ပြည်ပကုန်သွယ်မှုသတင်းများ

   ကမ္ဘာ့အကြီးမားဆုံးဆန်တင်သွင်းသည့် ဖိလစ်ပိုင်နိုင်ငံသည် ၎င်း၏ပြည်တွင်းလယ်သမား များကို အထောက်အကူပြုရန်အတွက် တင်သွင်းမှုကိုထိန်းချုပ်နေစဥ်တွင် အိန္ဒိယနိုင်ငံမှ ပေါများစွာ စပါးရိတ်သိမ်းမှုကြောင့် အာရှရှိဆန်စျေးနှုန်းများ ကျဆင်းလျက်ရှိကြောင်း သိရပါသည်။ အချိုတင်သွင်းသူများသည် ၃ လ မှ ၅လကြာ စားသုံးနိုင်သော ဆန်ဂိုဒေါင်များရှိနေကြောင်း ဒုတိယခေါင်းဆောင် Nitin Gupta က အနောက်အာဖရိကနိုင်ငံများကို ကိုးကာ၍ ပြောကြားခဲ့ပါသည်။ အာရှနိုင်ငံများ၏ စံသမှတ်စျေးနှုန်းသည် ၁၀ နှစ်တာကာလအတွင်းအနှိမ့်ဆုံးသို့ရောက်ရှိခဲ့ပြီး ၎င်းကြောင့် အိမ်တွင်းဘတ်ဂျက်များအတွက် သက်သာမှုများရှိခဲ့သော်လည်း လယ်သမားများ၏ ဝင်‌ငွေကို ထိခိုက်မှုများရှိနေကြောင်း သိရပါသည်။ ကမ္ဘာ့ထိပ်သီးဝယ်ယူသည့်နိုင်ငံဖြစ်သော ဖိလစ်ပိုင်နိုင်ငံသည် ၎င်းနိုင်ငံ၏ စိုက်ပျိုးရေးလုပ်ငန်းကို အထောက်အကူပြုရန်အတွက် နိုင်ငံခြားမှ ဝယ်ယူမှုများ ပိတ်ပင်မှုကို ဧပြီလအထိ ဆက်လက်သက်တမ်းတိုးချဲ့လိုက်ကြောင်း သိရပါသည်။ အောက်တိုဘာလ ၂၂ ရက်နေ့တွင် ထုတ်ပြန်ခဲ့သောထိုင်းနိုင်ငံ ဆန်တင်ပို့သူများအဖွဲ့အစည်း၏ ထုတ်ပြန်ချက်များအရ ထိုင်းနိုင်ငံ၏ ဆန်ဖြူစံစျေးနှုန်းသည် တစ်တန်လျှင် အမေရိကန်ဒေါ်လာ ၃၅၁ အထိ ၅ ရာခိုင်နှုန်းခန့် ကျဆင်းခဲ့ကြောင်း သိရပါသည်။ ထိုင်းနိုင်ငံ၊ ပါကစ္စတန်နိုင်ငံနှင့် မြန်မာနိုင်ငံမှ ဆန်စက်ရုံများသည် အိန္ဒိယနိုင်ငံမှထွက်ရှိသော ဆန်စျေးနှုန်းများထက် ၃ ရာခိုင်နှုန်း အလျော့ပေး၍ ရောင်းချမှုကို ကမ်းလှမ်းချက်များရှိနေကြောင်း Gupta က New Delhiတွင် ပြုလုပ်သော ညီလာခံ၏ သီးသန့်အစည်းအဝေးတွင် ပြောကြားခဲ့ကြောင်း သိရပါသည်။  ကမ္ဘာ့ ဆန်ထွက်ရှိမှုကို ၂၀၂၅ခုနှစ်နှင့် ၂၀၂၆ ခုနှစ်အတွင်းတွင် တန်ချိန်ပေါင်း ၅၅၆.၄ သန်းတန်ခန့် ရောက်ရှိရန် ခန့်မှန်းလျက်ရှိကြောင်းနှင့် အရှေ့တောင်အာရှနိုင်ငံများရှိ လယ်သမားများသည် ၎င်းတို့၏ ကောက်ပဲသီးနှံများကို စက်တင်ဘာလ နောက်ပိုင်းတွင် စတင်ရိတ်သိမ်းမည်ဖြစ်ပြီး ၂၀၂၅ ခုနှစ်အဆုံးတွင် စုဆောင်းမှုများပြုလုပ်မည်ဖြစ်ကြောင်း သိရပါသည်။

 DOCA (ရန်ကုန်)

     များစွာသောအနုတ်လက္ခဏာဆောင်သည့်အကြောင်းအရာများကြောင့် ၂၀၂၆ ခုနှစ်တွင် ဆန်တင်ပို့မှုငြိမ်သက်နိုင်ပြီး ပို့ကုန်လုပ်ငန်းရှင်များသည် ၂၀၂၆ ခုနှစ်အတွက် ထိုင်းနိုင်ငံ၏ ဆန်တင်ပို့မှုကို တန်ချိန် ၇.၅ သန်းဟု ခန့်မှန်းထားကြောင်း သိရပါသည်။ ထိုင်းနိုင်ငံဆန်တင်ပို့သူ များအသင်း၏ဥက္ကဌဖြစ်သူ Charoen Laothamatas က ၂၀၂၅-၂၀၂၆ အတွက် ထိုင်းနိုင်ငံ၏ဆန် ထုတ်လုပ်မှုပမာဏမှာ တန်ချိန် ၂၄ သန်းရောက်ရှိရန်ခန့်မှန်းရကြောင်း ပြောကြားခဲ့ပါသည်။ ယခုနှစ်အစမှ အောက်တိုဘာ ၂၇ ရက်နေ့အထိ ထိုင်းနိုင်ငံ၏ဆန်တင်ပို့မှုမှာ တန်ချိန် ၆.၄ သန်းရှိခဲ့ ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၂၂ ရာခိုင်နှုန်းကျဆင်းခဲ့ကြောင်း သိရပါသည်။ Mr Charoen က အိန္ဒိယကတင်ပို့မှုပြန်လည်စတင်ခြင်း၊ ကမ္ဘာလုံးဆိုင်ရာရောင်းလိုအားမြင့်တက် လာခြင်းနှင့် အင်ဒိုနီးရှားနှင့် ဖိလစ်ပိုင်အစရှိသည့် အဓိကဝယ်ယူသူများက တင်သွင်းမှုရပ်တန့်ခဲ့ ခြင်းကြောင့် ဆန်ဖြူတင်ပို့မှုမှာ သိသာထင်ရှားစွာကျဆင်းခဲ့ကြောင်း ပြောကြားခဲ့ပါသည်။ ဇန်နဝါရီလမှ အောက်တိုဘာလ ၂၇ ရက်နေ့အထိ ဆန်ဖြူတင်ပို့မှုမှာ တန်ချိန် ၂.၉ သန်းရှိပြီး ၄၃ ရာခိုင်နှုန်းကျဆင်းခဲ့ကာ ပြည်တွင်းဈေးနှုန်းများမှာလည်း ဆက်လက်ကျဆင်းနေကြောင်း သိရပါ သည်။ သို့သော် ထိုင်းနိုင်ငံ၏ hom mali ဆန်တင်ပို့မှုမှာမူ တန်ချိန် ၁.၄၉ သန်းဖြင့် ၂၀၂၄ ခုနှစ် တူညီသည့်ကာလနှင့်နှိုင်းယှဉ်ပါက ၁၁ ရာခိုင်နှုန်းမြင့်တက်ခဲ့ကြောင်း သိရပါသည်။ hom mali ဆန်အဓိကတင်သွင်းသည့်နိုင်ငံများမှာ အမေရိကန်၊ ဟောင်ကောင်နှင့် ကနေဒါတို့ဖြစ်ကြောင်း သိရပါသည်။ Mr Charoen ကယခုနှစ်အတွက် စုစုပေါင်းဆန်တင်ပို့မှုမှာ တန်ချိန် ၈ သန်းနီးပါး ရောက်ရှိနိုင်ပြီး ကနဦးရည်မှန်းချက် ၇.၅ သန်းကိုကျော်ဖြတ်နိုင်ကြောင်း ပြောကြားခဲ့ပါသည်။ အသင်းက ၂၀၂၆ ခုနှစ်အတွက်တင်ပို့မှုရည်မှန်းချက်ကို ဆန်ဖြူ ၃.၅ သန်း၊ hom mali ဆန် ၁.၇ သန်း၊ ပေါင်းဆန် ၁.၄ သန်း၊ ထိုင်းဆန်မွှေး ၆၀၀၀၀၀ နှင့် ဆန်စေး ၃၀၀၀၀၀ ပါဝင်သော စုစုပေါင်း တန်ချိန် ၇.၅ သန်း ချမှတ်ထားကြောင်း သိရပါသည်။ Mr Charoen က ထိုင်းဆန် တင်ပို့မှုသည် ကမ္ဘာလုံးဆိုင်ရာဝယ်လိုအားကို ဖြည့်စည်းရန်အတွက် ဆန်အမျိုးအစား အသစ်များ စိုက်ပျိုးရန် လိုအပ်မှုနှင့် ထုတ်လုပ်မှုနှင့် ထောက်ပံ့ပို့ဆောင်ရေး ကုန်ကျစရိတ်များ ပါဝင်သော များစွာသော စိန်ခေါ်မှုများနှင့် ရင်ဆိုင်ရနိုင်ကြောင်း ပြောကြားခဲ့ပါသည်။ အမေရိကန် စိုက်ပျိုးရေးဦးစီးဌာန၏ အဆိုအရ ၂၀၂၆ ခုနှစ်တွင် အိန္ဒိယနိုင်ငံ သည် ဆန်တန်ချိန်ပမာဏ ၂၅ သန်းတင်ပို့ပြီး ကမ္ဘာ့ ထိပ်တန်းဆန်တင်ပို့သူ အဖြစ်ရပ်တည်ပြီး ၎င်း၏နောက်တွင် ဗီယက်နမ်က တန်ချိန် ၇.၉ သန်းနှင့် ထိုင်းနိုင်ငံက တန်ချိန် ၇.၂ သန်းတင်ပို့ရန်ခန့်မှန်းထားကြောင်း သိရပါ သည်။

DOCA (ရန်ကုန်)

   ဗီယက်နမ်နိုင်ငံ Lam Dong ပြည်နယ်သည် ဟာလာဈေးကွက်အတွက် သင့်လျှော်သော ဒေသတွင်းခရီးသွားနှင့်ဝန်ဆောင်မှုထုတ်ကုန်များအတွက်ကိုရှာဖွေရန် ၄ ရက်ခရီး လာရောက် သော ကျွမ်းကျင်သူများ၊ ခရီးသွားဝန်ဆောင်မှုလုပ်ငန်းရှင်များနှင့် မလေးရှားခရီးသွားအေးဂျင့်များ အသင်းမှခေါင်းဆောင်များပါဝင်သည့် အဖွဲ့ဝင် ၂၀ ဦးပါဝင်သောကိုယ်စားလှယ်အဖွဲ့ကို ကြိုဆိုခဲ့ ကြောင်း သိရပါသည်။ ခရီးစဉ်အတွင်း ကိုယ်စားလှယ်အဖွဲ့သည် ဟာလာစံနှုန်းများနှင့်ကိုက်ညီ သည့် ခရီးသွားထုတ်ကုန်များကိုခွဲခြားရန် Da Lat နှင့် Phan Thiet တွင် စစ်တမ်းကောက်ယူ သွားမည်ဟု သိရပါသည်။ ထိုပရိုဂရမ်သည် Lam Dong ၏ ယဉ်ကျေးမှုနှင့် သင်္ကေတခရီးသွား ဝန်ဆောင်မှုများကို မြှင့်တင်ရန်ဖြစ်ကြောင်း သိရပါသည်။ ထိုကနဦးဆောင်ရွက်မှုသည် Lam Dong ၏ခရီးသွားစီးပွားရေးလုပ်ငန်းများအား မလေးရှားလုပ်ငန်းရှင်များနှင့်တွေ့ဆုံရန်၊ ခရီးသွားလုပ်ငန်း ချင်းမိတ်ဆက်ရန်နှင့် ခရီးသွား၊ ရင်းနှီးမြှုပ်နှံမှုနှင့် ကုန်သွယ်ရေးတို့တွင် အပြန်အလှန်ပူးပေါင်း ဆောင်ရွက်ရန် အခွင့်အလမ်းကိုပံ့ပိုးပေးကြောင်း သိရပါသည်။ ပရိုဂရမ်အတွင်း Lam Dong နှင့် မလေးရှားတာဝန်ရှိသူများသည် ခရီးသွားကဏ္ဍဖွံ့ဖြိုးတိုးတက်မှု၊ အလားအလာရှိသောရင်းနှီး မြှုပ်နှံမှုအခွင့်အလမ်းများနှင့် နှစ်ဖက်စလုံးမှဝန်ဆောင်မှုလုပ်ငန်း ရှင်များကြား ပူးပေါင်း ဆောင်ရွက်မှု သဘောတူညီချက်များကို ဆွေးနွေးရန်အတွက် အလုပ်ရုံ ဆွေးနွေးပွဲများကြီးမှူး ကျင်းပသွားမည်ဟု သိရပါသည်။ မူစလင်စားသုံးသူများထံသို့ ဖြည့်စည်းပေးသည့် ဟာလာ ဈေးကွက်တွင် အစားအစာ၊ အလှကုန်ပစ္စည်းများ၊ ဆေးဝါးများနှင့် ခရီးသွားကဏ္ဍတို့ပါဝင်သည့် အစ္စလာမ်စည်းမျဉ်းများနှင့် ကိုက်ညီသည့် ကုန်စည်နှင့် ဝန်ဆောင်မှုများပါဝင်ကြောင်း သိရ ပါသည်။ ၎င်းတို့သည် အရင်းအမြစ်ကုန်ကြမ်းရယူခြင်း၊ ထုတ်လုပ်ခြင်း၊ ထုပ်ပိုးခြင်းနှင့် သယ်ယူ ပို့ဆောင်ခြင်းတို့တွင် တင်းကျပ်သည့် ဟာလာစံနှုန်းများနှင့် ကိုက်ညီရမည်ဖြစ်ကြောင်း သိရပါ သည်။ Lam Dong ပြည်နယ် ယဉ်ကျေးမှု၊ အားကစားနှင့် ခရီးသွားလာရေး ဦးစီးဌာန၏အဆိုအရ ၂၀၂၅ ခုနှစ်စမှစ၍ ပြည်နယ်ကိုမလေးရှားလည်ပတ်သူ ၃၅၀၀၀ လာရောက်လည်ပတ်ခဲ့ကြောင်း သိရပါသည်။

DOCA (ရန်ကုန်)

  မွန်ဂိုလီးယားနိုင်ငံသည် ၂၀၂၅ ခုနှစ် ဆောင်းရာသီတွင် ကောက်ပဲသီးနှံစုစုပေါင်း တန်ချိန် ၇၄၅၁၀၀ အား ရိတ်သိမ်းနိုင်ခဲ့ပြီး ၂၀၂၄ ခုနှစ် ဆောင်းရာသီတွင်ရိတ်သိမ်းခဲ့သည့် ပမာဏနှင့်နှိုင်းယှဉ် ပါက ၄၀.၃ ရာခိုင်နှုန်းအထိ ကျဆင်းသွားကြောင်း မွန်ဂိုလီးယားနိုင်ငံ၏ စားနပ်ရိက္ခာ၊ စိုက်ပျိုးရေးနှင့် စက်မှုဝန်ကြီးဌာနမှ နိုဝင်ဘာလ ၅ ရက်နေ့တွင် ပြောကြားခဲ့သည်။

          လက်ရှိတွင် စိုက်ပျိုးရေးကဏ္ဍသည် မွန်ဂိုလီးယားနိုင်ငံ စုစုပေါင်းထုတ်ကုန်၏ ၁၀ ရာခိုင်နှုန်း ကျော်ရှိသည်။ မွန်ဂိုလီးယားနိုင်ငံ၏ စိုက်ပျိုးရေးသည် ခြေသလုံးအိမ်တိုင် မွေးမြူရေး လုပ်ငန်းအပေါ်မှီ ခိုနေရပြီး နိုင်ငံ၏ နယ်မြေ ၇၅ ရာခိုင်နှုန်းခန့်အား စာကျက်မြေ များအဖြစ် အသုံးပြုလျှက်ရှိကြောင်း သိရသည်။

          မွန်ဂိုလီးယားနိုင်ငံ၏ စိုက်ပျိုးရေးနှင့်မွေးမြူရေးကဏ္ဍမြှင့်တင်ရေးသည် ပြင်းထန်ရှည်လျား သော ဆောင်းရာသီမိုးခေါင်မှုနှင့် နွေရာသီမိုးရွာသွန်းမှုနည်းပါးခြင်းတို့ အပါအဝင် အပူချိန်တက်ကျ မှု လွန်ကဲခြင်းကဲ့သို့သော အခြေအနေများကြောင့် အဟန့်အတားများ ဖြစ်ပေါ်လျှက်ရှိကြောင်းသိရ သည်။

    DOCA(ရန်ကုန်)

   ဗီယက်နမ်နိုင်ငံသည် ၂၀၂၅ ခုနှစ် ပထမကိုးလအတွင်း နိုင်ငံခြားငွေပေးသွင်းသူများထံမှ အခွန်ငွေ ၈.၇၃ ထရီလီယံ(အမေရိကန်ဒေါ်လာ ၃၂၈ သန်း) ကောက်ခံခဲ့ကြောင်း ဗီယက်နမ်အခွန် ဌာန၏ ထုတ်ပြန်ချက်ကိုကိုးကား၍ ဗီယက်နမ်သတင်းအေဂျင်စီက နိုဝင်ဘာလ ၇ ရက်နေ့တွင် ဖော် ပြခဲ့သည်။

          ပြည်တွင်းနှင့် ပြည်ပပေးသွင်းသူများ အပါအဝင် စုစုပေါင်း e-commerce အခွန်ကောက် ခံမှုသည် ကိုးလတာကာလအတွင်း ဗီယက်နမ်ဒေါင် ၁၅၂ ထရီလီယံ (အမေရိကန်ဒေါ်လာ ၅.၆၃ ဘီလီယံ ) ခန့်သို့ ရောက်ရှိခဲ့ပြီး နှစ်စဉ် ၆၄ ရာခိုင်နှုန်း တိုးတက်လာကြောင်းသိရသည်။

          စက်တင်ဘာလအထိ နိုင်ငံခြား ကုမ္ပဏီပေါင်း ၁၇၆ ခုသည် e-commerce ပေါ်တယ်များမှ တစ်ဆင့် မှတ်ပုံတင်ခြင်း၊ ကြေညာခြင်းနှင့် ငွေပေးချေခြင်းများကို လုပ်ဆောင်ခဲ့ပြီး ၎င်းတွင် Meta၊ Google၊ Netflix နှင့် TikTok ကဲ့သို့သော နာမည်ကြီး Social Platform များလည်း ပါဝင်ကြောင်း သိရ သည်။

DOCA(ရန်ကုန်)