နိုင်ငံတကာ ဈေးကွက်၌ တင်းကျပ်စွာ လုပ်ဆောင်လာကြသော လိုအပ်ချက်များနှင့် ကိုက်ညီစေရေး အကူအညီဖြစ်စေကြောင်း တွေ့ရှိရသည်။

      ဒီဂျစ်တယ် အသွင်ကူးပြောင်းရေးဦးစီးဌာနအနေဖြင့် အဆိုပါခြေရာခံစနစ်၏ အခြေခံ အဆောက် အအုံများ ထူထောင်ခြင်း၊ လုပ်ငန်းဆောင်ရွက်မှု လုပ်ထုံးလုပ်နည်းများရေးဆွဲခြင်း၊ စနစ်၌ အသုံးပြုသူ များသို့ လုပ်ပိုင်ခွင့်ပေးမည့် ယန္တရားစနစ် တည်ထောင်ခြင်းနှင့် လုံခြုံမှုအစီအမံများ ချမှတ်ခြင်းတို့ကို ဇူလိုင်လ ၁ ရက်နေ့ မတိုင်မီ အပြီးဆောင်ရွက်ရန် ဒုတိယဝန်ကြီး Mr. Trung က အစည်းအဝေးတွင် တာဝန်ပေးအပ်ခဲ့သည်။ ထို့အပြင် စနစ်၌အထူးပြုပါဝင်မည့် အေဂျင်စီများသည်လည်း ပင်မသတင်း အချက်အလက် ပေါင်းစည်းမှုတွင် စံကိုက်ညီမှုနှင့် ချိန်ကိုက်လုပ်ဆောင်မှုတို့ကို အရှိန်မြှင့်တင်ရန်၊ အချက်အလက် စွမ်းဆောင်နိုင်မှုကို အမြင့်မားဆုံးဖြစ်စေပြီး နှစ်ကြိမ်ထပ် ပြန်လည်လုပ်ဆောင်ရမှုကို ရှောင်ကြဉ်နိုင်ရန်အတွက် တစ်ကြိမ်ကြေညာချက်ထုတ်ပြန် စတင်ပြီးသည့်နောက် အကြိမ်ကြိမ် အသုံးပြုနိုင်ရေးဟူသော စည်းမျဉ်းကို အလေးပေးဆောင်ရွက်ရန် ၎င်းက တိုက်တွန်းပြောဆိုခဲ့သည်။

Source: Vietnam Plus, 22 Jun 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

       ဗီယက်နမ်နိုင်ငံ မြောက်ပိုင်းရှိ Bac Ninh ပြည်နယ်သည် Gia Binh အပြည်ပြည်ဆိုင်ရာလေဆိပ်နှင့် ချိတ်ဆက်ထားသော ၅,၀၀၀ ဟက်တာ အကျယ်အဝန်းရှိ လွတ်လပ်သောကုန်သွယ်ရေး ဇုန် (Free Trade Zone) တစ်ခုကို ဖွံ့ဖြိုးတိုးတက်ရေး စီမံကိန်းအဖြစ် အကောင်အထည် ဖော်သွားမည်ဖြစ်ကြောင်း သိရပါသည်။ အဆိုပါစီမံကိန်းသည် နိုင်ငံတကာ ကုန်သွယ်ရေးနှင့် ဝန်ဆောင်မှုဗဟိုဌာနတစ်ခုဖန်တီးရန်နှင့် ဒေသ၏ စီးပွားရေးတိုးတက်မှုအတွက် အင်အားအသစ် တစ်ခုဖြစ်လာစေရန် ရည်ရွယ်ထားခြင်းဖြစ်ကြောင်း သိရပါသည်။ ၎င်းအစီအစဉ်ကို၂၀၅၀ အထိ မျှော်မှန်းချက်နှင့်အတူ ၂၀၂၁-၂၀၃၀ ကာလအတွက် မဟာစီမံကိန်းအရ ပြည်နယ်ပြည်သူ့ ကောင်စီက အတည်ပြုခဲ့ကြောင်း သိရပါသည်။ လွတ်လပ်ကုန်သွယ်ရေးဇုန်ကို ထုတ်လုပ်မှု၊ ထောက်ပံ့ပို့ဆောင်ရေး၊ ကုန်သွယ်ရေး၊ ဝန်ဆောင်မှုလုပ်ငန်းများ၊ ဆန်းသစ်တီထွင်မှုနှင့် ဒစ်ဂျစ်တယ် စီးပွားရေးတို့ကိုပေါင်းစပ်ထားသည့် ခေတ်မီစီးပွားရေး စင်တာတစ်ခုအဖြစ် တည်ဆောက်သွားမည်ဖြစ်ကြောင်း သိရပါသည်။ ထို့ပြင် ဗီယက်နမ်နှင့် ကမ္ဘာ့ဈေးကွက်များအကြား ချိတ်ဆက်ပေးမည့် ဝင်ပေါက်တစ်ခုအဖြစ်သာမက မြောက်ပိုင်းဒေသ စီးပွားရေးဖွံ့ဖြိုးတိုးတက်မှုကို ညှိနှိုင်းပေးမည့် အဓိကဗဟိုချက်အဖြစ်လည်း ရပ်တည်လာမည်ဟု မျှော်မှန်းထားကြောင်း သိရပါသည်။ စီမံကိန်းကို အထောက်အကူပြုရန် Bac Ninh ပြည်နယ်သည် ICAO 4F စံနှုန်းနှင့် ကိုက်ညီသည့် Gia Binh အပြည်ပြည်ဆိုင်ရာလေဆိပ် တည်ဆောက်ရေးကို အရှိန်မြှင့်ဆောင်ရွက်နေကြောင်း သိရပါသည်။ အဆိုပါလေဆိပ်သည် ၂၀၃၀ ပြည့်နှစ်တွင် ခရီးသည် ၃၀ သန်းနှင့် ကုန်စည်တန်ချိန် ၁.၆ သန်းကို နှစ်စဉ် ကိုင်တွယ်နိုင်မည်ဖြစ်ပြီး ၂၀၅၀ ပြည့်နှစ်တွင် ခရီးသည် ၅၀ သန်းနှင့် ကုန်စည်တန်ချိန် ၂.၅ သန်းအထိ တိုးမြှင့်နိုင်မည်ဟု ခန့်မှန်းထားကြောင်း သိရပါသည်။ ထို့အပြင် Kep နှင့် Lang Giang ဒေသများနှင့် အနီးဝန်းကျင်ဒေသများတွင် ဧရိယာ ၁၀,၀၀၀ ဟက်တာခန့်ရှိ အထူးစီးပွားရေးဇုန် တစ်ခုကိုလည်း တည်ထောင်သွားမည်ဖြစ်ကြောင်း သိရပါသည်။ အဆိုပါဇုန်သည် မြောက်-တောင် စီးပွားရေးလမ်းကြောင်း၊ ဟနွိုင်းမြို့တော်ဒေသ၏ စက်မှု-မြို့ပြ-ဝန်ဆောင်မှုကွင်းဆက်နှင့် အမြန်လမ်းများ၊ ရထားလမ်းများ၊ နယ်စပ်ဖြတ်ကျော်ရထားဘူတာနှင့် Kep ICD ကဲ့သို့သော မဟာ ဗျူဟာမြောက် အခြေခံအဆောက်အအုံများ၏ အားသာချက်များကို အသုံးချသွားမည်ဖြစ်ကြောင်း သိရပါသည်။ အထူးစီးပွားရေးဇုန်အတွင်း အဆင့်မြင့်နည်းပညာစက်မှုလုပ်ငန်းများ၊ ထောက်ပံ့ ပို့ဆောင်ရေးလုပ်ငန်းများ၊ ကုန်သွယ်ရေး၊ မြို့ပြဖွံ့ဖြိုးရေး၊ သိပ္ပံနှင့် နည်းပညာ၊ ဆန်းသစ်တီထွင်မှု၊ ပညာရေး၊ ကျန်းမာရေးစောင့်ရှောက်မှုနှင့် သဘာဝပတ်ဝန်းကျင်အခြေပြု ခရီးသွားလုပ်ငန်းများကို ဦးစားပေး ဖွံ့ဖြိုးတိုးတက်သွားမည်ဖြစ်ကြောင်း သိရပါသည်။ ပြည်နယ်၏ ဖွံ့ဖြိုးတိုးတက်ရေး မဟာဗျူဟာအရ အဆိုပါအဓိကစီမံကိန်းများသည် ယှဉ်ပြိုင်နိုင်စွမ်းမြှင့်တင်ခြင်း၊ ရင်းနှီးမြှုပ်နှံမှုများ ဆွဲဆောင်ခြင်း၊ စီးပွားရေးတိုးတက်မှု အရှိန်မြှင့်တင်ခြင်းတို့ကို အထောက်အကူပြုမည်ဖြစ်ပြီး Bac Ninh ပြည်နယ်ကို နိုင်ငံတကာအဆင့်မီ ကုန်သွယ်ရေးနှင့် ဝန်ဆောင်မှုဗဟိုဌာနတစ်ခုအဖြစ် တဖြည်းဖြည်း ပြောင်းလဲသွားစေရန် ရည်မှန်းထားကြောင်း သိရပါသည်။ တစ်ဖက်တွင်လည်း ပြည်နယ်သည် ဒစ်ဂျစ်တယ်အခြေခံအဆောက်အအုံများအပေါ် အခြေခံသည့် e-Commerce လုပ်ငန်းများ တိုးချဲ့ဖွံ့ဖြိုးရေး၊ လုပ်ငန်းရှင်များနှင့် သမဝါယမအသင်းများအား ပြည်တွင်းနှင့် နိုင်ငံတကာ အွန်လိုင်းဈေးကွက်များတွင် ပါဝင်နိုင်ရေး အားပေးခြင်းတို့ကို ဆောင်ရွက်လျက် ရှိကြောင်း သိရပါသည်။ ထို့အပြင် ခေတ်မီနည်းပညာများ အသုံးပြုကာ အရည်အသွေးမြင့် ပို့ဆောင်ရေးနှင့် Logistics ဝန်ဆောင်မှုများ ဖွံ့ဖြိုးတိုးတက်စေရန် စီစဉ်ထားကြောင်း သိရပါသည်။ ခရီးသွားကဏ္ဍတွင်လည်း Bac Ninh ပြည်နယ်ကို ဟနွိုင်းမြို့တော်ဒေသ၏ အဓိက ယဉ်ကျေးမှု၊ ဘာသာရေး၊ သဘာဝပတ်ဝန်းကျင်နှင့် ဖျော်ဖြေရေးခရီးသွားနေရာတစ်ခုအဖြစ် ဖွံ့ဖြိုးစေရန် ရည်ရွယ်ထားပြီး ဒေသတွင်းနှင့် ပြည်နယ်ချင်းဆက်သွယ်သည့် ခရီးသွား လမ်းကြောင်းများတွင် အရေးပါသောနေရာတစ်ခုအဖြစ် ရပ်တည်နိုင်ရန် ကြိုးပမ်းလျက်ရှိကြောင်း သိရှိရပါသည်။

Vietnam Plus                                                                            

DOCA (ရန်ကုန်)

       ဗီယက်နမ်နိုင်ငံ တောင်ပိုင်းပြည်နယ် အများအပြားတွင် မင်းကွတ်သီးပေါ်ချိန် ဖြစ်နေသော်လည်း စိုက်ခင်းအဝယ်ဒိုင်ဈေးမှာ တစ်ကီလိုဂရမ်လျှင် ၂၀,၀၀၀ မှ ၂၅,၀၀၀ ဗီယက်နမ်ဒေါင် (VND) သာ ရှိတော့သဖြင့် နှစ်ပေါင်းများစွာအတွင်း အနိမ့်ဆုံးအဆင့်သို့ ကျဆင်းသွားခဲ့သည်။

          Binh Duong ပြည်နယ်တွင် မင်းကွတ်သီးပင် ၇၀ ပိုင်ဆိုင်သည့် Pham Van Hoang က ယခုနှစ်တွင် ၎င်း၏ စိုက်ခင်းမှ အထွက်နှုန်း ၅ တန်ခန့် ရှိခဲ့ပြီး ယခင်နှစ် အလားတူကာလနှင့် နှိုင်းယှဉ်ပါက ၂၀ ရာခိုင်နှုန်း တိုးတက်လာကြောင်း ပြောကြားခဲ့သည်။ သို့သော်လည်း အထွက် နှုန်းကောင်းသည့် ပျော်ရွှင်မှုသည် ကောင်းမွန်သော အရောင်းဈေးကွက်နှင့်အတူ ပါရှိမလာခဲ့ပေ။

            Hoang  ၏ အဆိုအရ ရာသီအစကတည်းက မင်းကွတ်သီးဈေးသည် ယခင်နှစ်ကထက် ၂၀ မှ ၂၅ ရာခိုင်နှုန်းခန့် ပိုမိုနိမ့်ကျခဲ့ကြောင်း သိရသည်။ တစ်လကျော်ကြာလာသည်အထိ ဈေးနှုန်းများ ဆက်တိုက်ထိုးကျနေခဲ့ပြီး လက်ရှိတွင် စိုက်ခင်း၌ တစ်ကီလိုဂရမ်လျှင် ဗီယက်နမ်ဒေါင် ၂၀,၀၀၀ ဝန်းကျင်သာ ရှိတော့သည်။

        Dong Nai ပြည်နယ်ရှိ Mr.Thanh ၏ မိသားစုပိုင် ၁.၅ ဟက်တာကျော် ကျယ်ဝန်းသော မင်းကွတ်သီးခြံသည်လည်း အလားတူ အခြေအနေမျိုးနှင့် ရင်ဆိုင်နေရသည်။ ရာသီအစတွင် ၎င်းတို့ မိသားစုသည် သဘာဝစိုက်ပျိုးရေးသစ်သီးဆိုင်များသို့ တစ်ကီလိုဂရမ်လျှင် ၆၅,၀၀၀ ဗီယက်နမ်ဒေါင် ခန့်ဖြင့် ရောင်းချခဲ့ရပြီး ကုန်သည်များက ၄၀,၀၀၀ ဗီယက်နမ်ဒေါင် ဝန်းကျင်ဖြင့် လာရောက်ဝယ်ယူခဲ့ကြသည်။ သို့သော်လွန်ခဲ့သည့် နှစ်ပတ်က နောက်ဆုံးဆွတ်ခူးချိန်တွင်မူ ဈေးနှုန်းသည် တစ်ကီလိုဂရမ်လျှင် ၂၂,၀၀၀ ဗီယက်နမ်ဒေါင်အထိ ကျဆင်းသွားခဲ့သည်။

          စျေးနှုန်းကျဆင်းမှုသည် စိုက်ခင်းအနည်းငယ်တွင်သာ ဖြစ်ပွားနေခြင်းမဟုတ်ဘဲ ဈေးကွက် အတွင်း အမြင့်ဆုံးရိတ်သိမ်းချိန်သို့ ရောက်ရှိလာသည်နှင့်အမျှ တောင်ပိုင်းရှိ မင်းကွတ်သီးစိုက်ပျိုး သည့် ဒေသအများအပြားတွင် ဖြစ်ပွားနေခြင်းဖြစ်သည်။

        Ho Chi Minh City ရှိ Lai Thieu ဧရိယာမှ မင်းကွတ်သီးကုန်သည်တစ်ဦးဖြစ်သူ မစ္စတာ ဗူဗန်ဟွာ (Vu Van Hoa) က လက်ရှိ စိုက်ခင်းများ၏ လက္ကားစျေးသည် တစ်ခါမှမကြုံဖူး လောက်အောင် အနိမ့်ဆုံးဖြစ်နေကြောင်း ပြောကြားခဲ့သည်။

         လက်ရှိ လက္ကားစျေးနှုန်းမှာ မင်းကွတ်သီးအကြီးများအတွက် တစ်ကီလိုဂရမ်လျှင် ၃၃,၀၀၀ မှ ၃၅,၀၀၀ ဗီယက်နမ်ဒေါင် ကြားရှိပြီး အသေးများအတွက် ၃၀,၀၀၀ မှ ၃၂,၀၀၀ ဗီယက်နမ်ဒေါင် ကြားရှိရာ ယခင်နှစ် အလားတူကာလနှင့် နှိုင်းယှဉ်ပါက ၁၀ ရာခိုင်နှုန်းခန့် ကျဆင်းသွားခြင်း ဖြစ်သည်။

         ရာသီဥတု ကောင်းမွန်ခြင်းကြောင့် အသီးတင်နှုန်းမြင့်မားကာ အထွက်နှုန်း သိသိသာသာ တိုးတက်လာခြင်းဖြစ်ကြောင်း သတင်းရင်းမြစ်များက ဖော်ပြသည်။ ပြည်တွင်းဖြစ် မင်းကွတ်သီးများသည် အရည်အသွေးကောင်းမွန်ပြီး စျေးနှုန်းလည်း ယှဉ်ပြိုင်နိုင်စွမ်းရှိသောကြောင့် လက်ရှိတွင် စားသုံးမှုအပိုင်း၌ အဓိကနေရာတွင် ရှိနေပြီး ထိုင်းနိုင်ငံမှ တင်သွင်းမှုများကို သိသိသာသာ အစားထိုးနိုင်ခဲ့သည်။

          ယခုနှစ်တွင် ရာသီဥတု သာယာကောင်းမွန်မှုကြောင့် ဒူးရင်းသီးမှသည် သရက်သီး၊ နဂါးမောက်သီးနှင့် ထောပတ်သီးအထိ တောင်ပိုင်းပြည်နယ်များရှိ သစ်သီးဝလံအမျိုးအစား အများ အပြားကို အထွက်နှုန်း မြင့်မားစေခဲ့သည်။

           ကုန်ပစ္စည်းထောက်ပံ့မှု လျင်မြန်စွာ မြင့်တက်လာသော်လည်း လိုအပ်ချက်မှာမူ လိုက်ပါမြင့်တက်လာခြင်း မရှိခြင်းကြောင့် သစ်သီးဝလံအမျိုးအစား အများအပြား၏ စျေးနှုန်းများ ကျဆင်းသွားခြင်းဖြစ်သည်။

          ထို့အပြင် လက်လီဈေးနှုန်းများလည်း လိုက်ပါကျဆင်းသွားခဲ့သည်။ ဟိုချီမင်းစီးတီးရှိ သစ်သီးဆိုင်အများအပြားတွင် မင်းကွတ်သီးအသေးများကို တစ်ကီလိုဂရမ်လျှင် ၃၅,၀၀၀ ဗီယက်နမ် ဒေါင်ဝန်းကျင်ဖြင့် ရောင်းချနေပြီး အကြီးများကို ၄၅,၀၀၀ မှ ၆၀,၀၀၀ ဗီယက်နမ်ဒေါင် ကြား ရောင်းချနေသည်။ ဟိုချီမင်းစီးတီးနှင့် Tay Ninh ရှိ လမ်းအများအပြားတွင်မူ ဤသစ်သီးကို တစ်ကီလိုဂရမ်လျှင် ၄၀,၀၀၀ မှ ၅၀,၀၀၀ ဗီယက်နမ်ဒေါင်ဖြင့် ရောင်းချလျက်ရှိကြောင်း သိရှိရပါသည်။

Source : VN Express                                                                           

DOCA (ရန်ကုန်)

         ဗီယက်နမ်နိုင်ငံသည် ယခုနှစ် လိုက်ချီးသီး (Lychee) ဆွတ်ခူးရာသီ စတင်ချိန်မှစ၍ Kim Thanh International Border Gate No. 2 မှတစ်ဆင့် တရုတ်နိုင်ငံသို့ အမေရိကန်ဒေါ်လာ ၁၁ သန်းနီးပါး တန်ဖိုးရှိ လတ်ဆတ်သော လိုက်ချီးသီး မက်ထရစ်တန်ချိန် ၁၆,၀၀၀ ကျော် တင်ပို့ခဲ့ပြီး ဖြစ်သည်။

        ဒေသဆိုင်ရာ အကောက်ခွန်ဦးစီးဌာနခွဲ (၇) အောက်ရှိ Lao Cai အပြည်ပြည်ဆိုင်ရာ နယ်စပ်ဂိတ် အကောက်ခွန်အဖွဲ့၏ အဆိုအရ ရာသီအစမှ ဇွန်လ ၁၄ ရက်နေ့အထိ အဆိုပါ သစ်သီးများ တင်ဆောင်လာသည့် ကုန်တင်ကားပေါင်း ၁,၅၀၀ နီးပါးကို နယ်စပ်ဂိတ်မှတစ်ဆင့် အောင်မြင်စွာ ဖြတ်သန်းခွင့်ပြုခဲ့ပြီးဖြစ်ကြောင်း သိရသည်။

        Bac Ninh ဒေသ၏ လိုက်ချီးသီး ဆွတ်ခူးမှုသည် ဇွန်လ ၁၀ ရက်နေ့တွင် အမြင့်ဆုံးအဆင့်သို့ ရောက်ရှိခဲ့သဖြင့် နယ်စပ်ဂိတ်ကို ဖြတ်သန်းမည့် သစ်သီးတင်ကား အရေ အတွက်မှာ တစ်ရက်လျှင် အစီးရေ ၇၀ မှ ၁၀၀ အထိ တိုးတက်လာနိုင်ကြောင်း Lao Cai စီးပွားရေးဇုန်အာဏာပိုင်အဖွဲ့ (Lao Cai Economic Zone Authority) မှ တာဝန်ရှိသူတစ်ဦးက ပြောကြားခဲ့သည်။

        လက်ရှိတွင် နယ်စပ်ဂိတ်သို့ ရောက်ရှိလာသည့် လတ်ဆတ်သော လိုက်ချီးသီးတင်ကား အားလုံးကို ၂၄ နာရီပတ်လုံး တာဝန်ကျနေသည့် နယ်ခြားစောင့်ရဲများက ကားအစီးရေ ၁၀၀ ခန့် ဆန့်သော သီးသန့်ကားပါကင်နေရာသို့ စနစ်တကျ လမ်းညွှန်ပို့ဆောင်ပေးလျက်ရှိသည်။

         ကုန်တင်ကားများသည် အကောက်ခွန်ဆိုင်ရာ စာရွက်စာတမ်း အထောက်အထားများ ပြင်ဆင်ပြီးပါက ပြည်ပပို့ကုန် စစ်ဆေးရေးဧရိယာသို့ တိုက်ရိုက်ရွှေ့ပြောင်းကာ ပို့ကုန်ရှင်းလင်း ရေးလုပ်ငန်းစဉ်များကို ဆောင်ရွက်ရသည်။ လုပ်ငန်းရှင်များအနေဖြင့် လိုအပ်သော စာရွက် စာတမ်းများကို ကြိုတင်ပြင်ဆင်ထားနိုင်ရန်နှင့် ဂိတ်တွင် ပိတ်ဆို့ကြန့်ကြာမှုများကို အနည်းဆုံးဖြစ်အောင် လျှော့ချနိုင်ရန်အတွက် အကောက်ခွန် လုပ်ထုံးလုပ်နည်းများကို အများပြည်သူသိရှိစေရန် ရှင်းလင်းစွာ ထုတ်ပြန်ကြေညာထားသည်။

          Lao Cai စီးပွားရေးဇုန်အာဏာပိုင်အဖွဲ့သည် ယာဉ်ကြောပိတ်ဆို့မှု မရှိစေရန် စီမံဆောင်ရွက်မှုများနှင့် ဝန်ထမ်းများ တာဝန်ချထားမှုတို့ကို ဆွေးနွေးရန် မေလအစောပိုင်းကတည်းက အစည်းအဝေးများ ပြုလုပ်ခဲ့ကြပြီး၊ နယ်စပ်ဂိတ် တရားဝင်မဖွင့်လှစ်မီ ၄၅ မိနစ်မှ မိနစ် ၆၀ အလိုကတည်းက အကောက်ခွန်လုပ်ငန်းစဉ်များကို ကြိုတင်စတင်နိုင်ရန် စီစဉ်ပေးခဲ့သည်။

        လုပ်ငန်းစဉ်တစ်ခုလုံးတွင် လတ်ဆတ်သော စိုက်ပျိုးရေးထွက်ကုန်များ၊ အထူးသဖြင့် လတ်ဆတ်သော လိုက်ချီးသီးများကို ကုန်ပစ္စည်း အရည်အသွေး မပျက်စီးစေရန်အတွက် နံနက်ပိုင်းတွင် ဦးစားပေးစနစ်ဖြင့် အကောက်ခွန် ရှင်းလင်းပေးလျက်ရှိကြောင်း သိရှိရပါသည်။

Source : VN Express                                                                          

DOCA (ရန်ကုန်)

          ၂၀၂၆ ခုနှစ်၊ ပထမ (၅) လအတွင်း ထူးကဲသော ဆန်တင်ပို့မှုစွမ်းဆောင်ရည်ကို ပြသခဲ့ပြီး ကမ္ဘာလုံးဆိုင်ရာဝယ်လိုအား မြင့်တက်လာခြင်းနှင့် ဈေးကွက်ကွဲပြားမှု ခိုင်မာခြင်းတို့ကြောင့် ကမ္ဘောဒီးယားနိုင်ငံ၊ ဆန်စပါးအဖွဲ့ချုပ် (CRF) က ၂၀၂၆ ခုနှစ်အကုန်တွင် ဆန်တန်ချိန် တစ်သန်း တင်ပို့နိုင်သည့် သမိုင်းဝင်မှတ်တိုင်ကို အောင်မြင်စွာရောက်ရှိနိုင်မည်ဟု အခိုင်အမာ ဖော်ပြခဲ့သည်။ CRF မှ ထုတ်ပြန်ခဲ့သော အချက်အလက်များအရ ကမ္ဘောဒီးယားနိုင်ငံသည် ၂၀၂၆ ခုနှစ် ဇန်နဝါရီလမှ မေလအတွင်း ဆန်တန်ချိန် ၅၆၈,၉၁၂ တန် တင်ပို့ခဲ့ပြီး ဝင်ငွေ အမေရိကန်ဒေါ်လာ ၃၂၇ သန်း ရရှိခဲ့သည်။ ထို့အပြင် ကမ္ဘောဒီးယားနိုင်ငံသည် နယ်စပ်ကုန်သွယ်ရေးမှတစ်ဆင့် ဆန်စပါးတင်ပို့မှု တန်ချိန် ၂.၇၅ သန်း ရရှိခဲ့ပြီး ဝင်ငွေ အမေရိကန်ဒေါ်လာ ၅၉၁.၄၁ သန်း ထပ်မံရရှိခဲ့သည်။ ၂၀၂၅ ခုနှစ်ကာလတူတွင် တင်ပို့ခဲ့သော တန်ချိန် ၃၄၄,၁၉၉ တန်နှင့် နှိုင်းယှဉ်ပါက ၎င်းသည် ပမာဏ ၆၅ ရာခိုင်နှုန်း မြင့်တက်လာခြင်းဖြစ်ပြီး နိုင်ငံတော်၏ ရေရှည်တင်ပို့မှုရည်မှန်းချက်များဆီသို့ အရှိန်မြှင့်တင်မှုကို ပြသနေသည်။ ၂၀၂၆ ခုနှစ်၊ ဒီဇင်ဘာလအကုန်တွင် ဆန်တင်ပို့မှုတန်ချိန်တစ်သန်း ပြည့်မီစေရန်အတွက် CRF သည် ကမ္ဘာ့ဈေးကွက်များ ကို စူးစမ်းလေ့လာခြင်းတို့ကို အာရုံစိုက်လျက်ရှိပြီး မဟာဗျူဟာတစ်ခုကို ချမှတ်ထားကြောင်း CRF ဥက္ကဋ္ဌ Lay Chhun Hour က ပြောကြားခဲ့သည်။ CRF သည် လယ်သမားများကို ပံ့ပိုးရန်၊ အခြေခံအဆောက်အအုံများ တိုးတက်ကောင်းမွန်စေရန်နှင့် ကုန်သွယ်ရေးမစ်ရှင်များနှင့် စျေးကွက်ရှာဖွေရေးလှုပ်ရှားမှုများမှတစ်ဆင့် ကမ္ဘောဒီးယားဆန်ကို သတ်မှတ်ထားသော ဈေးကွက်များတွင် မြှင့်တင်ရန် စိုက်ပျိုးရေးဝန်ကြီးဌာန၊ ဒေသခံသမဝါယမများ၊  နိုင်ငံတကာမိတ်ဖက်များနှင့် ဆက်လက်ညှိနှိုင်းဆောင်ရွက်သွားမည်ဖြစ်ကြောင်း ထုတ်ပြန်ထားသည်။ CRF သည် ၎င်း၏ရှိပြီးသားဈေးကွက်များကို ဆက်လက်အားကောင်းစေပြီး အာဖရိကနှင့် အရှေ့အလယ်ပိုင်းရှိ ဈေးကွက်များကို ဆက်လက်စူးစမ်းလေ့လာပြီး ဈေးကွက်အသစ်များသို့ ထိုးဖောက်ဝင်ရောက်ရန် အခွင့်အလမ်းများရှာဖွေနေပြီး ၎င်းသည် ၂၀၂၆ ခုနှစ်တွင် တန်ချိန် တစ်သန်းရည်မှန်းချက်သို့ ရောက်ရှိရန် နိုင်ငံအား ကူညီပေးမည်ဖြစ်ကြောင်း သိရှိရပါသည်။

Source: Khmer Times                                                           

DOCA(ရန်ကုန်)