ပြည်တွင်းကုန်သွယ်မှုသတင်း

          စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်းလိုအပ်ချက် များကို ဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်း သိုလှောင် ဖြန့်ဖြူးခြင်း လုပ်ငန်း ကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်း သိရပါသည်။

          ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့်ဈေးနှုန်းဖြစ်ပေါ်မှု များအရ ၂၀၂၆ ခုနှစ်၊ ဖေဖော်ဝါရီလ  ၂၀  ရက်နေ့မှ ၂၆  ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင်ငွေကျပ် ၆,၂၅၀ ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေး ထုတ်ပြန် ကြေညာထားကြောင်း သိရှိရပါ​သည်။       

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်း သိရှိရပါသည်။

တိုင်းဒေသကြီး/ပြည်နယ် မြို့နယ်များအလိုက် ၁၉-၂-၂၀၂၆ ရက်နေ့တွင် ဖြစ်ပေါ်လျက်ရှိသော ဆန်၊ ဆီ၊ မီးဖိုချောင်သုံးပစ္စည်းများ၊ သားငါးနှင့် ဥ‌ဈေးနှုန်းများကို ပူးတွဲပါ ဖိုင်တွင် ကြည့်ရှုနိုင်ပါသည်-

      မအူပင်ခရိုင်၊ ညောင်တုန်းမြို့နယ်သည် လယ်ယာမြေစိုက်ပျိုးခြင်း၊ မွေးမြူရေး လုပ်ငန်းပြုလုပ်ခြင်း လုပ်ငန်းတို့ဖြင့် ဖွံ့ဖြိုးတိုးတက်သော မြို့နယ်တစ်ခုဖြစ်သည်။ ညောင်တုန်း မြို့နယ် နေ့စဉ် စပါးဝယ်ယူနေပြီး ၂၀၂၆ခုနှစ် ဖေဖော်ဝါရီလ ပထမပါတ်အတွင်း  မြို့နယ်တွင်းနှင့် တိုင်းဒေသကြီးအတွင်း အခြားမြို့နယ်များမှ စပါးများကို ဝယ်ယူလျက်ရှိကြောင်း သိရသည်။

        စပါးဝယ်ယူမှုအနေဖြင့် ရွှေဝါနဒီကုမ္ပဏီမှ ကရင်မစပါးအခြောက်  (၃၀၂၃)တင်း ငွေကျပ် ၁၄၇၀၀၀၀/-ဖြင့်၊ အဖျောက်မြို့နယ်မှ ဝယ်ယူခြင်း၊ အသွယ်စပါး အစို (၆၅၉၆)တင်း ငွေကျပ် ငွေကျပ် ၁၃၁၇၀၀၀/-ကျပ် ၁၂၆၆၅၀၀/-ကျပ်ဖြင့် ဘောလယ်ကျေးရွာနှင့် လေးမျက်နှာဘက်မှ စပါးအစိုဝယ်ယူခြင်း၊ ဆင်းသုခစပါး (၅၅၈၈)တင်း ငွေကျပ်၊ ၁၄၅၃၀၀၀/-ကျပ် ၁၄၇၀၀၀၀/-ကျပ် ဖြင့် ရွှေတောင်မှော်ကျေးရွာ၊ မအူပင်မြို့နယ်မှ စပါးအခြောက် ဝယ်ယူခဲ့ပြီး ဝယ်ယူသော ကုမ္ပဏီမှာ (၅၀)ပေါင် စပါးတင်း (၁၀၀)ဈေးနှုန်းဖြင့် ဝယ်ယူခဲ့ခြင်းဖြစ်သည်။

          GoodBrother ကုမ္ပဏီမှ ဆင်းသုခစပါး (၂၄၄)တင်း ငွေကျပ်၊ ၁၄၇၀၀၀၀/-ကျပ်၊   GW-11 စပါးအခြောက် (၉၅၂၄)တင်း ငွေကျပ်၊ ၁၃၇၀၀၀၀/-ကျပ်၊ ၁၃၉၀၀၀၀/-ကျပ်ဖြင့် ကျောင်းကုန်း မြို့နှင့် ညောင်တုန်းမြို့တွင်းမှလည်းကောင်း၊ ကရင်မစပါး (၄၃၈၄)တင်း ငွေကျပ်၊ ၁၄၈၀၀၀၀/-ကျပ်၊ဖြင့် မအူပင်မြို့နယ်မှဝယ်ယူခြင်း၊ ထွန်းပု စပါး တင်း (၅၀၀) ငွေကျပ် ၁၅၆၀၀၀၀/-ကျပ်ဖြင့် ညောင်တုန်းမြို့နယ်အတွင်းမှဝယ်ယူခဲ့ပြီး ပေါင်(၅၀) တင် ၁၀၀နှုန်းဖြင့်ဝယ်ယူခဲ့ကြောင်းသိရသည်။  ညောင်တုန်းမြို့နယ် ကုမ္ပဏီများမှ နေ့စဉ် စပါးဝယ်ယူမှု များကို မြို့နယ်ဦးစီးမှုးရုံးသို့ နေ့စဉ် စပါးဝယ် ယူမှုရှိ/ မရှိ အခြေအနေ စာရင်း အား  ပြုစုပေးပို့ ဆောင်ရွက်လျက်ရှိကြောင်း သိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ ဟင်္သာတခရိုင်တွင် ၂၀၂၅-၂၀၂၆ ဘဏ္ဍာနှစ် ဆောင်းသီးနှံ သီးထပ်အဖြစ် ပဲပုပ်ကို ဟင်္သာတမြို့နယ်တွင် ၁၂၅၈၇ ဧက၊ ဇလွန်မြို့နယ်တွင် ၆၉၄၀ ဧက၊ လေးမျက်နှာ ၁၀၇၈၃ ဧက နှင့် စုစုပေါင်း ၃၀၃၁၀ ဧက ကို  ၂၀၂၅ ခုနှစ် စက်တင်ဘာ နှောင်းပိုင်းက စိုက်ပျိုးခဲ့သော ဒီဇင်ဘာ တတိယသီတင်းပတ်တွင် ပဲပုပ်သီးနှံများ စတင်ရိတ်သိမ်းပြီး ဈေးကွက် ဝင်ရောက်လာခဲ့ပါသည်။ တစ်ဧကလျှင် ပျမ်းမျှ ၂၅ တင်းမှ ၃၀ တင်းကြားထွက်ရှိပြီး စတင်ထွက်ရှိချိန် ဒီဇင်ဘာနောက်ဆုံးပတ်တွင် ပဲပုပ် တစ်တင်းလျှင် ၁၀၀၀၀၀/- ကျပ်ဈေးနှုန်းဖြင့် အရောင်းအဝယ် ဖြစ်လျက်ရှိပါသော်လည်း ယခု ဖေဖော်ဝါရီ ပထမပတ်တွင် ပဲပုပ်တစ်တင်းလျှင် ၁၃၅၀၀၀/-  ကျပ်ဖြင့် ရောင်းဝယ်လျက်ရှိပါသည်။ ယခင်လ ဈေးနှုန်းဖြင့် နှိုင်းယှဉ်ပါက ၃၅၀၀၀/- ကျပ် ပိုမိုရရှိသော ကြောင့် ယခင်နှစ်ဈေးနှုန်းထက်ပင် ဈေးကောင်းရလျက်ရှိပါသည်။ ပဲပုပ် တစ်ဧကလျှင် ပျမ်းမျှ ကုန်ကျစရိတ် မှာ ၆ သိန်းကျပ်ခန့်သာရှိသဖြင့် ပဲပုပ်စိုက်တောင်သူများ တစ်ဧကပျမ်းမျှ ကျပ် သိန်း ၂၅ သိန်း ဝန်းကျင် ခန့် အကျိုးအမြတ်ရလျက်ရှိကြောင်း ပဲပုပ်စိုက်တောင်သူများထံမှ သိရှိရပါသည်။

DOCA(ဧရာဝတီ)

          မြင်းခြံမြို့နယ်၊ သမုန်းကိုင်းကျေးရွာရှိ ဥယျာဉ်ခြံမြေများ၌ စားဖိုဆောင်သီးနှံများ စိုက်ပျိုး လျက်ရှိပြီး ပဲတောင့်ရှည် ဟင်းသီးဟင်းရွက်ပင်များကို စီးပွားဖြစ်တစ်နိုင်တစ်ပိုင် စိုက်ပျိုးထား ကြောင်းသိရှိရသည်။ ပဲတောင့်ရှည်များစိုက်ပျိုးရာတွင် မျိုးအနေဖြင့် အစိမ်းနု၊ အစိမ်းရင့်၊ ကတ္တီပါ အနီရောင် မျိုးများကိုသာစိုက်ပျိုးကြောင်း၊ မြေအမျိုးမျိုးတွင် စိုက်ပျိုး၍ရကြောင်း၊ မြေကောင်းလျှင် အထွက်ပိုကောင်းကြောင်း၊ စိုက်ပျိုးရာတွင် ရေမဝပ်သောမြေတွင် စိုက်ပျိုးပြီး ထွန်ရေးအသင့်အတင့် ဖြင့် စိုက်ပျိုးနိုင်ကြောင်း သိရှိရသည်။ တိုင်‌ထောင်ပဲကို တစ်တန်းနှင့် တစ်တန်းသုံးပေခြား၍ တစ်ပင်နှင့်တစ်ပင်(၉-၁၀)လက်မခွာ၍စိုက်ပျိုးကြကြောင်း၊ အပင်များရှည်လာသောအခါ အနည်းဆုံး (၇)ပေခန့်ရှည်သော ဝါးတိုင်(သို့မဟုတ်)သစ်သားတိုင်များကို အပင်၏တိုင်ခြေတွင် ထောင်ပေးရ ကြောင်း၊ အပင်ခြေတွင် ရေမဝပ်ရန် သတိပြုရမည်ဖြစ်ကြောင်း၊ စိုက်ပျိုးပြီး (၃၀)ရက် အကြာတွင် ပဲတောင့်ရှည်များကို အစေ့နုသောအချိန်တွင်ခူးဆွတ်ရကြောင်း၊ အထွက်နှုန်းအနေဖြင့် မြေအမျိုး အစားပေါ်မူတည်ပြီး တစ်ဧကလျှင် အထွက်နှုန်း(၄၀၀)ပိဿာခန့်ထွက်ရှိကြောင်း၊ တစ်ဧက ကုန်ကျ စရိတ်အနေဖြင့် မျိုး၊ သွင်းအားစု၊ လုပ်သားခ ၊မြေပြင်ခ၊ ဝါးဖိုး၊ စိုက်ပျိုးစရိတ်အပါအဝင် (၁,၀၅၀,၀၀၀)ကျပ်ဝန်းကျင် ကုန်ကျကြောင်း၊ ၂၀၂၆ခုနှစ်၊ ဖေဖော်ဝါရီလ၌ စိုက်ခင်းအရောက် ဈေးနှုန်းမှာ တစ်ပိဿာလျှင်(၄,၅၀၀)ကျပ်၊ လက်ကားဈေးတစ်ပိဿာလျှင် (၅၀၀၀)ကျပ်၊ လက်လီ တစ်ပိဿာလျှင်(၆,၀၀၀) ကျပ်ခန့်ရရှိကြောင်း၊ တောင်သူအကျိုးအမြတ်အနေဖြင့် (၆၀၀,၀၀၀) ကျပ်ခန့် ရရှိကြောင်း၊ တောင်သူများအနေဖြင့် ကာလတိုအတွင်း စီးပွားရေးတွက်ခြေကိုက်သော သီးနှံဖြစ်ကြောင်း ပဲတောင့်ရှည် စိုက်တောင်သူတစ်ဦးထံမှ သိရှိရသည်။

DOCA(မန္တလေး)