ပြည်ပကုန်သွယ်မှုသတင်းများ

            ဗီယက်နမ်အမျိုးသားစက်မှု-စွမ်းအင်အုပ်စု (Petrovietnam) မှ ဒုတိယညွှန်ကြား‌ရေးမှူး Dr Le Xuan Huyen ဦးဆောင်သည့်ကိုယ်စားလှယ်အဖွဲ့သည် တရုတ်၏ Xinfengming Group (XFM) ၏ ရုံးချုပ်သို့သွားရောက်လည်ပတ်ခဲ့ပြီး ဆွေးနွေးမှုများပြုလုပ်ခဲ့ကြောင်း သိရပါသည်။ ထိုကိုယ်စား လှယ်အဖွဲ့တွင် Petrovietnam ၏ ကုမ္ပဏီခွဲများဖြစ်သည့် Vietnam Petrochemical and Fibre Joint Stock Company (VNPOLY) နှင့် Petrovietnam Fertilizer and Chemicals Corporation (PVFCCo) တို့မှ တာဝန်ရှိသူများ ပါဝင်ကြောင်းသိရပါသည်။ XFM သည် PTA နှင့် polyester ဖိုက်ဘာထုတ်လုပ်မှုကွင်းဆက်တွင် တရုတ်၏ထိပ်တန်းလုပ်ငန်းများထဲမှတစ်ခုဖြစ်ပြီး ၂၀၂၄ ခုနှစ်တွင် ဝင်ငွေအမေရိကန်ဒေါ်လာ ၉.၅ ဘီလီယံရရှိခဲ့ကြောင်း သိရပါသည်။ နှစ်စဉ် ထုတ်လုပ်နိုင်စွမ်းမှာ PTA တန်ချိန် ၈ သန်း၊ PSF ဖိုက်ဘာ တန်ချိန် ၁.၃ သန်းနှင့် polyester ချည်မျှင် တန်ချိန် ၈.၄ သန်းဖြစ်ကြောင်း သိရပါသည်။ ၎င်းတို့၏ထုတ်ကုန်များသည် အဓိကအား ဖြင့်တရုတ်ဈေးကွက်ဖြစ်သော်လည်း ဗီယက်နမ်အပါအဝင် များစွာသောနိုင်ငံများသို့ တင်ပို့ ကြောင်း သိရပါသည်။ အစည်းအဝေးအတွင်း Petrovietnam နှင့် XFM ခေါင်းဆောင်များသည် Dinh Vu ဖိုက်ဘာစက်ရုံတွင် VNPOLY နှင့်အတူ polyester ဖိုက်ဘာထုတ်လုပ်ခြင်းတွင် ပူးပေါင်း ဆောင်ရွက်ရန်ဆွေးနွေးခဲ့ကြပြီး polyester ဖိုက်ဘာထုတ်လုပ်မှုကွင်းဆက်တစ်လျှောက်တွင် အခြားအခွင့်အလမ်းများကို ရှာဖွေခဲ့ကြကြောင်း သိရပါသည်။ Dr Le က XFM ၏ ပူးပေါင်း ဆောင်ရွက်ရန်ဆန္ဒရှိမှုကို အမွှမ်းတင်ပြောကြားခဲ့ပြီး ၎င်းသည် ရေရှည်နှင့် အပြန်အလှန်အကျိုး ကျေးဇူးရှိသောမိတ်ဖက်ဖွဲ့မှုအတွက် ခိုင်မာသောအုတ်မြစ်တစ်ခုဖြစ်ကြောင်း ပြောကြားခဲ့ပါသည်။ ထို့ပြင် Dr Le က XFM ၏အကြီးတန်းခေါင်းဆောင်များအား ဆက်လက်ဆွေးနွေးရန်အတွက် ဗီယက်နမ်သို့လာရောက်လည်ပတ်ရန်ဖိတ်ကြားခဲ့ကြောင်း သိရပါသည်။ အစည်းအဝေးသည် polyester ဖိုက်ဘာထုတ်လုပ်ခြင်းတွင် Petrovietnam နှင့် XFM အကြား လက်တွေ့ပူးပေါင်း ဆောင်ရွက်ရန်အတွက် မျှော်လင့်ချက်အလားအလာများကို တံခါးဖွင့်လှစ်ပေးခဲ့ကြောင်း သိရပါ သည်။ နှစ်ဖက်စလုံးသည် ရေနံဓာတုနှင့် ဓာတုပစ္စည်းများထုတ်လုပ်ခြင်းတွင် နက်ရှိုင်းစွာပူးပေါင်း ‌ဆောင်ရွက်မှုကိုမြှင့်တင်ရန်အတွက် ဖောင်ဒေးရှင်းတစ်ခုတည်ထောင်ရန်သဘောတူညီခဲ့ကြပြီး ထိုမှတစ်ဆင့် Petrovietnam ၏ နိုင်ငံတစ်ကာပုံရိပ်မြှင့်တင်ကာ ကဏ္ဍသစ်တွင် ၎င်းတို့၏ စဉ်ဆက်မပြတ်ဖွံ့ဖြိုး တိုးတက်မှုမဟာဗျူဟာကို အကောင်အထည်ဖော်သွားမည်ဟု သိရပါ သည်။

  DOCA (ရန်ကုန်)

              ရေနံစိမ်းဈေးမြင့်တက်လာမှုနှင့် အမေရိကန်ဒေါ်လာနှင့်ယှဉ် ပြည်တွင်းငွေကြေးတန်ဖိုးကျ ဆင်းမှုကြောင့် တောင်ကိုရီးယားသို့ သွင်းကုန်ပစ္စည်းများ၏ဈေးနှုန်းသည်သုံးလဆက်တိုက်မြင့်တက်လာကြောင်းအောက်တိုဘာလ၁၇ ရက်နေ့ထုတ်ပြန်သော ဗဟိုဘဏ်အချက်အလက်များအရ သိရှိရပါသည်။

          သွင်းကုန်ဈေးနှုန်းအညွှန်းကိန်းသည် ဇူလိုင်လတွင် ၀.၈ ရာခိုင်နှုန်းနှင့် ဩဂုတ်လတွင် ၀.၃ ရာခိုင်နှုန်းမြင့်တက်ခဲ့ပါသည်။ စက်တင်ဘာလတွင် ယခင်လကထက် ၀.၂ ရာခိုင်နှုန်း တက်လာခဲ့ ကြောင်း  ကိုရီးယားဘဏ် (BOK) ကပြောကြားခဲ့ပါသည်။

          တောင်ကိုရီးယားနိုင်ငံ၏ စံနှုန်းဖြစ်သည့် ဒူဘိုင်းရေနံစိမ်းဈေးနှုန်းသည် စက်တင်ဘာလ တွင် တစ်စည်လျှင် ပျှမ်းမျှ အမေရိကန်ဒေါ်လာ ၇၀.၀၁ ရှိခဲ့ပြီး ယခင်လက ဒေါ်လာ ၆၉.၃၉ မြင့်တက်လာ ခဲ့ပါသည်။

          ဝမ်ငွေနှင့် ဒေါ်လာငွေလဲနှုန်းသည် ဩဂုတ်တွင် ၁၃၈၉၆၆ ဝမ်မှ စက်တင်ဘာလတွင် တစ်ဒေါ်လာလျှင် ၁၃၉၁၈၃ ဝမ် အထိ မြင့်တက်လာခဲ့ပါသည်။ သွင်းကုန် ကုန်ကြမ်းဈေးနှုန်းသည် စက်တင်ဘာလတွင် လစဉ်အခြေခံဖြင့် ၀.၁ ရာခိုင်နှုန်း ကျဆင်းခဲ့ပြီး ဈေးသက်သာသော သဘာဝ ဓာတ်ငွေ့ (LNG) ကြောင့် ဈေးပိုကြီးသော ရေနံစိမ်းကို ကာမိစေခဲ့ပါသည်။

          ကြားခံကုန်ပစ္စည်းများ၏ သွင်းကုန်ဈေးနှုန်းသည် ပြီးခဲ့သည့်လက ၀.၅ ရာခိုင်နှုန်းအထိ ဆက်တိုက်မြင့်တက်ခဲ့ပြီး တတိယမြောက်လ အဖြစ် ဆက်တိုက်မြင့်တက်ခဲ့ပါသည်။ သွင်းကုန် အရင်း အနှီးကုန်စည်များ၏ ဈေးနှုန်းသည် ၀.၂ ရခိုင်နှုန်းကျဆင်းခဲ့သော်လည်းစက်တင်ဘာလ တွင် သွင်ကုန်သုံးစွဲသူ ကုန်ပစ္စည်းဈေးနှုန်းသည် ၀.၁ ရာခိုင်နှုန်း တိုးလာခဲ့ပါသည်။

          ပို့ကုန်ဈေးနှုူန်းအညွှန်းကိန်းသည် ဇူလိုင်လတွင် ၀.၈ ရာခိုင်နှုန်းနှင့် ဩဂုတ်လတွင် ၀.၆ ရာခိုင်နှုန်း တိုးတက်ပြီးနောက် စက်တင်ဘာလတွင် ယခင်လထက် ၀.၆ ရာခိုင်နှုန်း မြင့်တက်ခဲ့ပါသည်။

   DOCA (ရန်ကုန်)

              ကာဂျစ္စတန်နိုင်ငံ၏ စီးပွားရေးသည် ၂၀၂၅ ခုနှစ် ပထမ ၉ လအတွင်းတွင် ၁၀ ရာခိုင်နှုန်း တိုးတက်ခဲ့ကြောင်း နိုင်ငံ၏ စာရင်းအင်းဌာနက အောက်တိုဘာ ၁၅ ရက်နေ့တွင် ထုတ်ပြန်ခဲ့သည့် အချက်အလက်များအရ သိရှိရပါသည်။

          နိုင်ငံ၏ပြည်တွင်းအသားတင်ထုတ်လုပ်မှု (GDP) သည် ၂၀၂၅ ခုနှစ် ဇန်နဝါရီလ မှ စက်တင်ဘာလအတွင်း အမေရိကန်ဒေါ်လာ ၁၄.၂ ဘီလီယံ ကျော် စုစုပေါင်းရရှိခဲ့ရာ ၂၀၂၄ ခုနှစ် အလားတူကာလနှင့် နှိုင်းယှဉ်ပါက ၁၀ ရာခိုင်နှုန်း မြင့်တက်လာခဲ့ပါသည်။

          ဝန်ဆောင်မှုလုပ်ငန်းသည် GDP ၏ ၅၀ ရာခိုင်နှုန်း၊ ကုန်ပစ္စည်းထုတ်လုပ်မှုသည် ၃၄.၇ ရာခိုင်နှုန်း၊ ကုန်ပစ္စည်းအခွန်အခများမှာ ၁၅.၃ ရာခိုင်နှုန်း ရှိပါသည်။

          စက်မှုထုတ်လုပ်မှုသည် ၁၀.၂ ရာခိုင်နှုန်း၊ ဆောက်လုပ်ရေးလုပ်ငန်းသည် ၂၉.၆ ရာခိုင်နှုန်း၊ လက်လီလက်ကားရောင်းချမှုများသည် ၁၀.၉ ရာခိုင်နှုန်း၊ စိုက်ပျိုးရေး၊ သစ်တောနှင့် ငါးလုပ်ငန်းများသည် ၀.၉ ရာခိုင်နှုန်း တိုးတက်ခဲ့ပါသည်။

          ကာဂျစ္စတန်နိုင်ငံ၏ နိုင်ငံခြားကုန်သွယ်မှုလည်ပတ်မှုသည် ၂၀၂၅ ခုနှစ် ဇန်နဝါရီ-သြဂုတ်လတွင် အမေရိကန်ဒေါ်လာ ၉.၈၅ ဘီလီဘံ ရောက်ရှိခဲ့ပြီး ယခင်နှစ်အလားတူကာလ ထက် ၉.၁ ရာခိုင်နှုန်း ကျဆင်းခဲ့ပါသည်။ အဆိုပါကျဆင်းမှုသည် အဓိကအားဖြင့် ပို့ကုန် ၂၃.၇ ရာခိုင်နှုန်းနှင့် သွင်းကုန် ၅.၂ ရာခိုင်နှုန်း ကျဆင်းခဲ့ခြင်းကြောင့်ဖြစ်ပါသည်။ စုစုပေါင်း ကုန်သွယ်မှု၏ ပို့ကုန်သည် ၁၇.၆ ရာခိုင်နှုန်း ရှိပြီးသွင်းကုန်သည် ၈၂.၄ ရာခိုင်နှုန်း ရှိကြောင်း သိရှိရပါသည်။

DOCA (ရန်ကုန်)

      မလေးရှား၏ Melaka ပြည်နယ်သည် ဗီယက်နမ်လုပ်ငန်းများအတွက် အခွင့်အလမ်းများ ပေးစွမ်းရန်မျှော်မှန်းရသည့် ပြည်နယ်ဟာလာလုပ်ငန်းဖွံ့ဖြိုးတိုးတက်‌ရေးကောင်စီတည်ထောင်မည့် ၎င်းတို့၏ အစီအစဉ်ကိုကြေညာခဲ့ကြောင်း သိရပါသည်။ Melaka ပြည်နယ်ဝန်ကြီးချုပ် Ab Rauf Yusoh က ကောင်စီသည် ရင်းနှီးမြှုပ်နှံသူများဝင်ရောက်ရန်နှင့် ဟာလာအသိအမှတ်ပြု လက်မှတ်ခွင့်ပြုရန် ကြိုးပမ်းနေကြောင်း ပြောကြားခဲ့ပါသည်။ ကောင်စီတည်ထောင်ခြင်းသည် ဗီယက်နမ်လုပ်ငန်းများက အသိအမှတ်ပြုလက်မှတ်အခက်အခဲကိုကျော်လွှားရန်နှင့် Melaka ဈေးကွက်နှင့် ကျယ်ပြန့်သောဒေသဆိုင်ရာဟာလာစီးပွားရေးသို့ ဝင်ရောက်ရန်အတွက် အပေါင်း လက္ခဏာဆောင်သောအချက်တစ်ခုဖြစ်ကြောင်း သိရပါသည်။ Melaka သည် ဒေသတွင်းဟာလာ အချက်အချာအဖြစ်တည်ရှိနေသောကြောင့် ဗီယက်နမ်ပို့ကုန်လုပ်ငန်းရှင်များအတွက် အခွင့် အလမ်းသစ်များ ပေါ်ထွက်လာစေကြောင်း သိရပါသည်။ ဗီယက်နမ်ပို့ကုန်လုပ်ငန်းရှင်များသည် ကျယ်ပြန့်သောကုန်သွယ်ရေးလိုအပ်ချက်နှင့် တင်းကျပ်သောအစ္စလာမ်အသိအမှတ်ပြုစံနှုန်း ပြသနာများနှင့် ရင်ဆိုင်နေရသော်လည်း ဟာလာကဏ္ဍတွင် ဗီယက်နမ်-မလေးရှားကုန်သွယ်ရေး သည် ကြီးထွားမှုအားကောင်းလျှက်ရှိကြောင်း သိရပါသည်။ ဗီယက်နမ်အကောက်ခွန်ဦးစီးဌာန၏ အဆိုအရ ၂၀၂၅ ခုနှစ်၏ ပထမ ၉ လတွင် နှစ်နိုင်ငံအပြန်အလှန်ကုန်သွယ်မှုတန်ဖိုးမှာ အမေရိကန် ဒေါ်လာ ၁၂ ဘီလီယံကျော်ခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၁၂.၉ ရာခိုင်နှုန်း မြင့်တက်ခဲ့သော်လည်း ဗီယက်နမ်က ကုန်သွယ်ရေးလိုငွေ အမေရိကန်ဒေါ်လာ ၄.၂၉ ဘီလီယံပြခဲ့ကြောင်း သိရပါသည်။ မလေးရှားနိုင်ငံဆိုင်ရာ ဗီယက်နမ် ကုန်သွယ်ရေး တာဝန်ခံဖြစ်သူ Ngo Quang Hung က မ‌လေးရှားသည် အားကောင်းသောဝယ်ယူအား၊ စားသုံးသူလိုအပ်ချက်များ ကွဲပြားမှုနှင့် ဗီယက်နမ်ထုတ်ကုန်များနှင့် ကိုက်ညီသည့်စားသုံးမှု ပုံစံရှိသည့် ဆွဲဆောင်မှုရှိသော ဈေးကွက်ဖြစ်ကြောင်းပြောကြားခဲ့ပါသည်။ သို့သော် ဗီယက်နမ်၏ တင်ပို့မှုများမှာ တရုတ်၊ ထိုင်း နှင့် အင်ဒိုနီးရှားတို့ထံမှ ပြင်းထန်သည့် ယှဉ်ပြိုင်မှုများနှင့် ကြုံတွေ့ရလျှက်ရှိကြောင်း သိရပါသည်။

Vietnam Plus                                                                            

DOCA (ရန်ကုန်)

       Viettel Military Industry and Telecoms Group (Viettel) သည် လာအိုတွင် Unitel Logistics ဖွင့်လှစ်ပြီး ထောက်ပံ့ပို့ဆောင်ရေးနှင့် နိုင်ငံတကာသယ်ယူပို့ဆောင်ရေးကဏ္ဍသို့ တိုးချဲ့ မည်ဖြစ်ကြောင်း အောက်တိုဘာလ ၁၆ ရက်နေ့က ကြေညာခဲ့ပါသည်။ အခမ်းအနားကို ဗီယက်နမ် ကာကွယ်ရေးဝန်ကြီး ဗိုလ်ချုပ်ကြီး Phan Van Giang နှင့် လာအိုကာကွယ်ရေးဝန်ကြီး ဗိုလ်ချုပ်မှူး ကြီး Khamliang Outhakaysone တို့က ကာကွယ်ရေးဝန်ကြီးဌာန ၂ ခုစလုံးမှ အကြီးတန်းတာဝန် ရှိသူများနှင့်အတူတက်ရောက်ခဲ့ကြောင်း သိရပါသည်။ Unitel Logistics ကို Viettel Post နှင့် Unitel တို့ကြားပူးပေါင်းဆောင်ရွက်မှုမှတစ်ဆင့် တည်ထောင်ခဲ့ခြင်းဖြစ်ကြောင်း သိရပါသည်။ ၎င်း ကို ထောက်ပံ့မှုကွင်းဆက်စီမံခန့်ခွဲမှုနှင့် လည်ပတ်မှုများအတွက် ဘက်ပေါင်းစုံဒစ်ဂျစ်တယ်နည်း ပညာများကို အသုံးပြုထားသော ပေါင်းစပ်ထောက်ပံ့ ပို့ဆောင်ရေးလုပ်ငန်းဖြစ်လာရန် ဖန်တီးထား ကြောင်း သိရပါသည်။ Unitel Logistics သည် ထောက်ပံ့ပို့ဆောင်ရေးဝန်ဆောင်မှုများ၊ သိုလှောင် ရုံများ၊ နိုင်ငံတကာသယ်ယူပို့ဆောင်ရေးနှင့် နှစ်နိုင်ငံအကြားကုန်ပစ္စည်းများအတွက် ဝယ်လိုအား မြင့်တက်လာမှုကို ဖြည့်စည်းရန် နယ်စပ်ဖြတ်ကျော် e-commerce တို့ကို အဓိက ရည်ရွယ်ကြောင်း သိရပါသည်။ ထိုဖွင့်လှစ် မှုသည် အောက်တိုဘာ ၈ ရက်နေ့က လာအိုတွင်ပြည်တွင်းထောက်ပံ့မှု ကွင်းဆက်တည်ထောင် ရန် Viettel Post Laos နှင့် Unitel တို့ကြား ပူးပေါင်းဆောင်ရွက်မှုသဘော တူညီချက်နောက် အကောင်အထည်ဖော်ခဲ့ခြင်းဖြစ်ကြောင်း သိရပါသည်။ နှစ်ဖက်စလုံးသည် သယ်ယူပို့ဆောင်ရေး ကွန်ယက်၊ သိုလှောင်ရုံစနစ်၊ ကုန်ပစ္စည်းပေါင်းစည်းရေးစင်တာများနှင့် နယ်စပ်ဖြတ်ကျော်လမ်း ကြောင်းများတည်ဆောက်လိမ့်မည်ဖြစ်ကြောင်း သိရပါသည်။ ကနဦး အဆင့်တွင်Unitel Logistics သည် Oudomxay ၊ Vientiane နှင့် Savannakhet တို့တွင် အဓိက ထောက်ပံ့ပို့ဆောင်ရေးစင်တာများပါဝင်သော နိုင်ငံတစ်ဝှမ်းအခြေခံအဆောက်အအုံများ၊ ဗီယက်နမ်၊ ထိုင်းနှင့် တရုတ်နယ်စပ်ဂိတ်များတွင် သိုလှောင်ရုံများ၊ မြို့တော်များနှင့် ပြည်နယ်များ တစ်လျှောက် ဝန်ဆောင်မှုစင်တာ ၁၅၀၀ ကျော်တို့တွင် ရင်းနှီးမြှုပ်နှံမည်ဟု သိရပါသည်။ သယ်ယူ ပို့ဆောင်ရေးကွန်ယက်တွင်လည်း လမ်းမ၊ ရေကြောင်းနှင့် လေကြောင်းတို့ပါဝင်ပြီး ဒေသတွင်း စီးပွားရေးအချက်အချာများနှင့် တိုက်ရိုက်ချိတ်ဆက်မည်ဟု သိရပါသည်။ Unitel Logistics သည် အစိုးရများနှင့် ကာကွယ်ရေးဝန်ကြီးဌာနများအကြားအားကောင်း‌သောပူးပေါင်း ဆောင်ရွက်မှု၏ ဥပမာတစ်ခုဖြစ်ပြီး ဒေသတွင်းအဓိကစီးပွားရေး၏အဓိကထောက်တိုင်ဖြစ်သော ကြေးနန်း ဆက်သွယ်ရေးမှ ထောက်ပံ့ပို့ဆောင်ရေးသို့ ပူးပေါင်းဆောင်ရွက်မှု တိုးချဲ့ခြင်း ဖြစ်ကြောင်း သိရပါ သည်။

Vietnam Plus                                                                            

DOCA (ရန်ကုန်)