ပြည်ပကုန်သွယ်မှုသတင်းများ

Apple သည် M3 ချစ်ပ်ထည့်သွင်းပြုလုပ်ထားသော ၁၁ လက်မနှင့် ၁၃ လက်မ အရွယ်နှစ် မျိုးရှိ‌သော iPad Air မော်ဒယ်သစ်များကို ဖေဖော်ဝါရီလ ၄ ရက်နေ့က မိတ်ဆက်ခဲ့သည်။ iPad Air အသစ် သည် Apple Intelligence ကို ပံ့ပိုးပေးပြီး M3 ချစ်ပ်အသုံးပြုထားသည့် iPad Air သည် M1 ချစ်ပ် အသုံးပြုထားသည့် iPad Air နှင့် နှိုင်းယှဉ်ပါက ၂ ဆနီးပါး ပိုမြန်ပြီး A14 Bionic ရှိသော iPad Air ထက် 3.5 ဆ ပိုမြန်သည်ဟု Apple မှ ပြောကြားခဲ့သည်။ ထို့အပြင် Apple မှ M3 ရှိ Neural Engine သည် M1 နှင့် နှိုင်းယှဉ်ပါက AI-based workloads အတွက် ၆၀ ရာခိုင်နှုန်းအထိ ပိုမြန်သည်ဟုဆို သည်။ ကုမ္ပဏီသည် iPad ကို သိုလှောင်မှု နှစ်ဆနှင့် A16 ချစ်ပ်ဖြင့် အဆင့်မြှင့်တင်ထားကြောင်း လည်း ကုမ္ပဏီက မှတ်ချက်ပြုခဲ့သည်။ A16 ပါသော iPad အသစ်သည် ယခင်မျိုးဆက်ထက် ၃၀ ရာခိုင်နှုန်းနီးပါး ပိုမြန်သည်။ ၁၁ လက်မ မော်ဒယ်အတွက် အမေရိကန် ဒေါ်လာ ၅၉၉ နှင့် ၁၃ လက်မ မော်ဒယ်အတွက် ၇၉၉ ဒေါ်လာ ၊ 128GB၊ 256GB၊ 512GB နှင့် 1TB အမျိုးအစားများ ပါဝင်သည်။ iPad Air အသစ်ကို အင်္ဂါနေ့မှစတင်၍ ကြိုတင်မှာယူနိုင်မည်ဖြစ်ပြီး မတ်လ 12 ရက်နေ့တွင် စတင်ရောင်းချမည်ဖြစ်ကြောင်း ကုမ္ပဏီက ပြောကြားခဲ့သည်။ 

DOCA(ရန်ကုန်)

          ၂၀၂၅ ခုနှစ်၏ ပထမ ၂ လတွင် ဗီယက်နမ်၏ငရုတ်ကောင်းတင်ပို့မှုသည် ၂၀၂၄ ခုနှစ် တူညီသည့်ကာလနှင့်နှိုင်းယှဉ်ပါက ပမာဏတွင် ၉.၄ ရာခိုင်နှုန်းကျဆင်းခဲ့သော်လည်း တန်ဖိုးတွင် ၅၂ ရာခိုင်နှုန်းမြင့်တက်ခဲ့ကြောင်း သိရပါသည်။ ဗီယက်နမ်နိုင်ငံ ငရုတ်ကောင်းနှင့် ဟင်းခတ်အမွှေးအကြိုင်အသင်း၏ အဆိုအရ နိုင်ငံသည် ထို ၂ လတာကာလအတွင်း ငရုတ်ကောင်း တန်ချိန် ၂၈၀၀၀ တင်ပို့ရာမှ ဝင်ငွေ အမေရိကန်ဒေါ်လာ ၁၈၈.၇ သန်း ရရှိခဲ့ကြောင်း သိရပါသည်။ ၎င်းတို့၏စိုက်ခင်းဧရိယာသည် ကော်ဖီ၊  ရာဘာ၊ လက်ဖက်နှင့် သီဟိုဠ်ကဲ့သို့‌သော အခြား အဓိက သီးနှံများထက် နည်းပါးသော်လည်း ငရုတ်ကောင်းသည် တန်ဖိုးမြင့်ကုန်ပစ္စည်းအဖြစ် ဆက်လက် ရပ်တည်နေကြောင်း သိရပါသည်။ ငရုတ်ကောင်း စိုက်ပျိုးသည့်ဧရိယာသည် ကော်ဖီအတွက် အသုံးပြုသည့်မြေနေရာ၏ ၁၅ ရာခိုင်နှုန်းနှင့် ရာဘာအတွက်အသုံးပြုသည့် မြေနေရာ၏ ၁၂ ရာခိုင်နှုန်းသာရှိကြောင်း သိရပါသည်။ သို့သော် ၎င်းတို့တင်ပို့ရာမှ ဝင်ငွေရရှိမှုသည် ကော်ဖီတင်ပို့ ရာမှ ဝင်ငွေရရှိသည့် အမေရိကန်ဒေါ်လာ ၅.၆ ဘီလီယံ၏ ၂၃ ရာခိုင်နှုန်းနှင့် ရာဘာတင်ပို့ရာမှ ဝင်ငွေရရှိသည့် အမေရိကန်ဒေါ်လာ ၃.၄ ဘီလီယံ၏ ၃၈ ရာခိုင်နှုန်းရှိကြောင်း သိရပါသည်။ ထိုကိန်းဂဏန်းများသည် ငရုတ်ကောင်းလုပ်ငန်းနယ်ပယ်၏ အပြည့်အဝမရောက်ရှိသေးသည့် အလားအလာနှင့် ဆက်လက်ကြီးထွားရန်အတွက် သေချာမှုရှိသော အခွင့်အလမ်းများကို ပြသနေ ကြောင်း သိရပါသည်။ ‌ရေရှည်စဉ်ဆက်မပြတ်ကြီးထွားရန်အတွက် ဗီယက်နမ်နိုင်ငံ စိုက်ပျိုးမွေးမြူ ရေးနှင့် သဘာဝပတ်ဝန်းကျင်ဝန်ကြီးဌာနသည် ငရုတ်ကောင်းသီးနှံလုပ်ငန်းဖွံ့ဖြိုးတိုးတက်ရေး အတွက် အထူးအစီအစဉ်ကို တည်ထောင်ထားကြောင်း သိရပါသည်။ ထိုမဟာဗျူဟာသည် ငရုတ်ကောင်းစိုက်ခင်းဧရိယာကို ဟတ်တာ ၈၀၀၀၀ နှင့် ၁၀၀၀၀၀ ကြားထိမ်းသိန်းထားရန်၊ ၁ ဟတ်တာလျှင် တန်ချိန် ၂.၄ မှ ၂.၅ တန်ကြားထွက်ရှိရန်နှင့် နှစ်စဉ် တန်ချိန် ၂၀၀၀၀၀ မှ ၃၀၀၀၀၀ ကြားထုတ်လုပ်နိုင်ရန် ရည်ရွယ်ကြောင်း သိရပါသည်။

DOCA(ရန်ကုန်)

          တရုတ်နိုင်ငံ၊ Henan ပြည်နယ်မှ ကုမ္ပဏီ ၅၀ ခန့်၏ ထိပ်တန်း ကိုယ်စားလှယ်များသည် ရင်းနှီးမြှုပ်နှံမှုအခွင့်အလမ်းများကိုရှာဖွေရန်အတွက် ကမ္ဘောဒီးယားနိုင်ငံသို့ရောက်ရှိနေပြီး နှစ်နိုင်ငံအကြား စီးပွားရေးဆက်ဆံမှုများ ပိုမိုနက်ရှိုင်းလာမှုကို ထင်ဟပ်စေခဲ့သည်။ Henan ပြည်နယ်၊ Guangzhou မြို့ ပြည့်သူ့အုပ်ချုပ်ရေးကောင်စီ၏ ဒုတိယအုပ်ချုပ်ရေးမှူး Li Fengzhi ဦးဆောင်သော ကိုယ်စားလှယ်အဖွဲ့သည် ကမ္ဘောဒီးယားနိုင်ငံ၊ ဖွံ့ဖြိုးတိုးတက်ရေးကောင်စီ (CDC) ၏ ဒုတိယဥက္ကဋ္ဌ Sun Chanthol နှင့် တွေ့ဆုံခဲ့သည်။ အဆိုပါတွေ့ဆုံပွဲသို့ ကမ္ဘောဒီးယားနိုင်ငံဆိုင်ရာ တရုတ်သံအမတ်ကြီး Wang Wenbin၊ သက်ဆိုင်ရာဝန်ကြီးဌာနမှ တာဝန်ရှိသူများ၊ သက်ဆိုင်ရာအဖွဲ့အစည်းများ၊ ကမ္ဘောဒီးယားနိုင်ငံ၊ Oknha အသင်းမှ အဖွဲ့ဝင်များနှင့် အခြားတာဝန်ရှိသူများ တက်ရောက်ခဲ့ကြသည်။ Sun Chanthol က ကမ္ဘောဒီးယားနိုင်ငံ၏ ရင်းနှီးမြှုပ်နှံမှုကဏ္ဍကို ခိုင်မာစေသော “iron-clad” ကမ္ဘောဒီးယာ-တရုတ် ချစ်ကြည်ရေးကို အလေးပေးသည့် ခရီးစဉ်အတွက် ကျေးဇူးတင်ရှိကြောင်း ပြောကြားခဲ့ သည်။ စက်ရုံများ၊ မော်တော်ကားလုပ်ငန်း၊ လျှပ်စစ်ပစ္စည်းလုပ်ငန်း၊ အခြေခံ အဆောက်အအုံ၊ စိုက်ပျိုးရေးလုပ်ငန်း၊ အစားအသောက်ထုတ်လုပ်ခြင်းလုပ်ငန်း၊ Green Energy ၊ ပညာရေး၊ ကျန်းမာရေးစောင့်ရှောက်မှု၊ ဒစ်ဂျစ်တယ်နည်းပညာ၊ အသေးစားနှင့်အလတ်စားစီးပွားရေး လုပ်ငန်များ (SMEs) အပါအဝင် အဓိကကဏ္ဍများတွင် ကမ္ဘောဒီးယားနိုင်ငံ၏ ရင်းနှီးမြှုပ်နှံမှု အလားအလာများကို ဆက်လက်ပြောကြားခဲ့သည်။ Wang Wenbin က ကမ္ဘောဒီးယား-တရုတ် ဆက်ဆံရေးသိသိသာသာတိုးတက်လာမှုကို ချီးကျူးခဲ့ပြီး ဒေသတွင်းအဓိကရင်းနှီးမြှုပ်နှံမှု နေရာတစ်ခုအဖြစ် ကမ္ဘောဒီးယား၏ ဆွဲဆောင်နိုင်မှုအား အလေးပေးပြောကြားခဲ့သည်။ ဖေဖော်ဝါရီလ အစောပိုင်းတွင်ထုတ်ပြန်ခဲ့သော CDC ၏အစီရင်ခံစာအရ ၂၀၂၅ ခုနှစ်၊ ဇန်နဝါရီလအတွင်း တရုတ်နိုင်ငံ ရင်းနှီးမြှုပ်နှံမှုသည် ကမ္ဘောဒီးယားနိုင်ငံ၏ စုစုပေါင်း ရင်းနှီမြှုပ်နှံမှု ပမာဏ၏ ၇၃.၃၅ ရာခိုင်နှုန်းခန့် ရှိခဲ့သည်။

DOCA(ရန်ကုန်)

          ကမ္ဘောဒီးယားနိုင်ငံရှိ Canadian Chamber of Commerce (CanCham) သည် နိုင်ငံခြားဈေးကွက်များတွင် ကမ္ဘောဒီးယား အသေးစားနှင့်အလတ်စားလုပ်ငန်းများ (SME) ထုတ်ကုန်များ မြှင့်တင်ရန်အတွက် ကမ္ဘာတစ်ဝှမ်းရှိ ၎င်းတို့ဖြန့်ကျက်ထားသော ကွန်ရက်များကို အသုံးပြုမည်ဖြစ်ကြောင်း ကမ္ဘောဒီးယား-အာဆီယံ စီးပွားရေးထိပ်သီးအစည်းအဝေး ၂၀၂၅ တွင် Victor La က ထုတ်ဖော်ပြောကြားခဲ့သည်။ ကမ္ဘောဒီးယား  SMEs ထုတ်ကုန်များနှင့် ၎င်းတို့၏ ထုတ်ကုန်များကို ကနေဒါနိုင်ငံ၏ ဈေးကွက်တွင်သာမက အာဆီယံနှင့် အခြားနိုင်ငံများ၏ ဈေးကွက်များ အထိမြှင့်တင်ရည်ရွယ်ထားကြောင်းပြောကြားခဲ့သည်။ (SME) ထုတ်ကုန်များ မြှင့်တင်ခြင်း အခန်းကဏ္ဍသည် ကမ္ဘောဒီးယား စီးပွားရေးလုပ်ငန်းများအတွက် အကျိုးရှိစေမည့် အခွင့်အလမ်းများကိုရှာဖွေပြီး SME ထုတ်ကုန်များနှင့် ကမ္ဘောဒီးယား ထုတ်ကုန်များကို နိုင်ငံတကာဈေးကွက်တွင် မြှင့်တင်နိုင်စေနိုင်ကြောင်းထပ်မံပြောကြားခဲ့သည်။ ကမ္ဘောဒီးယား နိုင်ငံအတွင်း လည်ပတ်နေသော ကနေဒါကုမ္ပဏီအရေအတွက်သည် လာမည့်နှစ်များအတွင်း မြင့်တက်လာနိုင်ကြောင်းနှင့် ကနေဒါသည် သတ္တုတူးဖော်ရေးလုပ်ငန်းများနှင့် ဆက်စပ် နည်းပညာများတွင် ကျွမ်းကျင်မှုရှိပြီး နှစ်နိုင်ငံအကြား ပူးပေါင်းဆောင်ရွက်မှုအတွက် ပိုမို ကောင်းမွန်နိုင်ကြောင်း Victor La က ထပ်လောင်းပြောကြားခဲ့သည်။

DOCA(ရန်ကုန်)

          ကမ္ဘောဒီးယားနိုင်ငံ၊ ဖွံ့ဖြိုးတိုးတက်ရေးကောင်စီ(CDC) ၏ ဒုတိယဥက္ကဋ္ဌ Sun Chanth နှင့် East Group of Companies ၏ ထိပ်တန်းစီမံခန့်ခွဲမှုတို့သည် Sihanoukvill ပြည်နယ်၊ Prey Nob ခရိုင်တွင် အထူးစီးပွားရေးဇုန် (SEZ) အသစ်တည်ထောင်ရန် အစီအစဉ်များကို ၅-၃-၂၀၂၅ ရက်နေ့က တွေ့ဆုံဆွေးနွေးခဲ့ကြသည်။ ထိုတွေ့ဆုံဆွေးနွေးပွဲသို့ (CDC) ၏ ကမ္ဘောဒီးယား ရင်းနှီးမြှုပ်နှံမှု ဘုတ်အဖွဲ့အထွေထွေအတွင်းရေးမှူးချုပ် Chea Vuthy နှင့် အခြား (CDC) ၏ အကြီးတန်းအရာရှိများ တက်ရောက်ခဲ့ကြသည်။ အထူးစီးပွားရေးဇုန်များသည် ရင်းနှီးမြှုပ်နှံ သူများကို သွင်းကုန်နှင့်ပို့ကုန်များအတွက် ‘one-stop’ ဝန်ဆောင်မှုပေးနိုင်ရန် နိုင်ငံတစ်ဝှမ်းတွင် တည်ထောင်ထားပြီး ကုန်သွယ်မှုကိုများစွာလွယ်ကူစေသည်။ အဆိုပါ အချက်အချာကျသော နေရာများသည် နိုင်ငံတော်၏စီးပွားရေးဖွံ့ဖြိုးတိုးတက်မှုတွင် အဓိကကျပြီး သယ်ယူပို့ဆောင်ရေး လမ်းကြောင်းများနှင့် ပိုမိုချိတ်ဆက်လျက်ရှိသည်။ ၂၀၂၄ ခုနှစ်တွင် (CDC) မှ အထူးစီးပွားရေးဇုန် များ(SEZs) တွင် ရင်းနှီးမြှုပ်နှံမှု အမေရိကန်ဒေါ်လာ ၈၅၀ သန်းဖြင့် စီမံကိန်း ၁၀ ခုကို အတည်ပြုခဲ့ပြီး စုစုပေါင်းအလုပ်အကိုင် ၄,၀၀၀ ခန့်ဖန်တီးပေးနိုင်ခဲ့ကြောင်း ထုတ်ပြန်ထား သည်။

DOCA(ရန်ကုန်)